مـ ـ ـ ـ ـ ــسجات عتـاب قـــويه !!!

السلام عليكم ورحمة الله وبركاته

هــذه مجموعه من المسجات انشــاالله تعجــبكم ..

بــس الله يعين الي بترسلونها لهم

صدقني مابقت للحب قيمه ؟
الهجر شل الوفا وأصبح مكــــــــــانه...؟؟؟
الحب كنه طفله يتيمه ؟
مــات أبوهاوأحرموها من حنانه..
صدقيني قصتي قصه إليمه
البري مظلوم والقاضي أدانه..
الاحاسيس أختفت وأمست عديمه
في الحبه كــــــل شيء وله زمـــــــانه....

عهدن على ذكرى الألم والمهانه,,
لآخذ بثار دموعنا يا خفوقي..
جرحن بجرح وكل خيانه بخيانه..
حقي,, وجرحي له من ابسط حقوقي..
®®®®®®

تشوف رقمي على الشاشه وتسفهني..
وغيرك تمنى اتصالي بالشهر مره..
والله لآخذ بثاري وانت عارفني..
من ضرني..ما اتسامح عنه واضره..
وان كان قصدك بتنطيشك تعاندني..
الله يعينك على فرقاي من بكره..
®®®®®®

نعم خسرتك ولكن في حد معقول..
وخسارتي ماهي خسارة كرامه..
وكوني خسرت الحب بالعرض بالطول..
ما يعني اني خسرت الكرامه..
والحمدلله كمل الخلق بعقول..
ماضاق صدري من زعلك وخصامه..
®®®®®®

لا تحسب اني عقبك في ندامه
ماني على حب المقفين ندمان
من باعنا بالرخص نرخص مقامه
نشطب عليه ونتركه دون عنوان
®®®®®®

شفت منهو تحبه ...صد من -دونك-
إقرا علية الفاتحة وريح -أعصابك-
قلة ترى الشمس ماوقفت على -كونك-
يجيب غيرك أكيد الوقت اللي -جابك-
حرام لا صد تسهر لجله -عيونك-
لا ...عاش منهو لجور الوقت -ضحى بك-
®®®®®®

أبي قلبك يحس انه فقد بمحبته انسان
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك
بعد ماحققت عيني فبعدك للرقاد امال
أعود للسهر؟ ياخوي لاوالله فال الله ولا فالك
®®®®®®

خلك مع اللـــــي ..
بالكذب يعطيـــــك ..
وانا ترى بلقا ملايين تسواك
لاتحسبنــــــــي ..
برخص النفس واجيك ..
مااذل نفسي لمثلك وشرواك
يحرم علـــــــي ..
وصلك وقربك ولااجيك
عيديــــن وثالثهم يوم فرقـاك
®®®®®®

اكره اكون بمجلس ٍ فيه انا وانت
اكرهك انا واكره من يجيب طاريك
ذاك امس انا احزن اليا صار مابنت
واليوم ماتطري فوادي ولاابيــــك
ذاك امس لو تعثر انا قلت لاهنت
واليوم لو اتموت ماني بباكيــــك
ذاك امس انا بالحب من شانك امّنت
واليوم مابي جيتك لا ولا اجيك
واكره اكون بمجلس ٍ فيه انا وانت
من باعني مابيه وش عاد طاريك
®®®®®®

ايه انتهيتي ولاعدتي تهميني
وحبك اشوفه يموت اليوم بعيوني
ماعاد بك شي يجذبني ويغريني
الله يخليلي كل اللي يحبوني
عزالله انك تغيرتي وخسرتيني
وعزالله انك قتلتي حلم من دوني
الله يااول كنتي كبيره بعيني
لو توقف الناس عنك مايردوني
مدري وش اللي تغير بك وخنتيني
وصارت حياتك غريبه تتعب ظنوني
واليوم والله لاغير كل مافيني
واخون من هم من امثالك يخونوني
®®®®®®

فمان الله ياجارح زمانه
فمان الروح لاجلك كنت تجيني
ابيعك .. كان غيّرت الامانه
مدام الدمع عايف وجنتيني
تجيني تجرح القلب بهوانه
تمد ايديك وتصافح يديني
تبلدني تحيات الخيانه
سلام الجرح والطعنات فيني .. !
®®®®®®

خساره هانت العشره عليك وبانت الصوره
خساره ماتوقعتك تجي لحظه تبيعيني
كبيره كنتي بعيني وفيك العين معذوره
لاني صدق حبيتك وحبك كان معميني
عزاي ان مرني طيفك اموت بلحظه حظوره
واموت من القهر واحيا وباعرف ليه خنتيني
®®®®®®

