لمني بشوق واحضني ... الكاتبه : أميرة الورد 25

<>في بيت ابو احمد <>
دق احمد على ناصر لانها فرصته عشان يتطمن على رنا لان قلبه ماكله عليها
ناصر :-هلا والله بالعريس
احمد :-هههههههههههه هلا بك
قال ناصر بخبث :-غريبه متذكرنا للحين
ابتسم احمد من تعليقه وقال :-عن الحركات الي مالها داعي وبشرني على رنا
ناصر :-بخير انا مثل ما وصيتني ما افارقها ابدآ
هز احمد راسه وقال :-وش انطباعات امي طيب
كئب ناصر :-الله يجيرنا شايطه على اخر شي ومتحلفه في رنا وانا خايف ياخوي اجازتي تنتهي بكره
قال احمد :-خير ان شاء الله انا برجع بيتي اليوم
انصدم ناصر :-من جدك
احمد :-ايه
ناصر :ليش طيب
توهق احمد ولازم على الاقل يلقى عذر يبعده عن الشوشره والا تدخلوا الشياب وهم ان تدخلوا في شي قلبوه فوق تحت
قال بنبره لها معنى :-بيتنا اريح لنا والسفر ملحوق عليه انت عارف مامعي اجازه الا اسبوعين بتروح كلها في الروحه والجيه
ناصر :- هههههههههههههههه ماعندك وقت
احمد :-انتبه عليها لا اوصيك والله قلبي مو متطمن
ناصر :-ياخي لاتوسوس انت توك متزوج عش حياتك وانسانا شوي
احمد :-طيب..كيف طلول
ناصر :-يشكي راسه بس بخير
احمد :-اذا زاد عليه الوجع خذه للطبيب وماعليك منه
ناصر :-صار ..يالله رح لزوجتك وعن الهذره
احمد :-يالله سلام
وسكر الجوال وسرح في هالمشكله ..تذكر الي صار ولمس جرحه الي ماطاب للحين لا وصابه شمم من بعد حفلة العرس البارح ومتورم وزايد وجعه لازم يروح للطبيب ويغير ضمادته .والايغيرها هو وتذكر ان الضمادات بالبيت,,ايه لارجه يضمده
جلس يفكر وراسه بين يدينه "كيف بيلقى عذر لابوه حتى تجي رنا وتسكن معه كيف.."
وقفت سعاد تفكر في الي سمعته..وش فيها رنا !!
وليه احمد مو متطمن..!!
كان احمد يكلمها
سعاد :-نعم
كان طفشان وقال :-انعم الله عليك اقول خلصتي
ارتبكت وقالت :-ايه
واخذ شماغه وطلعوا..

في نفس هالوقت ------>>
قالت رنا لناصر :-ياقلبي ياحمود شايلن همنا حتى وهو بعيد
ناصر :- اي والله الله يوفقه يارب في حياته
الا وطلال يدخل :-انتم هنا ياحلوين
رنا :-ههههههههه ايه هنا
سوى طلال نفسه خايف :-الحمد لله خفت حسبتني بلحالي مع الساحرات
ناصر :-هههههههههههههههههههههههههههه سنايدي
عصبت رنا :-عن قلة الادب
قال طلال يبي يقهرها :-بدينا في المحاضرات
قال ناصر :-طفش صح
رنا وطلال :-اي والله
ناصر :- وش رايكم نطلع من البيت نسربت
قالت رنا بخوف حقيقي :-انهبلت انت عشان تحرقنا امي بالحيا
هز ناصر راسه :-علقه تفوت ومحدن يموت
تحمس طلال وقال تذكر يا ناصر المقهى الجديد الي مفتتحينه بشارع الملك عبدالله
تذكر ناصر المقهى الروعه الي توه له شهرين مفتتح :-ايه
طلال :-اجل خلنا نودي رنا بيت عمي سعود ونروح للمقهى ونواعد الشله
استانس ناصر :-والله وجبتها شرايك اخت رنا
سوت فيها معصبه وقالت :-تذكرتوا اني موجوده يالله اني احمدك واشكرك
ناصر وطلال :-ههههههههههههههههههههههههه
تذكرت رنا امها وقالت :-خايفه يا ناصر امي تتحلف فيني
ناصر :-دقي على ابوي وخذي منه الاذن وعقبها ماراح يكون لها كلمه
ترددت رنا وتحت الحاح اخوانها دقت على ابوها ووافق انها تروح لبنات عمها ولا وتتعشى بعد عندهم
قالت رنا :-بروح اجيب عبايتي
وطلعت بسرعه وقف ناصر بيلحقها وطاح جواله وانكسرت شاشته على الرخام ونزل يجمع قطعه
في هالوقت لقت ام احمد الفرصه حتى تشفي غليلها من رنا ..وماراح يبرد قلبها الا لما تحرقها بالنار وبما ان مافيه وقت قبل جيت ناصر مسكت سكين الخضار وحطتها على النار لانها كانت على الطاوله محطوطه وفي طلعة رنا من غرفتها ما درت الا وبامها توقف في وجهها وكانت ناويه تحط السكين الحاميه على خدها لولا ان رنا حطت يدها بين السكين وبين وجهها وجاء الحرق بيدها لا ومن قوته لزقت السكينه بجلدها
وعلى صرخة رنا ..جوا العيال يركضون
وقف ناصر مصدوم ووجهه كانه واحد ميت ..وصدمه طلال من ورى وجمد هو الثاني
سالت دموع ناصر غصب عليه وفوق طاقته قال وهو يصارخ :-حرام عليك يالظالمه
صرخت في وجهه :-استح انا امك
قال وهو شبه مهستر :- لا يكرمن الامهات عندك
الا ويجيه منها كف معتبر...وقف الزمن
مافيه شي حي..
الاعيون تتلاقى ..مو مصدقه مصدومه وعيون قاسيه متحجره
قالت نوف الي شهدت اخر شي من السالفه :-آه ياليتها جت على وجهك يالشينه
الا وناصر يفقد اعصابه ويرميها على الجدار وتفقد وعيها وامها تصارخ ..
قالت بهستيريا :-عند ابوك انا ماخليته يحرقك بالحيا ويطردك انت واخوانك المتخلفين ويزوج اختك ذي شايب من ربعه ماكون بنت ابوي
كانت رنا تتالم بالمره ..ويدها تحرقها
طلال ..مصدوم
ناصر منفعل لحد الاجرام
قالا ناصر يتوعد :-قولي له اني انا السبب وشوفي انا وش بقوله
صرخت :- وش بتقول
قال ناصر يستهزء :-بجيب القديم والجديد واعطيك مثال حي ..حادث طلال انتي السبب في عماه حرق يدي وحرق صدر احمد وكسر ضلعه واخرتها حرق رنا انتي انسانه مريضه
انصدمت امه من كلامه ومن تهديده الا تبصم بالعشره انه قاصده وخافت مره لان لو شم نايف خبر بفعايلها هو بيطلقها لكن قبل الطلاق بياخذ حق عياله منها والعين يالعين
شاف ناصر رجفتها وقال وهو يناظر في نوف الي مغمى عليها :-عساها تموت والا انتي يمه مقدر ادعي عليك بس حسبي الله ونعم الوكيل
واخذ اخوانه وطلع..
بعدها بربع ساعه ..قال ناصر لرنا وهم بالسياره :-كيفك الحين
قالت رنا وهي ترجف :-نص نص بس الحمد لله المراهم مسكنه الوجع
قال طلال باكتئاب :-والحين ياناصر
سوى ناصر الوضع ايزي ..عشان اخوانه ولا بقلبه النار قايده :-عادي خطتنا ماشيه ومدام رنا بخير بنوديها بيت عمي ناصر تغير جو
قالت رنا :-احسن شي تسويه
طلال :-براحتكم على الاقل مانشيل همك وانتي في بيت هالاجاويد
وفعلا نزلت رنا في بيت عمها وراحوا العيال مشوارهم..
قالت هنادي وهي تصارخ :-ياهلاااااااااااااااااا وش هالزياره الحلوه
ابتسمت رنا من قلب :-ماعليش ما امداني اكلمك واعلمك عسى مايكون عندك روحه ولاشي
هنادي :-جتني المسج الي ارسلتيه ولو عندي طلعه لعيونك ااجلها
ابتسمت رنا من قلب وقالت :- وين خالتي
هنادي :-مو هنا طالعه
وفجاه انتبهت هنادي ليد رنا المضمده وقالت بخوف :-رنو شفيك سلامات
تورطت رنا وقالت :-يسلم عمرك يالغلا هذا انا من زود الذرابه حرقت نفسي وانا اطبخ
هنادي :-اح يوجع ..رحتي مستشفى
رنا :- توني جايه
الا وبجية منال :- هلا والله برنو احلى زياره والله
رنا :-هههههههههه كبر راسي من كثر الترحيب
هنادي ورنا :-هههههههههههههههههههه
وبعدين راحن البنات وجلسن بالغرفه ..وراح الوقت بين السوالف والوناسه ..حست رنا ببهجه فقدتها طول عمرها وفي قلبها تمنت لو نوف مثل منال الحين مع هنادي طيوبه وحبوبه وضحك ووناسه لا تنافس ولاكره ..
دق جوال رنا..وطلعته من الشنطه لينه احمد ..
قالت وهي توقف :-بالاذن بنات بطلع اكلم فيه احد من العيال
منال :-لا كلهم طالعين وفهد نايم بغرفته من بعد صلاة العصر
تطمنت رنا وطلعت...
اذن لصلاة المغرب وصحى فهد على صوت الماذن وقام ووضا ولبس عشان يجلس بالمسجد حتى يقيم..الا ويلقى بوجهه بنت شعرها احمر غامق طويل معطيته ظهرها وجالسه على الصوفا الي بالرسبشن ومو وحده من خواته متاكد..
قرب منها ..ووقف عند الزاويه عشان لا التفتت ماتشوفه ويقدر يتخبى ..الا ويسمعها تبكي
"هلا احمد...ايه ...
صارخ احمد :-اكيد انتي بخير وش صار
قالت رنا وهي تحس بالم يدها ينبض وانهارت قوتها لما سمعت صوت اخوها الحنون الي شايل همها حتى باحلى ايام عمره
قالت رنا لان احمد لو ماقالت له جاها وهي ماتبي تزعل سعاد :-كنت رايحه باخذ عبايتي عشان اطلع مع ناصر وطلال ومدري كيف الا وهي حارقتني بسكين
انصدم احمد :-سكين
بكت رنا زود :-ايه سكين كانت تبي تحرق وجهي بس الله ستر
ضاقت باحمد الوسيعه وطبق عليه صدره من الضيق:-آآآآآآآآآآآآآآآآآه ياربي
رنا وهي تمسح دموعها :-سليمه يا خوي هذي امي وهذي طبايعها والدليل الي سوته فيك وفي ناصر مو انا الوحيده الا احرقتني
عصب احمد :-مالك معقد معها
رنا :-اعقل يا احمد .. ابوي ماراح يرضى يخليني اسكن معك يفرجها الله بمعرفته ياخوي انا الحين بروح تاخرت على البنات
احمد :-زين اكلمك شوي
رنا :-اوكي
سكرت رنا الجوال ومسحت دموعها..ووقفت اما فهد خاف تشوفه وهج لغرفته بسرعه..
سكر الباب وجلس مو مستوعب الصدمه الي سمعها..صدمة حياته فيه ام تحرق عيالها بالنار..
هو لاحظ يد رنا المضمد كفها كله ..وماتوقع تكون امها السبب ..من جد زوجة عمه مريضه وماهي صاحيه..
حس الدنيا تضيق عليه ..وش العمل
خالد وحرم يتزوجها حتى لو هو ماتزوجها..هو
لا الوظيفه كانت هامته..ولا شي همه..
لكن الحين..حياة رنا التعيسه بيدينه ان وافق يتزوجها بيطلعها من النار الي عايشه فيها لان مستحيل ابوها يوافق يخليها تسكن مع اخوها وهو موجود وان عرف السبب يمكن توصل للطلاق والفضايح وان مادرى بتذوق رنا الويل..
وبتصميم ..طلع بسرعه للمسجد وبراسه بعد الصلاه موال!!
:
،
:
قال ابو سعود لولده :-وش قرارك مازلت معند
تذكر فهد قراره الجديد ورنا..:-موافق يبه
انصدم ابوه توقع فهد راسه ناشف وبيتعبه
وكمل فهد كلامه وزادت حيرة ابوه :-وابي العرس باسرع وقت ممكن
استانس ابوه وقال :-يامغير القلوب
ناظره فهد وسكت..ماله داعي يعرف احد بالسبب الحقيقي ورى زواجه من رنا .
&&&&&&&

الفصل العاشر

(الجزء الاول)

><الساعه 3 الفجر><

كانت الماس نايمه وسعود يناظر فيها..اختفى لونها مع ايام المرض وليالي التعب كانت تتسحب دايم وهو نايم وتعاني بلحالها ولاكنها داريه انه ماتغمض له عين ولا يغفى له جفن ..
جلس يمسح على شعرها بيده الحنونه ودمعته سايله على خده.."آآآآآآه يالغاليه ياليتني انا الي مكانك اعاني.."
فتحت الماس عيونها وشافت سعود يناظرها بعيون ما ترمش ودمعته على خده تسيل ..
الدمعه الوحيده الي تسللت من قوته ومناعته الي يظهرها قدامها..عرفت دايم انه حنون وانه يحبها بس ماعرفته ضعيف بضعفها..
قالت بهمس وتعب :-حبيبي ليش مانمت
انتبه انها صاحيه مسح دمعته بسرعه وابتسم وقال :-مافيني نوم ارجعي نامي
قالت بحب :-كيف انام وانت كل ليل دمعتك على خدك
ابتسم غصب بيسوي الموضوع ايزي :-آها فيها قبايل ذي من لعب عليك وقال هالكلام
ابتسمت غصب وقالت له وهي تمسك يده بقوه :-يانور عيني احس بك حتى لو ماشفتك
قال وهو يشد اصابعه على اصابعها :-وش حاسه الحين
حاولت تجلس بس ماقدرت كان راسها مصدع ودايخه مره :-تمام بس دايخه مره..وكبدي تحوم علي
نزل من السرير وراح يمشي
سالته الماس :-وين...؟؟
قال وهو يطلع من الغرفه :-دقيقه وراجع
بعد خمس دقايق
رجع سعود ومعه كاس ليمون مد يده لالماس وقال :-سمي بالله
قالت :-ليمون وع ما احبه
ابتسم سعود غصب عنه وقال :-اشربي العصير الحين عشان ترتاحين
عندت الماس :-ما ابيه
عند سعود :-تشربينه ولا شلون
الماس :-هههههههه يمه خفت وش بتسوي يعني
سعود :-هههههههههههههه اقول لا تتحدين
ناظرته الماس بغرور ..وماردت
سعود:-ماقد ربحتي اي تحدي معي فلا تفشلين عمرك الحين
الماس :-ما ابيه
سعود :-الماسوه
انقهرت الماس لانها ماتحبه يناديها كذا وابتسم هو لانه يعرفها ماتطيق هالاسم ..
وبرمشة عين ركضت الماس للحمام ورجعت ...حست بمعدتها انقلبت عليها يوم شمت ريحة الليمون
انصدم سعود هذا حالها كل يوم ...
ساعدها ترجع لسريرها وقال والخوف لاعبن في اعصابه
"وش العمل يالغاليه لمتى بتمين على هالحاله ..كذا بتموتين جوع "
كانت الماس مره تعبانه وماقدرت تردعليه..وبسبب تعبها نامت بحضنه بسرعه ..
غطاها سعود زين وطلع من الغرفه يشيك اذا وصله فاكس من المانيا ..دخل مكتبه ولقى مامن جديد..
جلس على مكتبه يفكر بهالمشاكل الي محاوطته من كل جهه .. مرض زوجته .. جلسته بدون شغل..
وتذكر مكتبه الي كان ناوي يأسسه بالشرقيه لازم ينقله هنا الرياض عشان مايتعب الماس بالمشاوير ولايبعدها عن اهلها لان نفسيتها راح تتأزم
وجلس يراجع اوراقه وخططه ..عشان يفتح مكتب للاستشارات الماليه بحكم خبرته في الامور الماليه والاقتصاد وبوضعه قبل بشركة العايله كمدير تنفيذي لها يأمر وينهى..راح يضطر الحين انه يبدء من الصفر وماصابه احباط ولاشي لان راس المال موجود وهو يتمتع بخبره ممتازه وبمؤهلات عاليه تساعده في مشروعه ، ويمكن لاول مره بحياته حس بالاستقلاليه واهمية شغله ومرد هالشعور لنفسيته الي كانت في حاله سيئه الشهور الي مضت ، مل من تدخلات شياب العايله ومل من تخريبهم لحياته بنية يجيه مولود ..طيب هو راضي بقدره وبالي كتبه الله له ..ليه هم ما يحترمون رأيه ووجهه نظرة كل همهم الورث والورث..هذا هو تركه لهم بكبره..
سند ظهره للكرسي ..وجلس يفكر
ناظر في جواله الي حاطه من المغرب على المكتب ولايدري عنه من ذاك الوقت ..فتحه لقى عشر مكالمات من ابوه ومكالمتين من فهد ومكالمه من الدكتور المسأول عن حالة الماس..انقبض قلبه خير اللهم اجعله خير
اخذ جواله وجرب حظه يمكن يلقى فهد صاحي الحين لانه يحب يقوم ويروح للمجلس لين يقيم والاذان على وشك ياذن
بعد ثالث دقه رد فهد :-هلا
سعود :-سلام
فهد :- وعليكم السلام والرحمه وينك دقيت عليك اليوم مارديت علي
سعود :-ماعليه كنت ناسي جوالي بالمكتب
استغرب فهد :-رجعت للشركه
قال سعود بقوه :-مارجعت ولا راح ارجع
قال فهد :-بس انت قلت.......
قاطعه :-ناسيه بمكتبي الي بالبيت
فهد :-هههههههههه على بالي المهم بعلمك بشي
سعود :-خير اللهم اجعله خير
قال فهد يمزح :-وانا مايجي من وراي الا كل خير
سعود :-هههههههههههههه عن الخراط وعلمني وش عندك
فهد :-بتزوج
انصدم سعود :-ايش
قال فهد وهو بيموت من الضحك على لهجة اخوه المصدومه :-بتزوج ياخي حرام ولا عيب
بدا سعود يستوعب السالفه :-هههههههههههههههههههه لا موحرام ولاعيب
فهد :-على بالي
قال سعود يبي يقهره :-من هي تعيسة الحظ احمممم اقصد سعيدة الحظ
عصب فهد :-امحق اخو الحين تشوف الي بتاخذني تعيسه الا امها داعيتلها
سعود :-هههههههههههههه ماقصدت سقط سهوا
فهد :-اقول سهوا ولا ماسقط احسن
سعود :-هههههههههههههههههههه طيب لا تزعل من هي الي امها داعيتلها
فهد :-ههههههههههههههههه ايه قل كذا من اليوم
سعود :- اعرفها ..؟
فهد :-ايه رنا بنت عمي نايف
ابتسم سعود :-ونعم الاختيار والله ؟؟
قال فهد بكآبه :-اي اختيار والي يسلم عمرك كلها من تخطيطات الشياب
انقهر سعود :- لاحول ولاقوة الا بالله
قال فهد يخفف عنه لانه ذكره بسالفة نوف :-عادي ياخوي ترى الوضع ايزي
قال سعود بقوه :-اذا ماتبيها ماعليك منهم هذي هي شغلتهم تنكيد حياتنا
قال فهد :-لا ياخوي صح اني في البدايه رفضت رفض قاطع بس امس غيرت رايي ووافقت
قال سعود بمرار بحكم تجربته :-وش هددك ابوي ابه
فهد :-يطردني من وظيفتي
صرخ سعود :-ايش
فهد :-الي سمعته
تحطم سعود :-مو معقول ماني مصدق
قال فهد بحزن :-لاصدق
وتم سعود ساكت عرف فهد انه زودها على سعود وحط براسه فكرة انه مايبي رنا وانه متزوجها عشان يحافظ على وظيفته عشان كذا لازم يصحح له نظرته ويصارح اخوه ب الي في قلبه لانه مايقدر يصارح خالد على الرغم من انه صديقه الروح بالروح بس هالمسأله مره حساسه وهو مايبي احد يشفق على رنا ويرحمها ويقول هذي الي تزوجها ولد عمها عشان يفكها من جبروت امها والمآسي الي تسببت لها ..
قال فهد بعد تفكير :-شف انا طالع الحين من البيت نتلاقى في المسجد الي قريب من بيتك ابيك بسالفه
هز سعود راسه وقال :-اوكي
فهد :-يالله سلام
وقف سعود عشان يتوضى ويروح يصلي الفجر ...
،
،
،
،
،
>بعد الصلاه رجع سعود وفهد سوى <

قال سعود وهو يدخل فهد المجلس :-بطل على الماس وبرجع لك
ابتسم فهد :خذ راحتك
ضحك سعود :-لاتوصي
راح سعود لالماس ولقاها تطوي سجادتها وجلالها وتحطها بمكانها ابتسم وقال :-حبيبة قلبي كيفها الحين
ابتسمت الماس :-بخير ياحبيب حبيبة قلبك
ضحك وقال :-اقول لا تقولين هالكلام اتهور
حمرت خدودها وقالت بجرأه :-تهور احد ماسكك
انقهر سعود وقال بملامح ضعف وقلة حيله ضحكت الماس :-شين الحلايا هنا وبروح له
عقدت الماس حواجبها :-من سليطين
سعود :-لا شين الحلايا الثاني
الماس :-ههههههههههههههه فهود
سعود :-ايه ماغيره
خافت الماس وقالت :-خير ان شاء الله عمي فيه شي عمتي.......
مسكها مع كتوفها وقال :-هدي هدي مابهم الا العافيه
مسكت قلبها :-اشوى خفت
قال سعود :-تلاقينا بمسجد الحاره وعنده موضوع يبي شوري فيه
الماس :-موضوع
سعود :-ايه اعلمك بعدين اوكي
ابتسمت بكل حب :-اوكي قلبو
راح سعود فيها ...وقال بتعصيب :-ما اقول الا الله يبلشك يافهيدان والا كان لون هالليله رمادي
الماس :-هههههههههههههههههههههههههههههههههه
قرب منها وقالت له وهي تشوف نواياه :-اقول يالاخو اخوك مرتزع برى رح له لا يجينا يتهبد كالعاده
تذكر سعود دفاشة فهد يسويها والله..
وما امداه يكمل تفكيره الا وفهد جالس يغني عند اخر درجه تحت
الماس :-هههههههههههههههههههههههههه يا حبني لخفة دمه
ناظرها سعود بنص عين :_ احلفي بس
عضت على شفايفها لا تفطس من الضحك من غيرته وقالت :-امزح امزح
ابتسم وقال :-ايه على بالي
وقاطعهم صوت فهد وهو يغني اغنية خالد عبد الرحمن ابصملك على العشره
الماس :-هههههههههههههههههههههههه رح له تفجرت روسنا من صوته الي كله نشاز
عطاها سعود بوسه طايره ...وطلع
حست الماس بوجهها مولع من حركته ...ليه هو الرقه والرومنسيه غريبه على سعود
<>
<>
قال سعود :- اقول انطم لو يدري عنك ابو نايف اعتزل
فهد :-هههههههههههههههههه ياخي يوم كنت ناوي تجحدني ورى ماقلت لي انطق بالبيت ولا اجيك واتعب عمري
سحبه سعود ورجعوا للمجلس :-هههههههههههه ظروف
غمزه فهد :-احلف ..ظروف هههههههههههه
ناظره سعود :-ههههههههههههههههه تراني اكبر منك بسبع سنين اعقل وخلك ثقيل
قال فهد بغرور :-انا عاقل وثقيل من يوم يومي
سعود :-هههههههههههههههه والدليل الحفله الي محييها في بيتي تو
فهد :-هههههههههههههههههه ياخي اذكرك اني هنا
سعود :-طيب طيب خلنا فالمهم
جلس فهد وتغيرت ملا محه فجاه
لاحظ سعود هالتبدل من المزح للجد وقال بتوتر :-خير وش فيه انا اعرفك ماراح تجيني في مثل هالحزه الا ووراك شي كبير
هز فهد راسه وقال :-كبير وبس ياخوي الا صدمة حياتي
عصب سعود ووصل حده :-خل عنك الالغاز وادخل في الموضوع طوالي
هز فهد راسه وقال :- اول ماقال لي ابوي الموضوع عصبت مره ورفضت ومن يوم مارجعت من الشرقيه وكل ماشاف خشتي كرر علي نفس الموال تاليتها قال لي ان معي فرصه لين ينتهي زواج احمد وسعاد لان عطلتي تنتهي امس يعني اليوم الثاني لزواجهم
سعود وهو عاقد اصابعه بقوه :-طيب
كمل فهد :-انت تعرفني ما احب احد يمشي كلامه علي ولا يفرض قراراته حتى لو كان ابوي هو صح يمون علي ويامر وينهي على الروح بس لموضوع اختيار شريكة حياتي ويوقف انا رفضت بكل قوتي فقال انه راح يفصلني من وظيفتي وحلف بهالشي وبصراحه ماشكيت دقيقه في كلامه لانه سوى هالشي فيك وانت الكبير ومدير الشركه يعني بيرحمني انا
وصل سعود حده :-المهم
فهد :-المهم نويت ما ارجع عن قراري والوظيفه بكيفها ..بس
سعود :-ايه
ناظره فهد وقال بجديه :0ثقتي فيك ياخوي كبيره وهالشي الي بقوله لازم يصير بيننا
هز سعود راسه وقال :-افا يافهد حنا اخوان ومايحتاج توصي
فهد :-عارف عارف...
سعود :-طيب وش الي صار وخلاك تغير رايك
مسح فهد وجهه بيدينه وقال :-امس وانا نايم صحيت عشان اصلي المغرب ويوم طلعت من غرفتي الا واشوف لي بنت قاعده بصالة الاستقبال فوق وتكلم
عقد سعود حواجبه :- من هي
فهد :- رنا
انصدم سعود :-رنا بنت عمي
هز فهد وكمل :-المهم بالاول ماعرفتها بس كانت تبكي وهي تكلم وكانت كف يدها ملفوف بضماد..
مافهم سعود شي وش دخل مكالمة رنا ويدها المجروحه وبكاها بالجوال بموافقة فهد بالزواج منها
عرف فهد وش كان يفكر فيه وقال :-تخيل ياخوي ان امها هي الي حارقتها بالنار
صدمة الدنيا تجلت بوجه سعود...
وقال فهد بقهر :-لا وقد حرقت احمد وناصر وان ماخاب ظني بسببها ..واحمد كان معصب وهي تكلمه والظاهر كان يبيها تجي تسكن معه هو وسعاد بس ابوه الظاهر ماراح يرضى..
كمل سعود :- وبالتالي بتعيش رنا بين يدين هالوحش..لان عمي عنيد وماراح يوافق تترك بيته صح
فهد :-ايه والبنت اخلاق وذوق والبنات دايم يذكرنها بالخير ومالها امل غيري .. لان من هنا لين تنخطب بتكون امها الظالمه قضت عليها تخيل كانت تبي تحرق وجهها
قال سعود بحقد زود على حقده عليها وعلى بنتها نوف :-حسبي الله على الظالم
وقف فهد :-انا بروح انام لاننا بنخطب بكره لازم تجي معي
تذكر سعود وقال :-ايه عشان كذا ابوي هالكن جوالي من كثر مايدق خلاص تم متى نويتوا
فهد :-العصر
كان فهد دوم كبير بعين سعود وكبر الحين اكثر واكثر ..
سعود :-الله يوفقك ياخوي ويجزيك بالخير
ابتسم فهد :-يسلمو يالله see you
وراح فهد وطلع سعود فوق...
<>
<>
قالت الماس وهي تمشط شعرها الطويل قدام المرايه :-راح فهد
انصطل سعود من شكلها وقال :-هاه...
ضحكت الماس وعرفة وش فيه مخربط اكيد من كشختها الزايده لان بسبب مرضها ماكانت بالمستوى الي يرضي انوثتها بما انها تحب الكشخه والموضه
قالت برقه :-اقول ياقلبي ..فهد راح
استوعب سعود بصعوبه كلامها وقال :-ايه راح
قربت الماس منه وهي تفتل في قميص احمر ساتان :-وش عنده
سعود :- بيروح يخطب بكره
استانست الماس ونور وجهها :-من
ابتسم سعود :-حزري
الماس :-يوووووه علمني
سعود :-رنا بنت عمي نايف
فرحت الماس :-ونعم الاختيار والله بنت ولا اروع
قرب منها سعود وقال برقه :-نرجع لموضوع التهور مو احسن
حمرت خدود الماس ..من كلامه
وابتسمت له من قلبها الي يموت فيه

×
×
×
*
×
×
×
><في بيت ابو نايف بعد صلاة العصر ><
اجتمعوا شياب العايله الثلاثه ..
وكل العيال كانوا حاضرين ..ماعدا خالد الي ماقدر يجي لانه مستلم في معسكر بعيد عن البيت
قال ابو سعود وهو بيتشقق من الفرحه :-حنا نبي رنا لفهد
ابتسم ابو احمد :-البنت بنتك يا ابو سعود والي تامر به يمشي
ابو سعود :-الله يقدم الي فيه الخير
قاطعهم فهد :-من بعد اذن الكبار ياليت لو تسالنوها عن رايها
ناظره ابوه نظره قويه بس فهد ماعبره ..اما عمه ابو احمد كان متفهم مع لمحة حزن بعيونه
"احمد وانا ابوك قم اسال اختك عن رايها "
باينه الفرحه على وجه احمد واخوانه ..وقال :-ابشر "
وطلع..
كانت رنا بغرفتها ..
مر احمد من صالة الاستقبال وكانن امه ونوف الي حطوا ثلاث غرز براسها بسبب ضربة ناصر لها والي قالت امها لابوها يوم انصدم بالحادث :-انها زلقت وطاحت على راسها
قالت امه وهي متحمسه تحسب الاجتماع اليوم يخص نوف :-هاه متى الملكه
وقف احمد ولو انه مو بطايق يناظر في وجيههن بس كله يهون عشان رنا
قال وهو صاد :-لما نسأل البنت عن رايها
قال نوف بعجله :-انا موافقه خلاص خلهم يملكون
تمنت نوف لو الارض تنشق وتبلعها لان احمد ناظرها باحتقار :-انتي وش يدخلك استحي على وجهك
انصدمت امه ونوف وقالت امه :-مو سعود جاي يخطب نوف
صرخ احمد :-من قاله
ارتبكت امه :-ابوك قال لي انهم بيزوجون نوف لسعود
صرخ :-سعود متزوج
قالت نوف بقلة حيا :-بس مرته ماتجيب عيال
وبدون شعور مسكها احمد من شعرها من ورى وقال وهو يصارخ :-لو تموتين وتطيرين وتوقعين ماراح تتزوجين سعود استحي على وجهك وخلي عندك حيا وحشيمه سعود متزوج بنت عمك
(وناظر في امه وهو مشمئز من هالوضع )
احمد :-يمه .. يمه كيف تفكرن تقطعن في اللحم والدم
صرخت نوف بهستيريا :-مو على كيفك بتزوجه غصبن عليك
بدون شعور صكها احمد كف وقال وهو يناظرها وهي طايحه قدامه على الارض وامها بجنبها :-لامت وسوو لي عزى ذيك الساعه ارجعي احلمي تتزوجينه
صرخت :-جعلك تموت
"ان مات انتظريني لين اموت انا وساعتها فكري مره ثانيه فيه "
ناظروا كلهم في ناصر الي دخل الصاله ..
طنشوا العيال امهم الي تدعي عليهم وراحوا لغرفة رنا
وقف احمد وهو يحس بصداع فظيع..وماسك صدره الي يعوره لـ هاليوم
قال ناصر بسرعه :-شفيك
احمد :-اكيد انخفاض بالضغط
مسكه ناصر ودخلوا غرفة رنا الي كانت جالسه على سريرها وضامه دبدوبها بحضنها والدموع بعيونها
قال ناصر :-بروح اجيب لك ملح وبرجع
خافت رنا وقال احمد بسرعه يوم شاف وجهها:-لاتسوين فلم هندي ضغطي منخفض
ابتسمت رنا غصب..وبعد ماجاء ناصر وخف احمد
قال لها :-رنو وش رايك بفهد ولد عمي ناصر
احتارت رنا :-والله والنعم ما اعرفه بس خواته يحبنه وماسمعت عنه الا كل خير
ابتسم احمد وقال :-طيب هو جاي يخطبك اليوم وش رايك
قالت بدلاخه :-ايش
ناصر :-ههههههههههههه جاي يخطبك
حمرت خدودها وضحكوا عليها العيال
قال احمد :-هاه يالغلا وش رايك
استحت رنا وقالت :-الراي رايكم والشور شوركم
قال ناصر يبي يحرجها :-يعني موافقه
ضربه احمد على ظهره وقال :-لاتحرجها
ووقفوا مسكها احمد وحب على راسها..وناصر نفس الشي
احمد :-تستاهلين كل خير يالغلا وفهد رجال ما مثله
وطلعوا من الغرفه ..
جلست رنا مو مستوعبه شي ..اخيرا بتتزوج وتترك هالبيت الي كله نكد ..
قال احمد لما ساله ابوه عن رايي رنا انها موافقه واستانس فهد..وتحددت الملكه بكره بعد مايسوون التحاليل المطلوبه الليله في مستشفى خاص حتى تطلع في غضون كم ساعه بدل المستشفيات الحكوميه الي تتاخر اسبوع وزود ..
><
<>
><
)(يوم الملكه)(
قال نوف لامها وهي تبكي من قلب :-وش شايفيني عيالك يمه كل واحد بس يضرب فيني
قالت امها وقالبها شايل :-عساهم الماحي والا اختك الي ملكتها الليله ومحدن عبرني واخذ رأيي
قالت نوف :- لا ومسوين لها حفله ببيت احمد وبيتنا وش فيه
طبعاالفكره هذي كانت من اقتراح طلال ابو الخطط ..هو عارفين ان امهم ونوف بينكدن على رنا ليلتها عشان كذا عجبتهم فكرة ان الحفله بتكون في بيت احمد ولو انه مامر على زواجه غير ثلاث ايام وعشان ما تنحرج سعاد لان توها عروس خلى احمد العزيمه للرجال فقط
قالت امها :-بالطقاق ..
طلعت رنا من غرفتها وفستانها بكيس معها وقالت والغصه خانقتها :-يمه ماودك تحضرين ملكتي
ولا قلب يرحم ولا احساس يتأثر
قالت وهي تناظرها من فوق لتحت :-توك تذكرتي امك
قالت بتعب :-انا ذاكرتك دايم العتب على الي ناسيني ومو معتبر لوجودي
وقفت امها وجتها طايره بتصفقها كف الا وبيد تمسك يدها الي بتنمد على رنا
بغت تموت ام احمد من الخوف لان ابو احمد هو الي مسكها..
ناظر في يد رنا وقال :-امك السبب
سكتت رنا ، ناظر في ناصر الي يدها كانت مربوطه
ابو احمد :-وانت بعد
سكتوا العيال ووصل ابو احمد الجواب ..
قال بهدوء :-انتي طالق
انصدموا العيال وصرخت رنا ..:-لايبه تكفى مو بليلة ملكتي
قالت ام احمد بصدمه :-تطلقني يانايف
ناظرها باشمئزاز وقال :-المفروض اني مطلقك من زمان بس عيالي كسروا ظهري والحين كبروا وصارو كلهم فاهمين وعلى وجيه زواج اما انتي طابت النفس منك من متى تهتمين في بيتك او عيالك فيه ام تشوه عيالها انتي مريضه ولولا حلف احمد ورجاويه وحبته ليديني كان يدينك هذي الي حرقت عيالي بتنشوي في النار
ارتجفت ام احمد من كلامه ..
واخذ ابو احمد عياله وطلعوا ...كانت رنا تبكي قال ابوها لها :-يبه لاتحطين بخاطرك ولاتهتمين فكري في مستقبلك انتي الحين بتكونين في ذمة رجال فكري فيه وفكري كيف تسعدينه وامك برجعها لا تخافين بس حبيت اعطيها درس ما ينسى ..يكفيني قهر انها ماراح تحضر ملكتك
مسحت رنا دموعها :-ان شاء الله يبه
قال ناصر اخيرآ بعد صمته من الصدمات الي صارت :-يالله بنزلك عن سعاد وبنروح الشركه
هزت رنا راسها ..وحرك ناصر السياره
،
،

،
كان احمد جالس مهموم حتى الغداء ماطب بطنه وسعاد غصب عنها عافت نفسها الاكل لانه ماذاقه ..
اما الحين فهم على وجه المغرب وهو مانطق كلمه من امس
قالت سعاد غصب عنها :- احمد
وما انتبه..
علت صوتها شوي :-احمد
التفت يمها وقال :-نعم
قالت وهي ماتقدر تنزل عيونها من عليه :-احطلك شي تاكله
قال وهو يصد عنها :-لا
قالت برقه :-بس انت ما اكلت شي من امس
قال بعصبيه :- وانتي وش عليك مو متزوجتني غصب
انقهرت سعاد من ردة فعله هذا جزاها يوم كانت خايفه على صحته ..هذا جزاها الي ما اكلت شي بسببه من البارح
وقفت ولاول مره تحس بالدموع من جد تحرق عيونها وراحت تركض لغرفتها ...
جلست على طرف السرير وهي تمسح دمعه قهرتها ونزلت غصب..
جلس احمد جنبها وقال يطلب سماحها :-لاتزعلين مني انا تعبان شوي
قالت بصوت مخنوق فيه الصيحه :-لاعادي معك حق
انقهر احمد :-لا مامعي حق
قالت :- انت ليش مهتم بمشاعري لها الدرجه مو انت تزوجتني عشان تذلني
جمع على اصابعه من التعصيب وقال وهو يمشي طالع :-تصدقين عاد لو اقولك ان جرح مشاعرك اخر شي ممكن افكر فيه
رفعت عيونها وطاحت بوجهه وهو يناظرها بقوه ..حمرت خدودها..ولمست ازارير بلوزتها بتشوف هي مفتوحه ولا لا عشان يبحلق فيها كذا
ضحك احمد من قلب من حركتها ذي ..وانقهرت سعاد منه وقال قبل لايطلع
"اذا تبغين تشوفين مواهبي في الطبخ الحقيني في المطبخ"
قالت سعاد وهي مذهوله :-هاه
احمد :-ههههههههههههههههه تبغين تشوفين مواهبي بالطبخ
انصدمت سعاد :-انت تعرف تطبخ
قال بغرور :-واحسن طباخ بعد
وطلع من الغرفه ، جلست سعاد مبلمه من الصدمه احمد يطلب منها تروح معه للمطبخ لا وهو الي يطبخ لها ..شكله مايحب يزعل احد وهذي طريقته في الاعتذار
هزأت سعاد نفسها "قومي يالخبله الحقيه ماراح تحصل لك مره ثانيه"
وراحت تركض للمطبخ..
<*>
جلست سعاد على واحد من كراسي المطبخ الفضيه المرتفعه وحطت يدينها تحت ذقنها تناظر احمد وهو مرجع اكمامه ورى ..ويجهز الاغراض الي بيحتاجها لطبخته
ماقدرت سعاد تنزل عيونها عنه ..وتخبلت عليه في نفسها ماكانت متوقعه طلته بهالروعه ..لانها اول مره تجلس مرتاحه وتقزه وهو لاهي عنها
"آآآآآآه ياقلبي " قالتها في نفسها بس حست بالدنيا كلها تسمعها ..
احد يلومها عيونه بلحالها تخبل .. قد سمعت بالعيون الكحلى بس اول مره تشوفها عيون ضيقه سود ورمش عكش (كثير منعكف) تحت حواجب طويله عريضه سوداء كانها مرسومه رسم بوجه اسمر قوي .. ينزل رهبه بقلب الواحد
لامت نفسها على هالافكار الي تودي للانتحار (هههه) و قالت تبتسم له :-مســــاعده
شاف ابتسامتها العذبه من هنا وطاحت الدجاجه على رجله من هنا:-اخ ...
سعاد :-هههههههههههه هذي اولتها
انقهر احمد ..من نفسه ياخي البنت بس ابتسمت لك و شف وش صار طاحت عليك الدجاجه المثلجه بغت تكسر رجلك ..
وقفت سعاد وراحت له عشان تساعده كانت لابسه بلوزه بيضاء قطنيه ضيقه اكمامها قصيره مره وعليها كتابه فضيه من قدام..وبنطلون جنز ضيق وشعرها رافعته شنيون حايس روعه ومسويه مكياج خفيف زاد في جمال عيونها وحاطه قلوس زهر فاتح روعه وطبعا متعطره وريحة عطرها تسحر ..
ناظرها احمد :-على وين
حاولت تمسك نفسها لاتضحك :-بساعدك
ناظرها من فوق لتحت .. وانتبهت لنظراته وحمرت خدودها وهي تلعن نفسها لانها جريئه بزود والدليل لبسها ذا وش بيقول عنها الحين صدق انها خبله المفروض تلبس جلابيه بلوزه طويله ساتره مو ها اللبس كانها من جد عروس سعيده
ابتسم احمد وهو يشوف خدودها مولعه "سعاد القويه العنيده تحمر خدودها من يصدق"
ومن زود الرباشه وهي تمشي لجهته مكان الدجاجه يوم طاحت شويه مويه من الثلج الي كان عليها وصندلها (تكرمون) يزحلق خلقه بدون وجود مويه ، الا وتزحلق وشوي وتطيح على ظهرها .. وتتأذى صرخت من الخوف وحست قلبها بيوقف لان الطيحه بتكون قويه
انهبل احمد يوم زحلقت بالمويه ووقف الزمن حوله رمى الدجاجه على الطاوله ولحق عليها قبل لاتطيح..
تمسكت سعاد فيه ..بكل قوتها وبلاشعور ..مع قميصه من قدام الي تقطعت على طول ازاريره الخمسه الي فوق ضمها لصدره وحس مثل الكهرب الي سرى به ومارحمه ..
وصلت سعاد لمرحلة الهستيريا اول مره يضمها احد بهالطريقه ..
ماصدقت خبر توقف الا وهي مبعده عنه والحياء مقطعها ماتدري كيف تواجه عيونه وتواجه نظراته بعد ماتمسكت فيه بدلاخه وغباء وكانها بتطيح بنار مو رخام ..ياليتها طايحه كان اصرف لها
رفعت عيونها شوي ...الا ويطيح نظرها على صدره
صرخت بصدمـــــــــــــــــــــــــــه من الي تشوفه ..
انتبه احمد لقميصه المفتوح وسكره بسرعه ..وقال بيغير الموضوع وبيرحم نفسه من العذاب الي فيه والي يسببه قربها منه وريحته عطرها الي بأنفاسه الحين :-انتي بخير
هزت راسها بصدمه ماخفتها ..
قال يمزح :- الله ياخذها ذا الدجاجه شكلي برميها
ضحكت غصب :-اخذها الله وخلصت
ضحــــــك من قلبه
انهبلت سعاد لانها اول مره تشوفه يضحك فيها .. يازيــــــــــــــــــــــــــــــــــنه ويازين ضحكته
شاف احمد نظراتها الزايغه وقال بخوف وهو يقرب منها :-سعاد قولي الصدق انتي بخير
استغربت سعاد من سؤاله الي فيه نغمة خوف عليها ,, هذي النغمه ماتنوجد الا في صوت من يحب وهو مستحيل يحبها وان حبها بيكون مثل زوج دانه الاولي ..يحب دانه على طريقته وحبه ما يمنعه من الحرام والنظر يمين ويسار وهذا الي تتمنى الموت على قبوله.
كان يناظر بلوزتها الي كانت بدون ما تنتبه مرتفعه عن بطنها ..بسرعة البرق زينت بلوزتها ونظراته مازالت تقزها


قالت تصرف نظراته الغريبه لها :- ا..ا ..احمد صدرك علامه
نزل احمد عيونه لان افكاره بدت تنحرف ..صدق ماهو بصاحي
قال وهو يعدل ياقة قميصه ويرجعها ورى :- حادث
ارتجفت وجتها الصيحه :- متى..؟؟
قال يسأل بجد مو تهزيء كالعاده :-انتي مهتمه من جد ..؟؟؟
قالت وعيونها تلمع لانها حست بالاهانه من سؤاله وش شايفها :-اجل
ابتسم نص ابتسامه وقال :-قبل عرسنا باسبوعين
قالت وهي تحس بالخوف عليه يشلها :-من ايش...؟؟
حط احمد الدجاجه في قدر وحطه على النار ..وقال يبي يصرف الموضوع بأي وسيله :-حادث مايسوى ..
وكمل وهو يلتفت لها :-اذا لسى مصره تساعديني قطعي البصل
جاب سيرة البصل من هنا .. وتقرفت من هنا وقالت وهي مصدومه :-وعععععع بصل يالله بس قطعه انت
احمد :-هههههههههههههههههه تراه بصل مو شي ثاني عاد لو اقولك اذبحي خروف وش بتسوين
طلعت عيونها قدام ..
وقالت :- والله مابقي الاهي .. انا ما اقدر اشوف دم قدامي تبغاني اذبح كائن حي
ماقدر احمد يمسك نفسه وجلس يضحك
عصبت سعاد :-لا والله انا مخترعه وانت تضحك وش الي يضحكك
احمد :-ههههههههههه اضحك من كلمة كائن حي ياكبرها هههههههههههههههههههه
ماقدرت تمسك نفسها لان طبعها مزوحي وضحوك ..وجلست تضحك معه
قال يمزح :-طيب قطعي الفلفل الاخضر والطماط والا فيهم مشكله بعد
قالت وهي تناظره بغرور :-وش قالولك ... على ان ريحتهم تحوم الكبد وتجلس باليدين الا ان طعمهم يمي
"والله لو تنقعين بقدر كله طماط وفلفل تهبليييييييييييييييين "
انجن احمد من اسلوبها في الكلام ..لسانها يقطر عسل ما ينلامون اخوانها الي شوي ويبكون يوم ساعدوها تركب بالسياره معه الجلسه معها ما تنمل..
وقفت تحوس بالمطبخ..ناظرها احمد وقال يمزح والابتسامه مالية وجهه :-اذا ماعندك خبر الطماط والفلفل ينحطون بالثلاجه مو بدرج المنظفات والمناشف
كانت سعاد معطيته ظهرها ..ضحكت منه والتفتت له وهي مسويه مغروره ..
وقالت :-عارفه .. والحين وين مريلة المطبخ
ناظرها احمد وقال وهو عاقدن حواجبه :-وش هي ذي..؟؟
ناظرت فوق وقالت :-ذي الله يسلمك يلبسونها فوق الملابس عشان ما تنعدم من الشغل وعشان ريحة الاكل
فهم احمد وقال وهو ياشر بالملعقه الخشب :-هونيك
سعاد :-هههههههههههههههههه طيب ياهونيك
رجع احمد يكمل الخلطه الي يسويها ولقت سعاد مراييل المطبخ..
قالت له بتهور :-المفروض تلبس وحده حرام قميص ارماني يروح فيها ..
التفت يمها وقال ببراءه :-تعالي لبسيني وحده يديني مو نظيفه
"ياليتني مسكت لساني استاهل الي يجيني صدق اني خبله .."
ناظرها احمد وهي جامده وابتسم ..لانه عرف تفكيرها ، انقهرت منه مو على كيفه يستهزء فيها بتلبسه المريله وش دعوه ماتسوى السالفه
عاندت واخذت له وحده ..وجته تمشي ..حست بحياء تحاول تدفنه من كثر عنادها..
وقف قدامها ونزل راسه لها عشان تربط عليه المريله الي من قرادتها كان خيطها قصير ولازم تقرب منه عشان تقدر تربطه كانت يدينها ترتجف وماقدرت تفلح في ربطها ..لانه مره مره قريب منها ..
وبعد محاولات ربطتها..على رقبته
رفع راسه وقال وهو يبتسم :-ياليتنا من حجنا سالمين
انقهرت سعاد الحين وجهها مولع وجسمها كله ينتفض وهو يستهزئ فيها قالت بقهر :-احمد ربك
ناظرها احمد وقال :-احلفي
ناظرته بنص عين :-والله
الا ويحط يده الي كلها مايونيز واشياء مخلطها كثيره على وجهها ..صرخت بضحكــــــــــــــــــــــــــه :-حسبي الله عليك يا احمد وووووووووووع
ماصدق احمد الحركه الي سواها وجلس يضحك من شكلها ..ومادرى الا وترد له الحركه وتعدم وجهه وملابسه
وجلسوا على هالحاله ..
"احمممممممممممممممممممممم"
التفت احمد وهو ماسك في يده من الخلطه الا ورنا واقفه على الباب ومصدومه من اشكالهم ..
شوي الا وتنفجر بالضحك :-هههههههههههههههههههههههههه علامكم انهبلتوا
وناظرت في وجيههم وملابسهم والمطبخ الي كله مايونيز سايل على الدروج والارضيه ..
ضحك احمد وسعاد..
احمد :-مدري عن بنت عمك ذي ماهي بصاحيه
سعاد :-لا والله انا الي بديت
رنا :-ههههههههههههههههه خلاص انا الغلطانه ..
احمد سعاد :-هههههههههههههههههههههههههههههههههههههه
قال احمد وهو مو مرتاح لشكله كذا قدام رنا :-يالله بروح اخذ شاور
الا وسعاد تقول هالكلمه بنفس الوقت
انحرجوا كلهم .. وكانت رنا اكثرهم الي قالت :-روحو انتم وانا بنتظركم
وراحوا سوى عشان ما يشككون رنا في وضعهم الي لو درو عنه الشياب قلبوا عاليها على واطيها..
دخل احمد غرفته .. وسعاد غرفتها
خلص احمد الشاور ولبس ثوب وشماغ ونزل بسرعه ..لقى رنا منظفه المطبخ بمساعدة الشغاله ومضبطه القهوه ..
قال احمد :-كفو والله رنو لو يدري فهيد انك منظفه مطبخ بيتي ذبحني
حمرت خدود رنـــــــــــــــــــــــــــا وضحك احمد الي قال :-يالله دقايق وراجع علمي المدام
رنا :-ههههههههههههه ان شاء الله
وطلع من البيت ..
في السياره جلس احمد يفكر في احداث اليوم ..تذكر سعاد وعذوبتها ورقتها ..ذكر سؤالها عنه ..مساعدتها له ..نظره الاهتمام الي بعيونها ..
احساسه بوجودها حوله في كل مكان
والله حرام ..ما يهتني بالنوم ابد..صابه ارق ومانام من يوم ماجمعه بها بيت زي خلق الله ، ليش يكابر ليه ماينسى..
نفض هالافكار من راسه كيف ينسى ..عز الله انه بيكون رخمه ان نسى سواياها فيه
في وقت كانت سعاد لابسه وجالسه تمشط شعرها بسرعه عشان تنزل..تذكرت كل المواقف الي صارت لهم بالمطبخ..احمد اليوم ماهو احمد الي عرفته الايام الي فاتت كان يمزح ويوسع الصدر والاهم انه كان يهتم فيها حتى لو انكرت هالشي ..لان لغة العيون ونبرة الصوت ما تكذب ..
حزنت وفكرت ..لوين بيودينا هالطريق ..اي مصيبه هالمره بتبعدنا عن بعض !!
نفضت عنها هالافكار ونزلت لرنا ..
سعاد :-ياقلبي يارنو سوري تاخرت
رنا :-ههههههههههههههه شدعوه tick your time
سعاد :-ههههههههههههههه ماعاد ورى هالتيكه
رنا :-هههههههههههههههههههههه
التفتت سعاد تدور احمد ..قالت رنا:-احمد طلع ويقول راجع
انصدمت سعاد وحزنت بنفس الوقت لانه طلع بسرعه :-ماعاد عندنا وقت لازم نروح للمشغل
ناظرت رنا بالساعه وقالت :-هههههههههههههههههه سعاد الله يعافيك تونا الساعه 6
سعاد :- حتى لو الملكه الساعه تسع وخلق الله بيجتمعون من بعد صلاة العشاء
قالت رنا تمزح :-هههههههههههههههههه ماغير الشله وخليهم ينلطعون عادي
سعاد :-هههههههههههههههههههههههههههه
الا وبدخلة احمد ومعه وجبات ..سريعه
احمد وهو يناظر سعاد :-هذا غداء متاخر وبدال الحوسه الي تو
سعاد :-ههههههههههههههههههههه جاء بوقته
وتغدوا غدا متاخر على قولة احمد ..وبعدها قال :-يالله تروحون المشغل
رنا :-انا جاهزه
سعاد :-دقيقه بجيب عبايتي وشنطتي وبجي
طلعت سعاد بسرعــــــــــه واخذت عبايتها من الدرج ..وهي مشغوله تحط اغراضها بشنطتها الا وبدخلة احمد الغرفه ..ناظرته وطاح قلبها لانها اول مره يدخل غرفتها
طلع بوكه وسحب فلوس وهو يقول :-خذي
ناظرت بشنطتها :-معي فلوس
عصب احمد لكنه مسك عمره :-خلي فلوسك معك انا زوجك ومسؤل عنك
ناظرته وقالت :-مايحتاج
عصب وقال وعيونه كلها شرر :-سعاد صبري مو طويل
ولاحياة لمن تنادي
سحب بوكها بسرعه وقالت له :-احمد جبه
احمد :-لا
يئست منه وقالت باستسلام :-اوكي موافقه اخذها بس رجع بوكي
احمد :-احلــــــــــــــــــــــفي
عصبت هي هالمره :-مايحتاج كلمتي سيف
ماقدر يمنع نفسه وقال :-جربت كلمتك قبل هالمره وما عاد اثق فيها
جرحتها هالكلمات وقالت بانفعال :-ذيك المره غير
قرب منها وقال وحزن هالسنين يطلع :-ليه غير وش الفرق انتي وعدتي واخلفتي بوعدك ومتى بليلة ملكتنا
انصدمت سعاد وقالت بقهر ما ينوصف :- ولك عين تتهمني بعد الي سويته
انصدم من قلب احمد وقال بذهول :-وش سويت ..؟؟
تنكدت حياتها :-لا تسويلي فيها ماتدري انت قضيت علي
احتار احمد من كلامها :-انتي وش تقولين
قالت بانكسار:-انا نسيت انسى وخل ها الليله تعدي على خير
احمد :-بـس............
سعاد :-عشان رنا
مسكته مع اليد الي توجعه ..وقرر يتناسى الموضوع شوي وله تفاهم معها وش قصدها ببعد الي سويته ..

×××××××××××××××××

×××××××××××××××××

(الجزء الثاني)

><ببيت ابو سعود><

نزل فهد من غرفته كاشــــــــخ كشخة ماوراها كشخه ..
صفر سلطان الي كان جالس تحت :-وش هالزين
فهد :-هههههههههههههههههههههه عقبالك
سلطان :-ههههههههههه الله يرجك رجآ مبرحآ انت ناسي اني مملك
فهد :-ههههههههههههههه لا مو ناسي بس اقول عقبال ما اشوفك كاشخ في يوم عرسك
قال من قلب :-لاتذكرني بعرسي اتأزم ..بعد سنه ونص يا الله العافيه
فهد :-ههههههههههههههههههههههههههههههههههه انت الي جبته لعمرك كان خطبت غير قمر
سلطان :- كح كح احممممم
فهم فهد الاشاره :-هههههههههههههههههه قصدي حرمكم المصون
سلطان :-ايه بعدي لا اشوفك تجيب طاري محارمنا وبعدين القلب ومايهوى
فهد :-طيب لا تصجنا وتتشكى
سلطان :-ههههههههههههههه طيب
قاطعهم ابو سعود :-مشينا
التفتوا العيال وهزوا روسهم ..الا وهنادي نازله من الدرجه على وجه السرعه هههه
صفرت هنادي وهي تشوف كشخة فهد:-وش هالحلا وش هالزين
حب سلطان يتلقف ويسوي فيها غبي :- من انا
طبعا هنادي ماعندها وقت :-هههههههههههه نو العريس
سلطان :-مالت على ذا الخشه
فهد :-سنايدي والله هههههههههههههههههههههههههههه
ابو سعود :-هاه يبه خويتنا انتي
حبته هنادي على راسه :-لا يالغالي بنخلي السايق يودينا بيت عمو ابو خالد بناخذ قمر والماس من هناك لان محد فاضي يجيبهن
قال سلطان الي خق من يوم ماسمع اسم قمر والي ماشافها من يوم الملكه :-انا بوديكم
مسكت هنادي ضحكتها متحمس اخوها هو ووجهه عشان حرمته مالت عليه لو قمر مو بالسالفه ماعبرها
ابتسم ابو سعود لانه فهم مقصد سلطان
قال فهد يبي يقهره ويحرجه مع ابوه :-لا لا خل السواق يوصلهن انا ابيك ما ادل بيت المملك
عصب سلطان لانه فهم قصد فهد :-انا اعطيك رقمه
فهد :-واذا مارد
سلطان :-بيرد
فهد كان مصر يقهره وقال بغباء ما ينوصف :-طيب واذا مارد ما اعرس يعني
وصل سلطان حده لانه خاف ان ابوه يأمره يروح يجيب المملك وتضيع فرصة شوفة قمر
قال بتعصيب :-ماراح تخرب الدنيا اذا ما اعرست
هنادي :-هههههههههههههههههههه فهود والله انك رهيب
سلطان :-اقول تلطمي لا والله لا احوس هالكشه زود عن حوستها
قالت هنادي وهي تلمس تجعيد شعرها :-ياي والله انك بدوي
سلطان :-والاخت وش هي
هنادي :-هههههههههههههههه بدويه طبعا
فهد سلطان :-ههههههههههههههههههههههههه
فهد :-اختك ذي خبله
سلطان :-من زمـــــــــــــان
مدت هنادي بوزها :-قلبتو علي
فهد سلطان :-ههههههههههههههههههههههههه
ابو سعود :-ترانا تاخرنا يالله يافهد مشينا
قال وهو يناظر في سلطان ويبتسم بشماته :-وسلطان يبه
فهم ابوه قصده وقال :-عنده مشوار اهم منك ومن ملكتك امش اخلص
سلطان :-ههههههههههههههههههههههههههه
فهد بصوت واطي :-ههههههههههههههه وراك وراك
سلطان بنفس درجة الصوت :-بردها لك ووووووووووعد ههههههههههههههه
وطلع فهد مع ابوه اما سلطان فاخذ خواته وراح لبيت عمه
×
×
قال سلطان :-هنوده دقي عليهم خليهم يطلعون
هنادي :- دق انت
سلطان :-مالت على ذا الخشه دقي انتي
طلعت هنادي جوالها وهي تغني :- يا جاحدني ..آه تعب قلبي
منال :-ههههههههههههههههههه
اخذ سلطان كرتون المناديل وحذف به هنادي وقال لمنال :-ضحكتي بلا ضروس
البنات :-ههههههههههههههههههههههههههههههه
دقت هنادي على جوال قمر ..وبعد الرنه الرابعه ردت :-هلا
هنادي :-ساعه يالعنز
(كانت هنادي حاطه سبيكر طبعا عشان تسمع سلطان الي شوي ويطيح على جنبه من كثر التسمع )
قمر :-عنز بعينك
قالت بهمس تحاكي سلطان :-لسان حرمتك يقطر عسل
سلطان :-انطمي
قمر :- انتي يادوووووووووووووووبه
هنادي :-انا دوبه يالعصلا
قمر :-انا عصلا يالحولاء
قالت هنادي بخباثتها المعهوده :-اذا انا دوبه وحولاء فانا طالعتن على اخوي
طبعا قمر دلخه وما تنتبه - والله لا اعلم الماس
هنادي :-ههههههههههههههه الماس بعينك لا اكون فقدت الذاكره بعد مو سليطين زوجك
انصدمت قمر وقالت بلهجة بزران :-انطمي ولاتجيبين سيرة قوزي
هنادي :-هههههههههههه وللللللللللللللللللللل يالحركه
قالت قمر بغرور :-وش قالولك تراني مو هينه
ناظرت هنادي في وجه سلطان الهيمان ..واشرت بعيونها انها بتسكر السبيكر وهز راسه بكلمة لا اما هنادي فقهرته واشرت انها بتسكره
لكنه طلع من جيبه ميتين ريال واشربها قدام وجهها.. استانست هنادي وطمعت واشرت له انها بتسكر وطلع جنبها ميتين ثانيه عاد هنا رحمته واخذتهن منه
وقالت لقمر :-اقول يابنت الشيوخ بتطلعين ولا شلون
قمر :-اوف راحمه البنقالي يعني
كشرت سلطان "بنغالي "
هنادي ومنال :-ههههههههههههههههههههههه
قالت هنادي وهي يالله تمسك عمرها من الضحك :-عجلي اخرقي لايعصب البنغالي ويقحدنا
قمر :-هههههههههههههههههههه حادر ح خرق
وسكرت الجوال
سلطان :-بنغالي
منال وهنادي :-ههههههههههههههههههههههههههههه ماتدري انك انت الي بتودينا
منال :-والله ان درت لتسحب علينا
هنادي :-هههههههههههه ودي اشوف وجهها لما تشوف الاخ بنغالي
سلطان :-هههههههههه انطمي انا اخوك اكبر منك تناديني بنغالي
هنادي :-مرتك هي الي مسميتك بنغالي
قال سلطان بيقهرها :-حلالها اما انتي لا
هنادي :- من زينك اصلا
الا وبـ الماس وقمر طالعات ..
ركبت الماس بالجمس الملكي الخاص بالعايله ورى مع البنات ..وركبت قمرعقبها
هنادي بصوتها كله :-ساعه
هاوشتها قمر بهمس :-وجعوه ماتشوفين الرجال جالس قدام وش هالصوت
كبرت قمر بعينه من هالحركه
نزلت هنادي طرحتها وجلست تضبط مكياجها :- عادي شدعوه محرم محرم
انذهلت قمر من حركتها غريبه شفيها هنادي اليوم منهبله
قمر :-من متى السواويق محارم
سفهتها هنادي وجلست تضبط شكلها صحيح ان الجمس مغيم بس حتى لو الرجال مو محرم ومايجوز تكشف بالسياره وهو جنبها ويقدر لوبغى يناظرها بالراحه ، عضت قمر على لسانها بتحوس هنادي بعدين لانزلوا
اما الماس كانت متفرجه ..ولما ركزت بالسواق عرفته "سلطان ههههههههههه"
ضحكت من قلبها اكيد هذا من مقالب هنادي وسلطان هههههه وسكتت وقمر المسكينه على نياتها
<>
في نفس الوقت رجعت سعاد ورنا من المشغل وكانت رنا كاشخه ومسويه مكياج روعه ..شعرها مسيحته عادي وملفلفه اطرافه ..ولابسه فستان ناعم اسود
قالت سعاد :-واو رووووعه الصراحه والله ليتخبل فهد
حمرت خدود رنا :-هههههههههه مو للدرجه ذي
سعاد :-الا لها ونص
ابتسمت رنا وقالت سعاد :-يالله انا بروح اشيك على شغل الشغالات الله يعافي امي مرسله شغالاتها يساعدن في حفلة الليله
انقبض قلب رنا..وحست بالدموع تخنقها وجلست تناظر بيدها الي آثار الحرق لسى باقيه فيها ، انتبهت سعاد للدموع الي بعيون رنا ورمت عبايتها بسرعه وجلست جنبها وقالت :-رنا علامك
مسحت دموعها وقالت :-ولاشي
سعاد :-وشلون ولاشي والدموع هذي ليش
سكتت رنا وكملت سعاد وهي تمسك يدها :-رنــــــا حنا خوات علميني وش فيك واحلف لك سرك ببير حتى احمد ماراح يدري
قالت رنا وهي تناظر بيدها كانت تحس انها وصلت لمرحلة اللا احتمال :-ملكت كل شي بين يديني كل شي ماعدا حنان الام
انصدمت سعاد وماحبت تقاطعها
كملت :-ما اذكر يوم ضمتني امي لصدرها ما اذكر مسحت على راسي وخففت عني ولا اذكر انها فرحت لي يوم ، يمكن ماراح احد يصدقني ويقولون عني ابالغ بس امي ماتحبني وكلما قلت لها انتي امي قالت لي توك تذكرين امك ..
مسحت دمعه تسللت من بين رموشها
"ماعاد لها بقلبي ود ياسعاد وياليت ربي يسامحني ان كنت عاقه ماراح اقطع فيها ولاراح اكرهها وراح اسوي كل الي امر به ربي وما ازعلها ولا شي بس البعد عنها نعمه ..تدرين ان هي السبب في حادث طلال
قالت سعاد ووجهها منقلب لونه :-ايش
ضحكت رنا بدون نفس وقالت :-يوم رجعنا من ملكة قمر تهاوش مع امي لانها ضربتني كالعاده وطلع زعلان من البيت ومن زود التعصيبه صدم عمود كهرب وصار الي صار وانعمى
ارتجفت سعاد وقالت بهمس :- مو معقول
رنا :-معقول ونص..صارت مشاكل كثيره ما تنعد ولاتحصى واقدر اقول لك انا اخر ابداعات امي حرق بيدي وحرق بيد ناصر واكيد الحرق الي بصدر احمد اتوقع انك تساءلتي عنه
ارتبكت سعاد شوي من كلام رنـــــــا المفروض تكون تعرف مو زوجته ..
وقالت وهي تناظر رنا :-كيف احرقت احمد وناصر غريبه وش السبب
ناظرتها رنا والدمعه متعلقه برمشها الاسود وقالت وهي تغمض عشان ماتطيح دموعها :-كانت تبي تحرق وجهي لكن احمد وقف في وجهها وحرقت صدره
سعاد :- آخ ياقلبي
رنا :-لا وكسرت له ضلع
ناظرتها سعاد بسرعه :-بــــــعد
هزت رنا راسها ...
ضمتها سعاد لصدرها وقالت وهي تمسح شعرها بيدها :-ياقلبي عليك
بكت رنا من قلب وجت الدموع مثل السيل ولا يمكن اكثر ..
رفعت سعاد وجهها بيدينها الثنتين وقالت لها بحب :-رنا اعرف ان هالشي قاسي عليك لكن الحمد لله ان جدتي عوضت عليك وربتك احسن تربيه وصدقيني ومالك علي يمين انك راح تلقين السعاده مع اخوي فهد تراه حنون وطيب لابعد حد والاهم انه يبيك ولو تدرين عن حماسه مجنن امي من اليوم بسيرتك
ضحكت رنا وسعاد تمسح لها دموعها ، ضمتها رنا وقالت :-الله لايحرمني منك يالغاليه
سعاد :-ولامنك
قالت بتخفف ثقل هالجو وتشيل الكآبه من قلب رنا :-يالله عدلي المكياج البنات داقين وهم بالدرب المملك جاي بعد
انفقع قلب رنا وخافت مره ...الا وبدخلة البنات هنادي ومنال والماس
ركضت هنادي وحضنت رنا :-قللووووووووووووووووووووش الف الف مبروك تف تف عن العين والحسد
سعاد :-هههههههههههههههههههههه الله يرجك راح مكياج البنت
رنا :-ههههههههههههههههه الله يبارك فيك عقبالك
رفعت هنادي يدينها للسما وقالت :-من بؤك لباب السما
الماس ومنال وسعاد ورنا :-ههههههههههههههههههههههههههههههههههههههههههه
منال :-لاحول الي يسمعها يقول ميته على العرس
هنادي :-ايه ابي اعرس عندك مانع
الماس :-ههههههههههههههههه على قولتك يومنك ميته على العرس ورى ماتوافيقن على خطباك
هنادي :-يعني لو عشاني ابي اعرس لازم اوافق على اي واحد يخطبني
منال :-طيب طيب صجيتينا بعدين الليله ليلة رنا
رنا :-وهي صادقه الليله ليلتي لا اسمع وحده جايبه لي طاري رجلها او طاري العرس
تفاجئن البنات من جرأة رنا الغريبه عليها ,,لان رنا من النوع الهادي المنطوي الجدي والتغير الي صار ولو انه بسيط الا انه ملحوظ مره
قالت هنادي تحارشها :-اخس يا رنوه منتي بسهله
رنا :-هههههههههههههههه من عاشر القوم
البنات :-ههههههههههههههههههههههههههههه
ناظرت سعاد وسألت :-جيتو بلحالكم
التفتت الماس :-هاو وين راحت قمر تو كانت ويانا
قالت هنادي بخباثه :-ههههههههههههه بس بس عرفت اكيد مع حبيب القلب برى
سعاد :-من
منال :-سليطين من غيره كان بيروح مع فهد وابوي ولما قلنا له اننا بنمر قمر ناخذها جلس بالبيت واصر انه هو الي يوصلنا
سعاد :-مصالح هههههههههههههههههههههههههههههه
هنادي :-اجل على شان عيوننا نخسي والله
البنات :-هههههههههههههههههههههههههههههههه
<>
><
<>
>لما وصلوا بيت احمد .<
.سلطان ما نطق بحرف ويسمع قمر يوم تهاوش هنادي على حركاتها ماشاء الله عليها ونعم التربيه .. البنت اذا حبت الستر وخافت ربها بالخفاء خلاص وش يبي الرجال اكثر بعد من مخافتها لربها ..
نزلوا البنات كلهن من السياره بسرعه ..اما الباب الي جالسه جنبه قمر قفله سلطان اتوماتيكيا من عنده ..
ومن زود الرباشه نزلوا البنات وقمر بالسياره ..اخذت شنطتها الي طاحت من يدها واختفى العطر تحت المرتبه ..انحنت واخذته ولما التفتت لقت البنات نزلن
عصبت مالت عليهن تاركاتها بالسياره مع البنغالي بلحالها ..
مسكت مسكة الباب وعيا ينفتح يمين يسار مافيه امل ..وانتبهت للقفل ..
حاولت...وحاولت ...وحاولت
لكنه رفض يفتح..!!
يعني السواق قفل عليها متعمد ؟؟
لاول مره تخاف قمر ...
حس سلطان بانها خافت ...وقبل لاتسوي له فضيحه نزل وفتح بابها بنفسها
نزلت قمر بسرعه لكنه مسكها من يدها وقال برقه :-لا سلام ولاكلام يالغاليه شدعوه
انصدمت قمر من قلبها :-سلطان
سلطان :-هههههههههههههه الظاهر الا اذا احلويت من بعد يوم الملكه
ماقدرت قمر تمسك نفسها وضربته بخفه على صدره بالشنطه :-يمه خوفتني
انهبل سلطان :-اقول ...
رفعت قمر عيونها لوجهه :-ســــــــــــــــــــــــــم
تخبل سلطان زود وهو يناظر في وجهها الي على اسمها
مسك يدها الي ترجف :-سم الله عدوك اقول لازم عرس وطنه ورنه
انصدمت قمر وصدقت كلامه ..
قالت بخوف :-لا مايصير
مرت من جنبه لكنه مسكها وقال وهو يعطيها علبه :-البسيه اليوم
ارتبكت قمر :-ماله داعي
قرب منها مررررررررره وهي طبعا طلعت عيونها قدام
وراحت تركض وهو يضحك عليها ويضحك من خوفها ..يا حبه لها
دخلت قمر البيت وراحت تركض لهنادي ..
عرفت هنادي انها بتنذبح اليوم وركضت وتخبت ورى رنا ..
سوت قمر نفسها معصبه موت:-لا والله اقول واجهي مصيرك وخلصي عمرك من الحين
سوت هنادي نفسها خايفه :-الرحمه يا مولاتي
ماقدرت قمر تمسك نفسها :-ههههههههههههههههههههههههههه يامال الماحي
هنادي :-يسلموووووووو حياتو
قمر :-ههههههههههههه حاضرين
سعاد :-ش السالفه
وعلمتهم قمر بالي صار لها برى وجلسوا البنات يضحكون عليها
توزعن البنات بالبيت الي تساعد في الترتيب والي تعدل شكلها ..اما قمر وقفت قدام المرايه وعدلت فستانها الاحمر الرايق وتذكرت العلبه الي عطاها لها سلطان طلعتها من شنطتها وفتحتها لقته سلسال فيه تعلاق على شكل قلب رووووووووعه اطرافه كريستال ومفرغ من جوى وحجمه وسط مميز من الذهب الاصفر ..ضمته في يدها وغمضت عيونها وهي تبوسه ..
اغلى هديـــــــــــــــــــــــــــــه والله
نزلت السلسال الي كانت لابسته ..ولبسته محله
كان مره مناسب مع لون فستانها وطالع جو..
*
*
*
*
>في بيت راكان >
نزلت دانه بسرعه ...
"ياربي تأخرت مره "
قالت الخاله مريم :-يمه مارحتي للحين
قالت دانه وهي تزين الحلق باذنها :-لا يمه راكان مدري وينه
الخاله مريم :-غريبه مادقيتي عليه
دانه :-الا وقال جاي بالطريق
الا وبدخلة راكان الي شاف دانه معصبه...
قال بسرعه :-سوري قلبو كفرات السياره منسمه واضطريت ابطي بالسرعه
مسرع ماروقت دانه ونست تعصيبتها ..
ابتسمت :-صار خير انت جاهز
انسحر راكان كالعاده بابتسامتها وقال :-ايه يالغلا
وتذكر :-مساء الخير يمه
الخاله مريم :-هههههههههههههههه مساء الانوار بدري
راكان :-والله مدري عن بنتك ذي تحوس مخ الواحد
حمرت خدود دانه
الخاله مريم :-ههههههههههههههههههههههههههه
راكان :- ما انتن رايحات معنا
الخاله مريم :-لا بنلحقكم تونا
راكان :-خير ان شاء الله مشينا
هزت دانه راسها وطلعوا
قال راكان بالسياره :-زعلانه قلبوووووووووووووووو
ابتسمت دانه :-لا ياقلب قلبووووووو لازعلانه ولاشي بس عصبت لاني تاخرت بالمشغل وتاخرت بالبس وتاخرت انت وكملتها
راكان :-ههههههههههههههههههههههه بهذلتني كفرات السياره وبدلتها بسرعه حتى اني عطيت الهندي دبل القيمه عشان اخلص بدري بدري
دانه :-الله لايحرمني منك ياقلبي
ناظرها راكان بعيون تلمع حب وتقدير :-ولامنك يانور حياتي
&
*
&
*
&

><بيت احمد-الساعه 9 ونص مساء ><
اجتمعت العايله كلها والاقارب والاصدقـــــــــــــــاء عشان ملكة فهد على بنت عمه رنا ..
كان فهد متحمس مره سبحان الله حس ان قيد هالبنت بيده وخلاصها بزواجه منها ..ناظر في طلال واحمد وناصر ،فرحتهم مو سايعتها الدنيا
الا والشيخ يبدء بمراسم الملكه ...
انتهى كل شي وصارت رنا زوجة له ...
بارك له الكل ..ابوه اعمامه ..اخوانه وعيال عمه ..اصدقاه وكل من يعز عليه ...
الا وابوه يهمس في اذن سعود الي كان جالس على يمينه :-الحين بتملك على نوف
التفت سعود يمه وهو مو مصدق كلامه :-نـــــــــعم
ابوه :-الي سمعته
قال سعود بقهر :- اسف يبه طلبك مرفوض
عصب ابوه :-انا ما اطلب انا آمر
سعود :-لا
عصب ابوه من قلب وقال :-بتتزوجها غصب عليك دمك ودمها متطابقين والاوراق معي
انصدم سعود مو للدرجه هذي
قال بذهول :- وش جاب دمي عندك
(ماتدري عن استبداد ابوك ياسعود وقوة عينه )
ابوه :- خليت المستشفى ياخذونها لك وانت متنوم يوم انهرت
ضاقت بسعود الوسيعه :-يبه من جدك تتكلم
ناظره ابوه نظره مدمره :-ايه من جدي ونوف الله يسلمها سوت التحاليل امس واليوم طلعت النتيجه وشفها
عطاه ابوه ورقه وفعلا طلع كلامه صحيح
قال سعود بكلمات متقطعه :-يبه..مانـ..ي مصدق ليه ليه
ابوه كان راسه حجر لا ويمكن الحجر الين :-ابي يجيلك ضنا
قال سعود بهمس عشان ما ينفضحون :- عساني الموت الي ياخذني يبه كرهتني في حياتي
الا وبصـــــــــــــوت ابو سعود يعلى في مجلس كبير اجتمع فيه القاصي والداني من احباب ويمكن اعداء :-اليوم بتكون الفرحه فرحتين لان الحين بيملك ولدي سعود على نوف بنت عمه نايف وبكذا اكون كسبت جوهرات اخوي بناتاخي لي
جمووووووووووووووووود سرى بين الرجال وبين عيال العايله
فهد..
.مصدوووووووووووووووووم
سلطان
وجهههههههههههههه ما ينتفسر
احمد ناصر طلال
مذهووووووووووووولين بهالخبر
خالد ..
منقهررررررررررررررر من الي يصير لاخته
راكان
موقادرررررررررررر يصدق
والاهم
سعوووووووووووووووووووووووووووود
حس الموت مابينه وبينه الا خطوه
كانه محصور بين نارين .. ولا هو داري وين يلقي ولا وين يروح
محصور بين حبه لزوجته
وبين سمعة بنت عمه الي بتنزل القاع لارفضها
معروف في وسط الشياب الي الله مكثرهم في العايله ان سعود زوجته ماتحمل وان نوف بنت صغيرونه وتقدر تجيب له الولد (شوفوا التفكير طلعت الماس كبيره ونوف صغيرونه وفرق السن بين الثنتين 3 سنوات تقريبا ) طبعا ورفضه لنوف ماله قبول لا بالعكس بيحطم سمعتها وبتعنس بسببه ان رفضها لان الشياب ماراح يلقون تفسير الا واحد
انه شايف عليها شي مو زين!!
ناظر في اخوانه الي شانت وجيههم ...حس بالدنيا تطبق على صدره ولا ياسعه لاكون ولا مكان ولا مساحه
وش العمل...!!
وينكـ يا الماس تشوفين الظلم الي طاح فوق راسي
وينكـ يالغاليه..
ياترى لو قبلت بتسامحيني ..القلب والله العظيم لغيرك ما يميل ولا تدخله بنت غيرك ..حتى النفس ما تتقبل ولو اجبروني ذنب نوف برقابهم
<>
بنفس الوقت
×من يقول القلوب عند بعض ماكذب×
تململت الماس بمكانها وحست بضيق ماينوصف..
تعوذت من ابليس...وفي جو الوناسه هذا والتنكيت والديجي الي راج الدنيا مالقت لا الهدوء ولا الاستقرار النفسي لبركان ثار فجأه بدون مقدمات
وحتى ماتثير الشكوك ..تسحبت وطلعت من مجلس الحريم ..
تحمد ربها ان المعازيم بس العايله والصديقات المقربات يعني محدن يشره على احد
ماقدرت تمسك نفسها ودقت على سعود.....
سندت ظهرها على الجدار وجلست تنتظر يرد..
رنه...ثنتين..ثلاث...............ســـــــــــــــت
مارد عليها
الا وجوالها يدق..
قالت بسرعه بدون ما تناظر اسم المتصل :-سعود
"انا خالد"
استغربت الماس :-هلا خلود
كان خالد مو على عوايده وين المزح والهبال
قال بتردد :-بقولك شي الماس حبيت تعرفينه قبل لا يتم
الماس خافت من قلب يعني شعورها ماخاب :-وشهو
احتار خالد ..بس خلاص ما دامه تعب نفسه وطلع من المجلس لازم يخبرها وينقذ على الاقل زواجها من الانهيار لانها راح تعرف ان سعود انحط بموقف ما ينحسد عليه
خالد :-الماس سعود انحط بموقف ماله مثيل
وصلت حدها :-تكلم خالد ترى اعصابي بدت تتلف
خالد :-عمي قال قدام خمسين رجال تقريبا من معارفنا والي خبرك ان سعود يبي نوف وانه بيملك الحين عليها
لون الكون انقلب رمادي والهوى صار اثقل من الزيت من قسوة الخبر
شوي شوي...زحلقت على ظهرها المسند للجدار وجلست على الارض لان رجلينها ماعاد شالتها ..
"هاه"
جاء الصوت من بعييييييييييييييييييييييييييييييييييييييييييييد
رحم خالد حالها ...وقال :-يالغلا انبحل سعود الحين سمعة نوف بين يدينه وعمي لعبها صح اخ لو تشوفينه مانطق بحرف للحين والهمز واللمز اشتغل بالمجلس
حست الماس نفسها في حلم...وتمنت لو تصحى منه وتلقى كل الي قاله خالد ماله اساس من الصحه
ماكانت غشيمه ولاغافله عن تفكير جماعتها الا ماخذه كورس مكثف من هالتفكير من اللوعات الي صابتها باسباب الشياب والي سووه فيها الشهور والسنين الماضيه
قال خالد :-الماس سعود يحبك وهذا شي متجلي للكل .. حبيت احطك بالصوره عشان تعرفين وش حاله الحين
همست :-طيب
خالد :-انتي بخير
"هه بخـــــــــــــــــــــــــــير ..ليه هو لا تبخرت الاحلام يجي الخير "
الماس :-ااا..يه
خالد :-لا بغيتي شي دقي
وسكر الخط
حطت الماس راسها على ركبها وجلست تبكي مو حرام الي يسوونه فيها ..ليه هي ماهي بانسانه تحس ولها مشاعر ولا عشان الموت مابينه وبينها الا خطوه مشوا على المثل القايل لا تأجل عمل اليوم للغد
صور..ذكريات ...ايام روعه مرت بذاكرتها
الحين سعود يحتاجها ..وقفتها بتنقذه من الي هو فيه ومن الفضيحه
لازم موووووووووووقف
وقبل لاتضعف وترجع تفكر في الكارثه الي بتسويها دقت عليه
×
حاول يتجاهل رقمها ..
هو بعالم كئيب بلحاله كانه محكوم عليه وحكمه انه يشوف عالمه ينهار قدام عينه
لكن الحاحها خلاه يرد...
بيسمع البراءه والصفاء الحين بنغمة صوتها ..وهي غافله عن المصيبه الي هو فيها
قال سعود وقلبه يتقطع شرايح شرايح :-هلا
بدون مقدمات قالت :-وافق ياقلبي
انصدم سعود ورجع للواقع بقوه :-نعم
جمدت قلبها :-وافق وملك عليها خلنا نخلص
سعود حس لاول مره بالعبره تخنقه من قلة الحيله :-لا
بكت بالتلفون :-حبيبي سمعة العيله بين يدينك
المست وتر حساس ..
" طوط....... طوط .......طوط ........طوط ..........طوط................
سكرت الخط لانها مو قادره تستحمل ...
الا بصوت واحد من الشياب الي ما يرتاح لهم سعود يقول باهتمام يخفي شماته :-ياولدي وراك ماترد على الشيخ تبي تملك على بنت عمك والا لك عليها اعتراض
شان وجه عمه ابو احمد وفار دم احمد واخوانه
ناظر سعود اخوانــــــــــــــــــــــــــــــه الي كانوا راحمينه وحاسين فيه وقال بقوه وهيبه خلت هالشايب المنافق يسكت وما يفتح فمه بكلمه :-بنت عمي عن عشر بنات يبو خلف والف من يتمناها وقطع لسان من يجيب سيرتها بالشينه
قال الشيخ الي كان مستعجل :-بتملك ياولدي عليها
ناظر سعود ابوه كانه يقول له "ماراح اسامحك ابد وانت المسؤؤل عن النتايج "
التفت وقال للشيخ :- ايه
وتمت الملكه مثل الحلم .. كان سعود مثل الاله الي ترد بالشي الي حافظته لاتحس ولاتذهن ولاتفهم شي..
تبلدت مشاعره وماتت احاسيسه ..
والسبب استبداد ابوه ..وموافقة عمانه
ذنب نوف برقبتهم ؟؟
لانه يحب الماس ولـ الماس ...