العشم فيكم فعز جروحي تنسوني
وربي كان انا ظني تجوني قبل اناديكم
ولاكن للاسف بانت وخابت فيكم ظنوني
وهدمتو اجمل احلامي وخيبتو الرجا فيكم
انا ماهمني جرحي ولا همتني سجوني
ولاهمتني ادموع ٍ من الضيقه تناجيكم
انا اللي همني وشلون هذولا اللي يواسوني
عواذل كنت اسميهم حبايب كنت اسميكم ... ؟!
®®®®®®

لوكثرت جروحي فلاني بمكسور,,,
انا اكسر اللي قالـ انه كسرني,,,
ماهوحكي زايف ولاكبر وغرور,,,
انا في عزتي اقهر اللي قهرني,,,
ترى الوقت ياصاحبي دايمـ يدور
ولابد مايندمـ((غشيمن خسرني))
®®®®®®

سامحيني واعذريني ما بقى لك شي عندي
في أمان الله روحـــي ربـي يسهل دروبك
شيلي حزنك و الفرح ولعالم النسيان شدي
بصراحة أعترف لك ابتدى فيني غروبك
®®®®®®

كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...
®®®®®®

تمنيت ارحل لعالم عليه الفاتحه تقرأ ..
ورفض موتي يواجهني بوجه القادم المخفي ..
فهل شفتوا جسد ميت رفض يستقبله قبره ؟!!
انا هذي معاناتي واظن اللي مضى يكفي ...

®®®®®®

نسيتك قالها قلب يعاني
لحظه السكرات .!.
وعلى نعش الهوى
كلمه نسيتك من شراييني .!.
خلاص مرحومي شيعته
صدمني واندفن بسكات .!.
تقبلت التعازي وانت
ولا فكرت تعزيني .!.

®®®®®®

تهددني في الرحيل هددني
مردك لي صدقني
لا تقول البديل اتحداك تبدلني
هو قلب واحد
هو احساس واحد
هو انا وبس انا تعشقني
ولو الف غيري
مردك لي يا طيري
عرفت ليش لأنك انت تحبني
ولا يمكن تخليني

®®®®®®

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره

®®®®®®

بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي

®®®®®®

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني

®®®®®®

وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك ومشكور

®®®®®®

لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت

®®®®®®

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

®®®®®®

وينها ياصبر مالي غيرها لو هي تخون
شف دفاها في ضلوعي نبضها حولي يحوم
قلت وعيوني تكابر دمعها يرثي الجفون
ليتني ياحب ميت قبل ما قلبك يروم
من صغر سني أعاني وما بقى للصبر عون
رح لها ياحبي يمكن قلبها يصبح رحوم

®®®®®®

إذا في يوم نبهك الضمير وهاجسك صحاك
وحسيت بألم فرقا ولا تقوى طواريها
وإذا في يوم حنيت لهوى الماضي ولا خلاك
زمان تطوي أيامه ولا تدري بتاليها
تذكر واحد مهموم من ياسه ومن رجواك
فلا هو يائس ينسى ولا الرجوى يخليها

®®®®®®

يا صاحبي هانت عليك المحبه
لا واحسايف عقب هاك المواثيق
جمر الغضا في وسط قلبي تشبه
نارٍ حطبها يابسات المعاليق
كاسٍ مليته بالوفا لا تكبه
خله يبلل بالوصل يابس الريق
صبه بقلبي ثم مله وصبه
وان كان ودك غرق القلب تغريق

®®®®®®

تعبت أدور بين كل المظاهر
حبٍ .. ولكن .. كل حبٍ بلا لون
تعبت اصدّق والخديعة تجاهر
والصدق .. ميّت بالحقيقة ومدفون
تعبت أنادي .. كنّ حولي مقابر
أصرخ وصوتي .. بالصدى يجرح الكون
أجي غريبة .. وارجع بكسر خاطر
أجي وأعوّد .. خافقي كله طعون

®®®®®®

ياما تمنيتك بونات ودموع
ويا ما سهرت وراح عمري برجواك
بكيت من فرقاك والقلب مفجوع
ويا ليت قلبي حذرن قبل يهواك
ومشيت في درب طويل ومقطوع
وخلليت روحي غارقه وسط دنياك
كنت احسب أن الوقت يمشي لي بطوع
وأثر سلاح الوقت والحب فتاك

®®®®®®

انشاالله تعجبــكم

تحياتي ..

يسلمـــــــــــــــــــــــــــو يالغالية الله لا يجيب عتاب

دائما مبدعه كعادتك ...........

مشكوووووووووووره ياانجل

الله يسلمكم ومشكوووووووووووووووووووووووووووورة على مروركم الجميل لا تحرمونا منها

يسلمــــــــــــــــو غناتي

لا حرمنا جديدك

مشكووره على المسجات

الرسائل قويه جدا شكرا على المجهود مـ ـ ـ ـ ـ ــسجات عتـاب قـــويه !!! 900451