&&&&&&&&&&&&&&&&
الفصل الحادي عشر
(الجزء الاول)

تلفتت سعاد يمين ويسار بصالة الحريم الكل موجود وفالها الا الماس مختفيه
قالت تحاكي نفسها :-ياترى وين راحت
التفتت هنادي :-تكلميني
قالت سعاد بدون اهتمام :-لا
ووقفت بسرعه تدور الماس..طلعت من صالة الحريم وراحت لصالة الاستقبال مالقت فيها احد ..غريبه وين راحت المطبخ مستحيل شتبي فيه الشغالات قايمات بالشغل كله ..راحت لصاله الجلوس اليوميه ومالقتها ..يمكن فوق وقبل ماتطلع الدرج..
سمعت صوت هامس بزاويه فيها مرايا وتعليقات عبايات رجعت وراحت لها المكان
شافت الماس جالسه على الارض وحاطه راسها بين على ركبها وتبكي
ارتبش قلب سعاد وقالت بخوف كبير :-الماس
رفعت الماس راسها وقامت تركض ورمت نفسها بحضن سعاد وجلست تبكي من قلب لدرجة ان فستان سعاد تغرق بدموعها
انهبلت سعاد ماتدري وش السالفه تشنج قلبها من الخوف وقالت :-الماس الماس سعود صاير له شي
زاد بكا الماس ---------> انهبلت سعاد
قالت وهي تمسك الماس مع كتوفها :-الماس يسلم لي عمرك اخوي صاير له شي
صرخت الماس بهستيريا :- ملك على نوف يا سعاد ملك عليها
لو طايحه سعاد على راسها ماحست بالالم كثره الحين ، كأن كلام الماس صدى صوت يتردد بس ماينفهم :-هاه
رفعت الماس وجه اختلطت فيه الدموع بالكحل الاسود وقالت ودموعها انهار تهل على خدودها :-سووها الشياب وغصبوه يملك على نوف
صرخه خلت البنات يلتفتن
كانت رنا واقفه وسمعت اخر الكلام
قالت ودموعها هلت بسرعة البرق :- الماس تكفين قولي ان الي سمعته مقلب فيني
داخت الماس ومسكتها سعاد :-الماس بسم الله عليك
مسكتها الماس وقالت :-انا بخير
اما رنا فتصنمت مكانها ودموعها عيت توقف من الصدمه ، ليه يمه ليه ارخصتي اختي ليه !!!!!
ليه كذا ليه تخربين بيت الماس والله ماتستاهل
ليه!!
الا وجوال سعاد يرن
احمد --------->>يتصل
قالت بهدوء وهي تحاول تبلع غصتها :-نعم
كان صوت احمد ما ينتفسر شكله مو موافق على هالملكه ومن يقبل المذله لاخته
احمد :-فهد يبي يشوف رنا ارسليها للمجلس
ناظرت سعاد في دموع رنا ويدينها الي ضامتها على صدرها ورجفتها :-خير ان شاء الله
احمد :-عجلي
سعاد :-طيب
وسكر الخط ...
قالت سعاد وهي تناظر رنا :-رنا احمد يبيك تروحين للمجلس فهد يبي يشوفك
ومن يجيله نفس واصلا كيف توري له وجهها بعد عمايل اختها ..خلاص المذله عمتها مع اختها ...امها واختها الوقحه دمرن سمعتها وبيتها وحياتها قبل لاتبدأ ماراح تسامحهن ابدآ
قالت رنا وهي تبكي :-ما ابي ياسعاد ما ابي
والتفتت للدرج وطلعت بسررررررررعه وهي تركض وصوتها وهو تبكي ينسمع
الا وجوال سعاد يرن
احمد--------->>يتصل
تورطت سعاد وردت :-هلا
عصب احمد :-وين رنا فهد ينتظرها
سعاد :-رنا ماتبي تشوفه
احمد :- ايش
سعاد :-الي سمعته
احتار احمد :-طيب وش السبب
ناظرت سعاد في الماس الي جالسه على الكرسي والي دموعها ماوقفت :-درينا عن ملكة سعود ورنا من يوم ماسمعت الخبر وهي متنكده
انصدم احمد :-دريتوا
سعاد :-ايه
قال احمد بهدوء وكانه خايف لو علاّ صوته تسمعه الماس :- طيب الماس درت
تنهدت سعاد من قلب :-ايه وبدون ماتسال احوالها زفت
من قلب قال احمد :-يارررررررربي والله صدمه ومحدن راضي بس...........
وكمل :-يالله بروح اعلم فهد
<>
<>
كان احمد واقف بالسيب الي قدام مدخل المجلس الي كان فهد جالس فيه ينتظر رنا سكر جواله ...
دخل المجلس وقال لفهد الي كان متنكد من الي صار لاخوه :-والله يافهد البنت ماتبي تنزل
خاف فهد :-خير ان شاء الله
احمد :-خير
قال فهد وتفكيره راح لبعيد :-احمد قل الصدق لاتكون مغصوبة علي
ناظره احمد نظرة قويه :-افا يا ابن العم ما ارضاها لك تتزوج بنت ماتبيك
ارتاح فهد :_طيب وش السالفه
تردد احمد لكنه قرر يعلمه حتى بس يعرف ان رنا عكس نوف :-متنكده من ملكة سعود
استغرب فهد :-فيه بنت تزعل لان اختها تملكت
احمد :-لا مافيه بنت تزعل لاملكت اختها لكن فيه بنت اصل تزعل لا تملكت اختها على زوج بنت عمها
تفاجأ فهد من تفكير رنا ..ومن مبادئها هو كان ناوي يتزوجها عشان يرحمها من عيشة العذاب الي كانت عايشتها بس عمره مافكر باخلاقها وتعاملاتها
والحقيقه انه خاف على عمره منها بسبب الي سوته اختها وموافقتها على خطة ابوه عشان يجبرون سعود يتزوجها
وفجأه طرت عليه فكره :-احمد مو رنا زوجتي الحين وانا لها محرم
عقد احمد حواجبه وش مناسبة هالكلام لكنه قال :-الا
فهد :-طيب طلبتك طلب وقل تم
احمد :-تم
×
×
×
×
×
في هالوقت...................
كانت رنا نايمه على بطنها فوق السرير وتبكي من قلب الي صار جرحها جرح ماراح يطيب ابد ..
في ليلة ملكتها الي المفروض تكون اسعد ليله في حياتها
امها رفضت تحضر
ابوها طلق امها
واختها تزوجت زوج بنت عمها
من الي صارت له هالمآسي بهاليوم من انهدمت الانقاض الي باقيه من حياته اليوم ..
فتح باب الغرفه ..
قالت رنا :-ابي اجلس بلحالي
وسكر الباب
ومازالت دموعها هماليل ..الا وبيد على كتفها
قالت بهمس ووجهها مدفون بالمخده :-مابي اكلم احد
الا وصوت غريب
"ولا انــــــــــــــــــــــا"
هذا صوت رجال عمر رنا ماسمعته بحياتها
جلست بسرعه الا وتشوف رجال بنص العشرينات فيه شبه من اخوانها ووجهه يدخل القلب بسرعه ، نشف الدم من وجهها ووقفت وقالت بخوف
"من انت "
ماقدر يمسك نفسه :-ههههههههههههههههه
عصبت رنا :- اطلع من غرفتي
ضحك مره ثانيه وخافت من قلب (صدمة ملكت نوف افقدتها التركيز ) ومشت بسرعه للباب لكنه سبقها وحط ظهره للباب
وصلت معها وقالت ودموعها :-تسيل الله يخليك بطلع
قلب فهد جلس يرقع بصدره قال برقه وحنان :-افا يالغلا شدعوه وش بيقولون عني الناس كرشته زوجته وهو ماجلس معها دقيقه
قالت رنا بغباء :-هاه
ابتسم فهد :-ماعرفتيني
هزت راسها
فهد :-انا فهد
حمر وجه رنا صدق انها غبيه كيف ما انتبهت المفروض انها تعرفه ..مو هو الي يقول لها يالله هذي نقطه سوداء جديده تعزز ثقتها في كرهه للزواج منها
ورجعت تبكي ، صدت عنه وجلست على طرف السرير ..
جلس فهد جنبها وقال :-لا تبكين يالغلا
الا انها زادت ، في اوقات الحزن اي تعاطف او نبرة اهتمام صادقه تثور بركان الالم وتزيده وكأن هالنبره تطلب منه انه يفضي كل الالم الي يحتويه
مسح دموعها بيدينه وقال :-الي صار لسعود والماس مقدر ومكتوب
رنا :-عارفه
فهد :-مادامك عارفه يالغلا ليش هالدموع
ناظرته ولاول مره تطيح عينها بعينه من هالمسافه وقالت :-لما اختي تدمر بيت انسانه عزيزه علي انسانه فتحت لي قلبها لا وبنت عمي بعد لحمي ودمي وش لون تبيني افرح الي سوته نوف ماينغفر لها ابد والي صار لاخوك اجرام بحقه
لمحة الم مرت بوجه فهد وهو يقول :-الله يكون بعونه
قال من قلب مستحيل يكون ماهوب طيب :-يافهد هذي اختي ماعاد لي وجه اقابل به احد اختي ذلتني يا ولد العم ذلتني
عصب فهد وقال :-ما تنذلين ولاينزل لك راس يابنت العم وحنا حيين والي سوته اختك يرجع عليها هي والي معدنه ذهب سعره مايخسف ابد
قالت ببراءه انسانه بداخلها طفله محرومه :-صدق
قال فهد بشعور يحفزه يحميها ويبعد عنها هالدموع الي تغشى وجهن كما القمر في طلته :-الي يقول غير هالكلام والله لا اطا على رقبته
قالت وعيونها تلمع بالدموع :-الله لايحرمني منك قل امين
ابتسم فهد وقال :-متى تبينا نسوي العرس
صارت خدودها زهريه ونزلت راسها ..
ابتسم فهد زود وقال وهو يمسك يدها الي ترتجف :-رايك يهمني يالغلا علميني متى تبينه
كره رنا لشوفة امها واختها بعد الي صار اليوم خلاها ترقب اليوم الي بتفارقهن فيه دوم مو يوم :-ياليت..يكون باسرع وقت
قدر فهد طلبها وعرف سببه ومافسره غلط :-تم يالغاليه
رفعت عيونها وناظرته وطال السكوت ..كيف تشكره وكيف توصل له ان اسعد شي صار لها في حياتها زواجها منه ..
وقف فهد ووقفت رنا معه وقال :-انا بروح الحين احمد يالله وافق وماعطاني الا ربع ساعه بسبب المكان الي حنا فيه
وابتسم
اما رنا ولع وجهها ..
وراح للباب لكنه رجع كأنه ذكر شي ..اخذ علبه مخمليه كانت على سريرها وفتحها كان فيها كولييت من الذهب الابيض وفيه احجار كحليه رايقه ومعه خاتم
قال :-انت انسانه مميزه في حياتي وجبت لك هديه مميزه مثلك صممتها انا بنفسي
جتها الصيحه من اسلوبه من رقته ومن تقديره لها ..
لبسها السلسال الي تعلقاته مربع كبير مفرغ من الوسط وبوسطه دائره مفرغه بعد نصها الماس ونصها الماس كحلي ولبسها الخاتم الي نفس التعلاق بس اصغر ..
حب على جبهتها وقال وهو يحط بطاقته في يدها :-هذا رقمي خزنيه وعطيني نغمه الحين عشان اخزنه
رنا :-ان شاء الله
وطلع من الغرفه ..
جلست رنا وهي تفكر في اللحظات الي جمعتها بزوجها ...
كان حنون......مسح دموعها وخفف عنها
كان طيب .......وما اخذ موقف بسبب المصيبه الي طاحت على راس اخوه بسبايب اختها
وكان مقدر .........لانه ماجادلها بامر تقديم العرس
اخذت سجاده وصلت لربها ركعتين تشكره فيهم على زواجها من هالرجال الطيب وتطلبه يصبرها على الفتره الجايه ..

><في بيت ابو احمد><
كانت نوف مشغله المسجل وترقص وتصارخ :-يمه مو مصدقه انا صرت زوجة سعوووووووووووووووووود
امها :-ههههههههههههه قايلتلك مصيره بيكون لك
ورجعت تاكل حب وتشرب شاهي
نوووف :-يسلم لي عمرك يا احلى ام
امها :-هههههههههههههههههه لا تتشققين العرس بعد اسبوعين مامعنا وقت
جلست نوف جنبها :-صدق والله هذا الي مايبيني وقالب الدنيا على بعض يبي العرس بعد اسبوعين
ناظرتها امها وقالت وهي تقلب في القنوات :-انتي ماتعرفين الرياجيل ماعندهم سالفه المهم ابوك قال لي ان عمك ابو سعود يقول انهم يبون العرس بعد اسبوعين
(لازم يجمع سعود معه عشان يرقع السالفه)
تحمست نوف وقال بشماته :-ودي اشوف وجه الماسوووووووووه
امها :-هههههههههههههههه اي والله الخبر بيفجعها يمكن يعجل بموتها ونفتك منها
ضحكت نوف بتبلد للمشاعر ماقد حصل :-هههههههه يارب
"عساني احضر عزاك قبلها "
طاحت بيالة ام احمد ونوف جمدت من الخوف ..
مسكها احمد من شعرها وقال وهو يصارخ :-مو انا قلت لك ماراح تتزوجينه
طلعت نوف على حقيقتها وقالت :-بكيفي انا ابيه
انقهر احمد من قلة تربيتها :-انتي ماعندك احساس الرجال كنه يوقع على ورقة اعدام مو ملكه
تدخلت امه وقالت وهي تصارخ :-اترك اختك واطلع برى
انصدم احمد وناظر امه ..
رمى نوف على الصوفا بقوه وقال يهدد :-سرقتن فرحة رنا باسعد يوم بحياتها دمرتن حياة سعود والماس كرهتني في حياتي وفي بيت ابوي اذا جاء الوقت الي عرفتن فيه انكن خسرتن لا اشوف وحده جايتن لبابي ابدآ وتذكرن هالكلام زين
وطلع معصب...قال ناصر وهو يقابله :-خذني معك
وكان مجمع اغراضه وبيترك البيت
وطلع مع احمد ..
جلست نوف تبكي :-يمه وش ذا الحاله محدن يحبني
عصبت امها من تصرفات عيالها وقالت تهدي نوف :-ماعلينا منهم اهم شي الي بغيناه وصار
استانست نوف :-على قولتك المهم لازم نخطط للتجهيزات
امها :- تعجبيني خلينا في المهم وبالطقاق في اخوانك..
>
<
>
<
>
في بيت احمد
دق خالد على جوال الماس
الماس:-نعم
خالد :-هلا يالغلا مشينا
استغربت الماس وقالت بخوف رغم المصايب الى على راسها:-وين سعود
حس خالد بخوفها وقال :-سعود قال لي وصل الماس المكان الي تبيه
مافهمت الماس معنى هالكلام هي في حال تفكير :-وش قصده
قال خالد بجد :-قصده واضح يا الماس سعود يعطيك حرية الاختيار
ماركزت الماس للحين :-في ايش
خالد مقدر لوضعها عشان كذا صبر على مودها :-يخييرك ياترجعين له ياتتركينه
انصدمت الماس وتمسكت في طرف السرير لين جلست قالت بحزن كبير :-اتركه ماراح اتركه لين ياخذني الموت كيف يقول كذا
خالد :-بعذره ياوخيتي ماينلام
مسحت دموعها وقالت :-انا نازله عشان توديني بيتي
وركزت على كلمة بيتي..كبرت الماس بعين اخوها الي كان متخوف من انفصالهم بعد ملكة سعود على الي ما تتسمى سبحان الله كريهه ومحدن يحبها عكس اخوانها الي يسوون قبيله..
لبست الماس عبايتها ..دخلت سعاد الغرفه وكانت من جد تعبانه بسبب الاحداث الي صارت وبسبب الموقف القوي الي صار مع احمد ورجعتها بالذاكره سنه ورى ..لذكرى ذاك اليوم الي خانها فيه ..
قالت سعاد ووجهها مصفر من الخوف لان فراق الماس عن سعود شبه اكيد :-وش قررتي
لبست الماس طرحتها وقالت لسعاد :-برجع بيتي وبكافح عشان احتفظ بزوجي ولانوف ولاميه مثلها بياخذنه مني انا اعرف قدري عنده زين
صار تطور كبير في موقف الماس قبل كانت رافضه نهائيا فكرة انه يتزوج عليها خوفا منها انه مع الوقت ينقص بقلبه غلاها وفراقه عندها اهون من شوفتها لحبهم وهو يحتضر ..لكن بعد ما تركته ذيك الفتره ماتت باليوم الف مره الكون فقد الوانه والحياه ماعاد فيها مباهج..
عشان كذا قررت تبقى معه على الحلوه والمره وش تبي بعد اكثر من كل رفضه وكل مواقفه القويه بوجه الشياب حتى مايتزوج نوف ..ولو بهالكون احد بيكره نوف لدرجة اللامعقول فهو سعود ..
ابتسمت سعاد من خاطر وضمت الماس مشجعه :-تعجبيني لا ذيك الشينه ولا الي جابوها بيجون بعشر ذره من غلاك عند سعود
ابتسمت الماس :-الله يكون بالعون
وتذكرت ثم سألت :-احد درى بالسالفه
جلست سعاد على طرف السرير :-لا محد درى
الماس :-الحمد لله ماودي امهاتنا يسون مناحه جماعيه انا مو ناقصه
ابتسمت سعاد :-المناحه صايره صايره زين انك بعيده وانا بعيده
التفتت يمها الماس وسألتها:-الا ماقلتيلي وش اخبارك مع احمد
طبعا بسبب المعازيم وجمعة البنات ماصار وقت لالماس انها تسالها عن احوالها
شان وجه سعاد وخنقتها العبره قالت وهي ترمش عشان تمحي الدموع الي تجمعت :-اخباري .. آه وش اعلمك عن اخباري
انصدمت الماس .. توقعت ان سالفة التحدي مكابره من احمد ماتوقعتها جد
قالت وهي تجلس مقابلها :-لا تقولين لي ان سالفة مذلتك براسه للحين
ناظرتها سعاد بعيون دامعه :-كلما قلت زانت العلاقه ترجع تتعقد اكثر اظن ان رفضي له عامل عمايله معه ..
عصبت الماس كل واحد اغبى من الثاني ما دامهم يحبون بعض ليش مايعترفون وينهون هالمهزله :-سعاد عن اللف والدوران وعلميه ليه كنسلتي الملكه وليه رفضتيه يوم خطبك ايام الجامعه
عصبت سعاد من كلام الماس :-كرامتي ما تسمح يا الماس وش اقول له اني احبك واكتشفت انك تخونني ..عشان كذا رفضت الملكه ..واني احبك بعد عشان كذا رفضتك يوم كنت ادرس عشان اعطيك الخيار والحريه حتى مايضيع عمري وانت تنتظرني ..لا والف لا
كانت بتلعنها بس دق خالد عليها ...لانها تاخرت عليه
قالت وهي تاخذ شنطتها :-لي تفاهم معك قريب انتي ماعندك سالفه
ونزلن سوى ..
في الطريق قالت الماس :-الا وين رنا كيف نفسيتها الحين
سعاد :-ياقلبي عليها البنت هذي كتلة احاسيس سبحان الله الي حماها من البيئه الخايسه الي كانت فيها
قالت الماس بطيبة قلبها الي ما خلتها تحقد على رنا الي ماكان لها ذنب في الي صار :-تربية جدتنا الله يرحمها عز الله لو انها حيه للحين لترفع بها الراس
طبعا سعاد ما كانت مستغربه ابد من ردة فعل الماس على رنا لانها تعرف بنت عمها وتوام روحها زين وتعرف ان قلبها ابيض وحقانيه
طلعت الماس ..وكانت سعاد طالعه الدرجه الثالثه الا واحمد توه يوصل ..
قال بوجه يخرع من الجديه :-قولي للشغاله تزهب فراش لناصر بالمجلس حق الرجال بيبات الليله هنا وبكره بينام بالعمل لان عنده دوره عسكريه
(طبعا ناصر راسه والف سيف ماينام بغرف البيت حتى مايحرج سعاد وهي توها عروس وقال لاحمد يا يحطون له فراش بالمجلس البراني يا يحجز له غرفه بفندق او ينام عند واحد من اصدقائه عشان كذا استسلم احمد رغم ان هالشي مو من طبايعه بس المواجهه مع امه واخته على قصرها الا انها استنزفت كل قدرته وكل طاقته وع العموم هي ليله ومن بكره ومن حظ ناصر الزين عنده دوره بالعسكريه ولازم يبات عندهم ولايطلع الابعد اربع شهور هو المفروض تبدء دورته بعد اسبوعين بس يقدر يتواجد بمقر العمل لذاك الوقت)
ماناقشته سعاد لان باين عليه انه ماله خلق احد يحاكيه..لكن قلبها عورها لانه كان ماسك صدره بقوه وجبهته معرقه وهذا دليل على انه يتالم ..
راحت سعاد ورتبت موضوع نوم ناصر
رجعت ومالقت احمد تحت سألت الشغاله عنه ..فقالت لها انه بغرفته وانه طلب منها تجيب لها علبة الاسعافات ..
تشنج صدرها من خوفها عليه واخذت علبة الاسعافات وطلعت له ...
في نفس هالوقت بدل احمد ملابسه ولبس بيجاما بس رمى بلوزتها على جنب لان صدره شاب نار عليه وينزف صديد ودم
نام على السرير ورجوله بالارض..
دق باب غرفته ..
قال وهو لسى مغمض وراسه يعوره :-ادخلي
انفتح الباب ..وقال احمد بصوته القوي :-حطي العلبه هنا واطلعي..
ومافيه رد عصب عاد هو رايق لتناحة الشغالات ..
فتح عيونه الا سعاد هي الي جايبه العلبه وكانت ملامحها ما تنتفسر..
انصدم وكان هالشي واضح عليه :-كان خليتي الشغاله تجيبها ماله داعي تجيبينها انتي
انجرحت من كلامه بس خوفها عليه غلبها
قالت وهي تحس بغصه مثل المشرط تقطع حلقها :-انا اخذتها منها
احمد :--------------------
قربت منه وقالت بجديه :-لو انك متهم بجرحك اكثر ما التهب كذا
احمد نسى الجرح..نسى التعب ..نسى الالم وجلس يناظرها من فستانها الناعم لجمالها الي ماينوصف..
انتبهت لنظراته لكنها ماتبيه يفهمها غلط ويفسر جيتها هذي بشي ثاني ..
فكت العلبه بيدين ترتجف...
وطلعت مرهم الحروق وشاش نظيف ومقص ..
جلست جنبه وفتحت مسحه طبيه ..ومدتها عليه :- خذ امسح بها الجرح
(وطول هالوقت وهي تصد عنه ماتبي تناظر شكله وهو منزل بلوزته ووجهها مولع من الحيا)
ابتسم لاول مره بعد هالمآسي الي مرت عليه وقال :-انتي قلتيها لو انا متهم بجرحي ما التهب كثر
طبعا من الاحراج جتها حالة الدلاخه :-طيب خذ نظف جرحك
لكنه قرب منها وفهمت قصده ..وبنعومه زايده جلست تمسح على الجرح الي كان جاي بالطول على صدر احمد وعرضه يمكن 2 سم وملتهب وحالته حاله عشان كذال طالع شكله مرعب..
ضحك من خوفها لاتعوره وقال :-تراني رجال مو بنت لاتخافين سوي الي تبين عادي
انصدمت سعاد وما لقطت الا كلمة (سوي الي تبين)
عصبت وقالت :-اسوي الي ابي
عرف انها مرتبكه وياليتها تدري انها طاحت بمطب قوووووووي
احمد :-ههههههههههههههههههههههههههههه
عصبت منه :-جالسه انكت انا
قال ووجهه غير عنه اول ماجاء :-ههههههههههههههه شتبغيني اسوي وانت تفكيرك فوادي وانا فوادي
شبت خدودها ضو :-هاه
احمد :-هههههههههههههه هاهين انا اقصد نظفي الجرح براحتك ولاتخافين ماراح اصارخ من الوجع
تمنت لو الارض تنشق وتبلعها ..
ومن زود الفشله ماتحملت تجلس معه ووقفت بسرعه ،
مسكها مع يدها وقال بجد :- امزح معك شدعوه اجلسي
ماتدري هي تخدرت...او تخبلت ..او انهبلت..
لكن اول مره يكلمها برقه مالها حدود ويكون الكلام طالع من قلبه بجد مو مجامله..
جلست لانه طلب منها تجلس ولو قايل ارمي نفسك بالنار بنفس هاللهجه ماترددت دقيقه..
قالت وهي متخرعه من جرحه :-جرحك صايبه شمم
مافهم وش تقصد :-شمم
كانت قريبه منه ..رفعت عيونها وقالت :-اقصد انه ملتهب بسبب العطور والاطياب عشان كذا ينزل صديد ودم وطبعا هذا مع قلة الاهتمام
خلصت تنظيفه وحطت عليه المرهم والشاش ..قربها منه خلى الالم وكانه مثل الحلم...نساه وحس به مو حقيقي لكن الحقيق فربها منه وقلبه الي ينبض وينبض وينبض لعيونها
لو ينكر لو ينفعل ويقلب الدنيا ...هو حبها فصغره ومازال يحبها ..
وقفت ..
لما وصلت الباب قال :-سعاد
التفتت بسرعه :-سم
قال وهو يناظرها بقوه :-وش الذنب الي ارتكبته وجازيتيني فيه بمذلتي
مانسى الموضوع مثل ماكانت تتمنى سعاد
بكل قوتها مسكت شنطة الاسعافات ..ويسأل بعد
التفتت يمه وعطته نظره مالها مثيل ...نظرة قهر..نظرة ادانه ...نظرة الم
وقف وقرب منها ..
قال بثقه قهرتها :-جاوبي عمرك ماكنتي خوافه ولاضعيفه يابنت العم
من قهرها رمت علبة الاسعافات على الارض..وتكسرت كم قطعه
كأنه كان متوقع ردة فعلها ذي..ومارمشت له عين
قالت من القهر بعيون دامعه ورجفه سرت بجسمها كله :-ولك عين تسأل
قال بتعصيبه من ظلمها له :-عمري ما اخطيت في حقك عشان كذا نفسي اعرف وش الذنب سويته
قالت بهستيريا :-احلف بس الي سويته مايسويه قليل اصل
الا ويرفع يده في ساعة فقدان للشعور ويجي بيصفقها كف لكنه مسك نفسه في اخر لحظه لانه تذكر نوف ويده الي نادرا ما تنمد عليها وهي صفاتها مالها مثيل في الشينات وقليلات التربيه ..وعرف انه لو مد يده عليها بيحطها مع هالفئه..
خافت سعاد وانصدمت ..منه ومن نفسها اكثر شي كيف تجرأت وقالت هالكلام الي ماينقال ابد
قال بهمس وعيونه من الزعل ترمي سهامها :-والله ثم والله لو ما انتي ببنت عمي و------- (وقف كلامه ثم قال) ماكان كفاني فيك كف واحد
سعاد:---------------------------
قال وهو يصد عنها :-اطلعي وسكري النور بنام تعبان
فهمت التلميح وطلعت بسرعه تركض لغرفتها ..
&
&
&&&&&&&&&
(الجزء الثاني)

دخلت الماس بيتها بهدوء ...تلفتت يمين ويسار وابتسمت وهي تشوف شماغ سعود مرتبه كالعاده وحاطه على الطاوله ..
وقفت قدام المرايه وعدلت مكياجها ..نزلت عبايتها وطلعت الغرفه..
<>
جلس سعود على الصوفا الي بجناحه هو و الماس..وهو يحس بنفسه جثه تهيم بلا روح
الي سواه اليوم اجرام في حق نفسه وفي حق الماس وفي حق نوف بعد..
كيف يقدر يفهمهم ان نفسه عايفه لنوف ولاي حرمه غير الماس ..
آآآآآآآآآآآآخ
الماس..وينها الماس
هي تركته في الاول وهو رافض يتزوج اكيد بتتركه الحين لانه فعلا تزوج؟؟
الا وباب الجناح ينفتح بهدوء..
دخلت الماس كانت الغرفه مظلمه الا الابجوره الي بجنب الصوفا كانت مولعه وسعود جالس جنبها..
رفع سعود نظره وماصدق الي يشوفه
وقف بسرعه وقال مو مصدق وصوته مخطوف من المفاجأه :-الماس
قالت بنعومه :-عيونها
قرب منها :-ماني مصدق توقعت..توقعت..
وسكت))
عرفت الماس تفكيره..
ضمته من قلب وقالت له :-محدن يروح للموت برجلينه ..بعدك عني اقسى من الموت يالغالي وانا معك وماراح اتركك لين ياخذني الموت
قال وهو يحس ضيقه خف نوعا ما :-بسم الله عليك ياعيوني
وسحبها من يدها... "تعالي اجلسي بكلمك "
مشت معه وجلسوا جنب بعض على الصوفا ..مسك يدها وقال :-الي صار اليوم مايغير شي يالغلا
ناظرته وهي تنتظر كلامه بصبر على وشك ينتهي
طاحت نظراته بعيونها الذباحه :-انا ملكت عليها وانا ما ابيها ، بعد زواجنا بسنه نشب ابوي بحقلي عشان اتزوجها وانا كنت رافض
(انصدمت الماس لانه خبر جديد ، كيف كانت غبيه وماصدقت احساسها الي كان يقول لها ان سعود احيانا لارجع من الدوام او من زيارة ابوه ببيته يكون متضايق وتعبان وكلما سألته كان يقول تعبان من الشغل وكانت غصب تصدقه لانها ماتبي تصير من كثر حبها له موسوسه )
قالت له مذهوله :-ثلاث سنين....وانت صابر
ابتسم :-ثلاث سنين وسبعه شهور
ماقدرت تبتسم ..ونزلت راسها ورجعت الدموع الي ظنتها خلصت تنزل ..
مسح دموعها بيده وقال :-لاحول لو داري ما قلت لك شفيك قلبي دموعك صايره قريبه الشهور الي فاتت
ابتسمت غصب ..ورجعت تبكي
ضاق صدر سعود وقال :-توقفين عن البكاء ولا شلون
قالت وهي تنطق مره وتشهق مره :-مو..قادره..اتحمل
مسك يدها بقوه وقال وهو معصب :-النفس عايفتها عايفتها ...وانجبرت عليها الشكوى لله
دق جوال سعود وناظر الساعه 2 الفجر غريبه من الي بيدق عليه الان
ابوسعود ------>>يتصل
ارتفع ضغط سعود وش المصيبه الجديده الحين
سعود :-نعم
قال ابو سعود بدون مقدمات :-علمت الماس
مسك سعود الجوال بيده بقوه من القهر :-ايه
قال بدون اهتمام :-العرس الخميس الي بعد الجاي
قال بصوته كله :-ايش
ابوه :-الي جاك الخميس الجاي والمهر انا عطيته عمك
انقهر سعود :-بعد
قال بدون اهتمام وهو متشقق من الفرحه :-اعتبره معونتي لك
قال سعود بضيق وهو يناظر في الماس :-اجلوا الموضوع
لكن راس ابوه حجر :-انا اعتمدت مع عمك الموعد علم زوجتك
سعود:------------------------
(وش بيقول بعد ..انتهى الكلام)
قال ابوه قبل لايسكر :-بكره ابيك تجيني انت والماس البيت العصر
"طوط...............طوط.......طوط
(وسكر الخط)
سكر سعود جواله وملامحه متحجره ..درت الماس ان في الموضوع إنا ..
قالت بتقرير واقع :-ماظنيت فيه شي اقسى علي من زواجك بغيري
ناظرها سعود ووجهه متشنج وخطوط الارهاق والتعب باينه حول عيونه :-أخ ياقلبي اخاف يجيني سكر وضغط
قالت بسرعه :-بسم الله عليك الي كلمك عمي
هز راسه...
الماس:_ و..........
ناظرها وهو يفرك جبهته بيده :-و ايش يبيني نروح له بكره البيت
عرفت الماس ان عمها ماراح يكلم عشان يقول لهم تعالوا لي بكره ...
قالت وهي تناظر سعود :-ماظنيت عمي بيكلم عشان يقول لك تعالوا لي بكره ..
كيف نسى ان الماس تقدر تكشفه لاكذب عليها
لازم يقول لها هي عارفه عارفه
نزل عيونه بالارض وجلس يدور الجوال على الطاوله مسكت يده وقالت :-حددوا موعد العرس
رفع نظره وهو مصدوم ...شانت ملامحها وعرف انها عرفت
قالت بصوت فيه غصه :-متى !!
سعود :------------------
الماس بصوت عالي مبحوح :-متى ياسعود متى
قال بصوت متجرد من كل روح :-الخميس الي بعد الجاي
غمضت عيونها وتسللت دمعه من بين رموشها ..
ناظرها سعود وهي تحاول تتماسك قدامه ..بس على مين هو يعرفها مثل نفسه واكثر آه ياليته يقدر يبكي بس عشان يخفف الكبت الي يحس فيه والشعور بالظلم الي فرضوه الشياب عليه..
طول عمره كان بار لابوه ..حتى ان ابوه هو الي خاطب له الماس الي صارت كل حياته الحين...
اسعدوه يوم ..واتعسوه دوم
ناظرها وقال بهيبته الي ترهب النفوس :-لاتبكين ..لان مافيه شي بالنسبه لي تغير غير ورقة اعدامآ وقعتها انتي الغاليه انتي حبيبتي ومناي وما لغلا احد عقبك مكان وذنب نوف برقابهم ..
ناظرته الماس الي مسحت دموعها هو مو ناقص وان كانت تبي تكسب هالحرب لازم تكون قويه وتخفي دموعها لليوم الي بيدخل فيه على نوف لان هاليوم ..يوم وفاتها
قالت بحب :-اعرف قدري زين عندك يا ولد العم ولا نويفه ولاعشره من امثالها بيشككني في هالشي
ارتاح سعود من قلب لان الماس رجعت الماس القديمه القويه الشديده ..صار الحين لازم يشيل هم نفسه وهم يوم الخميس الجاي
فكر في نفسه (هه ليه اتعب عمري ..اكيد ابوي حجز ويمكن بعد وزع البطاقات حقت الدعوه وقام بكل شي بنفسه )
×

><بالحديقه في بيت راكان ><
سكرت دانه الجوال ..وحست نوعا ما بالراحه من بعد ماكلمت الماس وقدرت تقنعها انها قابله بحكمة الله (وعسى ان تكرهوا شي وهو خير لكم )
شربت العصير ...
كان الجو حلو رايق والهدوء يعم المكان ..
كانت دانه لابسه برمودا سوداء وتي شرت اسود ومسيحه شعرها
الا وراكان يدق عليها :-مساء الخير والاحساس والطيبه مساء مايليق الا باحبابي
دانه :-هههههههههه ارحمني رحت فيها
راكان :-هههههههههههههههههههه
دانه :-بغيت شي قلبو
راكان :- ول وش طيحت هالوجه لازم ابغى شي عشان اكلم
دانه :-ههههههههههههههههههههه لانك مكلمني قبل ربع ساعه وماخليت شي الا قلته عشان كذا قلت يمكن نسيت كلمه منا ولا مناك ماقلتها
راكان :-ههههههههههههههههههه يالله بس من زينك اصلا
عصبت دانه :-ازين منك
راكان :-ههههههههههههههه اصلا انا مكلم مصالح
دانه :-ايه مايحتاج تقول لي شعندك
راكان :-ام محمد صديقي تعبانه عندها سرطان الكبد الله يكفينا شره
(نست دانه الدلع وركزت معه )
راكان :-المهم هو يبي يسافر بها برى عشان يعالجونها لان معاملاتها وتقاريرها جاهزه
دانه :-طيب
قال راكان بجديه :-المشكله ان له اخت وحيده بعمرك ومايقدر يخليها بلحالها في البيت ولا يقدر يوديها بيت عمه لان كله رجال وعزوبيه مرت عمه متوفيه وولد عمه الكبير متزوج من وحده متسلطه و ايمان ما تتفق معها المهم شرايك اقول له يجيبها عندنا لمتى ما يرجعون بالسلامه
تحركت نخوة دانه :-افا يالغلا مايحتاج تشورني حيا الله محمد واهل محمد البيت بيتهم
كبرت بعين راكان لان لو قايل هالشي لساره بتاكله بقشوره :-الله يسلم يدآ ربتك
ابتسمت من كلامه :- ولو يالغالي ما انسى انا من وقف جنبك في محنتك وماقصر عنك بشي
وش يقول راكان ولا وش بيحس به ..البنت هذي تفاجاه كل يوم اكثر من الي قبله ..
دانه :-وش رايك نزور ام محمد قبل لاتسافر
عجبت راكان الفكره لان ماصارت مناسبه حتى تتعرف دانه على اهل محمد الي كان عازمهم بس الشهرين الي فاتو كانو مزوحمين ومشحونين وماجا وقت يقبل فيه عزيمة محمد ..
راكان :-فكره حلوه خصوصا انهم ماراح يقدرون يحضرون عزيمتنا بكره
دانه :-اوكي بقول لماماتي ونروح لهم بعد بكره
راكان :-الي يريحك سويه ، تامرين بشي
دانه :-سلامتك
راكان :-طيب مافيه كلمة حب من هنا ..بوسه طايره من هنا
انهبلت دانه :-ههههههههههههههههه لا مافيه
(طبعا محمد كان توه داخل المكتب وراكان معطيه ظهره على الكرسي ويغازل دانه )
راكان :-ولا بوسه صغنونه
دانه :-ههههههههههههههههههه لا جيت البيت نتفاهم
قال راكان يستهبل :-اجل مسافة الطريق
دانه :-ههههههههههههههههههههه مالك ساعتين من يوم ما رحت
راكان :-وحاسبتها بعد ..
نوت له دانه وقالت بدلع:-لاتظن الثواني بدونك تمر سهله ...تمر موت ..تمر هلاك ..تمر كنها طلعة الروح بسكات
انهبل راكان وشكله من جد نوى يجي البيت طياري
مانوت دانه ترحمه :-تعال مابقالي يوم ..في بعدك يصبرني
اخاف اموت من شوقي ..وانت مطول غيابك
من قلب قال راكان :-ياويل حالي جايك انا على حصاني الابيض اقصد على سيارتي هههههههههه
قالت بدلع :-تعال ماماتي طالعات والبيت مافيه غيري
استانس راكان :-البيت فاضي والله فله
دانه :-ههههههههههههههههههه اش لايسمعك احد من موظفينك وتتفشل
راكان :-من الي بيسمعني بعدين عادي انتي حبيبتي وزوجتي ودندونتي
حمرت خدود دانه :-شكلي انا الي بجيك ههههههههههه
راكان :-هههههههههههههههههههههههههههههه تختصرين علي
دانه :-ههههههههههههه طيب طيب يالله باي
راكان :-ترى بجي
دانه :-وانا ماني بطايره ....(تبي تخليه ينوي جد يجي) لان شكلي بنزل المسبح اسبح
وقف راكان وقال :-انا جاي الله لايعوقني بشر
دانه :-هههههههههههههههههههههههههههههههههههههه اوكي
راكان :-سلام
استانست دانه لان خطتها نجحت ..
\اه يارب لا تحرمني منه ولا من طلته \
قال محمد بنعومه وكانه صوت بنت :-حبيبي تبي بوسه
تروع راكان وخذفه بالقلم :-لابارك الله فيك فقعت قلبي
محمد :-هههههههههههههههههههههه انا ادري عنك مسويلي فيها رشدي اباظه
راكان :- ههههههههههههههههه لا اباظه ولا سواده (يستهبل ) الا منهو اباظه
محمد (يجاريه في خباله ) :-ابدا الله يسلمك هذا لاعب جديد بالمنتخب
راكان :-هههههههههههههههه يالله اقلب سحنتك برجع البيت
محمد :-احلف بالله انا مسنتر من صباح ربي هنا وانت مالك الا ساعتين وتبي تطلع
راكان (يرد له الحركه ) :-حبيبتي برجع البيت تكفين
ارتفع ضغط محمد :-وقف شعر راسي الله يحوم كبدك
راكان :-ههههههههههههههههههههه
وافق محمد كالعاده (مايخلي راكان عاداته ) :-متى بترجع
ابتسم راكان :-من غير شر علي ماراح ارجع
نقزت عيون محمد :-اقول عن الخراط معك ساعه
راكان :-يقول المثل لاغاب الاط العب يافار امهاتي طالعات ودندونتي بلحالها في البيت
انهبل محمد :-ههههههههههههههههههههههههههه قل كذا من اليوم
راكان عاد شاف نفسه (يقال عنده سالفه ) :-شفت معي حق
محمد :-يالله درج لا اغير رايي بس والله مردوده
طلع راكان بسرعه وقال عند الباب :_ I LOVE YOU
(رمى له بوسه بالهوى وانحاش يعرف محمد يرتفع ضغطه من هالحركات الشاذه) نزل محمد عقاله وهج راكان وهو ميت ضحك...
ضحك محمد من قلب ..علاقته هو وراكان مالها مثيل ...تشاركوا في كل شي في الرخا في الشده في الحزن في كل شي حتى من كثر محبتهم لبعض درسوا نفس التخصص واشتغلوا مع بعض ..
رفع محمد نظره الا وراكان عند الباب
محمد :-هههههههههههههههههه الحمد لله والشكر وش رجعك لا تقول لي ضميرك أنبّك لان ماعندك ضمير
راكان :-ههههههههههههههههههههههههههههه ياخي والله انك سنايدي عارفني صح
محمد :- ههههههههههههههههههه اخلص مارجعت الا عندك شي
ماغابت الابتسامه عن وجه راكان الا انه قال بجديه :-اسمع حرمنا المصون وصتني اطلب منك تجيب اختك عندنا لمتى ماترجعون بالسلامه
تفاجأ محمد صح انه فكر يخليها عند راكان لانه بمثابة اخو لها بس خاف يسبب له مشاكل مع زوجته (حركات الغيره يعني)
قال راكان يضغط عليه :-ياخي ايمان مثل اختي خلها عندنا لين متى ماترجعون حتى دانه متحمسه مره لجيتها
قال محمد بتردد :-والله ماودي احرجك
عصب راكان :-عن الخرابيط وش تحرجني البيت يشيل قبيله ايمان بتكون معززه مكرمه بعطيها جناح مستقل بعيد عن الرايح والجاي حتى ما تستحي وتنحرج وانت تعرف بسفرك بيكون كل الشغل على راسي يعني بيقل تواجدي بالبيت
محمد عارف كل هالاشياء ...
ابتسم وقال :-مايحتاج ياخوي تعطيني هالموجز انا داري ان ايمان اختنا كلنا وان ماراح ارتاح الا اذا كانت تحت وصايتك لين ارجع
ضرب راكان على كتفه :-اجل خلك عنك البربسه وجهز نفسك انت والوالده كلها كم شهر وترجعون
محمد :-ان شاء الله
راكان :-يالله باي
محمد :-هلا والله
وطلع راكان وهو مايدري انه شال حمل كبير عن ظهر محمد الي بين نارين نار خوفه على اخته من الغربه ونار خوفه عليها من عيال عمه الي موب صاحي بعضهم
*
*
*
*
<في بيت احمد>
دخلت سعاد الغرفه الي رنا تنام فيها ولقتها كاشخه تنوره جنز طويله كشخه وبلوزه سوداء خفيفه تحتها بدي سماوي ..والمكياج خبال
سعاد :-ياعينننننننني وش هالزين وش هالحلا
رنا :-هههههههههههههههههههههه مرسي
سعاد (مسويه نفسها غبيه ) :_بتروحين مكان
رنا :-NO
سعاد :-طيب وش هالكشخه
ناظرتها رنا وشافت الضحكه بعيونها :- ههههههههههههههه تدرين انك ماتعرفين تكملين كذبتك
سعاد :-هههههههههههههههههههههه ايه ادري
وكملت :-على فكره اخوي فهد من زود مايحبني شكله بيسنتر هنا كل يوم
رقص قلب رنا من يوم ماجت سيرته وحمرت خدودها من تلميح سعاد:-فهد وينه
سعاد :-تحت
ارتبشت رنا :- مالت عليك وساكته من اليوم
حاست الدنيا على الطاوله حقتها وطيحت اغراضها ، اخذت سبري الجسم وقالت لها سعاد وهي بتموت من الضحك :-هيه فرامل لو سمحتي هذا سبري العطر هناك
انتبهت رنا :-اي والله صدق
سعاد :-هههههههههههههههههههههههه الحمد لله والشكر والله انكم مخفات
وطلعت ..:-لاتتاخرين تراه صاجني
رنا :-ههههههههههههههههه يا الله وراك
الا ويدق جوال رنا
بعدها بخمس دقايق رجعت سعاد :-رنو ليه تاخرتي
الا ورنا تمسح دمعه من عيونها
خافت سعاد وجلست جنبها :-رنو شفيك
قالت رنا بابتسامة حب والم :-تهاني داقه علي من جوال ابوي تسالني متى برجع البيت
حزنت سعاد :-بالله
رنا :-والله
ابتسمت سعاد بحب :-ياقلبي شكلها متعلقه فيك
رنا :-صادقه هي متعلقه فيني بس متعلقه في احمد موووووووت
سعاد :-هههههه ياقلبي تجنن
رنا :-اي والله تجنن اذا اشتاقت لاحمد تدق عليه ويطير لها
انصدمت سعاد هذا شي اول مره تعرفه عن احمد شكله وجديته الي طول الوقت ماتهيئه في نظرها انه يكون حنون مع الاطفال وصبورررر اهو لا اجتمع معها في غرفه وحده شوي وتنفجر قنبله نوويه
قالت سعاد تحاول تعدل مزاجها عشان رنا وفهد :-يالله فهد متحلف فيني ان نزلت وانتي مو معي
رنا :-هههههههههههههههههههههه طيب
*
دخل احمد البيت ولقى فهد جالس بالصاله
احمد :-هههههههههههههه والله المشكله وش رايك تجيب قشك وتسكن هنا
فهد :-ههههههههههههههههههههههههه والله ماهي بشينه
الا وبنزلة سعاد ورنا وراها ,,
قال فهد بوله وهو يناظر رنا(طبعا ماعبر احمد وزوجته ) :-ياحي زول مرني ياحيه ..الزين نجدي والدلع شرقاوي
ماتت رنا من الحياء (وا فشلتاه احمد هنااااااااااااااا)
احمد :-هههههههههههههههههه غربل الله ابليسك هذا وحنا عندك وهذا هرجك عاد لو اخليك معها بلحالك وش بتسوي
سعاد :-هههههههههههههه وبعدين رنو مو شرقاويه رنو نجديه اصيله
فهد (وعيونه يم رنا تخبل من لبسها ومكياجها ههههه) :-اقول طسوا اصرف انا اعتبر شرقاوي الحين ورنو طبعا مثلي
قال وهو يناظر سعاد واحمد :-خذ زوجتك ورحوا اي مكان لا تسنترون عندي
احمد :-هههههههههههههههههه شرايك نطلع لك من البيت بكبره
فهد (جازت له السالفه ) :-تسوون خير
احمد :-ههههههههههههههههههههههههههههههههههه
وناظر رنا :-اقول ان قام يخربها ناديني
استحت رنا من كلامهم ...
اما احمد وسعاد طلعوا من عندهم عشان يفضون الجو لهم...
جلست رنا مقابل فهد الي قال لها :-تعالي اجلسي جنبي
استحت رنا :-هنا احسن
فهد (يستهبل) :-حلفي بس تعالي لا اجيك اجلس جنبك
خافت رنا الكرسي مصمم لواحد شلون يجلس جنبها ولما سوى نفسه بيقوم وقفت بسرعه وجت جلست جنبه ..
شوي ويضحك ..قال فهد وهو يطلع من جيبه بطاقة حساب بالبنك :-انا فتحت لك حساب باسمك ونزلت الفلوس فيه اذا تبينها كاش انا اروح واسحبها كلها لك الحين
دمعت عيون رنا :-ليش تتعب عمرك
قرب منها :-تعبك راحه انتي لو تطلبين لبن العصفور جبته لك
ناظرت في وجهه وابتسمت ابتسامه لحست مخه قرب منها مره ...
"احممممممممممممممممممممممم"
عصب فهد :-يامال وش اقول
احمد :-ههههههههههههههههه عن البربسه
استحت رنا ووقفت :-يالله انا بروح
مسكها فهد مع يدها وسفه في احمد الي يغمز له :-بدري ماشبعت منك
ولع وجهها ، وطلعت رنا غرفتها بسرعه ووجهها مولع
احمد :-ههههههههههه لا والله انا ابريق شاهي قدامك ماخذ راحتك ياولد الشيوخ
قال فهد (يبي يقهره) :-حرمتي وانا حر
رماه احمد بالمخده :-مالت عليك شين وقوة عينك
فهد :-ههههههههههههههههه اعجبك
احمد :-هههههههههههههه بزود
الا وسعاد جايبه القهوه والشاهي قال فهد :-بدري
سعاد :-ههههههههههه انا ادري عنك ماينعرف لك مو تو طاردنا
فهد (يناظر احمد بحقد ) :-وش اسوي بشين الحلايا رجلك ماخلاني اتهنى
سعاد :- هههههههههههههههههههه
فهد (يبي يحرجها) :-مالت عليك من حرمه الحين انا اسب رجلك وتضحكين
استغل احمد الفرصه (مسيكين يبي يخفف عن نفسه شوي) :-اي والله صادق يسبني وتضحكين
اختفت ابتسامتها العفويه وجت مكانها ابتسامه متصنعه وقالت :-حتى لو سبك لا بكره الصبح انت بعيني مالك مثيل
(ردت الصاع صاعين)
صفر فهد (متحمس ههههههه) :-اموت انا على الحب واهله
احمد خق من كلامها هو عارف انه مظاهر وانه رد لتحديه بس مع كذا خق :-اقول تقهوى واقلب خشتك ماحنا بفاضين لك
قال فهد بخباثه :-يوه صدق ان وجهي مغسول بمرق نسيت انكم توكم عرسان جدد ...
حمر وجه سعاااااااااااااااد مره \حسبي الله علي ابليسك يافهيدان\ استانس احمد من شكلها ...
بعد ماتقهوى فهد طلع ...من عندهم ..
وبمجرد ماطلع رجع احمد لموقفه منها البارح...قال لها :-مازلتي مصره ماتعلميني وش الي سويته
"ماينسى ذا !!!!!!!!!!"
ناظرته بغرور وكان الكلام مو معجبها ومرت من جنبه بتطلع غرفتها مسكها مع يدها :-ماجاوبتي
انقهرت سعاد منه وقالت له :-انت ماتحبني وانا نفس الشعور SO لاتكبر الموضوع
قال يهدد :-بنجلس ترى طول عمرنا كذا انا طلاق ما اطلق
هزت كتوفها :-سو الي تبي عادي ماتفرق عندي
(بغت تقول-انت قضيت علي من زمان وش بيفرق الي بتسويه الحين \بس سكتت)
قال بقهر :-انتي ماتحسين ماعندك شعور مايهمك الانفسك
طعنها اتهامه في الصميم
ناظرته وقالت والصيحه واصله :-اخر من يتكلم عن الشعور هو انت
مسكها بقوه :-ليه
نزلت دموعها الي كبتتها سنه وزود قالت وهي على وشك تنهار :-تخونني ليلة ملكتنا ..تخونني
انهبل احمد :-ايش
قست عيونها وقالت :-وبعدين يا قلبي .. أنتي الأساس وزواجي ما يغير شعوري تجاهك...من قال هالكلام قلي
احمد (ما استوعب السالفه للحين ) :-----------------------
كملت وهي تبكي :-:_والله احبك وحبي لك ماله حدود بتظلين أنتي إلي متربعه على قلبي------>>من قال هالكلام علمني ياولد العم انت ذبحتني ذبحتني وش فرقك عن ولد عمتنا عبدالعزيز قلي انت كنت..................انت كنت..........
وماقدرت تتحمل اكثر وطلعت غرفتها تبكي من قلب ....
جلس احمد مصدووووووم من كلام سعاد ..يعني مو مذله قصدها ..طيب وش سالفة الخيانه منين جابت هالكلام تذكر يا احمد تذكر من الي قلت لها هالكلام عمرك ما تعديت الاخلاق والاعراف حتى قبل ماتتزوج سعاد لان حبها كان مسيطر عليك وعاميك عن غيرها
حس بتعب غريب من امس...
بيطلع غرفته ومن بعدها بيفكر في حل هاللغز !!
*
*
*
**************
*********
******
**
*


________________________________________
الفصل الثاني عشر )
(الجزء الاول)
><في بيت ابو خالد><

كانت حالة ام خالد حاله بس تبكي وتمسح دموعها ، توهم راجعين من الملكه وعلمها بكل شي
قال ابو خالد :- يابنت الحلال اذكري الله
ناظرته مرته بنص عين وكملت بكاها
..وشوي الا وهي منفجره في وجهه :-كيف سمحت لاخوك يزوج سعود هو فكر في مصلحة ولده وانت ورى مافكرت بمصلحة بنتك ليه مافكرت في شعورها وانت توافق ان رجلها يتزوج بنت عمها
عصب ابو خالد:-انا واخواني واحد ومصلحتنا وحده وش يبي سعود في حرمه ماتجيب له عيال
انصدممممممممممممممممممت ام خالد
قال ابو خالد :-الماس بنتي ونور عيوني وسعود بعد ولدي وما ارضى مايجي له ضنا يشيل اسمه واسم عيلتنا
قالت ام خالد :- لا تدورون لكم الاعذار انتم تتدخلون في شي مايخصكم
ابو خالد :-شلون مايخصنا
ام خالد :-لا مايخصكم هم حرين اذا جاز لهم الوضع كذا فهذي حياتهم
ابو خالد (طلع شبهه باخوه ابو سعود ) :-لا مو على كيفهم هم جهال لاكبروا بيشكرونا
ام خالد (ودها تذبحه ) :-اذا هم جهال الحين اجل متى بيكبرون
لكن ابو خالد طنشها (هذي حاله اذا ما اعجبه الكلام)
عرفت ام خالد ان الكلام معه بدون فايده
"وكلت امري لك ياربي ..كون في عون هالمسكينه المرض يضغط عليها من جهه وزواج رجلها من جهه "
وكملت مناحتها وقلبها متقطع على بنيتها
"اشوف فيك يوم يا وضحى انتي وبنتك نويف "
كانت دعوتها طالعه من قلب

÷
×
>اليوم الثاني -بيت راكان<
دقت هنادي على دانه
دانه :-اهلين بالحلا كله
هنادي :-احم احم من قدي
دانه :-لاتاخذين بنفسك مقلب
هنادي :-ههههههههههههههه خيرك مايكمل دايم
دانه :-ههههههههههههههه وينك
هنادي :-على وصول حظي زين ان ابوي يبي السايق يوديه مشوار يمر بيتك والا كان انطقيت وماجيتك الا متاخره
دانه :-اوكيك انا بالانتظار
وسكرت الجوال ..في هالوقت نزل راكان من غرفتهم
ضمته دانه وقالت :-نمت زين
ابتسم راكان :-احلى نومه والله ساعه بس كانت شي
ابتسمت :-نوم العوافي
قال بحب :-يعافيك
وراحو يتقهوون بلحالهم لان الخاله مريم بغرفتها وام راكان تطلع لدورات تحفيظ القرآن
قال راكان :-هاه وش اخبار التجهيزات
ابتسمت دانه وهي تصب له فنجال قهوه ثاني :-الاخبار تسرك كل شي تمام التمام الحلا وصل العصيرات وصلت العشاء بيجي في الوقت الي نبيه والشغالات مسويات استنفار من اليوم
ابتسم راكان وقال :- تصدقين مالك مثيل
استانست دانه :-ايه اصدق
راكان :-هههههههههههههههههههههههه ماعندك وقت
وتذكر راكان شي :-اووووووووووف
ناظرته دانه :-خير شفيك
قال راكان وهو يناظر في ساعته :-نسيت اشتري عود للرجال مو انا قايل لك البارح ذكريني
ضحكت دانه ضحكه لها معنى عرف راكان ان وراها شي
..وقالت له :-لاتشيل هم انا ارسلت السواق للمحل الي ابوي يجيب العود منه وجاب لنا مجموعه تكفي
انهبل راكان :-انا وش اقول ولا وش اوصفك والله مالك مثيل ماتوقعتك تفهمين في هالامور
كشرت وقالت وهي ماسكه الدله بيدها :-اقول اها تراني بنت رجال
ضحك راكان :-والله والنعم بعد وسبعة انعام
قال وهو يناظر صحن الحلا الي قدامه :-هذا الحلا من المحل الي طالبين فيه لعزيمة الليله
مسكت دانه نفسها لاتضحك :-ايه ليه مو حلو
ناظرها وقال :-الا يجنن كانه حلا بيتي تعاملي معهم دايم
دانه :-ههههههههههههههههههههههههه طيب
عرف راكان ان ضحتها ذي بعد فيها انّا
الا وبجية الخاله مريم ..
قالت بحب :-نمت زين
راكان :-يسلم لي عمرك اي والله نمت بهدوء وسلام لا بكوس من هنا ولا العاب قتاليه وانا نايم
الخاله مريم :-ههههههههههههههههههههههههههههههههه
انقهرت دانه منه وحمرت خدودها :-راكان !
سوى نفسه ولهان وهيمان :-عيونه وقلبه
الخاله مريم :-هههههههههههههههههههههههه خف على عمرك لاتطيح على قهوتنا
دانه :-هههههههههههههههههههههههه ماعليك منه يمه شكله ماصحى من النوم لسى
الخاله مريم :-ههههههههههههههههههههههههههههههه والله الظاهر
سوى راكان نفسه معصب :-لا ويحشن فيني وانا جالس
قالت دانه بدلع :-حلالي
تخبل راكان
قالت الخاله مريم :-لاحول شكلي صرت عذول بينكم
راكان ودانه :-ههههههههههههههههههههههههههههههه
الخاله مريم :-والله تشهون الواحد في العرس دانه ان لقيتي احد يدلعني مثل تدليع راكان لك اخطبيه لي قصدي خليه يخطبني
راكان ودانه :-ههههههههههههههههههههههههههههههههههههههه
قالت دانه وهي مبسوطه :-ماله مثيل ولاشبيه يمه فديته
طلعت عيون راكان قدام :-ياويل حالي رحت فيها
الخاله مريم :-هههههههههههههههههههههههه ول شكلكم ماتبون لي شله اقلب وجهي احسن
(ماعندها نيه تتركهم لانها مبسوطه حيل لسعادتهم وحبهم الكبير لبعض )
قال راكان :-لا شدعوه ابقي معنا
دانه :-هههههههههههههههههههه اموت على العربي الفصيح واهله
قرب منها راكان :-واموت في الدانات واهلهم
الخاله مريم :-احممممممممممممم
راكان ودانه :-هههههههههههههههههههههههههه
قال راكان يمزح :-يمه صرفي عمرك
الخاله مريم :-عساك الهنا ذبحت البنت من كثر الدلع والحب ماصارت
راكان (يستهبل مروق من بعد هالنومه هههههههه) :-تف تف بسم الله عليك من العين
الخاله مريم :-ارحمنا ياشبيه وائل كفوري
هنا فزعت دانه (رجلها الشكوى لله هههه) :-وش جاب الثرى للثريا يمه
الخاله مريم (مسويه فيها معصبه) :-يالله بس
دانه :-هههههههههههههههههههههههههههههه
وقف راكان وقالت الخاله مريم :-ايه شعللها بيننا ورح
راكان :-هههههههههههههههههه انا وش لقبي بالبيت
قالت دانه والخاله مريم بخبال (عايله الله بالخير هههههه) :-راس الفتنه
راكان :-هههههههههههههههههه خلاص انا راس الفتنه وش ترجن من وراي
كانت دانه جالسه على الصوفا الي على الجنب والخاله مريم جالسه بالصوفا المقابله ، التفتت دانه لراكان وارسلته بوسه طايره بالهوى انهبل راكان من قلب وجلست دانه تبتسم على شكله
قالت الخاله مريم :-شفيك متحجر يا اجلس يارح
التفتت يم دانه الي سوت فيها عاقله :-رجلك علامه
هزت كتوفها ببراءه :-علمي علمك ياخاله
انقهر راكان منها تقتل القتيل وتمشي في جنازته
ابتسم وهو يتوعدها ..وراح لغرفته فوق وبعد ثواني نزل ومعه لاب توبه فتحه وجلس يشتغل عليه من كثر ماهو يعجز يفارق دانه صار يجيب اغلب شغله للبيت ويسويه حتى دانه تاخذ خبره لان مجال دراستها ادارة الاعمال ، قربت منه دانه واندمجت بتفاصيل شغله
الا وام راكان توها واصله من برى عشان ماتجلس الخاله مريم بلحالها وهم مندمجين بالشغل
ام راكان :-السلام عليكم
الكل :-وعليكم السلام
دانه :-راجعه بدري يمه اليوم حاسه بشي
ابتسمت ام راكان :-لا والله ياعيون امك بس ودي اريح وما اطول بالجلوس لانك عارفه انه يتعبني واليوم باليل ماراح يكون عندي فرصه اريح عظيماتي فقلت ارجع بدري اليوم وارتاح
ابتسمت دانه بحب :-انا بروح اسوي لك كاس كمون من الي يحبه قلبك
ام راكان كل يوم تكتشف اصالة معدن هالبنت وتحمد ربها عليها حنيتها هذي مو مظاهر قدام راكان لا حنيه نابعه من القلب حنيه متاصله في نفسها من تربيتها ونشأتها
راحت دانه للمطبخ اما راكان الي قلبه يتعلق كل يوم فيها زود رجع يكمل شغله على جهازه
رجعت دانه وقالت :-سمي يمه
ام راكان :-سم الله عدوك
قالت الخاله مريم وهي تتلذذ باكل الحلا الي حاطته دانه مع القهوه :-تسلم هاليدين الي تنلف في حرير من زمان عن حلا البيت الصح
ابتسمت دانه وقالت بنعومه :-صحه وعافيه
شدت انتباهه كلمه وناظر في دانه وقال وهو مو مصدق :-تعرفين تطبخين
دانه :-ههههههههههههههههههه علامك مصدوم ايه اعرف اطبخ
سكر لاب توبه :- والله انك كنز ولا شرايكم يا امهاتي
امه (مريم ) :-الا الكنز رخيص قدامها
حمرت خدود دانه
ام راكان :-وانا اشهد
دق التلفون المعلق بالجدار والمخصص للبوابه الي برى حقت الشارع رد راكان :-نعم
وكمل..........:-وش تنتظر افتح البوابه
قال راكان يكلم دانه :-تنتظرين احد
ابتسمت دانه :-ياويلي بتذبحني هنوده ايه بنت عمي بتجيني،عمي عنده شغل وبينزلها ويروح
راكان :-مو جاي للعزيمه
دانه :-الا بس هنادي لقتها فرصه تجيني بدري
ابتسم راكان :-طيب انا بطلع اسلم عليه
دانه :-اوكي
استغرب راكان :-منتي طالعه معي تسلمين على عمك
دانه :-السواق الي جايبهم كيف اطلع
راكان :-ههههههههههه شكلي من جد ماصحيت من النوم للحين
ابتسمت له دانه وطلع برى يستقبلهم ...
دخلت هنادي وهي متخبله من بيت دانه هذا مو بيت قصر ، ضمت دانه من قلب :-ازيك يا بت ايه القمال د كولو
ناظرت دانه في تنورتها الجنز القصيره وبلوزتها السوداء :-الحين هاللبس العادي مذهلك كذا
هنادي (وهي تناظرها وكانها غبيه) :-لا يالخبله اقصد البيت روعه
دانه :-هههههههههههههههههههه عجلي علقي عبايتك هنا وناظري بشكلك امهاتي جالسات بالصاله الثانيه
قالت هنادي (تستهبل) :-وينها هذي الصاله بعد عشره كيلو
قالت دانه تستهبل مثلها:-هههههههههههههههههه لا اظن يا اثنين يا ثلاثه كيلومتر
صدقت هنادي :-ياليل لو داريه لبست شحاطه
دانه :-ههههههههههههههه شحاطه مع هاللبس الكشخه
هنادي :-انا ادري عنك انتي وبيتك
دانه :-الا شرايك فيه عجبك
لمعت براسها فكره عشان تقهر دانه :-اخ ياقلبي طول وهيبه وشخصيه وصوووت يازين صوته بغيت اتكرفس على الدرج يوم سلم على ابوي وعلي
طلعت عيون دانه قدام :-منهو
هنادي (مسويه على نياتها ) :- من يعني، راكان بالله لا عاد يلبس ثوب اسود وغتره بيضاء والله عذاااااااااااااااااااب
انقهرت دانه لان هنادي تحرق دمها كالعاده :-اقول يالدوبه انطمي لا والله لا اشوتك برى
هنادي :-هههههههههههههههههههههههههه لمازا
دانه :-لمازا لانك تتغزلين في زوجي
هنادي :-الحمد لله والشكر هذا مو غزل هذا تقرير واقع
مسكت دانه نفسها لاتضحك :-الحين كل هذا الكلام وتقرير واقع
هنادي :-وش اسوي اذا رجلك مزيون
مسكتها دانه مع اذنها :-يالله بس لايكثر هرجك
هنادي (مسويه نفسها بتموت من هالمسكه) :-توبه والله توبه كومار احلى منه
(كومار سواق اهل دانه هندي شكله يحوم الكبد)
دانه :-ههههههههههههههههههههههه بسم الله على ركوني من خشته
هنادي :-هههههههههههههههههههههه والله ماينعرف لك
دانه :-اخلصي خلينا نروح يالله فشلتينا
قالت هنادي (وهي تغمز لها) :-والله وصرنا حريم وعرفنا نتكلم
سحبتها دانه بقوه وراحن وهي تضحك من سوالف بنت عمها الخبله
×
×
×
×
×
×
><في بيت احمد><
مانامت سعاد البارح نوم هني وقضتها بكا حتى قربت عيونها تنعمي ..ياشين الكبت وياشين القهر
غره غرورو ورغبته في الانتقام وتزوجها غصب عنها والحين بدا يدمرها ويقضي على البقيه الباقيه منها ..
ناظرت في ساعتها الا وهي الساعه ست ونص المغرب نطت من سريرها واخذت شاور سريع ..
عاد كلش ولا دانه لازم تحضر عزيمتها الي تاجلت كذا مره بسبب ظروف العايله ..
حتى وهي مشغوله في لبسها ومكياجها مانسته ..
ياترى نام البارح وغمض له جفن والا ذبحه السهر والسهد !!
بعدها بساعه طلعت من غرفتها وقفت قدام غرفته ..ناظرت في الباب البني الخشب الي محفور عليه بفن وذوق ..مسكت اصابعها قوه ونزلت بعد كل الي سواه ولسى تحبينه متى بتكرهينه متى ..!!
لاذبحك!
لادمرك!
والا لاقضى على حياتك !!
او بالتحديد لاقضى على الي بقى من حياتك !!
وقفت تحت وفكرت اكيد انه طلع الدوام من بدري وعلى وشك يرجع ..مرتها الشغاله وسالتها :-وين بابا
الشغاله :-بابا تعبان واجد اليوم
ماتت من الخوف سعاد :-ايش
الشغاله :-بابا روح مستشفى وبعدين يطلع غرفه وسكر باب
عصبت سعاد :-ليه ماناديتيني
الشغاله :- هو قول dont say any thing to you beacuse you sleep
خنقتها العبره حتى بعد كل الي صار مايبيهم يزعجونها وهي نايمه
رمت عبايتها وشنطتها وراحت تركض لغرفته ..
فتحت الباب بهدوء ولقته نايم على بطنه ونص الغطاء طايح على الارض والباقي ملتف عليه قربت منه وشافت جنب وجهه معرق لمست وجهه بهدوء ولقته مولع نار
رقع قلب سعاد احمد محموم مره...وش العمل لازم يروح مستشفى "وتذكرت انه على كلام الشغاله رايح للمستشفى ناظرت في الغرفه ولقت كيسة علاج على الدرج الي بجنب السرير "
فتح احمد عيونه وراسه كن بوسطه ضرب طبول من الالم الا ويشوف سعاد واقفه قدام غمض مره ثانيه بالم شكله بدا يهلوس من الحمى يارب اول مره تطيحني سخنه (مرض) ورجع غمض مره ثانيه
قالت سعاد وهي خايفه موت :-احمد احمد انت معي
فتح عيونه وكشر هي حقيقه ولاخيال
رجعت تتكلم ودموعها فعيونها :-احمد ليش ماقلت لي انك مريض
سحب نفسه واعتدل شوي قال وهو منهد حيله :-انتي حقيقه ولاخيال
انهبلت سعاد ونزلت دمعتها :-لا حقيقه والله حقيقه
قال والمرض هاده :-تدرين اني مستحيل اخونك
تخبلت سعاد :-احمد انت مريض
وراحت بتجيب له شي بارد ، مسكها مع يدها بقوه اذهلتها رغم ان المرض مستبد بجسمه
قال وهو يمسكها بقوه :-لا لا انا مو مريض انا .......... تدرين
(كانت حرارته مرتفعه مره حست بها من مسكته ليدها )
قال بضعف صدمها :-تدرين .......من وانا وعمري 15 سنه وانا احلم باليوم الي يجمعنا صديتيني مره واثنين وثلاث لكن ما ان يروح زعلي وقهري الا وارجع لحبك ذليل
كانت سعاد تبكي في صمت من كلامه ..من عمره 15 سنه يحبها والا يهلوس من الحمى الي عليه
كمل كلامه وهو ماسك يدها بقوه :-حلفت ميت يمين ماتزوج غيرك لو ماصرتي من نصيبي ....(كلامه مو مترابط من الحمى)...ياليتك كنت تحبيني ياليت
ماقدرت سعاد تتحمل وهو فلت يدها من يده وغمض عيونه ..
كانت سعاد واقفه متصنمه ..
هزئت نفسها انتي شقاعده تسوين تلحلحي شوي..مسحت دموعها بقفا يدها
نزلت المطبخ تركض وحضرت كمادات بارده عشان تنزل حرارته ..وبسرعه قالت للشغاله تركب شوربه خفيفه وتصلح عصير ليمون وعليه ملعقة عسل وترسله فوق قبل كل شي
طلعت سعاد لغرفته ومعها الكمادات ..ماقدرت تشتغل وتتحرك بحريه بسبب الجلابيه السماويه الضيقه الي لابستها ، طارت غرفتها ونزلت جلابيتها واخذت قميص نوم لها تحبه حيل قبل ماتتزوج قطني لونه زهر عليه دبدوب من قدام ويوصل للنص الساق وحفر من فوق..لبسته بسرعه ولمت شعرها بربطه وركضت لغرفته
اضطرت تجلس بوسط السرير عشان تعرف تسويله الكمادات لانه هو على الطرف ...
>
<
ماتدري كم من الوقت مر...
ساعه ساعتين...الي تذكره انها بالغصيبه خلته يشرب العصير ..اما الشوربه اخذ منها ملعقتين ورفض الباقي ..على الاقل زين انه اكل بس عشان تقدر تعطيه الدواء ..
دق جوالها الي كانت حاطته صامت بس على الهزاز ..
قالت بصوت واطي حتى ماتصحيه :-هلا
دانه :-سعاد وينك الساعه 9
سعاد :-قلبي ماعليش مقدر اجي
انهبلت دانه :-ليش بعدين صوتك ليه واطي
سعاد :- احمد تعبان شوي ومقدر اتركه وهو نايم عندي الحين
خافت دانه وقامت وطلعت من عند البنات :-ليه سلامات
سعاد :- محموم شوي بس راح مستشفى وعطوه مضادات وكل شي تمام حرارته انخفضت
دانه :-مايشوف شر ..ولاتوصين ماني بمعلمه احد
ابتسمت سعاد :-هههههههه تمام تعجبيني يالله ضفي خشتك
دانه :-مقبوله منك هههههههههه
سعاد :-ههههههههههههه
دانه :-يالله قلبوووووو سلام
سعاد :-بحفظ الله
طلعت رنا من غرفتها :-هاي سعوده وينكم مختفين اليوم
ابتسمت سعاد ماتبي تبين لرنا خوفها :-ههههههههه ابد ولاشي هنا بس تعرفين احمد يحب يطنش دوامه احيانا
استغربت رنا :- من متى يداوم احمد الويك اند
طاااااااااااااااااااحت سعاد بمطب وحاولت تصرفها :-احيانا يروح بس مو دوم
قالت رنا وهي تربط شعرها الاحمر بربطه وترجعه ورى:-يعني ماحنا برايحين حفلة دندونه
سعاد :-لا انا مو برايحه
عقدت رنا حواجبها: -ليييييييييه
سعاد تورطت لازم تقول لها :- احمد تعبان شوي عشان كذا موب رايحه اذا تبين تروحين اخلي السواق حق اهلي يوصلك
هزت رنا راسها :-مابقي الا هي سلامته احمد علامه
ابتسمت سعاد :-راسه يعوره شكله فيه انفلونزا
ناظرت رنا بلبس سعاد ، ابتسمت سعاد لانها تشوف رنا فيها ضحكه ..
قالت تهدد :- خير وش هالنضره
ماقدرت تتحمل رنا :-ههههههههههههههههههههههه كانك بزره انت وهالدباديب
سعاد :-ههههههههههههههههه بس بالله مو كيوت
رنا :-هههههههههههههههههههه يجنننننن طالعه صغنونه بيتخبل احمد لاشافك كذا
حمرت خدود سعاد ، قالت رنا تستهبل :-يووووووووه نسيت انك عروووووووس وتستحين
"يالي ماتستحين"
كانت سعاد بتمسكها من شعرها بس رنا انحاشت..وهي تضحك
رجعت سعاد غرفة احمد ..دخلت بشويش الغرفه كانت مظلمه وبارده من المكيف وماكان ينورها الا ابجوره بجنب السرير ..قربت منه بشويش ولمست جبهته انخفضت حرارته بشكل كبير حمدت سعاد ربها ..شالت عنه الكماده وحطت وحده بدالها ...
وجلست جنبه تقرا لها كتاب..
×
*
×
*
×
>>>>>>>>>في بيت راكان<<<<<<<<
قالت الماس وهي تناظر غرفة دانه الي اثاثها فخم يدمج الذهبي واالبيج والموف :-صراحه ديكورات ولا اروع
كانت دانه مكشره
جلست الماس على الصاله الصغنونه الي مقابله لسرير النوم :-دانه علامك متنكده
دانه من جد منهبله من برود اختها :- ----------------
ابتسمت الماس بالم :-لاتحسبيني متبلده دندون انا اموت في اليوم الف مره بس مابيدي حيله عمي حكم علينا كلنا بالشقى ، دانه انا استنزفت كل مشاعري خلاص ماعاد لي طاقه و لا احتمال
من قلب كانت دانه متنكده اخ من عمها ومن فعايله الشينه
دانه :-الله ياخذها قليلة التربيه
هزت الماس راسها :-الي صار صار وهذا مايغير واقع انه بيدخل عليها بعد اسبوعين
انجنت دانه :- هاااااااااااااااااااااااااااااااااااااه
نزلت دموعها غصب وقالت :-لا وعمي الحبيب حكم علينا بعد نسكن سوى عنده بالبيت
دانه (مازالت مصدومه ) :-هااااااااااااااااااااااه
مسحت الماس دموعها ودانه تركض يمها وتضمها من قلب
قالت الماس وهي تمسح دموع اختها :-خلاص خلينا نعيش كل يوم بيومه مايندرى الله وش كاتب لنا
قالت دانه وهي تناظر في وجه اختها بكل حب واحترام :-تواسيني وانا الي مفروض اواسيك
وقفت الماس وقالت :-ماصار الا الي ربي كاتبه يالله شكلك مو حلو لابكيتي
دانه (تذكرت شي) :-هههههههههههههههههههههههههههه
ناظرتها الماس :-ههههههههههه احمدك يارب استخفيتي
دانه :-هههههههههههه لا بس راكان قال لي نفس الكلام
كشرت الماس :-مفشلتنا في الرجال تصيحين عنده
قالت بحب :-ان ما صحت عنده اجل عند مين اصيح
الماس :- ههههههههههههههههه والله انك خبله
الا وهنادي تدخل الغرفه صاروووووووووووخ
دانه :-هههههههههههههههههههه زين انك ماخلعتي الباب شفيك ملحوقه انتي
كان وجه هنادي مروع
قالت وعيونها ناقزه :- سوير تحت
دانه (نست منهي) :-سوير مين
الماس استوعبت قبلها :-متاكده
هنادي :- مو هي الي هدت راكان الاغنيه بالعرس
الماس :-الا هي
(بدت تستوعب دانه )
هنادي :-ماغيرها شوفيها تحت توها واصله
قالت دانه بانفعال :- سوير ماغيرها بنت عم راكان
عصبت هنادي :- وانا وش قاعده اقول من اليوم
دانه :-بموووووووووووووتها
الماس :-خبله انتي لاتفرحين الناس عليك فيه ناس من اهل راكان جايين ومن معارفه لايجي منك الخطأ انتبهي هذي ماجت الا تدور المشاكل اغسلي شراعها مثل اخر مره
هنادي :-ههههههههههههههههههههههه اخ يا ذيك المره ماراح تنساها
روقت دانه والفضل من بعد الله لخفة دم هنادي وعقل اختها
دانه :-هههههههههههههههههههههههههه احيانا والله اعجب نفسي
هنادي :- عن الغرور ويالله ننزل لاتقول الاخت المصون انك خايفه منها
دانه :-تخسي يالله

>
؛
نزلت دانه الا وساره جالسه ..قوية عين
ناظرتها ساره وعيونها مليانه حسد "اخ يالقهر اخ اخ "
ابتسمت دانه ابتسامه ولا اروع وردت السلام طبعا ام ساره ردت اما ساره سفهتها ولا كنها موجوده ..
طبعا دانه ماعبرتها ..
جلست دانه الا وجوالها يرن
توأم روحي----------->>يتصل
ابتسمت ونور وجهها :-هلا
راكان (متخبل للان) :-هلا بالطيب الغالي عزيز وشوفتك منوه
حمرت خدود دانه :-هههههههههههههه وش عندك
(سوى فيها معصب) :-قهوة الرجال مويه ماهي بقهوه لا تخلي الشغالات يسونها سويها انتي
خافت دانه :-بالله
راكان (يمسك نفسه لايضحك) :-لا امزح فشله الصراحه
(دانه وقفت وطلعت وساره تموت وتعرف راكان وش يبغى)
قالت دانه وهي تحس يومها كله تنكد :-راكان احلف
راكان :-تعالي المطبخ وذوقيها
دانه (عقدت حواجبها) :- انت بالمطبخ
راكان (والابتسامه شاقه الحلق) :-ايه مالي وجه اقابل الرجال
(حالتها ماتنوصف دانه مسكينه هههههههه)
راحت تمشي للمطبخ ..نادتها هنادي :-دندون
التفتت دانه وقلبها مو معها :-نعم
هنادي :-ام راكان تسال عن دواها
(تذكرت دانه موعد حبوب الضغط) :-راكان ينتظرني بالمطبخ دقايق بروح له وبرجع
ابتسمت هنادي ابتسامه شي ...
دانه :-ههههههههههههههههه ياشين التفكير
هنادي (مسويه بريئه) :-ماقلت شي
دانه :-هههههههههههههههههه عيونك كتاب يالله بروح اشوفه وبجيب الدوا بدربي لانه بالمطبخ
هنادي وهي تغمز لها :-لاتتاخرين مره هاه
دانه (مسويه معصبه) :-هنووووووووووووود
هنادي (وهي تمد يينها قدامها في استسلام) :-ههههههههههههههههههههههه طيب طيب
وراحت وهي تضحك اما دانه فراحت للمطبخ..تتهبد من الخوف
دخلت الا راكان واقف معصب وعاقد يدينه على صدره ..ناظرته دانه وقلبها من جد يرقع
مسك راكان نفسه لايضحك شكلها وهي خايفه شي
"ياويلللللللللللللل حالي تجنن بالاورنج الي لابسته "
قالت له وهي على اعصابها :-راكان شفيها القهوه
(مسوي فيها للحين معصب)
قال وهو يخزها :-وش هالقهوه ذوقيها
تخبلت دانه ، اخذت الدله ورفعتها لقتها فاضيه مافيها شي انصدمت ناظرته مستفسره
الا ويضحك بقووووووووووووووووووووووووووووه
عرفت دانه انها من مقالبه الي دايم ..
وجلست تضحك معه قالت وهي تبي تسوي معصبه بس الضحكه تفلت منها :-يا الله متى بتخلي حركاتك
راكان :-لين اموووووووت
عصبت دانه من هالسيره :-سخييييييييييييييييييييييييييف تفاول على عمرك
انهبل راكان (زعلت جد) قال يسترضيها :-يالي قمر والناس من حولك نجوم
ناظرته دانه بنص عين وسفهته وراحت تصلح القهوه
فجاه رفعها عن الارض وجلس يدور بها في المطبخ
انهبلت دانه :-راكان نزلني فشلتنا ترى عندنا ضيوف بالبيت
راكان :-طيب قولي انك مو زعلانه
دانه :-ههههههههههههههه والله مو زعلانه اتغلى عليك
راكان :-ههههههههههههههه ايه هذا الكلام حريم ماتجون الا بالعين الحمراء
تذكرت دانه :-راكان نزلني يا فشلتي ...بيغضب ربي علي
(انهبل راكان) :-دندونتي شفيك
دانه :-نسيت اودي دواء امي
واخذته من مكانه وركضت برى المطبخ
(قالت وهي عند باب المطبخ) :-لاتروح برجع دقايق
غمز لها :-ههههههههههههه ماعندي نيه
دانه :-ههههههههههههههههه طيب
وطلعت من المطبخ



دخلت دانه المجلس ..
قالت تهمس في قريب من ام راكان :-اسفه يمه على التاخير راكان كان يبي قهوه للرجال
لقطت الخاله مريم الكلام :-ههههههههههههه قولي راكان بالسالفه نعذرك
دانه :-ههههههههههههههههههههههههههههههه فديته
الخاله مريم :-وينه اخذ قهوته (وغمزت لدانه الي حمر وجهها)
غمزتها دانه :-ههههههههههههههههههه لسى
الخاله مريم :-ههههههههههههههههه روحيله اجل لايجينا يشفلنا
دانه :-ههههههههههههه طيب (والتفتت لام راكان) يمه باقي شي تبغينه
ام راكان (طبعا مبتسمه من كلام مريم لدانه ) :-ماعليك امر يمه ابيك تجين معي الغرفه درج ادويتي علق ابيك تفتحينه
قالت دانه وهي تأشر على عيونها :-من عيوني
قالت ام راكان :-تسلم عيونك
(وطبعا الاخت ساره منزله سمعها ودمعتها برمش عينها من هالكلام .. القبول الي لقته دانه مالقته هي كانت مكروهه من اول يوم ماتدري من السبب هي ولا هم..بس الاهم انها خسرته بعد ماحبته وعرفت قيمته لما تزوجت وعاشرت غيره ..عرفت معدنه واصله وتربيته رغم كل الي سوته ورغم انه عرف حقيقتها من الاول ما جرحها ولا حست انه يهينها ، كان احيانا تلقطه وهو يناظرها نظرات شفقه وكانه يقول لها ليش تبيعين نفسك ليش الفلوس مهمه بالنسبه لك .. حتى انه طلقها بهدوء ودفع مؤخرها كله وخلاها تاخذ كل شي ولا طالبها بحاجه ..
نزلت عيونها وهي تقاوم هالدموع ..
الاهم الحين انه لي !!
لي انا !!
وبسترجعه ))
مسكت دانه ام راكان من يدها وساعدتها على الوقوف وهي تبتسم وتكلم ام راكان
سمعت ساره حرمتين جنبها من الجماعه يسولفن بهمس :-
الاولى:-شفتي مرة راكان
الثانيه :-ماشاء الله تبارك الله جمال وذوق شفتيها كيف استقبلتنا وكانها تعرفنا
الاولى -عز الله صبر راكان واثمر صبره
الثانيه :-الله يخليهم لبعض ولايغير عليهم
الاولى :-يارب
انقهرت ساره من هالكلام صحيح انها حلوه وصغنونه بس مو لها الدرجه الي يمدحنها فيها كانهن ماقد شافن في حياتهن بنات
تذكرت ساره شي..وفزت من مكانها
وطلعت من المجلس الكبير الفخم ووقفت قدام المرايه عدلت تنورتها الجينز الرماديه وزينت بلوزتها الحمراء الي اكمامها طويله (لاول مره) بس طبعا كانت ضيقه مره وخفيفه نوعا ما ..رجعت شعرها البني (ماتقلد دانه ترى) لوراء وضبطت مكياجها الي يفتن ومشت
كان راكان واقف يطقطق في جواله سمع صوت مشيه وراه ابتسم وقال :-يادانه بعين راكانك ..ترى الاحساس ربانك
جمدت ساره وراها من متى هالرومنسيه وهالحب المتاجج عمرها ماسمعته يقول لها كلمة حب عمره ماعبرها وعمره اصلا ماجلس معها ربع ساعه على بعضها كانت ببساطه تجهله
ماردت عليه التفت راكان ، وجمد
مالقى كلام ينقال ...
قالت ودموعها تملى العيون :-وين كانت عني هالرومنسيه ياولد العم
راكان :---------------------
في وقت كانت دانه جايه للمطبخ طياري ..وقبل لاتدخل شافت ساره واقفه مع راكان
>وانصدمت<
وظلت جامده مكانها
ساره (وهي تقرب شوي منه ) :-راكان تدري اني تبت وعرفت قيمتك والله مالك مثيل
شعلعل طبع راكان الي ما يطلع بسهوله
وقال يهمس وهو يحاول يقصر صوته لانه لو تكلم بنبرته بيسمعونه كل المعازيم من الجهتين (رجال وحريم):-قسم بالله انه لولا خوفي من الفضايح لا اكون ذابحك ودافنك بمكانك الي انتي واقفه فيه الحين
انقهرت من كلامه ومسحت دموعها الي بعيونها قبل لا تنزل ، قالت تتوسله :-الحب عمى يا راكان
عصب من قلب :-عساك العمى الي يعميك انتي اجنبيه عني اجنبيه مايجوز تطلعين لي كذا انتي ماتخافين ربك
قالت بصوت مرتجف :-لاتدعي علي
راكان :-لا تحطين نفسك بمواقف مالها داعي يابنت العم انسيني
قالت بقوه وصوت متاثر :-عساني الموت ان نسيتك
الا ودانه تهاوش نفسها تلحلحي تاركه هالحرمه مع رجلك وتتفرجين
قال راكان وهو ما انتبه لدخول دانه :-انا متزوج واحب زوجتي موت ومالغيرها مكان ابد وبالذات انتي حطيها في راسك للابد وياليت لو ماعاد تطبين هالبيت ابد ومادامني حي
انصدمت ساره وقالت بصوت عالي:-تطردني وانا الي احبك وش لاقي في هالخايسه
راكان (ونظره مازال بالارض) :-لقيت فيها الي ماراح القاه لافيك ولاغيرك
قالت ساره وهي تمسك كم ثوبه تترجاه(ياشينه من موقف لا باع الواحد كرامته وعزة نفسه ):-راكان انا مستعده اكون خدامه لك تحت رجلينك بس تزوجني لو مسيار
جت دانه والغيره والتقزز من الي تشوفه مالياتها ...مسكت يد ساره الي ماسكه راكان وبعدتها بقوه لدرجة ضربت جنب ساره
قالت تهدد شامخة الراس :-بنت الحمايل ماتذل نفسها وبنت الحمايل ما تتذل لرجل مايبيها---------------
قاطعتها تصارخ فاقده اعصابها لان دانه واقفه مسنده ظهرها على راكان وفي عيونها استحقار :-مالك دخل هذا ولد عمي
دانه :-وهذا زوجي حبيبي ودنيتي
انقهرت ساره وسالت دموعها :-احبه احبه احبه
الا ودانه تصفقها هاك الكف ،
قالت بهمس وفي وجهها وعيد :-هذا جوابي على كلامك وكلمه زياده ويجيك ضرب ماشفتيه بحياتك وساعتها من جد بتطيحين تحت رجولي ذليله وساعتها ماراح ارحمك
هجد الجو الشغالات مصدومات ومن نظره من راكان هجن وشافن اشغالهن من الخوف...ساره ما استوعبت الي جاها والكلام الي قالته لها دانه يرن براسها مثل ضرب الطبول
اما راكان تفاجـأ وشاف وجه ثاني من وجيه شخصية دانه الي تبهره ...القوه والشراسه حبه الكبير بقلبها والي برهنت عنه اليوم والاهم محافظتها على شي هو من حقها وبعد هالكلام وهالكف ماظنته بترجع ساره لهالبيت مره ثانيه
ناظرتها ساره وقالت وهي ترتجف ويها على خدها المحمر :-بتندمين وهذا وعد
قالت دانه بترفع وغرور وهي لافه يدها على يد راكان :-برا ولا اشوفك طابتن بيتي مره ثانيه يقولون حشمة الكلب من حشمة هله عشان كذا بسمح لك تطلعين من بيتي مثل مادخلتي ولا راح انادي السكيورتي واخليهم يسحبونك قبالة خلق الله .. انا (وشددت عليها ورافعه بها راسها فخر وعز ) كرامت زوجي من كرامتي والي يخصه يخصني انا لحالي، ولا له ولا راح يكون له شريك غيري حطي هالكلام حلقه باذنك
طلعت ساره من المطبخ بسررررررررررررررعه البرق اما دانه فقدت توازنها ومسكها راكان
قال بخوف :-حبيبتي بسم الله عليك
وبدون مايقول ركضت الشغاله ومعها كاس مويه
جلس دانه على الكرسي وشربها الماء بشويش ..
قال وهو مختبص من الخوف :-حبيبتي انتي بخير
انخفض ضغط دانه من سوير وفعايلها ، قالت بقهر :-هذي متى راح نفتك منها
ابتسم راكان :-بعد الي صار لها تو والي جاها منك اظنها بتعتبر بيتنا وباء
ناظرته دانه وهي نفسها تخنقه احر ماعندها ابرد ماعنده
هي بتموت من الغيره (الله يكون بعون الماس هذا ودانه ماكملت ثلاث شهور من يوم ماتزوجوا وتموت فيه وتغار اجل الماس وش حالها لا والادهى ان زوجها بيتزوج عليها ) سالت دموعها غصب
انهبل راكان وجلس جنبها ووجهها بين يدينه :- هذي دندون القويه لا يالغلا ماتسوى هالدموع الغاليه تنزل انتي بكفه وكل حريم العالم بكفه وسوير ماتسوى ظفر من اظافرك
قالت ببراءه :-صدق
عصب راكان :-ايه صدق لو اموت واندفن تحت التراب لو انجن لو انهبل لو يصير فيني الي يصير انتي هنا (وضرب على قلبه) متربعه مالك شريك ماحبيت ولا راح احب غيرك والقلب اروح اسافر و يجي بيننا بحورر ومحيطات يبقى معك
قالت دانه وهي تمسح دموعها الي تنزل :-عسى يومي قبل يومك ..وش ابي بالدنيا اذا انت مو فيها (قالت وقلبها ثقيل) راكان شفيك تطري الموت لك ايام
هز كتوفه وقال وهو يوقفها :-مدري بس الموت حق صاير اهوجس به
دانه (زادت دموعها ) :---------------------
راكان :-وبعدين لاتقلبينها نكد يالله اغسلي وجهك انا اسمع احد يناديك
فعلا كانت هنادي تدور عليها ..قامت وغسلت وجهها ولقت القهوه حاطتها الشغاله بالدله زينتها دانه وعطتها راكان الي حب جبهتها وطلع
دخلت هنادي المطبخ كانت تستهبل :-ماصارت من اليوم كل هـ--------------------
(شافت عيون دانه المتنفخه من الصياح )
مسكتها مع يدها :-دانه شفيك
كانت دانه مقهوره واعصابها متوتره :-لعنت سوير تو تخيلي لقيتها في المطبخ مع راكان
حمر وجه هنادي :-هااااااااااااااااااااااااااه
دانه وصوتها يرتجف :-تخيلي تقول تزوجني لو مسيار
بغى يغمى على هنادي مو معقوووووووووووله :-والله الي ماتربت
وكملت :-شقال رجلك
دانه كانت تزين شعرها السايح بيدين ترتجف :-لعنها وماخلى عنها شي بس
كملت هنادي :-وجهها مغسول بمرق
دانه :-جبتيها صح
قالت هنادي وهي تشوف الخاله مريم جايه :-الخاله مريم جايه ابتسمي بعدين لنا جلسه على الجوال وتعلميني بالتفاصيل
ابتسمت دانه مثل ماقالت هنادي
قالت الخاله مريم :-هاه يمه متى العشاء بيجي
ناظرت دانه في ساعة يدها :-بعد ربع ساعه (وابتسمت) وكل شي زاهب
(مافات الخاله مريم ان دانه باكيه بس طنشت )
قالت وهي تبتسم :- طيب يمه لا تتاخرين الحريم يسالن عنك
دانه :-ان شاء الله

((الجزء الثاني))
><الساعه 4 الفجر ><

تقلب احمد في فراشه وهو يحس بجسمه متشنج لكنه يحس براحه احسن من امس ..
هو مو متذكر الي صار له زين ..بس يذكر ان سعاد كانت عنده ماسكه يده وتكلمه وتبكي وكانت حاطه شي على راسه ..شكله يهلوس
لمس جبهته لقى عليها كماده
عقد حواجبه شكله انهبل والله العالم ..
وقف ومشى للحمام ياخذ شاور ...ناظر بجرحه لقاه مضمد ضماده جديده
"ماشاء الله على هالمستوصف ضمادتهم زينه "
نزلها ولقى الجرح ناشف وخاف ماعاد يحس فيه ..
اخذ شاور .. وطلع من الحمام ..
طاير من عيونه النوم وماله نفس ينام شبعان ..لبس ملابسه وجلس بسريره يفكر
وش تسوي الحين ..اكيد نايمه او سهرانه مع رنا !!
وهو يكويه شوقه لها ويموته ويحييه باليوم الف مره
تذكر كلامها له واتهامها بخيانته ...لها
يوم الملكه
تربع على السرير وحط يدينه تحت وجهه يفكر من كان يكلم ياترى ومن الي قال له هالكلام ..
من من ؟؟؟؟؟؟؟؟؟
جلس يمكن عشر دقايق يسترجع الذكريات ..الا ويتذكر
تهاني ....
كان يكلم تهاني ..
وقف بسرعه وراح لغرفة رنا ....
وهو بالطريق لقاها جايه من تحت ومعها عصير وشبس
قالت بابتسامه :-هلا حمودي سلامات
كان احمد مشغول البال قال بسرعه :-الله يسلمك
قالت رنا :-تعال في فيلم لتوم كروز جديد خلنا نشوفه اعرفك تحب افلام الاكشن
احمد :- رنو بسالك عن شي اعرف ذاكرتك ماشاء الله اصليه
رنا :-ههههههههههههههههه اسال
قال احمد وهو يجلس :-تذكرين تهاني متى كلمتني
رنو :-هههههههههههههههههههه اي مكالمه من مكالماتها افتح جوالك الحين تلقى فيه مليون مكالمه لها
احمد وهو يبتسم :-دايم عجله خليني احكي
رنو (وهي تحط يدها على فمها) :- تفضل
احمد :-يوم درت اني بملك على سعاد العام قبل ملكتي بكم
استغربت رنا سؤاله بس مو اكثر من استغرابها بحالته هو وسعاد يحبون بعض بس يكابرون والدليل ملكتهم الي انلغت العام
ابتسمت وقالت :-كلمتك يوم كنت في بيت عمي ليلة ملكتك
تغير لون وجهه وما انتبهت رنا
قالت :-سمعتك وانت تحاكي ابوي وتقول له انك بتروح تجلس مع سعود وتشوفون جدول يوم الملكه وتهاني كنا مخبين عليها هالخبر لانها بتصجنا من الصياح بس هي سمعتكم لانها كانت تبيك تجيب لها وجبه من ماكدونالدز وفكت علينا مناحه وبالاخير خلاها ابوي تكلمك والحمد لله هدت وقالت انك قلت انها حبيبتك ومتربعه على قلبك ومن هالخرابيط
---------- كانت سعاد واقفه عند باب غرفة احمد الي نامت فيها بدون ما تدري لانها كانت بجنبه طول الوقت خوفها عليه منعها تتركه وسمعت كل شي انقال --------------
الا وبطيحتها على الارض
صرخت رنا ورمت عصيرها والي بيدها :-سعاد
التفت احمد بسرعه وشافها طايحه مغمى عليها بغت تجيه سكته قلبيه من الخوف ركض لها وجلس جنبها
قال بخوف :-سعاد حبيبتي اصحي تكفين
رفعها ودخلها الغرفه
قال لرنا :-جيبي مويه بارده بسرعه
مسك يدها وجلس يحاكيها ويمسح وجهها بيده :-سعاد حبيبتي اصحي شفيك
وبعد شوي صحت سعاد
ماصدق احمد انها فاقت قال لها وهو يحمد ربه :-طيحتي قلبي ياشيخه
نزلت عيونها ماعاد لها وجه تقابله ماتستاهله مظلوووووووووووووووووم كان وهي الي كانت ظالمته ، كان وفي يحبها من جده يحبها بس هي كانت انانيه سطحيه وهو كان كثير عليها
دخلت رنا ورحمتها من هالضغط ..مسكها احمد وشربها المويه ..
قالت رنا :-بسم الله عليك يا سعوده هذا كله بسبب الارهاق ومقابلتك لاحمد 12 ساعه متواصله لانوم ولا اكل ولا جلوس مثل خلق الله ولاشي
ناظرها احمد بقوه اجل ماكان يهلوس وفعلا هي كانت معه ..وكانت ترعاه
بس ليه ...
بعد ظنها فيه بيكون في قلبها له شعور ..باقي
انتبهت لنظراته اما رنا فطلعت من الغرفه مالها داعي قطة الوجه ههههههههه
قال احمد :-اجل انتي كنتي موجوده وانا ما اهلوس
عدلت جلستها وقالت :- احمد بقول لك كلمه
احمد :-كلمه
هزت راسها
ناظرته بعيون فيها دموع لمحة بصر الا وهي نازله
سعاد :-طلقني
انصدم :-هاه
وقفت وهي دايخه :-طلقني
عصب هذا جزاه
قال وهو يوقف ويناظرها وبعيونه وجوفه ناااااااااااار:-قلت لك انا طلاق ما اطلق
مسكها مع يدها وجلسها :-انتي نامي الحين وبكره نتفاهم
كانت من جد هلكانه ودايخه ..
سمعت كلامه لان مافيها حيل للنقاشات وخصوصا مع احمد
دخلت الفراش واول ماحطت راسها على المخده نامت ..
غطاها احمد ..
وراح ثم جلس على الكرسي الي مقابل لها ...
فكر "شلون اطلقها انهبلت هذي ؟؟ ماتدري انها حياته"
،
،
*
،
،
في نفس الوقت -------->>
>في غرفة دانه <
قالت هنادي :- دندون صح ما قلتيلي شصار اليوم بالمطبخ
اكتئبت دانه (قالت بهمس عشان ماتصحي راكان النايم ) :-عساها الماحي تخيلي ماصدقت خبر اروح مع امي الا وهي رايحه للمطبخ ركض
هنادي (حاقده من قلب ) :-يامثبت العقل والدين
دانه (كانت ماسكه سلك التلفون وتلويه على اصبعها وتتخيله رقبة سوير) :-كانت تقول له احبك والحب يعمي
طلعت عيون هنادي وكأن دانه تشوفهم قالت هنادي وهي متنرفزه :-ياويلي فضيحه وش قال لها
دانه (ضحكت بشماته) :-قال لها عساك العمى الي يعميك
استانست هنادي :- ههههههههههههههههههههههه يبيله حبة راس على هالرد
دانه (اشتغلت الغيره ) :- احمممممممممممم
فهمت هنادي قصدها :-هههههههههههههههههههههههههه لاحول محد بريء عندك
دانه :-ههههههههههههههههههههه ايه محدن بريء
تحمست هنادي :-هاه وش قال رجلك لها بعد
دانه (تعرف سوالف هنادي المفضله ) :-هههههههههههههه قال لها انا متزوج واحب زوجتي موت ومالغيرها مكان ابد وبالذات انتي حطيها في راسك للابد وياليت لو ماعاد تطبين هالبيت ابد ومادامني حي
ماتت هنادي من الوناسه :-هههههههههههههههههههههههههههه كرشها من البيت فديته والله
دانه :- احممممممممممممممم
هنادي :-هههههههههههههههههههههههههههه فهمنا طيب وانتي وش سويتي لها
دانه (بعد ماراح تاثير الصددمه استانست بعمرها يوم كفخت ساره "فيها حره من يوم عرسها واخيرا طلعتها" ) :-عطيتها ذاك الكف
انهبلت هنادي :-كفففففففففففففففف
دانه :-هههههههههههههههههههههههه تخيلي
هنادي :-اخس اخس والله وما انتي بسهله
دانه :-اعجبك هههههههههههههههههههه
هنادي :-طيب ليش كف انا اعرفك ماتحبين العنف ابد اكيد مسويه شي كايد
يوم تذكرت دانه ان ساره لمست راكان لمس حتى لو كم ثوبه ولعت نيران الغيره
قالت بحقد :-تخيلي ياهندود بس تخيلي تجرأت تمسكه
هنادي صررررررررررخت من الصدمه :- هااااااااااااااااااااااااااااااااااااااا
سدت دانه سماعة التلفون بيدها :-قصري حسك صحيتي البيت
تخبلت هنادي (ماتنلام) :-دانه تلوميني هذذذذذذذذذذذذذذي فضيحه
دانه :-عارفه
قالت هنادي بقهر :-ياليتك واطيه على رقبتها
دانه :-والله تمنيت هالشي بس لي برستيجي
هنادي :-ههههههههههههههه اموت في البرستيج واهله
دانه :-ههههههههههههههههههه خبله
هنادي :-هههههههههههههههه ماعليك زود
دانه :-من جد لما افكر في موقفي اليوم اتعجب من نفسي ماتوقعت هالشي يجي مني
هنادي :-شوفي قلبي انتي مريتي بتجربه شينه والحمد لله طلعتي منها واستفدتي اشياء مهمه منها الاراده والقوه انتي تدافعين عن حقك عن زوجك انتي فيك قوه عجيببببببببببببببببه ماتطلع الا بوقت الشده
دانه :-صدقتي
سكتت هنادي فجأه ...
عرفت دانه ان هنادي فيها شي
دانه :-هنادي شفيك
هنادي (كانت من قلب مكتئبه ) :- مدري دندون بس اووووووووووف هالنوف ما ادانيها
غمضت دانه عيونها من القهر :-الشكوى لله لازم تتحملين خصوصا وانها بتسكن معك
هنادي :-سكنها جني ان شاء الله
دانه :-آآآآآآآآآمين
هنادي :- من جد ودي اموتها
دانه :-كلنا نفس هالشعور الماس وسعود مايستاهلون هالمصايب
هنادي :- اخ يادانه لو تشوفينه تقولين بيعدمونه لا والعرس بعد اسبوعين
سالت دمعه من عيون دانه وقالت :- حسبي الله عليها الله لايهنيها
قالت هنادي بقهر :- لا وابوي معطيني انا ومنال بطاقة اعتماده يقول اشترن فساتين للعرس بالقيمه الي تبغن
انبطت كبد دانه من عمها فرحان هو ووجهه
قالت هنادي :-يارررررررررربي امي تقنع في ابوي يكون العرس للرجال بس
دانه :-وش قال
هنادي :- مدري للان تحاول فيه
دانه :-يارب يوافق لانه ان ماوافق تورطنا ولازم نحضر عشان ما ننفضح قدام الناس
هنادي :-معك حق يارب يوافق
قالت دانه تبي تونس عمرها وعمر هنادي :- يالله على الاقل زواج فهد ورنا شي يونس
استانست هنادي :-فديتهم كلهم ونااااااااااااااااسه اليوم رحنا وشفنا بيته جناااااااااااان والاثاث على وصول
دانه :- هههههههههههههههههههههه ماشاء الله عليه فهود متحمس
هنادي :- هههههههههههههههههه الله يوفقهم
دانه :-يارب ، سبحان الله هنوده اختين من بطن واحد لكن الطبايع فرق الارض عن السماء
هنادي :-صادقه دندون الشي الي يبكي ويضحك بنفس الوقت ان امي متحمسه موت لزواج فهد ومتكدره من زواج سعود ولا اهتمت به مثل سعود ،ابوي شوي ويقطع شعره لان الغرفه حقت جناح الشينه محدن فكر يشريه وغرفة جناح الماس واثاثها كله وصل
دانه (مقهوره شوي في وصف شعورها) :- اخخخخخخخخخ ياقلبي عمي من جد وش اقول ---------
حزنت هنادي :- ولو بعد مليوووووون سنه تفكير كبارنا ماراح يدخل مزاجي
دانه :- ياويلي عنك ياسعود
دمعت هنادي وقالت من جد :-اه يا دانه سعود كسيررررررررررررررررر
شهقت دانه وبكت غصب عنها
بكت هنادي معها
قالت هنادي من بين دموعها وهي تدور مناديل في درجها :-لا وامها بتجي تحط ملابسها في جناحها قبل العرس بكم يوم بموووووتها لاشفتها ان ما فزع لي سلطان وطلعني من البيت
دانه :-مانبي فضايح هنادي الله يخليك
هنادي :-هذا الي قاهرني يعني لازم انطم
ناظرت دانه في الساعه وقالت :- هنوده انتي فالتها وماعليك مسؤليات وانا بنت متزوجه
هنادي :-هههههههههههههههههههه يعني اضف خشتي
دانه :-سبحان الله محدن يفهمني غيرك
هنادي :-ههههههههههههههههههههه فالحه افهمك بالتصريفات بس
دانه :- ههههههههههههههههههههههه فديتك والله
هنادي (تستهبل عشان تخفف احباطها بسبب زواج سعود) -حمرت خدودي
دانه :-ههههههههههههههههه بالحيل
هنادي :-ههههههههههههههه يالله تامرين بشي
دانه :-سلامتك
هنادي :-الله يسلمك
&
&

&&&&&&&&
ماغفت عين احمد من البارح ولا تحرك من مكانه حس ان نومه بجنبها مو بطاقته .. القريبه البعيده ..
تمدد على الصوفا وعيونه بالسقف حتى النظر ما يقدر يناظرها
كانت وهي نايمه بريئه وصغنونه ..
اه يالقهر ....
تقلب وتقلب .. لكن حالته حاله ..
>الساعه 12 الظهر <
صحت سعاد ..حست بشي غريب
فتحت عيونها النعسانه بقوه ..هذي مو غرفتها
جلست بسرعه الا وتشوف احمد جالس يلبس ملابسه ..حمر وجهها
وش قاعده تسوي بغرفته ..
انتبه احمد لها وقال بدون مايناظرها :-صباح الخير
قالت بهمس :- صباح النور
لبس شماغه وعدله قدام المرايه ...وطلع من الغرفه ..
بعد ماطلع احمد
طق باب الغرفه ..
كانت سعاد مكتئبه حيييييييييييل ومالها خلق اكل (تحسبها الشغاله جايبه الفطور)
الا وصوت رنا :-سعوده
سعاد :-ادخلي رنو
دخلت رنا وشكلها مستحيه وهي تكشر بابتسامه حلوه :-ماقدرت اقاوم وجيت ركض يوم طلع احمد
ابتسمت سعاد :-فديت عمرك
جلست رنا جنبها :-سلامتك قلبي
تذكرت سعاد الاغماء الي صابها البارح وضاق صدرها وقالت تجامل رنا :-الله يسلمك
رنا (تمزح) :- لايكون فيه شي بالطريق
مافهمت سعاد شي من تلميح رنا ويوم شافت غمزتها ولععععععععععععع وجهها ...
رنا :-ههههههههههههههههههه اموت على الحيا خلاص اسحب تعليقي
ضحكت سعاد غصب يا الله رنا هي الوحيده بالبيت الي تضحكها لا راحت وش بيصير
قالت سعاد وهي منفجعه :-رنو ماعندك وقت لازم تبدين تجهزين للعرس فهد جاد بالموعد
استحت رنا وحست بغصة حزن في صدرها :-ايه جاد
سعاد :-ههههههههههههههههههه هبلتي باخوي
رنا :-هههههههههههههههههههههههههه
وقفت رنا :- بروح اشوف اخبار الغداء
نزلت رنا وفزت سعاد من السرير وش قاعده تنتظرين ..روحي لغرفتك لايجي ويلقاك مرتزه هنا بغرفته
مو كافي الي سويتيه فيه اكيد يكرهك كره العمى من تعاملك معه وتضييعك لسنيين عمره
راحت لغرفتها ..والحزن في كل خطوه تمشيها لو صارحت سعود السنه الي فاتت كان عايشه مع الي تحبه بسعاده ويمكن يكون ربي رازقهم ببنت او ولد
دخلت غرفتها بسرعه ورمت نفسها على سريرها وجلست تبكي من قلب ..
هالاسبوع هو اسبوع التنفيس عن الاحزان وعن الكبت وعن الم قرارها بتركه يوم ملكتهم والي دمر قلبها وخلاه انقاض ..
*
*
*
*
*
بعد ما تطمنت رنا على الغداء الي كانت طابخته بنفسها لانها تحب المطبخ وهالشغلات الي كانت محرومه منها في بيت ابوها بسبب امها ..
جلست على السرير ..وماقدرت تقاوم
رنا :- الوووووووووووو
امها :-نعم
رنا (في حلقها غصه ) :- يمه انا رنا
امها :- نعم
سالت دموعها :-يمه زواجي بعد الخميس الجاي
بكل تبلد :-و المطلوب
زادت دموعها :-يمه بغيتك تساعديني بالجهاز
امها :- ماعندي وقت
تبلمت رنا :- هاه
امها :-الي سمعتيه نوف بتتزوج الخميس الي عقب الجاي وحنا مشغولات مره
غمضت عيونها بقوه وحست بقلبها ثقله ثقل الجبال
سكرت الخط بهدوء ...
رمت جوالها جنبها لمتى بترجي حنان امها المعدوم ..
دق الجوال لينه رقم فهد ابتسمت من بين دموعها على الاقل هو الوحيد الي يرتبش قلبها لاسمعت صوته وتحس با احلى الاحاسيس :-هلا
قال فهد بوله :- ما انحرم من هالصوت وراعيته
رنا :-اهلين فهد
فهد (حس بشي مو مضبوط ) :-رنا فيك شي
ماقدرت تسكت ونزلت دموعها ..قالت وهي يالله تركب جملتين على بعض :-ا..انـ..ـا ما ما فيني شي
عصب فهد :-رنا علامك
رنا :-ولاشي
فهد (من جده يتكلم) :-ترى بجي
قالت رنا :-لا توسوس انا بخير بس توني صاحيه من النوم
فهد عرف انها تكذب :-لا والله ومين الي يراسلني الصباح
تذكرت رنا انها تراسلت هي وياه اليوم الصبح عمرها ماكانت تعرف الكذب ولاتضبطه ..
قال فهد بهدوء عشان يمسك نفسه :-رنا تعلميني ولا شلون
عندت رنا :-انا بخير فهد...........
قاطعها :- انا جاااااااااااي
انصدمت رنا :-فـ.............
"طوطططططططططططططططط ...........
سكر الخط
جلست تفكر من جده بيجي .. لا يمكن يهددها اكيد ربع ساعه ويدق عليها ..
غسلت وجهها ..ورفعت شعرها شنيون ناعم ..عدلت بلوزتها البيضاء الخفيفه الي توصل للركب وبنطلونها الاسود الخفيف بما ان الجو حر ..
ونزلت المطبخ تشوف اخبار الغداء...
،
قالت رنا للشغاله :- طلعي من الثلاجه خضار للسلطه بسرعه بنحط الغداء
لكن الشغاله كانت عيونها للباب
ناظرتها رنا وقالت وهي ماتبي تفقد اعصابها :-السلطه
راحت الشغاله ..للثلاجه
اما رنا طفت النار عن الغداء ..مسحت يدينها بمريلة الطبخ ..الي نزلتها وغسلت يدينها ..كانت تتالم بس لازم تتحمل
اخذت صحن عشان تحط فيه السلطه ...
التفتت الا وتشوف فهد واقف بالباب...
طاح الصحن من يدها من الرعبه ...
قالت وهي مو مصدقه :-سويتها وجيت
مشى لجهتها وقال :- واسوي اكثر بعد علامك
صرفت رنا عمرها :-مابي الا العافيه
مسك يدها وقال :- رنا عن الحركات هذي ليش كنتي تبكين يوم كلمتك
وبسرعه البرق امتلت عيونها دموع
طلعت من المطبخ بسرعه لكنه لحقها ومسكها مع يدها ؟؟
قال وهو منقهر :- امك لها دخل بالسالفه
ناظرته رنا وهي مو مصدقه
قال يفسر :- لانك بتتزوجين وهي ما حضرت لا ملكتنا ولا اظن بتحضر تجهيزات العرس
سالت دموعها غصب عنها ..
قال برقه وحنان :-لاتبكين يالغاليه ..انا مدري عن المشكله الي بينكم ولا ابي اعرف لكن المهم والاهم لازم تعرفين اني احبك واني موجود علشانك وجنبك دايم ..والله لو بيدي كان خليت العرس اليوم قبل بكره ...
بدون مقدمات ضمها لصدره ..
قال وهو يبتسم :- بدق اخذ الاذن من اخوك لا يجي ويلقاني هنا ويحوسني
رنا :-هههههههههههههههه
ناظرها :-علامك تضحكين
رنا :-ههههههههههههه كلامك يجنن
غمز لها :-بس كلامي
حمر وجهها ..وحط فهد يده على فمه عشان تسكت ..
فهد :- هلا والله بالنسيب
احمد :-هههههههههههه هلا
فهد ببراءه هههههه :- تصدق اني جوعان ومشتهي كبسة لحم مع شوية ايدامات
عرف احمد قصده :-هههههههههه احلف تصدق كان ودي اعزمك بس غدانا مو كبسه
فهد (يستهبل) :- يالله بس احتسوني (احسبوا حسابي) انا جااااااااي
احمد :- ههههههههههههههههه ازين مافي الموضوع انه اسبوع وافتك من قطات وجهك
فهد :- ههههههههههههههه خمس ايام لو سمحت
احمد :- يالله من فضلك وحاسبها بعد
فهد :-اجل ..
احمد :- طيب لاتعصب ههههههههههههههه
فهد :-اقول لايكثر انا قريب من بيتكم سلام
احمد :-ههههههههههههههه هلا
ناظرته رنا وقالت له :- هههههههههههههههه عليك كذب
فهد :-كل شي حلال في الحب والحرب
رنا :-هههههههههههههههه بالله توني ادري
فهد :- هههههههههههههههههه
وتذكر :- الا تعالي اختي وينها
رنا :-بتنزل الحين
فهد :-كارفتك من اليوم في المطبخ
رنا :-لاتقول كذا عن سعاد والله انها عسل
قرب منها فهد :- والله انتي العسسسسسسسسسل
استحت رنا
الا واحمد يقول :- اقرب تراك بعيد عنها
التفتت فهد :-لاحول ولاقوة الا بالله عليك اوقات غلط
احمد :-هههههههههههههههههه وتعترف بعد
فهد (يتبيزر ) :-زوجتي وانا حر
احمد :-هههههههههههههههههههههه ياخي كلها خمس ايام على قولتك واكلها محد بماسكك
فهد :-اخ ياطولها من ايام
ماتت رنا من الحياء وراحت للمطبخ ركض...
مسكه احمد من ثوبه من قدام وسحبه
احمد :- ههههههههههههه شكلك استخفيت
قال فهد بوله وغرام :-اختك تخلي بالواحد عقل
احمد :-ههههههههههههههههههه اقول قدامي للمجلس بس
فهد (يستهبل) :-طيب عمي
احمد :-هههههههههههههههههههههه
*
*
*
قالت سعاد لرنا الي جهزت الغداء :- الله يسلم لي عمرك يالغلا من جد مالي وجه المفروض اريحك ما اكرفك
ناظرتها رنا وابتسمت :- حمد لله مابين الخوات هالكلام وبعدين انتي شايلتني على راسك من يوم ماجيت وامس كنتي سهرانه جنب احمد وما نمتي الا الصبح
سعاد :-يابخت فهد فيك
حمر وجه رنا ...
وضحكت سعاد :-يوووووووه نسيت انك بتصيرين عروس
رنا :-ههههههههههههههههههههههه رديتي الحركه
سعاد :- اعجبك
قالت رنا بتردد :-سعاد
التفتت سعاد :-سمي
رنا :- سم الله عدوك ، تقدرين تساعديني في تجهيزات عرسي ترى والله مدري كيف اجهز لعمري
ناظرتها سعاد :-افا يالغلا انتي اختي ويوم المنى والله
رتبت رنا الصحون وخلت الشغاله توديها غرفة الاكل لاحظت سعاد انها تداري دموعها بخصل شعرها الي منفلته على وجهها
مسكتها سعاد وقالت لها :-علامك
ضمت يدينها وقالت :- كلمت امي ابي مساعدتها وقالت انها مشغوله بالتجهيز لعرس نوف
ما استغربت سعاد هالشي من ام تجرأت وعذبت عيالها بالنار ..
قالت ترفع معنويات رنا :-ياااااااااااي وناسه تدرين نبي نبدا العصر ما معنا وقت
تحمست رنا من حماس سعاد :- ههههههههه اوكي
كملت رنا :-ترى فهودي هنا
سعاد :-ههههههههههههههههههههه لو ينام هنا احسن له من المشاوير
رنا :- حراااااااااام عليك انتي واحمد بس تحطيم فيه (قالت بكآبه) انا ماصدقت القى احد ما يستغني عني
سعاد :-كلنا مانستغني عنك والله يهدي الضالين والي اعماهم الحسد
رنا :-امين
*
________________________________________
(الجزء الثالث)

مرت الايام بسرعه ...والليله زواج فهد ورنا..
طبعا احمد ماقدر يكلم سعاد لانها انشغلت بالتجهيزات لزواج رنا...
*
=في القاعه =
قالت سعاد لرنا وهي تعطرها :-ماشاء الله تبارك الله
(وجلست تقرء عليها اءية الكرسي والمعوذات)
ابتسمت رنا :-الله لايخليني منك يالغاليه
حبتها سعاد على جبهتها :-ولامنك
دخلت دانه وهنادي ومنال قمر :-مبروووووووووووووووك
رنا :-ههههههههههههههههههه تبريك بالجمله
دانه :-ههههههههههههه الله يوفقك قلبي تستاهلين كل خير
رنا :-يسلم عمرك..ويبارك فيك ويخليلك راكان
استانست دانه :-آآآآآآآآآآآآآآآمين
دفتها هنادي (دفشه ههههههه) وقالت وهي تسلم على رنا :-الف مبروك يامرة اخوك
رنا :-هههههههههههههههههههه يسلمو حماتي
هنادي :-هههههههههههههههههههه خطيره
كانت رنا لابسه فستان نافش ذيله الطويل مركب عليه ورد احمر طبيعي وكان روووووووووعه وشعرها رافعته شنيون وعليه طرحه خليجيه طوووويله ..اما المكياج فكان سموكي جنان..
اما البنات
سعاد كانت لابسه فستان سماوي وبيج فخم مره ..وشعرها كله كيرلي عريض اما المكياج فكان سموكي رووووووعه
هنادي كانت لابسه فستان تايقر قصير خيالي ومكياج خفيف وشعرها كيرلي جنان وخصوصا انه طولان شوي بعد
منال كانت لابسه فستان ناعم لونه ليموني طالعه فيه صغنونه ومكياج خفيف مره وشعرها القصير مستشورته على داخل وطالعه كيوت
دانه كانت لابسه فستان كموني وزهر فخم مره وله ذيل طويل ..ومكياجها سموكي يدخل عليه الكموني والزهر اما شعرها كانت مسيحته وملفلفه اطرافه بالطول..
قمر كانت لابسه فستان بيج قصيررررر ناعم يجنن وشعرها مسيحته عادي ومكياجها لبناني رايق وطالع جو عليها
دخلت الماس جناح رنا وتوها واصله ...
الماس :-سلام
البنات :-بدررررررررري
الماس :-ههههههههههههههههههه الشوارع كانت زحمه
هنادي (تبي تحرجها) :-الله يرزقنا بمثل هالزحمه
دانه :-هههههههههههههههههههههههههههههه انتي مضيعه شكلي بخلي ركوني يشوفلك واحد من ربعه
البنات :-هههههههههههههههههههه
هنادي :-والله مو بشينه اهم شي يكون عذاب مثله
عصبت دانه عليها :-هنود اهااااااااااااااااااااااا
هنادي :-ههههههههههههههههههههههههه لاحول فهمنا
قالت الماس وهي تضم رنا :-الف مبروك يالغاليه
(سالفة زواج نوف من سعود حازه بخاطرها مره الماس ماتستاهل )
قالت تبتسم غصب :-الله يسلمك ويبارك فيك
وراح الوقت في السواليف والضحك والوناسه ، لقت الماس في هالساعات سلوى لروحها المجروحه لكن ترجع تحزن مره وهي تشوف اجواء الزواج وتتذكر انه بنفس هاليوم من الاسبوع الجاي بيكون حبيبها لغيرها ..
لاحظت سعاد حالة الماس وقالت :-الماس تعالي نشوف تجهيزات الزفه
ماصدقت الماس خبر تطلع قبل لاتفك مناحه لان صبرها وصل حده
مسكتها سعاد في زاويه بعيده وقالت :-الماس خليك قويه الحزن متجلي على وجهك الي صار صار على الاقل لاتخسرين كل شي وتفرحين اعداءك
(واشرت لطاوله بعيده) شوفي نويف وامها ولاكن الزواج زواج رنا جالسات مثلهن مثل المعازيم والاجناب ..صدقيني حوبة رنا ماراح تخليهن
ناظرتهن الماس وشافة نوف تدير عيونها في القاعه تدورها ..
الماس (رجعت لها عزيمتها ) :-صدقتي
زينت فستانها الي لونه ازرق بحري روووووووعه وشعرها كله شنيون فخم والمكياج ولا اروع طالعه فيه ملكه
ثم دخلت الصاله مع سعاد
قالت نوف لامها :-يمه شوفيها
ناظرت امها الماس وهي تمشي مع سعاد وتضحك ولا كن شي هامها قالت :-ولها عين تجي
نوف (بتموت من الغيره وهي تشوف كشختها وجمالها) :-تقهررررررر لا وكاشخه بعد
امها :-ماعليك منها الاسبوع الجاي بتتزوجين رجلها وبتكون هي القديمه الي شبع منها
استانست نوف :-صدق يمه
بكل ثقه قالت امها :- اجل
وظلت نوف تخز الماس من فوق لتحت ..
همست سعاد لالماس :-شينة الحلايا تقزك من فوق لتحت
التفتت الماس لها وشافتها تخزها..
ناظرتها الماس باحتقار وكره ..وماعطتها وجه اكثر من كذا
شبت نوف ضو ..
قال لامها :-شفتيها كيف ناظرتني
امها شافت نظرة الماس لها وانقهرت :-ماعليك منها من الي بقلبها والله تخزك
نوف :-طيب نشوف من يربح بالاخير لامن جبتله الولد
ابتسم امها بثقه :-اكيددددددد لاجاء الولد بيحترق كرتها
*
*
ماشافت رنا امها ولاطلت عليها ..وهذا الي جرح قلبها
انزفت رنا ... وانزف عقبها فهد ..
وتمت الامور على خير ..
قال فهد يهمس في اذن رنا :-ياويل حالي وش هالزين
ولعت رنااااااااااااااا
قالت هنادي :-هيه خف على البنت
فهد :- اقول فكيني من شرك يالشينه لا والله بالعقال
هنادي :-ههههههههههههههههه
طاحت عين رنا بعينه وهي تناظره بحب من بشته الاسود لغترته البيضاء كان شكله يخبل
ابتسم لها بحب وهو يناظرها لوقال له احد انه بيحب وحده هالكثر كان ضحك عليه ..
قالت نوف لامها بهمس :-اخسسسسسس نسيبك يجنن
قالت امها بدون اهتمام :- موب ازين من نسيبي الثاني
استانست نوف ..
قال فهد يغمز لامه :-الغاليه صرفيني بطلع
امه :-هههههههههههههههههه يسلملي عمرك (وماتت الابتسامه وهي تشوف ام نوف طالعه الدرج جايه لهم )
قال فهد بسرعه :-من ذي
(اول مره يشوفها)
قالت رنا وهي منزله عيونها الارض وتبلع غصتها بلع :-هذي امي
ناظر رنا بقوه ..ورجع التفت يم الحرمه الي لابسه جلابيه وجايته تمشي ..
حبت على خدود رنا وقالت :-مبروك
رنا:- ---------------------------
وسلمت على فهد الي وقف ..:-مبروك
قال فهد وهو نفسه يتوطى ببطنها :-الله يبارك فيك
في لمحة حنان شبه معدومه قالت :-لا اوصيك على رنا
فهد (بدون نفس) :-رنا بعيوني
وطلعت من المنصه ...
ضاق خلق فهد لان رنا شكلها متنكده ..
وقف بدون مقدمات ومد يده لها ..مسكت يده ووقفت
وطلعوا من القاعه ..
*
*

*
*
****قبل زواج سعود بيومين****
قال ابو سعود لام سعود :-ليه نوف وش منقصها عن غيرها
ارتفع ضغط ام سعود :-ناصر انت عارف رايي بهالزواج اختصر وخله للرجال وبنت اخوك ياخذها رجلها من بيت ابوها
ناظرها بنص عين :-العرس بيكون مثل عرس فهد ورنا فاهمه ولا لا
ام سعود :-بس----------------
عصب :-جاك العلم
ضاق خلق ام سعود كلن كاره هالعرس بس من يحس ..
قال ابو سعود :-ولدك وينه
قالت بدون نفس :-ولدي من عيالي ثلاثه
ناظرها :-سعود من يعني مايرد على مكالماتي
في نفسها "ماينلام"
لكنها قالت :-وش تبي فيه
ابو سعود :-بغسل شراعه
ام سعود بتموت بسببه :-ليه
ابو سعود :-مو مهتم بشي انا الي حاجز القاعه وكل شي ولا وماثث جناحه بنفسي وانتي وبناتك مامنكن فايده
باعتها ام سعود :- انا وبناتي مو موافقات على العرس عارفه انه صاير صاير بس انت ماتقدرتتحكم بالي نحس به ..
انبطت كبده من البرود من عرس سعود ..
وسفه حرمته...


قالت الماس لسعود :-حبيب القلب
التفت يمها وبعيونه نظرة حزن هزتها من داخلها..ااااااااااه حزنها قدام حزنه ولاشي ..
ابتسم غصب :-عيونه
جلست جنبه وقالت (تحاول تخلي الموضوع ايزي) :-ودني بيت عمي اليوم
انقبض قلبه وقال بضيق :-ليه
الماس :-برتب اغراضي
سعود :-----------------
الماس :-اقول لخالد يوديني
سعود :-لا انتي جاهزه
الماس :-ايه
سعود :-مشينا
لبس شماغه وطلعوا ...
؛
؛
؛
في بيت ابو سعود
"هنااااااااااااااااااااااااااااااااااااااااااا اااا اااااااادي"
تخرعت هنادي وطاح جوالها من يدها طلعت بالسيب :-منالوه شفيه
قالت منال :-ام نووووووووووف هنا
شبت هنادي :-هنا
منال :-ايه جايبه اغراض العقربه
هنادي (بكت غصب) ودخلت غرفتها وقفلت الباب ..
ومنال نفس الشي دخلت غرفتها وقفلت بابها ...
قالت ام نوف وهي تناظر في البيت بتملك :-حلوه الديكورات الجديده
قالت ام سعود بدون نفس بس بلباقه :-لازم لانها متعوب عليها
ام نوف (مبسوطه) :- وين جناح العرسان
ام سعود (نفسها تقلب الطاوله حقت القهوه على راسها) لكنها قالت :-سوووووونيا
جت الشغاله قالت لها :-سونيا ودي المدام جناح بابا سعود نمبر 2
وقفت ام نوف وقالت ام سعود :-الشغاله بتدلك للجناح خذي راحتك
(ام سعود سوت نفسها انها بتخليها تشوف الجناح وترتب غرفه بنتها بلحالها من باب الذوق ماتدري ان الذوق اخر شي تفكر فيه )
طلعت ام نوف الجناح مع الشغاله ...
الا وبدخلة سعود الماس
انشرح قلب ام سعود الي لها كم يوم ماشافت ولدها ولاسمعت صوته :-هلا يمه
ابتسم سعود :-اهلين بالغاليه
وسلم عليها..
الماس :-هلا خالتي كيفك
ام سعود :-عيون خالتك بخير يالغلا انتي شخبارك وش اخبار العلاج
الماس :-تعبانه شوي بس بخير الدكتور دق على سعود عشان يجي ياخذ وصفة مقويات وهي علاج مبدئي ..الله يستر لان العلاج بالكيماوي هو الخطوه الجايه ..
ضمتها ام سعود :-الله رحمته شامله لخلقه
الماس :-والنعم بالله
ماتدري ام سعود كيف تعلمهم بس لازم تقول لهم ..لان الجناحين متقابلين ..
ام سعود (شكلها تعبانه) :-عيالي
الماس وسعود :-سمي
ام سعود :-ام احمد
قال سعود يهمس :-قطع هالسيره
مسكت الماس يده ...
ام سعود رحمة حال ولدها الي نحفان مره وعيونه تحتها هالات سوداء من الارهاق :-ام احمد فوق ترتب اغراض بنتها
انصدمت الماس وجمد سعود ..
بدون مقدمات طلع سعود من البيت بسررررررررررررررررررررعه ..
دورت الماس اقرب كرسي وجلست عليه ..
خافت عليها ام سعود :-يمه علامك
قالت الماس بتحجر من قوة الالم (الايام الي فاتت كانت مثل الحلم ماحست بحقيقة زواجه الا الحين ) :-ولاشي خاله
نادت ام سعود الشغالات ...
شربت الماس من يدين خالتها كاس مويه ...
قالت الماس بهمس ودموعها بعينها :-خاله مابي اقابلها
ام سعود :-يمه انتي مقابلتها مقابلتها اختصري على عمرك واقطعي راس الحيه من البدايه
ناظرت الماس خالتها الي كانت تنصحها بخبره سنين طوووووووويله ..
جمدت الماس في مكانها
ودقت ام سعود على جوال هنادي :-الو يمه تعالي تحت
هنادي وعيونها مورمه :- ان شفتها تفلت في وجهها
ام سعود :-يمه عن هالالفاظ تعالي الماس تحت
طياررررررررررررررررررررري الا وهنادي عندهم ..
ضمت الماس وقالت لها :-يالله قلبو نرتب جناحك
هزت الماس راسها وهي تحس بتعب ماله مثيل ...
دخلن الجناح ..
وجابن الشغالات الاغراض ..رتبت الماس وهنادي كل شي ...
بعدها بساعتين رجع سعود
ودخل الجناح لقى هنادي نازله تجيب عصير من المطبخ ..والماس ترتب ..
قال :-ذلفت
هزت راسها بدون ماتتكلم..
وقفت الماس على اصابيع رجلينها تحاول تدخل وحده من شناطها بالدرج العلوي ..
وقف سعود وشالها وهي تضحك من المفاجاه ..رفعها لين حطت الشنطه بالدرج ..
نزلها شوي شوي ووجهها مقابله ..
الا ونحنحه على الباب التفتوا سوى الا وهي ام احمد ...
---------------------------- >>هدوء وهالابتسامه اليتيمه ماتت
قال ام احمد بقلة حيا :-هلا والله بنسيبي
قالت الماس وماقدرت تمنع نفسها :-الباب الي دخلتي منه تدلينه
انصدمت ام احمد :-وشهو
الماس :-الي سمعتيه
ناظرت في سعود وقالت :-شفت حرمتك تطردني قدامك
هز سعود كتوفه وقال ببرود :-اظنك سمعتيها زين
انصدمت من قلب وقالت :-انت ماتبي بنتي من جد
سعود :- وجد الجد
قالت بحقد واستهزاء :-وش لاقي في عديمة الفايده ذي
انجرحت الماس بس طبعا هذي مو اول مره تسمع هالكلام منها بس اول مره يكون صريح مو تلميح
انقهر سعود وقال :-اطلعي من غرفتنا لا والله بالعقال وتعوديها تغلطين على زوجتي
ام احمد :-ونوف زوجتك
سعود بمرار :-مافيه شي بالغصب وان كانوا غصبوني اتزوجها فلانهم يبوني اتزوجها ام انا ف ما ابيها
ام احمد وهي تناظر الماس الشاحبه :-هه لاجابتلك نوف الولد ساعتها راح نشوف
وطلعت من الغرفه ..بسرعه
جلست الماس على الصوفا تبكي وحالتها حاله ..جلس جنبها سعود وهو المسكين على وشك يجيه سكر او ضغط قال برقه وصوته الحنون فيه اثار جرح بليغ :-لاتزيدين همي هم يانظر عيني هذي انسانه متبلده وقحه ماعليك منها
قالت الماس وهي تمسح دموعها :-صدقت في شي لاجابت لك الولد ساعتها بتنساني
قال بقوه :-ذكرني الموت ان نسيتك
قالت بسرعه :-بعيد الشر عنك
دخلت هنادي الغرفه وشافت حال الماس وعرفت ان ام نويف بخت عليهم سمها قبل لاتطلع لانها قابلتها عند الدرج وطبعا هنادي سفهتها وماعبرتها
×
×
×
×
×
×
×
×
×
>>>>>>>>>>>يوم الزواج <<<<<<<<<<<
جلس سعود متنح والجوال جنبه يررررررررررن رنين متواصل ولايرد عليه ..
اما الماس وبالغصيبه وداها بيت اهلها ..امس
بيختصر عليها الالم وبيرحم حالها من شوفته...
قال فهد وسلطان الي دخلوا بيته فجاه :-سعود
كان منزل عيونه بالارض محني الراس واصابيعه متشابكه
جلس جنبه فهد وقال :-سعود بلا فضايح الساعه ست المغرب
سعود :-------------------
سلطان :-سعود والي يسلملي عمرك طلبتك
وقام وحب على راسه
رفع راسه سعود ..
قال سلطان :-قم مشينا ياخي فكر في شعور عمي وفي عياله ترى والله مالهم ذنب
فهد :-سلطان معه حق خلي الليله تعدي على خير
الا وبدخلة احمد :-سلام
العيال :-وعليكم
جلس احمد جنبه وقال :- عارف انك مغصوب تتزوج وانا والله حزين مو عشان اختي لا عشانك انت
هز سعود راسه
قال احمد :-عماني وابوي ذبحوني بالمكالمات يحسبونك معي خلنا نروح لهم قم بدل ملابسك
قام سعود وطلع غرفته ..لقى الماس مزهبه له اغراضه وحاطتها على السرير ...
ضاقت فيه الوسيعه وحس بصدره يصغر ويصغر ويمنعه لايتنفس
لبس بسرعه ..يبي يرتااااااااااااااااااح وينتهي من هالليله المشؤومه ...
نزل للعيال وطلعوا كلهم القاعه ...
*
*
ناظرت دانه اختها وقالت :-الماس انتي واثقه من الي تسوينه
بكل قوه ملكتها كانت مصره تخرب هالليله على نويف وامها :-ايه
قالت دانه وهي مو مصدقه الي تسويه اختها :-انتي يامجنونه يا براسك شي
التفتت الماس وقالت وهي تناظر بدانه وتفكيرها في مكان ثاني وفي واحد مافيه غيره :-اليوم تحسبنها بتنتصر دانه مو بورقه راح تملكه روحتي للعرس عشان اشوف هزيمتها بعيوني وهي تشوف قدري عنده بعيونها اليوم ماراح تنساه بحياتها
خافت دانه :-الماس مانبي فضايح
الماس :-دانه انتي تعرفيني
دخل خالد وامه معه الغرفه بعد مادقوال الباب وجمدوا يوم شافو الماس ..
قالت امها وشكلها بيغمى عليها :-يمه على وين
الماس ببرود :-بروح معكم
خالد انهبل :- من جدك
الماس :-ايه
ناظروا كشختها وجمالها الي يسحر الاعمى ...كانت لابسه فستان زمردي شبيه بفستان نجوى كرم باغنيه (بحبك ولع) على جسمها وعلى طوله وعلى شعرها الي ماسكته من قدام باكسسوار كريستالي ناعم روووووعه والباقي كيرلي طالعه ملفته للانتباه بشكل كبير ..والمكياج كان عذاب سموكي يجننننن على وجه ولا اروع منه ..
قالت امهم :-خالد دانه اطلعوا بكلم اختكم
كانت الماس عارفه ان امها ماراح تعدي لها هالشي ..لان امها ماكانت تبي تروح بس ابوها غصبها وسوى مشكله بالبيت ..
طلعوا من الغرفه ..
قالت ام خالد :- مجنونه انتي وين تروحين
قالت الماس :-بحضر عرسه
خنقت امها الغصه :-يمه مالها داعي
عندت الماس :-طلبتك يمه ابي اروح ما ابي اكون ضعيفه تكفين
رجاها كسر قلب امها ووافقت ..
نزلت الماس مع امها ..
انصدمت قمر :-الماس
ناظرتها الماس اما دانه فغمزت لقمر الصريحه عشان تسكت
مسكتت قمر غصب لان الكل صاير يراعي مشاعر الماس مرررررره ..لان اقل شي يخدشها ويكسر حصون القوه الهشه الي بنتها حول نفسه
قالت الماس لخالد :- خلود انا بجلس ماراح اروح الحين
خالد :-تجين مع السواق بلحالك لا لا روحي معنا
الماس :- حمد بيجلس معي تعرفه مايحب العروس
خالد :- وش الفرق الحين ولا شوي
عدلت الماس فستانها وقالت :-فيه فرق
واضطر انه يوافق وتفكير اخته محيره ...
مسكت دانه قبل لاتطلع وقالت لها :-قبل لا يدخل سعود بوقت كافي دقي علي علميني
دانه (وهي خايفه على شعور اختها ) :- انتي واثقه من الي تسوينه
بعناد وثقه :-ايه لاتنسين
دانه :-طيب
×
×
&
*

*
###
><في القاعه ><
كانت ام سعود وبناتها واصلات حدهن من الضيق وهن يشوفن ام احمد تصول وتجول ومبسوطه ..
"قلللللللللللللللللللللللللللللللللللللوش"
همست هنادي :-وجع ان شاء الله
منال :-من الي جايب ذلي الي فقعن روسنا من اليوم
قالت سعاد تستهزء :- من غيرها ام احمد
ام سعود :- يزغردن على ايش مالت عليهن
جت دفعة حريم يباركن ...
وسلمن على البنات الي واقفات بالاستقبال ..
بعدها وصلت ام خالد وبناتها واستقبلنهن بنات بو سعود الي ملامح وجيههن شينه ..تقولين بعزاء مو عرس
****
جلست سعاد جنب دانه وقالت لها :-وش اخبار الماس
قالت دانه بضيق :-ابشرك استخفت
سعاد :-ليه
الا وجوال سعاد يدق ..:-الو
فهد :-بالملعنه وامها يالله اقنعناه يدخل
سعاد :-متى
فهد :-بعد عشر دقايق لانه يسلم على المباركين وبيجلس معهم شوي
سعاد وهي تفز :-طيب طيب
قالت دانه وهي على وشك تبكي :-بيدخل
سعاد :-ايه فيه ضيوف جدد بيجلس معهم دقايق ثم يدخل
وقفت وقالت :-بقول لامي تعلم العقربه
وراحت سعاد لامها ..طلعت دانه جوالها ودقت على الماس
الماس وقلبها يرررررررجف :-بيدخل
دانه :-ااااااااااااااايه
سكرت الماس الخط وفزت ..
حمد :- مالي خلق اروح
الماس :- حمد ماعندي وقت بعطيك خمس ميه بس تعال معي ماحب اركب مع السواق لحالي
استانس حمد :-طيب
×
×
×
×
×
>>في جناح العروس<<
بتشقق نوف من الفرحه ...
كانت لابسه فستان ابيض نافش ذيله طوووووووووووويل ورافع شعرها ومسويه مكياج خليجي ..
قال لها امها :-نوف يالله جاهزه بيدخل بعد شوي
نوف وهي فاقه خشتها :-من قال لك
باستهزاء :- عمتك
نوف :-هه عمت الغفله هههههههههههه
امها :-يالله عجلي
نوف :- انا جاهزه ..يمه الماسوه جت
امها :-مليون مره تساليني هالسؤال لا ماراح تجي
نوف :-ههههه خسارررررررررررررره ابي اشوف موتها بعيني
امها :-الايام جايه لاتستعجلين شدي همتك وجيبي له الولد
نوف :- ههههههههههههه لاتوصين
انزفت نووووووف على اغنية نوال الزغبي (الي تمنيته )
قالت هنادي تهمس في اذن دانه الي مجمده ملامحها عشان محدن يشمت فيهن :-مالت عليها الي تمنيته مره وحده
دانه :-بكره نوال بسبتها
قالت هنادي بحسره :-اخ ياليت الماس حاضره
ابتسمت دانه غصب وغمزت لهنادي الي مافهمت شي ...
جلست نوف هي متشققه من الوناسه ...
قالت قمر بحقد وهي ناقده عليها :- لو تقوم ترقص احسن
منال :-رقصت عليها المجنه لاتقولينه تجي عليها
طبعا رنا كانت جالسه على طرف الطاوله بجنب دانه وهنادي وسعاد وماسمعت كلام قمر ومنال واصلا لو هي قريبه من البنات ماقالنه لها لانهن يحبنها وجرح مشاعرها اخر شي يفكرن فيه ..
بعدها ....
وصلو الرجال المدخل ...تغطن الحريم وانزف سعود وهو يحس بنفسه مقيود للمشنقه .. كانو الشياب جنبه
واحمد وناصر وراه ...
تحمست نوف وبغت تتشقق وهي تقزه وهو مقبل يمها ...
اول مره تدري انه وسيم حيييييييييييييييل طول وعرض وهيبه وكشخخخخخخخخخخه ...
طبعا سعود مارفع عيونه ولاناظرها ..
جا وجلس جنبها ..
ماباركوا لها العيال ..ووقفوا بجهة سعود ام الشياب فباركوا لنوف وهم متشققين من الفرحه ..
دقت دانه على الماس لان سعود ماراح يطول شكله على نار سبحان الله فرق عن يوم زواجه من الماس كان متشقق من الفرحه وماسك يدها طول الليل
اما الحين ماله ملامح ووجهه مايعبر عن شي
دانه :-الو وينك
الماس :-انزل عبايتي دخل
دانه :-ايه له دقايق عجلي شكله بيطلع
الماس :- طيب معه احد
دانه :-احمد وناصر
تحطمت الماس ..
دانه :-عجلي ادخلي طلعوا بس ترى الشياب مرتزين
الماس :-عز الطلب
نزلت عبايتها وخلتها بالامانات ..
وقفت قدام المرايه الطويله الي بالاستقبال ..رزت عمرها وضبطت شعرها
ابتسمت من بين جروحها الي تنزف كان جمالها ماله مثيل...
دخلت القاعه ...ومن بعيد شافته جالس يم نويف ..
تزعل جروحي واراضي صمتها فيني
واقول ويلي من القصة وراعيها
ماكني الا عصاتن ما تجديني
في مهمهات العيون وشوف مغليها
كسرت حبري على جمر يدفيني
واشعلت حبي قصايد نصفها فيها
مثلي تموت وتباها بالعناويني
ماحصلت روح تزعلها وترضيها
في دفتري حس ماتاصله ايديني
مثل القصيده تتوهني معانيها
دمع بخدي ودمع مات بعيني
والسالفة يابعدي هذي مباديها
تشوفني صمت ماتقدر تحاكيني
واشوفك الشمس تحويني حراويها
وتشوفني حزن ماتقدر تواسيني
واشوفك الشمس تحويني حراويها
دخيل عينيك حبيبي لا تجافيني
ارفق بحالي وروحي لا تجافيها
وان ماحصل منك . لو نظره تكفيني
اضمها في عروقي شوق وارويها
قلبها رجف ورجف ورجف... حست بطعن سيوف من الالم
خلاص راح وقت الانسحاب ..دخلت تمشي بثقه وبهدوء ...
تخبلن الحريم ومحدن عرفها لانها متغيره حيل ...
ومع التركيز عرفوها ..
الماس
شهقت هنادي :-الماااااااااااااااااااااااااااااس
والتفتن البنات ورى وهن يشوفنها تمشي بكل ثقه
كملت الماس طريقها وعيونها عليه وهو تو ماشافها لان عيونه بالارض ...اما نوف الي التفتت وهي مبتسمه شافت الماس وماتت الابتسامه وانقلب لون وجهها
حس سعود بشي ورفع راسه ..
صدمة عمرررررررررررررررررررررررررررررررررررررررررره
طلعت الماس الدرج وعيونها عليها ومسفهه بنويف وامها المنقهره حيل ...
الكل كان متفاجأ ...
الشياب الثلاثه منهبلين ...
مشت لين وقفت قدامه ...وقف بلاشعور وهو يشوفها
والحريم بالصاله متاثرات حيييييييييييييل
قالت بهمس :-في الرخا والشده سوى نسيت
قال بصوت يرجف :-لامانسيت
ضمته قدام الكل من قلب ...
.ونوف دمعتها على وشك تنزل ، ناظرت في امها تستنجد لكن امها هزت كتوفها "ماباليد حيله"
بعدت عنه وقالت :-مبروك
قال بهمس وماسمعه الا نوف لانها الاقرب :-:-تباركين لي في ليلة وفاتي
قالت الماس :-بسم الله عليك يانظر عيني ..
تقدم ابوه وقال :-الله يكملك بعقلك يبه زين انك اقتنعتي
قالت الماس بترفع :- لعيونه امشي للموت عمي
قال سعود بنفس جملتها :-بسم الله عليك يانظر عيني
قال ابو سعود لها وهو يناظر في وجه نوف المتغير :- ما انتي مباركه لبنت عمك
قالت الماس بجرأه :-ماجيت الا عشانه ياعمي ...
والتفتت بتمشي ، مسكها سعود :-وين
ابتسمت بحزن ماخفى عليه :-بروح يا ولد العم انت هنا (واشرت على قلبها)
قال بحب وحزن :-انتبهي على عمرك
ابتسمت :-وانت بعد
جلس سعود وحالته حاله ونوف مقهوووووووووره وفيها الصيحه ..
وبعدها بخمس دقايق طلعوا الشياب
وبعدها بثواني وقف سعود ووقفت نويف معه (خافت لايجحدها قدام الناس لان عقله مو معه مع من اخذت عقله وراحت)
×
طلعت الماس من القاعه بكبرها وركبت السياره الي كانت تنتظرها برى وانهارت كل حصونها وجلست تبكي ..
انهبل حمد منها ... ومن قوة بكاها ..
ومشوا للبيت
حمد :-يكفي يا الماس والله قطعتي قلبي
لكنها ماردت ..وماصدقت خبر والا وتدخل بيت ابوها وتطير على غرفتها ...

&&&&&&&&&&&&&

(الجزء الثالث عشر)
(الجزء الاول)

قال سعود لفهد وهم برى القاعه :-سوق السياره انت مافيني حيل
المزح من طبوع فهد لكنه تخلى عنه وهو يشوف اخوه مدمر لاخر حد ..
قال فهد وهو ياخذ مفتاح السياره :-تامر
كانت نوف تسمعه وهو يحاكي اخوه .. والعبره خانقتها ..
ماعبرها .. فتحت لها امها باب السياره وركبت ورى اما سعود جحدها وركب قدام مع فهد ..
سند سعود راسه وهو متورط توريطة ما مرت عليه بحياته كلها ..وهو مايدري كيف يتصرف ولا وش العمل
لكن الذنب ذنب الشياب وبرقابهم
طبعا ابو سعود حاجز لهم سويت عرسان بفندق خمس نجوم ..
وقف فهد السياره قدام الفندق ..
قال له :-سعود وصلنا
فتح سعود عيونه وقال :-كيف بترجع خذ السياره معك وبكره جبها
قال فهد :-سلطان ورانا برجع معه ..
ضرب فهد على يده وقال :-يالله تتمسى على خير
ونزل وماعبر نويف ولا بارك لها ..
نزل سعود وجحد نويف ...انتظرها لين نزلت وهي تعافر فستانها الطويل
دخل الفندق ومشى ولا التفت لها طلعوا السويت وهو ما يدري هي وراه ولا وين راحت
فتح الباب وانتظرها لين دخلت ..
دخلوا الشنط وراهم وبعدين طلعوا العاملين ..
نزلت عبايتها وناظرته وهو ما ناظرها للحين ..
جلست على الصوفا تنتظره يتكلم ولا عطاها وجه ..
حست بضيق وقهر ...
يوم جته الماس بغى يتشقق اما الحين مو بطايق لها شوف..
ماتدري وش العمل ولا كيف تتصرف ...
اما هو فجلس معطيها ظهره ...
نزلت نظرها ..بالارض مالها الا تمثل دور البريئه الضعيفه حتى يرحمها ووقت ما يجي الولد راح تشوف شغلها مع الماسوه انا ماخلته يطلقها ماهي بنوف
ابتسمت ويالله مسكت نفسها لا يشوفها تنفضح ..
كان سعود متضايق مره يحس بنفسه وكانه جالس مع وحده غريبه اجنبيه عنه ...
مسح وجهه بيدينه وهو يتذكر وصيت عمه وابوه له ..
>>>حط نوف بعيونك ----------- اعدل ------------- ترفق بها تراها صغيرونه
وصوه على كل شي الا عمره ..ماوصوه عليه كان قالوله
وكل امرك لله
شده وتزول
الدنيا مآسي والي جاك مايذكر
عظم الله اجرك
هالكلام كله بيكون مقبول منهم وراكب على الوضع الي هو فيه
..ناجى ربه في السر (ياربي سامحني والله ماني بقادر يارب انت عالم اني مظلوم ومالي ذنب )
احتار سعود ..
وش العمل ...؟؟؟؟
عاجلا او اجلا لازم يواجهها ..وقف وقال بدون مايرفع عيونه فيها :-اذا تبغين تبدلين انا بطلع
وطلع من الغرفه طياري
استانست نوف فديت الحيا والذوق
طلع سعود من السويت بكبره ...ومسك جواله وهو واقف بالسيب المقابل للسويت ماقدر يمنع نفسه
×
×
كانت الماس قافله على نفسها باب الغرفه ودموعها ماوقفت صحيح ان الوقت تاخر الحين بس الغيره تنهشها نهش الموت مابينها وبينه الا خطوه..
دق جوالها في ظلام الغرفه ..
كان نوره هو النور الوحيد الي يكشف عن وجه كله دموع وكرب ..
استوت في جلستها بسررررررررررررررررررعه
امير الروح-------------->>يتصل
طاح الجوال من يدها مرتين ..
قالت بصوت يرتجف :-الو سعود
بصوت من التعب كنه جاي من بعيد :-عيونه وقلبه وروحه
غمضت عيونها وسالت دموعها بكماء مالها صوت ...
حس فيها وحس بدموعها الي من ساعات ماوقفت :- لا يالغاليه دموعك اقسى شي علي
مسحت دموعها وقالت وهي موقادره توقفها كلما مسحت وحده نزل عقبها عشر :-ويني ووين الفرح وغيري شريك فيك
سعود :-القلب ماله غير قربك مداوي ولو يجي بين يديني الف حرمه مايملا عيني غيرك
سالت دموعها وحطت يدها على فمها حتى مايسمعها وهي تبكي
قال بجد :-الماس لا تخليني اجيك الحين
عرفت الماس انه جاد قالت غصب :-اوكي خلاص انطميت
ابتسم غصب وقال :-اثبتيلي
حز بخاطرها وضعهم قالت له بدلع جريح :-هههههههه غن لي طيب
سعود :-هههههههههههههههه وشهو
الماس استغربت طلبها اكثر منه بس صوته حلو وهو متعود يغني لها دايم
الماس :-ههههههههههه غن لي من زمان ماسمعت صوتك
سعود (مسوي فيها مغرور) :-ههههههههه والله مدري روتانا وينها عني للحين
الماس :- ههههههههههههه
سعود :-اخ يازين الضحكه وراعيتها
ولع وجهها....
سعود (وكانه يشوفها):-ياربي كم سنه متزوجين وللحين تستحين
الماس :-ههههههههه من لعب عليك وقال اني مستحيه
سعود :-غشيم عنك
الماس (حمر وجهها زياده) :-يالله غن لا تغير السالفه
ابتسم من قلبه لاول مره في الفتره الاخيره:-وش تبغيني اغني لك
برقه قالت :-على ذوقك
سعود :-يابعد هالعالم وهالناس يا اخر احبابي والاول.
.حبك وسط عيني وع الراس يبقى وحب الغير يرحل
قلبي ع قلبك يمطر احساس ..محال ورد الحب يذبل
مهما نظرت اجناس واجناس ..في عيني انت بس الاجمل
تاثرت الماس من صوته الحنون الي فيه لمحة حزن ومن كلمات الاغنيه الروووووعه
وصلتها رسالته وفهمت قصده...
ابتسمت وهي تفكر انه يكلمها وقلبه معها وهو عريس الليله ..والاخت مجحوده ..
قال يمزح :-وش هالزين اليوم
على ان مجرد تذكرها للعرس يغثها بس من جد نبرته خلتها تبتسم ..
الماس :-عشان تعرف اني ما اخلف بوعودي
اكتئب وهو يذكر وعوده ...
قالت وهي تفكر بنفس تفكيره :-لا يضيق خلقك ياغلا روحي وقلبي مقدر ومكتوب
تنهد :-على قولتك انا بسكر تبين شي
جاء دورها تكتئب وتخنقها العبره
قالت بهدوء :-سلامتك انتبه على نفسك
سعود :-وانتي بعد
وسكر الخط...
تلفت في السيب الطويل العريض الي كله قزاز وديكورات ولا اروع ..ابتسم وهو يفكر يمكن ابوه حاط مراقبين لجناحه عشان يتاكد انه ما هج وترك الشينه
فكر انه لمحها من حلاتها صحيح انها صغنونه بس في وجهها لؤم .. ما حبه
سحب نفس طوووووووووووووووووووووويل وعد لين عشره ثم فتح باب السويت ودخل ...
استحى سعود يوم شافها مبدله ملابسه وجالسه تناظره..ولولا خوفه من الفضايح كان انحاش
لكنه عاتب نفسه "علامك كأنك مراهق " تصرف مثل الرياجيل ..
جاء وجلس بالكرسي الي جنبها ..------------------->>(مازال مو قادر يناظرها)
قالت بدلع :-مافيه مبروك ياولد العم
عقد حواجبه ...ومارد
كملت :-سعود
رفع راسه وناظرها ...ابتسمت وقالت :-زين ناظرتني لو داريه ناديتك باسمك من اليوم
قال بصوت هادي :-بغيتي شي
في نفسها "مالت عليك الليله ليلة عرسنا وتسالني"
كملت بنفس النبره :-ابيك سالم
بدون نفس :-الله يسلمك
ناظر في ساعته وقال :-بنام الحين عشان ماتفوتني صلاة الجمعه
في نفسها "نامت عليك طوفه امحق ليلة عرس"
قالت وهي تسبل بعيونها :- طيب انا مافيني نوم
قال وهو يوقف :-عندك (اشر بعيونه) التلفزيون تسلي فيه واذا كنت جوعانه كلمي الروم سيرفس
طلعت عيونها قدام من جده ذا بيجحدني وبينام ...
وفعلا دخل الغرفه وبدل وحط راسه على طول ...شوي وتعض نوف اصابيعها من القهر مالت عليه ولا كلمه حلوه ولا مجامله وش شايفها بزر عنده ولا اصغر عياله شكلي بتعب معاه واجد ..
دخلت الغرفه لقته وياللمصيبه نايم على الصوفا الي بيمين السرير ، وش قصده ذا !!!!!
جلست على طرف السرير وهي فيها الصيحه ..وش معنى هالحركه
*

*
النوم
كان ابعد شي عنه لكنه عذر مقنع عشان يرتاح من التوتر الي بيقطع قلبه ..صحيح الصوفا مو مريحه مثل السرير الملوكي الي قدامه لكنه مايقدر نفسه ماتطاوعه ينام وياها بسرير واحد مايقدر شي فوق طاقته ..
مايدري كم مر من الوقت الا ويصحى مخترع ناظر الساعه لقى الصلاه على وشك تقام ..وقف بسرعه ودخل بياخذ شاور ..طلع بسرعه ودور ملابسه على الطاوله ، بدون شعور نادى :-الماس
طلعت له نوف وعيونها مورمه من النوم قالت تتافف :-انا نوووووووف وبعدين صحيتني من النوم وانا مانمت الا متاخر
رفع عيونه لوجهها ...غمض وفتح مرتين زوجته الماس .من .....
نوووووووووووووووووف
طاح عليه الادارك فجاه ..واختل توازنه لكنه مسك نفسه ..
قال وهو يصد عن لبسها الجرئ نوعا ما باستهزاء :-اسفين ارجعي نامي (نوم الظالم عباده)
ولا فكرت التفتت ورجعت تكمل نومتها ماصدق سعود خبر..احتاس بالغرفه وهو مايدري وين ملابسه تافف اخ يا قلبي عودتيني عليك وعلى طبعك..
واخيرا لقى ملابسه ولبس..ثم طلع بسرعه
،
دق جوااااااااااااااال نوف وصجها قامت النوم زهقانه لانها ماتحب احد يخرب عليها نومها
قالت بصوت فيه نوم :-نعم
قالت امها بعصبيه :-ساعه عشان تردين
نوف (وهي تحط المخده فوق راسها) :-يوه يمه احد يدق من صباح ربي
انهبلت امها :-تدرين الساعه كم
نوف :-لا ومايهمني
امها :-ياربي نوف كم مره قلت لك غيري عاداتك انت متزوجه الحين
شوي وتصيح فيها نوم :-يمه تكفين مانمت الا الصبح
راح تفكير امها بعيد :-اهاااااااااااا
مدلخه الاخت مافهمت كلام امها
قالت امها :-هاه وش صار علميني
نوف :-هه ماصار شي
انصدمت امها :-هاه
نوف :-وشهو هاه ماصار شي
عصبت امها :-وش سويتي يالخبله اكيد كل نصايحي راحت بالهواء
نوف :-يمه والله سويت كل الي قلتيلي وسفهني
امها (بتموت قهر) :-سفهك
نوف :-ايه نام وتركني
امها (بتنهبل) :-هاه
طفشت من امها :- هاه ايش يمه هذا الي صار
امها :-لا والله وانتي عادي عندك
نوف :-اوووووف شتبغيني اسوي
امها (تستهزء فيها) :-اجلسي وحطي يدك على خدك
نوف (هبله) :-طيب
انجنت امها :- وشهو الطيب
نوف :-بحط يدي على خدي
امها (بدت تدوخ من ارتفاع السكر ) :-هبله انتي
نوف :-لا
امها :-اجل اسمعيني ونفذي الي اقوله لك والله ليتخبل
تحمست نوف :-طيب
وجلست امها ساعه تعلمها ...
انهبلت نوف :-يمه مكشوفه
امها :-يارررررررربي انتي سوي الي قلته وماعليك
نوف :-طيب
قالت امها :-قومي اكشخي عن النوم
نوف :-يمه تونا
امها :-الساعه وحده ورجلك على وصول
نوف (تصرف امها) :-ان شاء الله
وسكرت امها الخط بعد ماعادت عليها كل الكلام الي قالته ..
لكن نوف حطت راسها ونامت ..
×
×
×
×
طلع سعود من المسجد وبدون ماينتبه لقى نفسه واقف قدام بيت عمه ابو خالد ..
ازين شي ان كل صلاة جمعه الشياب يجتمعون على الغداء وكل اسبوع عند واحد وهالاسبوع عند ابوه
نزل من سيارته ودخل بيت عمه ..
طلع جواله ودق ...
"هلا"
قال بحب :-يسعد لي احلى صوت بالكون
سمع صوت صحن ينكسر وخاف عليها :-الماس انتي بخير
ضحكت غصب من المفاجاه :-ايه بخير ماناظرت الرقم يوم دقيت وتفاجات
ابتسم وقال :-خالد دق علي يقول ليه ماتردين على جوالك
------------>>تحطمت الماس على بالها داق عليها
قالت ببرود :-شيبي بعدين جوالي معي مافيه شي
سعود (حابك السالفه صح):-قال ان له اغراض ببيت الشعر الي برى ويبيك تدخلينها
قالت الماس وهي متضايقه حيل :-طيب برسل وحده من الشغالات
سعود :-لااااااااااااااااااااا (قالها بقوه )
عقدت حواجبها وقال يرقع السالفه :-اقصد فيها فلوس واشياء مهمه والصراحه انه لزم علي اقولك انتي الي تروحين
من القهر تبي تسكر الخط وتمسح دموعها :-طيب طيب انا بسكر
وسكرت بدون ماتسمعه ، ضحك من قلب لانه عرف انها زعلانه عليه على بالها داق عشان خالد طلب منه يدق عليها ...
مسحت الماس يدينها وطلعت من المطبخ ...وثم طلعت للحوش
"الله يهديك ياخالد مطلعني في هالقوايل"
دخلت المجلس بسرعه ..ناظرت مالقت شي فكرت المجلس فاضي لايكون احد اخذ اغراضه احسن يستاهل من قال له يحطها له ...
التفتت بترجع الا وتصدم في صدر رجال ، خافت وتغير لون وجهها
وبدون ماتناظر هجت بسرعه لكنه مسكها قبل لاتروح ...رفعت نظرها وتخبلت :-سعود
ابتسم :- بشحمه ولحمه
(ما استوعبت للحين انه قدامها)
لمست وجهه وقالت وهي مو مصدقه :-تخيلتني احلم
ضحك من قلبه ..
ابتسمت وقالت والغيره تحرقها حرق :-وين شينة الحلايا
قال بدون اهتمام :- مدري
طلعت عيونها
قال :-اقصد بالفندق
انقهرت بفندق بعد لو يقابلها عمها الحين دفنته بالحيا
قالت وهي تناظر فيه بوله :-افطرت
قال وهو يغمز لها :-اخر شي افكر فيه الحين
حمرت خدودها ..ورجعت دمعة عيونها يوم تذكرت ان نويف تشاركها فيه ...
رفع وجهها بيده وقال (يتضيعف) :-تدرين من امس ما طب الاكل بطني
انهبلت :-يخسى الجوع والله مسويه جريش يحبه قلبك
انهبل سعود لانها من اكلاته المفضله ...
شعور الماس ماينوصف ابد ..وش تبي اكثر من جحدته لنويف بصباحية زواجهم ..
قالت تبتسم :-طيب الغداء بحطه الحين
قال يمزح :-جوووووووووعان
الماس :-ههههههههههههههههههههههه وين تبينا نتغدى
قال وهو يمسك يدها :-بكيفك
ابتسمت :-اجل نتغدى داخل امان الشياب مجتمعين وقمر نايمه مالها خلق تتغدى ومافيه غيرنا ومامتي
هز راسه ودخلوا سوى ...
جلس سعود بالمطبخ يناظرها وهي تشتغل وباين عليها انها فرحانه احسن من قبل ...
قال :-مساعده
الماس :-ههههههههههههههههههه لا هم يحسبونك شديد وتنافخ علي وانا اخاف منك لدرجة اجيب لك مويه تغسل وانت جالس
سعود :- هههههههههههههههههههههههههههههههههههههه
قال :-بس مقدر اشوفك تشتغلين وانا جالس
ابتسمت :-هذاك ببيتنا اما عند الناس لا تخيل لو يدخل احد علينا ويشوفك تساعدني
ابتسم :-امحقها من مساعده كلها وقفه بجنبك وسوالف اسليك بها
الماس :-ههههههههههههههههههههه
دخلت امها المطبخ وهي تسمعها تضحك غريبه شكل البنت انهبلت ...
دخلت امها المطبخ ولقت الماس متشققه من الفرحه ..
(ما انتبهت لسعود)
امها :- دوم هالضحكه وش فيه
الماس :- ههههههههه ولاشي
امها :-انتي طابخه اليوم
الماس :-يس
ارسل سعود بوسه لالماس الي جلست تضحك
امها انهبلت من قلب شكل البنت جد تخبلت ....التفتت امها الا وتشوف سعود جالس على الكرسي وقف وجاء وسلم عليها
(مصدومه مره اخر شي توقعته )
سعود :-شخبارك عمه
ام خالد :-بخير يمه انت شخبارك
سعود :-بشوفة ناس بخير
وناظر ف الماس الي ذابت ...
قالت امها :-بتتغدى ويانا
سعود :-فيه احد يفوت طبخ الماس
الماس اغترت بعمرها :-شفت نفسي
سعود :-ههههههههههههههههههههه
قالت امها :-يالله تعالي خلي الشغالات يلحقوننا بالصحون
طلع سعود قبلهن مسكتها امها :-انتي داقه عليه
الماس :-لا
امها :--------------
الماس :-والله العظيم
امها :- وين شينت الحلايا
الماس بشماته :-في الفندق
امها :-هههههههه بالله
الماس :-قسم
امها :-من هالحال واردى
الماس :-يارب
وطلعن سوى ...
مر الوقت بسرعه ضاع فيه سعود وهو يناظر زوجته الغاليه الي كلما لاحت في عيونها لمحة حزن محتها بسرعه عشانه ..
قال وهو يوقف :-اذن العصر بروح اصلي
فهمت الماس انه بيرجع لنويف بس لازم تشكر ربها لو واحد غيره كان مافكر فيها شهر على الاقل ..
قال وهو عند الباب الداخلي للبيت :-بكره بمرك ونروح للبيت
انصدمت الماس :-بكره
ابتسم :-ايه
الماس :---------------
سعود :-ماله داعي النفاق مايحتاج شهر عسل بتحجج اني ببدا شغلي وبأجل السفر بعدين
ابتسمت :-براحتك
قرب منها وقال :-مافيه بوسه طايره قبل لا اطلع
حمر وجه الماس :-هههههههههههههههه
قال وعيونه الناعاسات تتاملها :- دوم يارب هالضحكه يالله سلام
الماس :-في امانه الله
صفرت قمر :-ياعييييييييييييييييييييييييني ع الحب
ولع وجه الماس زود وقالت :-قمير تقزين انتي ووجهك
قالت قمر بتقهرها :-ضمات وبوسات ايش الحركات ذي
الماس :-هههههههههههههه قمير انقلعي احسن لك
قمر :-لا والله جد هو عريس وين مرته
ابتسمت يثقه :-بالفندق
قمر :-هههههههههههههههههههههههههه جحدها
الماس :-ههههههههههههههههههههه تخيلي
قمر :-ههههههههههههههههههههههههههههه فديته والله
الماس :احمممممممممممممم
قمر :-ههههههههههههههههههههههه مالت عليك انتي ودندون محد يحكي عندكم
الماس :-تكلمي في كل شي الا ازواجنا
قمر :-من زينهم وبعيدن معي قمرهم كلهم
الماس :-اخس يالحركات والله وصرنا رومنسيين
غمزت قمر ...وابتسمت
الماس :-الا مايكلمك سلطان
قمر :-من فتره لفتره
الماس :-حافظي عليه ياقمر تراه مايتثمن
ارتبكت قمر ..وصرفت عمرها :-بروح اشوف شي اكله
الماس :-ههههههههههههه مسويتلك سلطه شوفيها بالثلاجه
ضمتها قمر :-احلى اخت بالكون
وراحت للمطبخ ..اما الماس راحت تكلم دانه

><في بيت فهد المؤقت><
قال ناصر لرنا وهو يتقهوى :-بشريني عن احوالك عساك مستانسه
ابتسمت رنا وقالت والسعاده تلمع لاول مره وتبين على وجهها :-والله الحمد لله ياخوي من كان يتوقع
ابتسم ناصر :-فهد رجال ماشاء الله عليه
رنا :-فديته والله مو مقصر علي بشي
قالت :-وانت ياخوي شلونك وشخبار طلال
ناصر :-بخير الحمد لله ان زواجك كان قبل بداية الدوره العسكريه
دمعت عيون رنا :-متى بتروح
ناصر :-بكره ان شاء الله مضت الاسبوعين وبتبدء بكره السبت
وكمل :-اما طلول بخير بس هالراس ماهو بتاركه في حاله
رنا :-والله مدري ياخوي وراه مايروح للمستشفى
ناصر :-تعرفينه انتي عذبوه في المستشفيات بما فيه الكفايه علميني عن اخر اخبارك
قالت رنا :-تدري اني بسكن بالشرقيه
حزن ناصر وقال :-ايه
ابتسمت وقالت وهي فيها لمحة حزن ولمحة راحه لانها بتطلع من هنا بس بتفقد اخوانها وبنات عمها :-فهد بيته هناك جاهز وان شاء الله هاليومين بنسافر لان اجازته انتهت من زمان بس قدر يمددها شوي وهي على وشك تنتهي
قال ناصر بحقد :-مافيه اخبار عن نويف
تضايقت رنا :-بالله لاتذكرني ياخوي الجميع كانهم بعزاء يوم زواجها
كان ناصر مفتشل :-عارف حتى حنا يا اخوانها متضايقين من تزويج سعود غصب لها
تنحنح ناصر وقال :-اقول رنو
ابتسمت :-شعندك
ناصر :-وش هالابتسامه
رنا :-ههههههههههههه غشيمه عنك في راسك شي من اليوم ماطلع للحين
ناصر :-ههههههههههههههههه والله انك خطيره
رنا :اعجبك هههههههههههه
ناصر (مايدري كيف يبدا) :-بغيت اسال عن وحده
انهبلت رنا واستانست :- من
ناصر :-هههههههههههههههههههه صبر
رنا :-طيب يالله حمستني
ناصر :-هن بنات كثار جالسات على وحده من طاولات كبار الشخصيات
رنا :-اي طاوله حدد
ناصر (يتذكر) :-الي باليمين بالطرف
رنا :-ههههههههههههههههههههههههههه
ناصر :-علامك
رنا :-هذي طاولتنا
ناصر :-امممممممم اجل بنات عمي الي كانن جالسات بذيك الطاوله
رنا :-ايه
ناصر :-حلو
رنا :-من الي تسال عنها كيف شكلها
ناصر (ماتنتسى ابد) :-اخخخخخخخ ياقلبي
رنا :-هههههههههههههه علامك
قال وهو حاط يده على قلبه :-طحت ومحد سما علي ياوخيتي
احتارت رنا معه :-اوصفها لي طيب
قال بوله :-وش اوصف وش اقول خالق الزين ابدع
رنا (احترقت من الحماس) :-نويصر علمني ولاغير السالفه
ناصر :-ههههههههههههههههههه لاحول بعلمك
رنا :-عجل قبل لايجي فهود
ناصر :-واذا جاء بالطقاق
رنا (بدت الغيره) :-لا والله تبيني اشوفك تمدح غيري عنده
ناصر :-هههههههههههههههههههه كبرنا وعرفنا نغار
حمر وجهها :-يالله اخلص
ناصر :-كانت متلثمه ...صحيح ان النور كان خافت بس شفتها ومانزلت عيني عنها طول السهره
عقدت رنا حواجبها قال :-ماعرفتيها
رنا :-لا
جلس زين وكمل (متحمس) :-عيون آآآآآآآآآآه وش هالعيون
رنا :-وبعد
ناصر :-ايه صح ذكرت وكانت حاطه فرقه هنديه ..
انصدمت رنا :-فرقه هنديه متاكد
ناصر :-ايه متاكد ماشفتي رمش عينها يارنو يووووووووووه شفته وانا بعيد
رحمته رنا وقالت :-هذي دانه بنت عمي فهد
تحطم ناصر :-احلفي
رنا :- والله
قال من قلب :-اهب عليه راكان مسك القمر بيده علميني بالله اذا العيون كذا اجل وجهها كيف
عصبت رنا :-نويصر انهبلت انت البنت متزوجه حرام تسال عن وصوفها
غريب شعوره ياما مر عليه بنات حلوات الا دانه عليها عيون ذباحه ...
ابتسم :-طيب اكلتيني بقشوري
الا وبدخله فهد
ناصر :-هلا والله بالنسيب
فهد :-اهلييييييييييييين انا اقول وش النور الي منور بالبيت
ناظرته رنا بنص عين :-بالله الحين النور نور نويصر
فهد :-ههههههههههههههههههه انتي الجمال وتاجه وانتي القمر وسراجه
اغترت رنا :-على بالي
فهد (بدت المواهب تطلع) :-انا على بالي على بالي ..انا على بالي ارقص جنبك
انهبلت رنا وقالت وشكلها يضحك :-فهودي ارحمني من المواهب لوتسمعك نوال اعتزلت
سوى معصب :-لا والله جاملي على الاقل
مسكت نفسها لاتضحك :-انا من خوفي عليك من العين اطلب هالطلب لاتغني ابد ابد حتى وانت لحالك يقولون مايحسد الحلال الا راعيه
فهد وناصر :-هههههههههههههههههههههههههههههههههههه
فهد :-العبي علي بس يالله كل شي من الحلو حلو
حمرت خدودها ، تنحنح ناصر :-نحنو هنا
فهد (مسوي فيها واصل حده) :-لاحول ولاقوة الا بالله احمد ناشبن بحلقي قبل العرس وانت الحين
ناصر :-ههههههههههههههههههه بسم الله احد قال لك شي ولاداس لك على طرف
قالت رنا :-هيه كلش ولا فهودي
(جلس فهد يتدلع) :-سمعت كلش ولافهودي
ناصر :-ههههههههههههههههههههه حوم الله كبدك
رنا :-نويصر
ناصر :-ههههههههههههههههههههههههه لاحول فهمنا يالله (ووقف) نترخص
وقف فهد ورنا :-على وين العشا
ناصر :-عشان تشوتوني برى هههههههههههههههه لا والله عندي قومه بكره وراي سفر
حزنت رنا وقالت ودموعها شوي وتنزل :-كلمني
ناصر :-ممنوعه المكالمات هناك اذا زاروني العيال كلمتك من جوالاتهم
رنا :-لاتنسى
ناصر :-ان شاء الله
وطلع من عندهم ...معه شعورين
فرحان لان اخته مستانسه في حياتها ومحطم لان الي هواها قلبه متزوجه
هزء نفسه ..البنت يوم كانت مو متزوجه ماقد فكرت فيها جاي الحين تفكر ...
ركب سيارته ومشى عشان يجهز اغراضه وراه سفر طويل ..
*&*
*
*&*

*&*
*
(الجزء الثاني)

دخل سعود الجناح والساعه كانت تقريبا خمس الا ربع العصر ...
لقى المكان هاجد ...
دخل الغرفه لقى نوف للان نايمه ...
هز راسه اكره ماعليه النوم الكثير ...
نزل مفتاحه وقال وهو يدخل الغرفه :-نوف
ماصحت
قرب منها :-نوف
فتحت عيونها :-نعم
سعود :-قومي الوقت تاخر
حطت الغطاء على راسها :-طيب
سعود :-يالله قومي
عصبت :-طيب
لاكنها ماتحركت سحب عنها الغطاء جلست وصرخت فيه :-اووووووووووووووف ماتشوفني نايمه
انهبل من قلة ادبها قال بنبره جمدتها :-لاتعلين صوتك علي انا ماني باصغر عيالك
خافت من قلب وطار ابو النوم ...
طلع من الغرفه عشان تبدل ملابسها ..قامت غصب وبدلت ملابسها ...
مالها خلق تحط مكياج ولاشي مشطت شعرها القصير ...
طلعت لقته جالس على الكراسي ويناظر برنامج ومندمج فيه ..
رفعت التلفون :الو الروم سيرفس ...............
وجلس تطلب فطور متاخر انهبل منه سعود منه ...
جلست جنبه ..وقالت تتافف :-غير القناه ملل
مستحيل مو مصدق طينه هالاداميه هذي تصرفات وحده عاقله متزوجه ...عطاها الريموت بيشوف وش بتسوي ..
فرفرت على القنوات ...ومالقت الي تبي رمت الريموت وجلست تتافف
ارتفع ضغط سعود زواجه من الماس حماه من شوفة هالطبايع ونساه وجودها ..
التفت يمها وقال وهو رافع حاجب :-وش تقترحين حتى تفكيني من التافف
عصبت وقالت :- من بيلومني ياخي ولاكني متزوجه
رفع حاجب وقال يستهزء :- وليش ما انتي بحاسه انك متزوجه فيه عقد يثبت هالشي
تهورت :-عارفه بس.....................
شافته يناظرها من فوق لتحت وجمدت وولع وجهها شكلي طحت بمطب قوي!!
سعود :-ايوه كملي
ارتفع ضغطها :- حتى هدايا مثل كل الرجال ما قدمت لي
مانسى سعود هالشي لكنه اهدا زوجته الي تزوجها برغبته وبخاطره ..وهو ماهو بحاس بأي رابط او واجب تجاهها خلي ابوه يهديها مو هو الي تكفل بكل شي
لكن جرح المشاعر ماهو من اطباعه ..
طلع بوكه من جيبه وطلع خمس الاف ريال قال وهو يمدها لها :-مانسيت بس انا ما اعرف وش تحبين خذي هالفلوس وجيبي الي تبين
ماصدقت خبر بركه منه هالشي اخذتها
تذكرت وقالت له :-ايه بس الماسوه مهديها طقم الماس صباحيتكم
مايدري وش الي جاه لكنه وقف بسرعه ومسكها مع يدها وقال يهزها وهو معصب:-لاتجيبين سيرتها فاهمه ابد
خافت موت وجمدت ...:-ط...طيب
وصل الفطور وراح يفتح الباب ...
حط لها الفطور وكان من بينه البيض الي مايواطنه ...
وقف وقال:- بطلع شوي بغيتي شي
كانت مندمجه بالاكل :-لا
وطلع وكبده تلوع عليه من ريحة البيض ..
لاحول ماهو بقادر يجلس معها بمكان واحد حاسه انه بيجيه شي ...
دق جواله على بيت اهله بيتطمن على امه مايدري عنها من امس ..
دق ودق ودق ومحدن رد
قال يكلم نفسه :-غريبه
رجع دق مره ثانيه ردت عليه الشغاله
قال :-نادي ماما ام سعود
الشغاله :- ماما تعبان واجد
انهبل سعود :-هاه
الشغاله :-هذا سكر ارتفع واجد
سعود :-وينها
الشغاله :-روه البارح مستشفى والهين هي هنا
سكرت الجوال بسرعه وركض بينزل لكنه تذكر مفتاحه رجع ودخل
قال لنوف :-بروح بيت ابوي
نوف :-ليه
قال وهو ياخذ مفتاحه :-امي تعبانه
كملت اكلها :-ماتشوف شر
جمد في مكانه :-هذا الي قدرك ربي عليه
ناظرته وجت بترد لكنه سفهها وطلع ...
*
*
*
*
*
&
><في بيت عم راكان ابو سعد ><
قالت ساره وهي رايحه راجعه من القهر :-شفيكم ما تتكلمون طردني من بيته تخيلوا
ناظروا عمانها في بعض وانتظروا اابوها يتكلم صحيح السالفه صار لها اسبوعين لكن ساره مشعلله نارها وماراح تطفي الا اذا انتقمت من دانه وتذلها مثل ما ذلتها
قال عمها محمد :-هاه ياخوي شقولك
قالت ساره وهي شوي وتقطع شعرها :-اقولكم ذلني وطردني
قال عمها بدربحقد (اصغرهم سن ومقنعينه ان راكان ماخذ حلالهم) :-انتم وافقوا بس والله مايصبح عليه الصبح وهو حي
هنا تكلم ابو سعد وقال :-حنا ما حنا بمجرمين ياولد حنا نبي حلالنا بس وان سمعتك تقول هالكلام راح تندم
بدر :-بس------------------
ابو سعد :-لاتجلس تبسبس مجنون انت تذبح الرجال وين حنا فيه
قالت بقلب اسود :- والله الموت قليل عليه
ابوها :-انثبري لو انك سنعه ماطلقك
انصدمت من كلام ابوها :-يبه
ابو سعد :-وحطبه
عصبت ساره :-البلا منه مو مني معقد مره وبدوي صح
ابوها :-قومي اذلفي عن وجهي والاربع مدري الخمس زواجات الي فاتن من السبب في نهايتها
حمر وجهها وسكتت
كمل ابوها :-مصيره بيخطي خطا نقدر منه ناخذ حلالنا
ساره اخر مافي راسها الحين الثروه قالت لهم :-طيب وانا
ابوها :-وانتي علامك
ساره (شوي وتقطع شعرها) :- وكرامتي
ابوها :-لايكثر هرجك انتي الي جبتيه لعمرك
انقهرت من كلام ابوها وطلعت غرفتها ..تحسبهم راح يحلون مشكلتها طلع ماعندهم سالفه
جلست على سريرها بغرفتها :-اشوف فيك يوم يادانه
طلعت صوره لراكان عندها وجلست تتاملها ودموع القهر تغسل وجهها
قالت تكلم الصوره :-احبك وربي وعرفت اني اخطيت ليه ماتصدقني
من زود العصبيه ضربت بالصوره في الجدار وتكسر بروازها مية قطعه ..
جلست تبكي بصوت عالي ...
دخلت امها الغرفه بسرعه وشافت الصوره طايحه والبرواز مكسور..
جلست جنب بنتها الي كانت تبكي من قلب وشعرها طايح على وجهها وضامه يدينها على صدرها وترتجف مع كل شهقه تطلع منها
قالت امها :-يمه علامك
ساره :-ذبحني ذبحني
خافت امها :-وشهو الي ذبحك
ساره :-ذبحني حبه
عرفت امها ان ساره لاحطت شي بالها وماحصلته خلاص توسوس به ..
قالت امها وهي تمسح وجهها :-يمه ماتلاحظين انكم نكدتوا عليه حياته سنين
في لحظه ضعف ..
ساره :-كيف
حاولت امها تقنعها تتركه بحاله لان ساره لو اقتنعت فيه امل انها تقنع ابوها :-يمه تخيلي نفسك في مكانه كان بغربه وعمره 24 سنه مات ابوه ورجع الديره مكسور القلب وتخيلي كان ابوك وعمانك قالبين الدنيا يبون ياخذون حلاله ويطردون امه من البيت الكبير
قالت ساره :-يمه عمي عطى حلاله كله لمرته وولده
امها :-كيفه
ساره (رجعت لطبيعتها) :-لا مو على كيفه
امها :-يمه هذا حلاله
قالت ساره وهي متاثره بابوها :-عم ابوي الله يرحمه ابو ام راكان عطى ثروته لعمي عبدالرحمن (ابو راكان) وجحد ابوي وعماني
انقهرت امها من جحودهم وقالت بقهر :-مو صحيح ابوك وعمانك اخذوا نصيبهم
ساره :-بس عمي غير
امها :-طبعا غير لازم يكون غير
ساره :-ليه لازم يكون غير
قالت امها :-يمه عمك اخذ نصيبه ونصيب زوجته الي هي بنت عمك الوحيده واغلب الثروه لها
ساره (مازالت معنده) :-حتى اصلا الظلم من الاساس من جدي العود الي فضل من البدايه احد على احد
امها :-يمه الجشع مو زين وحنا مالله قاصر علينا بشي ويمكن الي معنا كثر الي مع راكان
ساره :-حتى حتى هذا حلالنا
ارتفع ضغط امها من هالسيره الي ماراح تنتهي :-ساره هالموضوع له فوق العشر سنين خلاص ماتملون
قالت والحقد ذابحها :-لو تمر مو عشر سنين عشرين سنه حلالنا بناخذه وفوقه زياده مدري ليش احساسي يقول لي ان هاليوم قريب
ناظرتها امها نظرة من غسل يده من صلاح شي ..
وش بتصلح ساره عمرها 28 سنه صلاحها متاخر ومافيه امل ..وكلت امرها لله وطلعت من الغرفه ؟؟
وهي تقول :-ياخوفي لايجي يوم تندمون فيه على كل شي
وطلعت بعيد عن هبال ساره ومزاجها المتقلب ..
×
×
×
×
><في بيت راكان ><
كان راكان جالس سرحان ويفكر ...فتح جهازه وجلس يشتغل
دخلت دانه معها كاسين كابتشينو وتغني وشكلها مبسوطه ...
ناظرها راكان وهو مبتسم من شكلها وروقانها سالها :-وش هالمود الحلو
ابتسمت :-هههههههههههههههه لو تعرف السبب ما لمتني
عدل جلسته وقال :-يالله علميني عشان احكم
عطته كاسه وقالت وهي تجلس :-ههههههههه بسالك سؤال قبل وابي جوابك
ابتسم :-اسالي (يستهبل) بس لاتقولين شكثر انا احبك لانك عارفه ولاني مليت من هالسؤال
دانه :-هههههههههههه احلف يالله من حظك اني مروقه ولا كان -----------------
راكان :-عارف انام بالمكتب الليله
دانه :-هههههههههههههههههههههههه
كملت :-شف لو رجال بيوم صباحيته ترك عروسه وراح لزوجته الاوليه وش بتفكر فيه
فكر شوي وقال :-انه يحب الاوليه بس هذا شي مو معقول لانه لو يحبه ماراح يتزوج اساسا عليها
غمزت له دانه :-هههههههههههههههههه واذا كان مغصوب
راكان :-اجل الله يعينه بيكون مثل الشبعان الي يجبرونه ياكل وماله قدره لو مجامله
نزل كاسه وهو تو يستوعب :-ههههههههههههههه لاتقولين سعود
هزت راسها
راكان :-هههههههههههههههههه والله يافيكم سحر يابنات ابو خالد
ناظرته بعيون ذبلانه :-صدق
انهبل راكان وبغت ينكب كاس الكابتشينو عليه
دانه :-هههههههههههههههههههههه ترفق على عمرك
قال من قلب :-ارحميني لو سمحتي وراي شغل لا فوق راسي ..
نزلت كاسها ووقفت
راكان :-قلت عندي شغل مو قومي اطلعي
قالت تستهبل :-من صدقك بطلع بجلس اساعدك عندي فضول شغلك ممتع مره
وقف يسحب لها كرسي جنبه وقال :-ايه امسكي الاداره يومين ان لقيتيه ممتع تعالي صفقيني
دانه :-هههههههههههههههههههههه فكره حلوه
ناظرها :-احلفي بس
دانه :-مايحتاج يالله والله ركوني علمني جد
ذاب راكان :-لاقلتي ركوني اتخدر تدرين
حمرت خدودها وقالت وهي تضمه وتتعلق بيده :-عن حركاتك ويالله علمني عشان اساعدك والله امل وانت تشتغل فنفس الوقت انت تتاخر بالليل عشان تخلص اشغالك
راكان :-ههههههههههههههه طيب مو لازم محاضره
جلست جنبه وجلس يشرح لها ..كل شي بالتفصيل الممل ومن زود الحماس جلست تكتب كل شي يقوله لها ..
ناظرها وهي جديه :-من صدقك بتتعلمين شغلي
دانه :-مو حلالنا واحد وبعدين شغلك نفس تخصصي تقريبا
ابتسم راكان :-تمام طيب ياشريكتي فيه 3 معلومات ابيك تحطينها براسك مدامك جديه
دانه :-الي هي
راكان (قلب جدي) :-اولا - السريه مهمه مره الشغل ماتجيبين سيرته لاحد اطلاقا حتى لو ينذكر اسم شركه وتقولين اعرفها او قد سمعت باسمها
انهبلت دانه :-للدرجه ذي
هز راسه :-طبعا حنا نتكلم عن صفقات عن تنافس بسوق عالمي تقريبا ولاعدائنا جواسيس بكل مكان ولازم الواحد ينتبه بسبب كلمه قبل سنه خسرنا حوالي خمسة ملايين
طلعت عيون دانه قدام
وكمل :-بس الحمد لله قدرنا نعوض خسايرنا ونزيد ارباحنا الحياه مدرسه تكاليفها غاليه
كانت دانه مندمجه معه مره بجوه ...
كمل :-المعلومه الثانيه لاتثقين باحد ابد ماعدا شخص الي هو محمد صديقي بس وغيره لا
دانه :-ليش
مانسى راكان ذاك اليوم ولاحظت دانه انه تضايق لكنه قال :-اول مامسكت شغل ابوي كنا نخسر وحنا واثقين من ربحنا بالاخير طلع موظف عندنا يشتغل خاين ويسرب معلوماتنا لعماني واعدائي
دانه تضايقت حيل :-افا
راكان :-الي يقهر مو تسريب المعلومات الفلوس تروح وتجي الي يقهر انه معاصر لابوي وعمه الله يرحمهم من بعدها ماصرت اثق باحد وهذا اسلم لي الصراحه عن التحطيمات والصدمات
قالت له وعيونها بعيونه :-سجنته
راكان :-لا
دانه :-ليه
راكان :-الذل الي واجهه اكبر واصعب من اي عقاب لما طردته قدام الكل
قالت :-ماخفت يحقدون عليك الموظفين
ابتسم وقال :-لا ماخفت لاني عطيته تقاعده كامل ولو غيري كان يحق له مايعطيه قرش واحد
دانه حقدت عليه من الي يقدر يخون راكان :-مايستاهل لانه خاين
راكان :-عارف بس زوجته مالها ذنب وهي مره كبيره بالسن ومريضه وتحتاج لادويه معينه الصراحه ان موصي ناس يشوفون لي احواله بين فتره وفتره
تعجبت دانه :-بعد كل الي سواه
هز راســـــــــــــــــــــــــــــــــــه
هي تحبه وحبته من اول موقف جمعهم الي هو بمزرعه ابوها ..حلمت به ليله ورى ليله ..صورته مافارقت خيالها لاليل ولانهار..تزوجته وعاشت معه وعرفته اكثر وحبته اكثر واكثر
كل يوم تكتشف عن شخصيته اشياء كثيره كانت تجهلها ..شد انتباهها كرمه ومراعاته من البدايه من الي سواه لسوير من حبه لصديقه من مراعاته لامه الي ارضعته والي تحبه حب ماينوصف ...حتى عمامه الي بامكانه انه يدمرهم كلهم مازال ساكت عنهم صونآ للحم والدم ولانهم من ريحة ابوه وبالاخير سالفة الشايب الي خان العشره وباعها بالرخيص لكنه سامحه لسببين عمره الي قضاه في خدمة ابوه وجده والسبب الثاني مرض زوجته واحتياجه لكل ريال عشان مصاريف علاجها ، والله اعلم وش يخبي بعد من هالطيبه ومن هالحنيه الممزوجه بقسوة الرجوله والهيمنه والشخصيه المسيطره
من مثله بس من يجمع هالاخلاق كلها في زمن مافيه اخلاق الا ناس على الاصابع ينعدون
ناظرته وهو يناظرها وهو ساكت متأمل ..
هو فيه غير الحب شعور اقوى واسمى والله لوفيه لينطبق على الي بقلبها له ..
من الي رجع لها ثقتها بنفسها ...؟؟
هو
من الي حببها فيه وفي طبايعه ...؟؟
هو
من الي يسوى عيونها من اول واخر احلامها ..؟
هو
قال بحب :-وش تفكرين فيه
ناظرته بعيون دامعه :-افكر في ان امي داعيلتي بليلة القدر لاني تزوجتك
ابتسم :-طيب ليش الدموع
قالت وهي تمسك يده :-لاني احبك تصدق
قال يمزح :-توني ادري
دانه :-هههههههههههه مشكله الصراحه
قرب منها :-لامشكله ولاشي
قالت تمزح عشان تخفف عبرتها :-باقي المعلومه الثالثه
ضحك :-عارف ماتنسين شي انتي
طلعت عيونها قدام وقالت :-الا نسيت ام محمد شخبارها وبنتها ورى ماجات عندنا يا الله كيف نسيت
راكان :-بنات عمك متزوجات ورى بعض غير المشاكل الي صارت بعذرك يوم نسيتي
دانه :-طيب
راكان :-اضطر محمد ياخذها معهم
دانه :-ليه
راكان :-عيت تجي هنا
دانه :-ليه
راكان :-من الي فهمته من محمد انها رافضه لسببين
دانه :-الي هم
راكان :-لانها ماتقدر تفارق امها
كبرت مررررررررررررررررره بعين دانه
كمل :-الثاني لانها مستحيه من وجودي
كبرت اكثرررررررررررررر بعين دانه
دانه :-طيب وش صار
راكان :-قدم محمد رحلته لانه حجز ثلاث مقاعد وسافروا سوى والله يعينه لانه بيكون بهمين
دانه :-ان شاء الله ماتواجهه متاعب
راكان :-ان صار وواجهته مشاكل اخذت اول طياره ولحقته
يكفيها فخر انها زوجة راكان ............الصديق الوفي ، الابن البار ،
سبحان الله قلبه من ذهـــــــــــــــــــــــــــــــــــب
قال :-المهم نرجع للنقطه الاخيره
دانه :-ok
قال بجديه :-قبل كل شي اقفلي باب المكتب
مافهمت ولاشي لكنها سوت الي قال لها عليه راحت وقفلت الباب ..ورجعت جلست وقف جلس على ركبه بالارض الرخاميه وهي مو فاهمه شي من الي قاعد يسويه وشوي الا ويوخر تحفه كبيره ويرفع شي وتطلع تحته خزانة حديد وقفت وجت عنده وهي مو مصدقه الي تشوفه ...
قالت :-وش ذا
قال :-هذا خزنه حديد المستندات والاوراق المهمه مره احطها فيها ومايعرف عن وجودها بهالكون احد غيري انا وامي لانها تذكرها من ايام الوالد وعلمتني بمكانها بعد وفاته وقدرت اثبت حقي بالملكيه من وصية ابوي والا كان ماحصلت شي الا بعد سنين بسبب المحاكم الي يقضي عمر الواحد وحكمها ما طلع سكر كل شي ورجعه مكانه
وقف وقال وهو يمسح يده بمنديل :-اكبر سر بحياتي عرفتيه لاني انا وانتي واحد ولان ثقتي فيك مالها حد اعرف ان الفلوس شي مايهمك لكن تذكري هذا حلالنا وحلال عيالنا اذا ربي رزقنا بهم ولازم نحافظ عليه شي حطيه ببالك وثقي فيه مال احد عندي حق ابد واظنك عرفتي طبعي وعرفتي اني ما اكل حق احد
بلمت دانه وضاع كل الكلام ..قالت بضيق :-بدا كلامك يخوفني
ابتسم وقال :-تو وناسه شغلي
ابتسمت وقالت :-الله يقدرني وماتندم في يوم على ثقتك فيني
قال بثقه :-ماراح اندم
**
*
**
*
**
><في بيت ابو سعود><
دخل سعود عليهم وكانن البنات جالسات بالصاله الي تحت
انهبلت هنادي :-سعود
التفتت منال :-من
وقفت هنادي وراحت تركض له :-اهلين وسهلين شو هالنور
كان سعود مرتبش وخايف بس من شوفته لملامح خواته كنه ارتاح شوي صحيح اشكالهن مو طبيعيه كالعاده بس على الاقل ما قلبنها مناحه وهذي بشارة خير ..
قال سعود :-هلا امي شفيها
هنادي :-كيف دريت ابوي منبه علينا مانعلمك
سعود :-دريت من الشغاله امي وين
هنادي :-بغرفتها -----و ---------------------
ماعطاها وقت تكمل وطلع لغرفتها بسرعة البرق ..
منال :-علمتيه ان الماس هنا
هنادي :-ههههههههههه لا بس مفاجاه حلوه وعشان يعرف ان الناس اجناس وانهم معادن
منال :-هههههههههههههه صدقتي
دق باب غرفة ام سعود وكانت الماس جالسه معها والخوف شوي ويشلها يوم علمتها هنادي ..
خافت الماس يكون واحد من العيال وراحت تزين غطاها على وجهها
قالت ام سعود :-من
"انـــــــــــــــــــــــــــــــــا"
ارتقص قلب الماس
سعود ..!!
نزلت غطى وجهها وراحت للباب
فتحته وهي مبتسمه وعيونها تلمع ..
قالت بدلع :-هلا وغلا بحبيب القلب والروح والعين
جمد سعود من الصدمه :-الماس
الماس (تمزح) :-الظاهر الا اذا كان لي شبيه
سعود :-هههههههههههههههههه
وخرت له عشان يدخل ...
جلس يم امه ومسك يدها :-سلامتك يالغاليه
امه :-مابي الا العافيه يمه علامك مخترع
سعود :-انتي الغاليه شلون ما اخترع
امه :-مثل ماتشوف انا بخير
من قلب :- دوم مو يوم
جلست الماس جنبه وقالت له :-شف ياسعود رافضه تاخذ علاجها
ناظرها سعود :-مانبي دلع لازم تاخذين علاجك
طبعا سعود الكبير وحبيب قلبها طاعته واخذت دواها ..وجلس معها لين نامت
طلع هو والماس من الغرفه ..
مسكته وقالت :-شده وزالت الحمد لله
ابتسم وقال :- الحمد لله
قالت له :-قبل لاتسال كل الموضوع ارتفاع بالسكر والحمد لله لما توازن سكرها طلعوها البيت
سعود :-الا متى صار كل هذا
الماس (بغصه) :-بعد العرس البارح
سعود :- ومحد قال لي
قالت الماس كالعاده (تدور لعمها بالتحديد الاعذار) :-مايبون يشغلونك عن.........عن.........
سكتت مو قادره تنطقها ..
فهم قصدها وسكت ...
سعود :-الا متى جيتي انا تاركك قبل ساعه
ابتسمت وقالت :-دقيت على هنادي وعلمتني وجيت بسرعه
(يحبها من شي هيــــــــــــــــــــــــــــن)
قال وهو يتامل وجهها الحلو :-اصيله يابنت العم
ابتسمت وقالت تعاتبه :-امك امي يالغالي ولانسيت مواثيقنا
تنهد وقال :-انســــــــــــــــــــــــــاها كيف انســـــــــــــــــــــــاها هو الي يعاهدك بشي يقدر ينســـــــــى عهده وميثاقه ما اقول الا ..............
حطت يدها على فمه لايكمل
الماس :-الي صار صار لاتغضب ربك
هز راسه ..
سحبته وقالت تهمس :-شكلك مانمت البارح
سعود :- ولا غمض لي جفن
الماس :-اجل تعال نم لك كم ساعه
سعود :-فكره ماهي بشينه بس---------------
عرفت الماس وش بيقول لكنه فاجاها وقال :-بنام لي ساعتين صحيني بعدهم لايدري ابوي وياكلني
الماس وقلبها مفرفح :-ههههههههههههههه تامرني امر

***
--------+بعده بساعه+---------
دقت نوف على امها :-الو
امها :-هلا وغلا بالحلا
نوف :-ههههههههههههههههه اهلين ماما شو الاخبار
ام احمد :-تمام والله انتي وشخبارك
نوف :-بخير
امها :-سويتي الي قلته لك
نوف :-لا
عصبت امها :-صاحيه انتي
نوف :-يمه سعود مو هنا
انهبلت امها :-مارجع من اليوم
نوف :-الا بس رجع طلع
امها :--ماشاء الله عليك
نوف :-وش تبيني اسوي
امها :-وين راح
نوف ببرود :-يقول امه تعبانه وراح لها
صارخت امها عليها :-ورى مارحتي معه
نوف :-اوووووف كنت افطر
داخت امها وجلست على اقرب كرسي :-طلع بدون مايتكلم
نوف بغباء ماله مثيل :-الا قال امي تعبانه قلت ماتشوف شر
امها :-وش قال
نوف :-قال هذا الي قدرك ربي عليه وراح
انقهرت امها :-اكيد الشينه هناك
نوف :-من
امها :-ضرتك يالخبله
صارخت :-لاااااااااااااااااااااااااااااا
امها :-الا اكيد بتكون هناك من يوم ماشفت تحديها وقوة عينها يوم عرسكم وانا عارفه انها ماراح تتركه لك تتهنين فيه
جتها الصيحه :-لا لا لا
امها :-بدل الولوله تلحلحي
نوف (مستعده تسوي اي شي) :-نوريني
امها :-دقي عليه وقوليله يجي ياخذك
نوف :-واقابلها لاااااااااااا
تطنزت امها :-لا اجلسي هنا كنك سكني وبنت فهد تستولي عليه
نوف (بسرعه) :-طيب
سكرت امها ...
وراحت تطلع رقمه الي من سنين وهو معها ...
دق ---------------
مافيه رد
>
<
>
<
دخلت الماس الغرفه وجوال سعود مسوي ازعاج ...
مالها الا تحطه صامت ...
شكت بالرقم ..وطارت تنادي هنادي
هنادي :-هاه شفيه
الماس :-تعرفين رقم نويف
هنادي :- مو حافظته بس لاشفته اعرفه
الماس ورتها شاشة الجوال والرقم الي يتصل ..ركزت هنادي :-رقمها
الماس :-متاكده
هنادي :-ايه
استانست هنادي :-هههههههههههههههههههه بتبدين شغلك من الحين
الماس :-افا عليك هذا سعود سعودي انا
حطت اصبعها عشان هنادي تسكت ...
الماس بصوت نعسان :-هلا
نوف ارتفع ضغطهاااااااااااااااااااااااااااااااااااااااااااااا ااااا
قالت بصوت انعم :-الو
قالت نوف بقهر :-هذا جوال رجلي ليه تردين عليه
قالت الماس تتطنز :-هه من نوووووووووووووويف
انقهرت نووووووف موت :-نوف مرة سعود بن ناصر
الماس (بتموتها قهر خلها تذوق شوي من الي ذوقنه لها ) :-متاكده انك مرته لان ماظنيت في رجال يترك عروسه بصباحيه زواجه
من زود قهرها سكرت الجوال
ضحكت الماس قالت هنادي وهي متشققه من الفرحه :- بشريني
الماس :-ههههههههههههههههههههههه تحطيم نفسي معتبر
هنادي :-كفك
الماس مدت كفها لها وهي تضحك ..
قالت هنادي برعب :-الماس لاتدق على ابوي
ارتاعت الماس ..:-تهقينه
هنادي :- ما اهقى الا متاكده ان دقت على ابوي بيروح فيها رجلك
الماس :-بسم الله عليه
هنادي :-الحقي عمرك اجل وتصرفي قبل لاتحطنا بمصيبه ابوي مانقدر عليه
طارت الماس غرفتها ...مالقت سعود
حزززززززززززززززززززززنت شكله طلع حتى جواله معها ..الا ويضمها من ورى ..صرخت من المفاجاه
الماس :-ههههههههههههههههههههههههههه خرعتني
سعود :-حتى وانتي مخترعه تهبلين
حمرت خدودها ...قال بوله :-تدرين ان حياك ذبااااااااااااااااااااااااح
الماس :-ههههههههههههههههههه انت الي والله كلامك ذباح
قال من قلب :-اخ ياقلبي ..
قالت الماس :-قلبو بقولك شي
همس :-مو وقته
الماس :-بـ..
فكرت وراها تحر عمرها وتحره ...
ونويف بالطقاق فيها
*________________________________________
(الجزء الثالث)

><في بيت محمد (عم ساره) ><
قال بدر لاخوه محمد :-والله ياهالراكان قاهرني
محمد :-شتبي فيه خله يولي
بدر :-ياخي ليه حنا ماحنا برخوم حتى مانقدر ناخذ حقنا منه
محمد :-يابن الحلال اخونا حمد ماقصر وطول هالسنين يحاول بس مافيه امل
بدر كان الحقد مالي قلبه ملي على الرغم من انه يشتغل مع اخوانه ومنعم الله عليه الا انه حاسد النعمه والنجاح الي راكان فيه ..
قال بعناد :-والله ليندم لو اروح فيه اعدام
محمد مو مرتاح لنوايا بدر
محمد بخوف :- بدر وش في راسك
كان بدر في عالم ثاني كله سواد في سواد وحسد وكره الخير للغير ..
التفت يم اخوه وقال :-بعدين بتعرف
محمد (يمكن يكون الين اخوانه ) :-بدر خف ربك
بدر (عيونه محمره) :-ليه ماخاف هو ربه
محمد :-استغفر الله
حقر اخوه وسكــــــــــــــت مارد عليه
[(((نبذه عن حياة بدر))) طبعا بدر اصغر عمام راكان عمره بالاربعينات فاشل في حياته العائليه تزوج كم مره وكلما تزوج زوجاته يتركنه ليه؟؟ لانه مدمن مخدرات سابق ومعاشر له شلة سرابيت (منحرفين عن الطريق المستقيم) سابقا وحاليا عنده ولد وبنتين وعياله بحضانه امهاتهم لانه مو مؤهل يربيهم بسبب تعاطيه سابقا وسنترته بقسم الشرطه دوم وخصوصا انه انسجن مره مدة خمس سنوات بسبب ضربه لواحد ضرب كان بيوديه للموت لولا ستر الله ، طبعا لولا اخوانه ضامينه عندهم بالشركه وحاطين عيونهم عليه ولا كان انطرد من الشغل وجلس بدون شغل وبدون راتب نقدر نقول انه لو يحط باله بشغله ممكن يمشي حاله لكنه الي براسه حقد دفين على راكان ،لانه لو ورث الورث كان ما بحياته اشتغل وتعب نفسه ثاني شي نظرة راكان له في المناسبات تقهره نظرة غرور ونظرة ثقه هو بنفسه يفتقدها ..يحس حياته مالها معنى ولاطعم وخصوصا انه رجع يتعاطى بس الي بقلبه وبسبب كلام اخوانه عن هالشي دوم وخصوصا ابو سعد (ابوساره)]
وقف ووقف معه محمد الي قال :-بدر عن حركاتك ياخي جننتنا الي كبرك عيالهم بالثنويه
ناظر اخوه وضحك ضحكة استهزاء قال وهو طالع يمشي :-جربتوا طريقتكم خلونا الحين اجرب طريقتي
صرخ محمد :-بدر
بدر قال يصارخ اكثر منه :-في صدري نار لازم اطفيها
محمد (يحاول يقنعه) :-ياخوي النار هذي بالاخير راح تحرقنا كلنا
بدر (مصمم وشايف الي يسويه صح) :-تحرقنا ماعندي مانع بس هي تطفي
محمد :-بدر
لكنه طلع وركب سيارته ومشى بسررررررررررررررررررعه
تورط محمد ، طلع جواله
"الو "
ابو سعد :- نعم
محمد :-ياخوي مصيبه
تافف ابو سعد :-لاتقول بدر
محمد :-ايه
ابو سعد :-لاتقول راكان له دخل بالسالفه
محمد :-الا ياخوي يبي يذبحه
طاحت كاسة الشااهي الي بيد ابو سعد :-هاااااااااااااااااااااه
محمد (من جد بدا يخاف ) :-الي سمعته ياخي تو كان عندي وجلس يهلوس شكله رجع للمخدرات
ضاق خلق ابو سعد ناقص هو اخوه الي يتصرف مثل المراهقين :-لاحول تهقاه وين راح
محمد :-علمي علمك
ابو سعد :-طيب يالله ناقصين مصايب حنا
محمد :-مقدر اجلس انا بروح لراكان
ابوسعد :-انهبلت انت
محمد :-بوقف قريب من شركته عشان لاجاء اخوك اعرف امسكه
ابو سعد :-طيب ببلغ السكيورتي يدورونه
محمد :-نعم الراي
وسكر
*
&
*
><في بيت احمد><
جلس احمد وضغطه مرتفع من الحاله القشرا الي هم فيها ..من اسبوعين وحالتهم حاله سعاد ماتجلس معه ابد بس تصد عنه وماحطت عينها بعينه
من بعد الموقف الاخير الي صار بينهم
الحين من المفروض يزعل هو ولاهي !!
هز راسه وهو يوقف يتمشى بالبيت الخالي ، صدودها مو زعل لا صدودها انكسار والم تحاول تخفيه بس مافيه فايده لانه متجلي على وجهها
مل من الفرفره بالبيت لازم يواجهها ولا بيموت او يصير له شي ، اهتمامها به ورعايتها له يوم كان مريض اكيد تخفي تحتها شعور له لو كان صغير اهم شي هناك امل له معها ، امل انها تحبه
لو على نفسه كل يوم يمر حبها يزيد يقلبه ، وش يسوي الي يحب مايعرف يكره ابد
وليه يكرهها مافيها شي ينكره
تذكـــــــــــــــــــــــــــر
تصرفها مع رنا يوم جت بيتهم وهم مالهم 3 ايام متزوجين لو وحده غيرها قلبت الدنيا على راسه لكن لا هذي سعاد استقبلتها احسن استقبال وقفت جنبها بوقت امهم خذلتهم كلهم ..
كانت صبوره حنونه متفهمه ..وماقصرت مع رنا بشي ..ساعدتها في تجهيزات زواجها من الالف للياء
اما معه هو
..سهرت معه والي سوته ماتسويه وحده تكرهه حتى مع فكرتها انه خاينها ماقصرت وتصرفت احسن تصرف حتى طاب وقدر يقوم منها سليم معافى ..
جاء بيطلع غرفتها وبينهي الخلاف الي بينهم لانه مو قادر يتحمل الصـــــــــــد اكثر من كذا
الا وجواله يدق ..كان بيجحد لكنه كان رقم رنا ..:-هلا
رنا :-هلا بحمودي
احمد :-اهلين رنو كيف الحال
رنا :-بخير يالغالي
احمد :-غريبه داقه
رنا :-هههههههههههههههههه تصريفه حلوه
احمد :-هههههههههههههه لا مو تصريفه بس لانك مكلمتني قبل ساعتين
رنا :-لقيت نفسي فاضيه قلت اكلمك
احمد :-احلفي يالله انتي فاضيه غريبه وقيس ليلى وينه
رنا :-هههههههههههههههه فهد رنا لو سمحت
احمد :-الي هي به اخلصي رجلك وينه
رنـــــــــــا :-فهد برى
احمد (مسوي فيها معصب) :-لا والله ليه يتركك امحق ---------------
رنا :-ههههههههههههههه على هونك بيدخل السياره المواقف وبيطلع
احمد :-كنتم برى
رنا :-ايه كنا ببيت عمي
احمد :-بيت عمي
رنا :-ايه رحنا نشوف عمتي ام سعود
انخرش احمد :-علامها
رنا :-ماعندكم خبر
احمد :-لا
رنا :-عقب زواج سعود ارتفع عليها السكر وطاحت عليهم
احمد :-افـــــــــــــــــــــا
رنا :-تنومت بالمستشفى وعدلوا السكر عندها وطلعت اليوم
احمد :-زين علمتيني بروح اعلم سعاد ونروح لها
رنا :-يكون احســــــــــــن
احمد :-يالله سلام
رنا :-مع السلامه
سكر الجوال وطلع الغرفه بسرعه ..
×
؛
×
كانت سعاد جالسه في وسط سريرها تفكر وتفكر اصلا ماعندها الا التفكير بما انها مضربه عن الجلوس مع احمد ماتقدر قلبها مايطاوعها ماتقدر الي سوته فيه موهين الي سوته ماتسويه وحده غبيـــــــــــــــــــه مره ..
ياربي من الغلطان ...؟؟
هزئت نفسها انتي الغلطانه لاترمين بلاك عليه ..هو عمره ماقصر معك بشي بالعكس حفت رجلينه وهو يخطبك انتي الي كنتي عنيده وراسك يابس وغبيه
اول مره عذرك -------------->>ما ابي اربطه كم سنه معي حتى اخلص جامعه عشان مايندم بعدين على انتظاره لي لين اتخرج
ثاني مره عذرك----------------->>الخيانه وبالاخير طلع يكلم اخته الصغيره
نزلت دموعها غصب..
وهي وقفت اصلا .. القهـــــــ والندم ـــــــــر محرقينها احراق ..!!
دق باب غرفتها ،
غمضت اكيد الشغاله جايبه لها العشاء..ناظرت في الساعه لقت تو بدري على العشاء
قالت :-ادخـــــــــــــــــــــــــــــــــل
دخل احمد غرفتها طلعت عيونها قدام اخر من توقعته بيدخل ويجي يشوفها هو احمد
وقفت بدون شعور .تعلقت عيونهم ببعض ..
قال احمد وهو يتماسك :-ماودك نطلع من البيت
انصدمت سعاد
وقالت :-وين
احمد :-عازمك على العشــــــــــــاء ويمكن نمر بيت عمي تشوفين الاهل قبل
استانست سعاد وقالت بهدوء :-طيب
مسك عمره لا يروح لها ويرفع راسها عشان ترجع تناظره ..زين مو نظره عابره بس
احمد :-يالله بروح اصلي العشا وبرجع الاقيك جاهزه
طلع من غرفتها اسرع من الرصاصه لانه لو طول عندها دقيقه جت علوم ..
جلست سعاد مو مستوعبه شي
لكنها قامت وبدلت ملابسها وكشخت...
نزلت لقته توه واصل من المسجــــــــــد
تعلقت عيونه بها ووصل قلبه لحلقه ..
قال يضيع تفكيره باي شي :-جاهزه
هزت راسها
وطلعوا ....
قال لها وهو بالسياره :-بنروح بيت عمي الحين
سعاد :-طيب
بعد ربع ساعه وصلوا ....
نزل احمــــــــــــــــد ونزلت سعاد من السياره ودخلوا
قال احمد :-بروح المجلس
ودخل المجلس اما هي دخلت البيت ...
لقت الماس وهنادي ومنال جالسات وامها معهن وسوالف وضحك
منال :-سعوووووووووووووووده
التفتن البنات ...ابتسمت سعاد :-وش هالجمعه الحلوه
الماس :-هلا وغلا والله وش هالزياره الحلوه
سعاد :-طواري
سلمت على امها ..
سعاد :-كيفك يالغاليه
امها :-بخير يمه مدامكم بخير
سعاد :-دوم يارب
الا وبنزله سعود من غرفته ، انهبلت سعاد والتفتت لالماس وابتسمت لها الماس وهي تغمز ..
تفاجأ سعود بوجود سعاد :-اهلين حرم احمد مسيره علينا
سعاد :-ههههههههههههههههههه اهلين سعودي كيفك
سعود :-بخير انتي شخبارك
سعاد :-بخير
سعود :-شلون احمد
سعاد :-بخير على فكره تراه برى بالمجلس
سعود :-بروح له
ومشى بيطلع اما الماس لحقته عند الباب
الماس :-سعود
سعود :-عيونه
ابتسمت :-تسلم العيون وراعيها
سعود :-آمريني يالغاليه
الماس بهمس :-تو عمي دق علينا وجاي بالدرب
سعود :-طيب
الماس :-ان شافك جت مشكله
سعود :-ايه فهمت
الماس :-اوكي (كنها حزنت شوي)
مسكها قبل لاتروح وقال لها يهمس :-مافيه بوسه قبل لا اروح
ولع وجهها ..الا وبجية سعاد :-اقول يا اخوان فيه جمهور جالس هنا ومتمتع بالي يشوف بس لو سمحتم رجلي برى ماعنده احد
سعود (يمزح) :-والله المشكله يالله بروح له
التفت لالماس وقال وهو يبتسم :-نكمل كلامنا الليله
انجنت الماس من الفرحــــــــــــه الليله بيكون موجود عندها ..
وطلع
مسكتها سعاد وسحبتها فوق على طول
قالت الماس تضحك :-قطعتي يدي شوي شوي
سعاد :-ههههههههههههههه وش السالفه والله مو فاهمه وين الشينه
الماس :-ههههههههههههههه بالفندق
سعاد (مو مصدقه) :-ههههههههههههههههههههه مو معقوله
الماس :-والله
سعاد جرتها ودخلن غرفة هنادي :-علميني بكل شي من الى
الماس :-قبل كل شي بشريني عنك
ابتسمت سعاد :-اليوم احمد غريب نوعا ما
الماس :-كيف
سعاد (هزت كتوفها حيره) :-مدري بس نظرته لي غير تكهرب جسمي منها
الماس :-ههههههههههههههههه اموت على الوصوف
حمر وجه سعاد وقالت (مسويه معصبه) :-يالله ماعادني بمعلمتك
الماس :-ههههههههههههه خلاص ماعاد بمعلقه بس كملي
سعاد :-ولاشي طلع احمد برئ ومايكلم والي كلمها ذاك اليوم كانت تهاني اخته
انصدمت الماس :-هاه
سعاد :- هو قال لي هالكلام وماصدقته قلت يرقع السالفه عندي لكني سمعته يسال رنا عن الي كلمه بليلة ملكتنا وقالت له رنا تهاني
حطت الماس يدها على فمها :-يا الله
نزلت سعاد راسها :-اغمي علي من بعدها ماقدرت احط عيني بعينه
الماس :-طيب شردة فعله
سعاد :-من بعد ما اغمي علي ماتكلمنا في شي عشاني انشغلت بعرس رنا بس ---------
الماس :-ايه
سعاد :-في حفلة دانه كان محموم مره وسهرت معه ولما صحى والحمى عليه قال لي كلام ماراح انساه بحياتي قال لي (((من وانا وعمري 15 سنه وانا احلم باليوم الي يجمعنا صديتيني مره واثنين وثلاث لكن ما ان يروح زعلي وقهري الا وارجع لحبك ذليل )))
الماس دمعت عيوني
وكملت سعاد ودموعها تنزل :-حلفت ميت يمين ماتزوج غيرك لو ماصرتي من نصيبي ياليتك كنت تحبيني ياليت
ضمتها الماس بقوه وقالت وهي متأثره حيل :-سعاد اصلحي امورك تمسكي برجلك
سعاد :-اخ يا الماس والله انه كثير علي
عصبت الماس :-وش هالكلام الفاضي
سعاد :-طلبت الطلاق
شبت الماس ضو :-صاحيه انتي
سعاد :-لا تعصبين قال لي بعضمة لسانه طلاق ما اطلق
الماس (معصبه) :-لة معطيك طراق احسن بعد
ابتسمت سعاد
مسكت الماس يدها وقالت :-سعاد انتي تحبينه وهو يحبك الي سويتيه معذوره فيه مافيه بنت تتزوج رجال يخونها في ليلة ملكتها وخصوصا لو كانت تحبه لان جرحه بيكون اعمق واخطر والحمد لله انه يحبك كافحي انتي غلطتي مره لاتغلطين مره ثانيه
اقتنعت سعاد بكلام الماس ...ورجع لها عنادها وتصميمها الي تخلت عنهم من يوم ماتزوجته وحبت الحياه معه على كثر ماكرهتها بسبب سواياها فيه ..
قال الماس :-من علمكم عن عمتي
عقدت سعاد :-حواجبها عن امي
الماس :-ايه
سعاد :-مافهمت جاني احمد غرفتي وقال انه عازمني على العشا بس بنسير عليكم
ابتسمت الماس وقالت تستهبل :-مالت عليك من بنت لو وحده غيرك تمسكت فيه باظافرها واسنانها عمتي طاحت علينا بسبب السكر وطلعت اليوم من المستشفى
انهبلت سعاد :-ايش
الماس :-هههههههههههه والله
سعاد :-ماقال لي شي
الماس :-مايبي يخرعك يالخبله شفتي شكثر يحبك
تأثرت سعاد ونزلت دموعها :-فديته والله
الماس :-ياعينــــــــــي يالحب
ناظرتها سعاد :-اخ يا الماس يوم تزوجني غصب توقعته بيذلني مذله ماوراها مذله حتى هو قال لي كذا بس تصرفاته غير
الماس :-يتالم ياسعاد بسبب الي صار له بس حبه لك يمنعه من انه يضايقك بأي شي ..
سعاد :-الله لايحرمني منه
الماس :-امين
دخلــــــــــت هنادي غرفتها لقت البنات فيها
قالت تستهبل :-لا والله غرفتي صاله يوم جالسات فيها
الماس (تخف عليها) :-نحبك شنسوي
سعاد :-ههههههههههههههههه
هنادي :-ههههههههههههههههههه غبيه انا تلعبين علي بكلمتين بس مع كذا ثانكيو احد لاقي في هالزمان احد يقول له كلام حلو لو نصب
الماس :-هههههههههههههههههههههه خبله
هنادي :-على طاري الخبال قمير وعمتي تحت
الماس :-والله
هنادي :-يس
سعاد :-وين ماماتي
هنادي :-بغرفتها تصلي العصر
قالت هنادي لالماس :-ترى سلطان هونا
الماس :-زين علمتيني بروح اجيب غطا وجهي
وطلعوا البنات ..
الا هنادي جلست تصلي العشاء بغرفتها..

سلمت سعاد على ام خالد وقمر
قالت ام خالد بخوف :-شخبار امك ياسعاد يوم قالولي جيت بسرعه
سعاد :-هههههههههههه والله انا مثلك ياعمه مادريت الا قبل شوي
ام خالد :-ههههههههههههه بعد
قمر :-ماتشوف شر ان شاء الله
سعاد :-مايجيك
دق جوالها الينه رقم سلطان ابتسمت سعاد :-هلا
سلطان (يتمصلح) :-هلا بوخيتي الحلوه
استاذنت سعاد وطلعت من الصاله
سعاد :-هههههههههههههههههه مصالح شتبي
سلطان (مسوي برئ) :-حرام عليك انا مصلحجي
سعاد (كاشفته) :-علينا
سلطان :-ههههههههههههههههههههههه ابي خدمه منك
سعاد :-لعنبو ابليس قل تعالي بسلم عليك
سلطان :-ههههههههههههههههه بعدين انتي مرتزه لي دايم ومتى بغيتك رحت لك لكن فيه ناس شوفهم مثل الحروه من وين لوين
سعاد :-هههههههههههههههههههههه اخلص طيب
وجلس يعلم سعاد بخطته ..
سعاد :-ههههههههههههههههههههههههههههههه خطه ميه ميه
سلطان :-موافقه
سعاد :-ايه احمد ربك لو هنادي كان طفرتك
سلطان :-نسيتي اللاب توب الي اخذتيه مني
سعاد :-يووووووووووووووه مانسيته انت للحين
سلطان :-هههههههههههههههه لا بس المهم لا تتاخرين
سعاد :-طيب
رجعت سعاد لام خالد وقمر ..
قالت سعاد بنبره عاديه :-قمير شبلاك مستحيه هنادي مختفيه من اليوم روحي شوفي وينها حتى منال مدري عنها
قمر :-اخاف فيه احد بالبيت
مسكت سعاد نفسها :-مافيه احد سعود عند احمد فهد في بيته وسلطان ماجا من برى للحين
ارتاحت قمر ووقفت وهي تعدل البنجابي الهندي البيج والبني الضيق الي لابسته ...وطلعت الدرج تشوف وين البنات ..
اول ماوصلت لراس الدرج ..ومشت خطوتين الا وصوت :-اخ ياحي هالوجه
انهبلت قمر والتفتت لين سلطان جالس في الصاله الي على اليمين ...
جاء يمشي وقال وهو يقزها :-شخبار الغاليه
ولع وجه قمر :-بـ...بـ..بخير
ابتسم سلطان من وجهها المولع :-دوم يارب
تشجعت وقالت :-وانت وش اخبارك
انهبل سلطان اول مره تعطيه وجه وتساله عن نفسه ، شافت قمر ملامحه وشوي وتفطس من الضحك حتى هي مستغربه من نفسها هالسؤال ماتدري ليه بس قلبها بدا له يميل ..
قال بوله وهو يمسك يدها :-بخير مادامك انتي بخير
وكمل :-شدعوه ماتدقين علي ولاشي
قالت وهي تناظره :-اخاف ازعجك
سلطان :-افا تزعجيني من قال هالكلام
الا وهنادي ناطه عليهم ....
استحت قمر اما سلطان جلس يتحلف في هنادي ...عرفت هنادي انه بيذبحها الا وبجية منال وكملت عليهم ...
فطيت هنادي من الضحك ..
اما منال الخبله جت بسرعه وضمت قمر وجلست تسلم عليها مسكها سلطان وبعدها عنها وقال :-ماصار ذا سلام
ولعت قمر من كلامــــــــــــــــه
قال يهمس لها :-الحين حلال عليهم حرام علي
سحبتها هنادي وقالت له :-حرام عليك احترقت البنت من الحيا
قال سلطان :-من قلب اشوف فيك يوم ياهنادي
هنادي :-آآآآآآآآآآآآآمين
منال :-ههههههههههههههههههههه الحمد لله خبله
التفتت قمر له وقالت غصب عنها :-مع السلامه
انهبل سلطان شوي ويموت من الفرحه ..قمر بدت تتعود عليه شوي شوي ..وهذا شي مفرحه بما انه محبط لانهم ماراح يتزوجون الحين
×
×
÷
×
×
÷
×
×
><في بيت راكان ><
طلعت دانه من المطبخ وبيدها صحن حلى مسويته لان هوايتها هي والخاله مريم التقهوي واكل الحلا في كل وقت
ولما وصلت الصاله الي كانت فيها ام راكان والخاله مريم
قبضها قلبها ووقفت محلها ..مشت شوي الا والصينيه طايحه من يدها
جبصت مكانها ..
جتها الخاله مريم بسرعه :-بسم الله عليك يمه شفيك
دانه :-مدري يمه قلبي يعورني
الخاله مريم :-تعوذي من ابليس
قالت بخوف :-اعوذ بالله من الشيطان الرجيم
نادت الخاله مريم الشغالات ونظفن المكان اما دانه على اعصابها وترتجف
ام راكان :-بسم الله عليك يمه الرحمن الرحيم
دانه ماتتكلم ولا تتحرك ولاشي بس جامده مكانها ..جابت لها الخاله مريم مويه بارده وشربتها وكأنها احسن ..
،
،
،
ناظر راكان في ساعه يده لقاها على وشك وتجي تسع تاخر مره على البيت رتب اغراضه وسكر لاب توبه ونادى الفراش وعطاه له يدخله بالسياره ..الي بموقفه الخاص الي قدام الشركه
اخذ الفراش الاغراض ووداها السياره ..وقف راكان وزين شماغه واخذ جواله بيده
وطلع مشى باسياب الشركه الطويله ووصل الاصنصير ونزل ...
مشى لين وصل البوابه القزاز الكبيره الي تطل على شارع مزين باشجار مقصصه زين ومرتبه ..من حسن حظه ان موقع شركته استراتيجي وحلو
طلع من البوابه ورد السلام على الحرس ..وصل سيارته الي كان الفراش مشغلها له وقبل لايركب لفت انتباهه قارورة عصير كبيره مكسوره بوسط الشارع ترك باب سيارته مفتوح
وقال وهو يكلم نفسه :-حرام عليهم مايدرون انه ذنب يخلون الضرر بدرب الناس يالله خلنا ناخذ حسنه
فيما جاء عن الرسول صلى الله عليه وسلم [اماطة الاذى عن الطريق حسنه]
طبعا في الجهه الثانيه من الشارع بعيد شوي كان عمه بدر مسنتر له ساعتين ..شاف راكان وهو طالع من الشركه وشغل سيارته والحقد معميه
وجته فرصتـــــــــــه لما شاف راكان يمشي لنص الشارع ...
مشى بسيارته ..ولما مابقي بينه وبينه الا كم متر دعس على البنزين
رفع راكان رساه كان الوقت فات عشان يقدر يتراجع بس يبي يشوف من هذا الي تعمد صدمه بالسياره وياللمصيبه طلع عمه اخو ابوه
صدمه بالسياره وقبل لايطيح مرة عليه صور حياته من يوم ماهو بطفل لايوم ماكبر ...
والاهم مره عليه صور امهاته ...وحبيبة قلبه دانه
دانــــــــــــــــــــــــــــــــــه
بياكلونها عماني بالحيا لامت ...
كيف بتعيش وش بيصير لها ولامهاتي ..حتى محمد مو موجود واقدر اتطمن عليهن
شوي شوي الا ويحس بالم قاتل يلف جسمه كله ..
حس بخدر
حس بالموت يبتسم في وجهه
والاهم
حس بقهر لانه ما امن حياة من يحب في وجيه اعداءه
وطاح راكان والدم ينزف منه بشكل مخيف مره ...
بدر جمد في سيارته وماتحرك ..
الحرس والموظفين الي طالعين جوا يركضون بسرعه لراكان ...الي كان طايح غرقان في دمه .
اما بدر الي تو حس على دمه شغل سيارته وانحاش..
في غضون عشر دقايق امتلى الشارع بسيارة الاسعاف والشرطه والموظفين والحرس والكل خايف وعلى اعصابه
نقلوا راكان للمستشفى اما بدر عمموا عن رقم سيارته الي لقطوها الحرس وجاري البحث عنه ..
محمد كان توه واصل بيكمل مراقبته للشركه وشاف الدنيا قايمه قاعده قرب مره وتلثم وسال واحد عن الي صار وقال له :-الشيخ راكان صدمه واحد بسيارته وهج
انهبل محمد وقال بخوف :-كيف حاله لايكون مات
الولد :-ماندري بس مغمى عليه وينزف شف دمه
ناظر محمد المكان الي اشر عليه الولد وشاف الدم وراح لسيارته يمشي مو حاس بالي حوله ..
جلس ومسك جواله بيد ترتجف ....
الوووووووووو
محمد :=حمد الحق اخوك ذبح راكان
حمد انصدم مره ماتوقع جديه بدر :-لاااااااااا
محمد :-الا الدنيا مقلوبه عليه وولد اخونا بالمستشفى
حمد :-تعال بسرعه لا احد يشوفك
محمد :-كيف اجي وراكان
حمد :-عن المثاليه بدر كشفوه واكيد بيربطونه بنا تعال لايشوفك احد نروح فيها
محمد :-طيب
سكر الجوال وراح لاخوه ....
،
،
><في المستشفى ><
دخلوا راكان الطوارئ بسرعه وكان ثوبه كله دم وشكله شوي ويصفي دمه من قو النزيف .
دخلوه على طول العمليات ..
قال الدكتور :-عنده نزيف داخلي بسرعه لازم نوقف النزيف ولا راح من بين يدينا
وفعلا دخلوه العمليات ...
،
في نفس الوقت شبت دانه ضو من الخوف وصابها شي مثل الهستيريا ..
والي جننها ان لها نص ساعه تدق على جواله ومقفل
وامهات راكان يهدنها لكن بدال ما يهدنها صارن مثلها خايفات موسوسات وحالتهن حاله ..
،
قال الطبيب قبل لايدخل العمليات :-كلموا اهله لازم يتواجدون
الاستقبال :-جواله مكسر بفعل الحادث
الطبيب :-هويته طيب او اوراقه
الاستقبال :-موجوده هويته وعرفناه ممكن نتصل بمقر عمله يعطونا ارقام اهله
الطبيب :-سووا الي عليكم العمليه ماتحتمل تاخير وراح نعملها بس بلغوا اهله في حال انتكس ولاشي يكونون موجودين
الاستقبال :=ان شاء الله
دقوا على الشركه ...ورد الحراس ..
الاستقبال :-الو السلام عليكم شركة (----------)
الحارس :=نعم
الاستقبال :-معاكم مستشفى (------) ياليت لو تعطونا ارقام المعننين بمدير شركتكم راكان بن عبد الرحمن نحتاج وجودهم
الحارس :-والله مااعرف ارقام اهله بس اعرف البيت ممكن اروح واخبرهم
الاستقبال :-ياليت ياخوي حالته ماهي بمطمنه ونحتاج لاهله ضروري
الحارس :-ابشر
وبسرعه طلع الحارس بيت راكان الي يعرف مكانه زين
،
،
،
دق التلفون الخاص ببوابه بيت راكان وردت دانه بسرعه :- الو
الحارس:-السلام عليكم
دانه :-وعليكم
الحارس :-ياطويلة العمر فيه موظف من شركة الشيخ راكان يبي يكلمك برى ادخله
طاح قلب دانه وقالت بهستيريا :-ايه دخله بسرعه
طلعت غرفتها بسرعه البرق ولبست عبايتها وغطت وجهها ونزلت
امهات راكان :-يمه شفيه خوفتينا
دانه :-فيه موظف يبيني من شركة راكان
امهاته :-خير يمه لاتخترعين يمكن الاتصال خربان عندهم ،ومرسل لك الرجال يطمنك
ماردت دانه وطلعت تنتظر الرجال برى ..
بعد ماسلم قال :-الشيخه العم راكان صدمته سياره وحالته حرجه ويبونكم بالمستشفى
الحارس صغير السن عشان كذا ماعرف يعالج الموقف صح ولاعرف يعلمها بطريقه احسن من دفاشته ذي
دانه (تخدرت كل اطرافها ) :- حادث
الا بطلعة امهاته الي مسكنها قبل لاتطيح ؟؟؟
قالت الخاله مريم :-رح قل لهم يجهزون السياره
وراح الولد يركض..
ام راكان بتموت خوف :-يمه علامه راكان
كانت دانه تبكي من قلب :-صدمته سياره وهو بالعمليات وطالبين وجودنا
امه :-يارب لطفك يارب
ووصلت السياره ...
وعلى طول للمستشفى..
في الطريق كانت دانه منهاره وحالها مايعلم به الا الله ...
،
،
دخلن الطوارئ بسرعه ...
قالت دانه للاستقبال :-حنا اهل راكان ...كيف حاله
الرجال :-راكان بن عبد الرحمن
دانه اعصابها تلفت وترجف والدموع ماليه غطاة وجهها :-ايه
الرجال شاف حالها ورحمها :-استريحي اختي توه بالعمليات
قالت دانه :-علمني وش الي صار
الرجال :-والله ماعندنا خبر الي عرفناه انه مصدوم والطبيب معه الحين وكلي امرك لله
مسكتها الخاله مريم من ورى واخذتها :-تعالي يمه اجلسي ..
مشت دانه بلاشعور وجلست ..
ماتدري كم مر من الوقت
الا وشاب متوسط الطول وملامحه شديده يكلمها
ناظرته :-نعم
قال الشاب :-انتي زوجة راكان
دانه :- ومن تكون انت
الشاب :-انا محمد -------
وقفت دانه وقالت من قلب :-هلا محمد الحمد لله ان ربي جابك انا ماني عارفه اتصرف ولاني قادره اعرف شي عنه
قال بحنان :-اهدي التوتر ماينفع توني واصل من المطار الا ويكلموني يعلموني كيف حاله
بكت دانه :-مدري للان بالعمليات
محمد :-شرايكم اوصلكم للبيت ---------------
عندت دانه :-لا بجلس هنا
محمد قدر شعورها :-براحتك
وكمل :-بروح اشوف الاوضاع وبرجع
جلست دانه ..واعصابها تتوتر اكثر ناظرت ساعتها ..صار لهم ساعه وماجاهم خبر للان
بعدها بربع ساعه جا محمد ووجهه متهلل ..
ماقدرت دانه توقف لان حيلها مهدود ...
محمد :-ابشركم تعدى مرحلة الخطر
راح الضعف بلمح البصر ووقفت دانه :-وش الي فيه
محمد :-الي فهمته من الدكتور ان الصدمه جت على عضو الطحال والحمد لله ان الطحال بالامكان الاستغناء عنه عشان كذا اضطروا يزيلونه لانه متفتت من الصدمه وقدروا يوقفون النزيف
انهارت دانه ومسكها محمد قبل لاتطيح ...خافن امهات راكان الي كانن المسكينات بحال مايعلم بها الا الله ...مسكت الخاله مريم دانه من محمد الي استدعى الممرضات ونقلوها لغرفه خاصه ..
فحصها الطبيب وقال الي عندها انهيار عصبي ...
ولازم ترتاح على الاقل كم ساعه..
لكن دانه ما ان صحت الا وتلقى الخاله مريم جالسه معها (طبعا ام راكان رجعت البيت لانها تعبت من الجلوس طول الوقت) قالت :-يمه راكان------------
ابتسمت الخاله مريم :-راكان ابشرك بخير وصحى قبل ساعه من البنج وسأل عنك
بكت دانه غصب وزاد بكاها بدخلة امها وابوها وقمر
ضمتها امها :-بسم الله عليك ياقلب امك
سلموا على ام راكان (مريم)
قال ابوها :-احمدي ربك يبه عدت على خير
قالت دانه :-حامدته وشاكرته
ضمتها قمر وجلست تبكي معها ...
تازمت قمـــــــــــــــــــر الحياه ليه كذا ليه ماسي ...الماس من صوب ودانه من صوب لمتى بيرتاحن ..متى
الحب الزواج ....كلها دروب تمهد للالم ...
غمضت عيونها وضمت اختها المنهاره لصدرها ...
قالت دانه :-بشوفـــــــــــه
امها :-يمه غرفته كلها رجال يزورونه
دانه :-شعلي فيهم هذا زوجي انا اهم منهم كلهم
شوي الا وجوالها يدق...
"الو"
محمد :-هلا يازوجة الغالي كيف حالك الحين
دانه (ماتدري كيف توفيه حقه) :-بخير ياخوي الحمد لله
محمد :-الحمد لله تامرين بشي قبل لا اسكر
دانه :-ابي ازور راكان تقدر تفضي لي الجو
محمد :-اعتبريه صار برجع ادق عليك
دانه :-ماتقصر
محمد :-سلام
دانه :-مع السلامه
امها :-من هذا
دانه :-هذا يمه صديق راكان الروح بالروح من يوم ماجينا وهو معنا وماقصر عنا بشي حتى منع دخول الصحفيين المستشفى والله اني مادري كيف اشكره
امها :-ماشاء الله عليه ..طيب ليه ما اتصلتي علينا
دانه (تعبانه موت) :-يمه انا ما كانت عندي القدره اني افكر بشي ومحمد داقين عليه الموظفين وعشان كذا جانا المستشفى
امها :-الحمد لله على كل حال كفاره ان شاء الله
دانه :-ان شاء الله
*************
)الفصـــــ الرابع عشر ـــــــــــل)
(الجزء الاول)

><بيت ابو احمد -غرفة طلال><
قال طلال لناصــــــــــر :- بالله بتسافر رنو بكره ..
ناصر :-ايه كنت عندها العصر وقالت لي ..
طلال :-ودي اشوفها قبل لاتسافر
ناصر :-تبيني اجي اوديك لها
طلال :-ياخي فشله كم الساعه الحين
ناصر (وهو يناظر في ساعته ) :-11ونص حكم
طلال :-اجل بروح اسلم عليها وانا واقف لو حنا مو في عطله مافكرت اروح لهم هالحزه
ناصر :-اجيك
طلال :-لا بخلي السواق يوديني
ناصر :-ياخي خلني اجي اوصلك لايكون امنا تبي تروح كالعاده مكان (قالها بحسره من كثر طلعات امهم)
طلال :-تنتظر الله لايهينها ..
نــــــــاصر :-براحتك .
سكر طلال جواله وراح يتحسس الجدران عشان يطلع ينادي السواق
قابلته امه في الطريق :-وين
ذكر طلال ربه وقال بهدوء :-بغيتي شي
نافخت عليه :-انا امك وتكلمني كذا
الا وبدخلة ابو احمـــــــــــــــــد ، جمدت ام احمد من الخوف اما ابو احمد ضغطه فل ..
مسكها بالعقال ..وهاتك ياضــــــــــــــــــرب
انهبل طلال وهو يسمع صراخ امه .. ومسك ابوه
طلال :-يبه طلبتك تكفى خلاص
ابوه وهو واصل حده :-خلني ابرد حرتي
طلال (يكره المشاكل) :-طلبتك يبه
وقف ابو احمد وقال لها وهو يناظرها بعصبيه :-ان سمعت حسك بالبيت ذبحتك طلعات مافيه طلعات فاهمه ولا لا
ام احمد (ميته خوووووووف ) :------------------
كمل والعقال يلوح به قدامها :-وعيالي ان جاهم منك شي لاتلومين الا نفسك جتى كلام لا تكلمينهم
حس طلال براســــــــــــه يعوره عوار ماله مثيل ..
قال لابوه :-يبه انا طالع تامر شي
طبعا ابوه كان مقدر وضعه واحسن شي انه مو محسسه بنقصان وبشي ..
ابوه :-سلامتك
طلال :-الله يسلمك وطلع بسررررررررعه يبي يرحم نفسه من هالجو الخانق
*
*

*
><في المستشفى><
دق محمد على دانه ووقف ينتظرها عند باب غرفتها .طلعت دانه والخاله مريم معها
قالت دانه :-عنده احد
ابتسم محمد :-لا
دانه :-الله يعطيك العافيه
محمد (بتواضع) :-ماسويت شي
وصلـــــــــــــــــت دانه باب غرفته وقفت الخاله مريم
قالت لها دانه :-يمه ما انتي بداخله
الخاله مريم :-لا يمه انا شفته روحي انتي انا بنتظرك بالانتظار
دانه :-بس---------------
محمد :-انا بجلس مع الوالده
ماتدري دانه كيف توفيه حقه ..بس حاليا كل همها وتفكيرها في شخص يسوى العالم كله
نايم ورى هالباب الابيض
دخلت غرفة راكان ولقته نايم ووجهه ملتف للجهه الثانيه وشعره طايح على عيونه ...
نزلت غطاء وجهها ...
ســــــــــــــــــــــــــــالت دموعها بلا شعور ..بلا مقاومه ...
ماتدري هل هي دموع ... فرح
هل هي دموع ..خوف من خسرانها له خصوصا بعد ماجربت هالمرار حتى لو كان لكم ساعه
لكنه
الـــــ قاتل ــــــــم
وش الدنيـــــــــــــــــــــــــــــا
وش العالـــــــــــــــــالـــــم
وش الحياه بدونـــــــــــــــــــــــــــــــــــــــــــه!! !
حطت طرحتها على كتوفها وقربت منه....جلست على الكرسي الي جنب سريره ...مسكت يده الي فيها ابرة المغذي بيدها البارده من الخوف ..
قالت وهي تحب يده من قلب :-اخ ياحيــــــــــــاتي ماتشوف شر ان شاء الله شد حيلك دندونه مالها حياه بدونك
ورجعت تبكي ودموعها من كثرها غرقت يده ...
بيد ترجف رجعت شعره عن عيونه .....
للان منعدم واقعها ..مو مصدقه انه حي وتعدى مرحلة الخطر ...
ولو نكون دقيقين اكثر ..
هي للان ما استوعبت الي صــــــــــــــــار له ...
"كن صوتها جاي من بعيد ..مايدري راكان يحلم ولايهلوس ولا ميت وفارق اهله وخلانه ، غمض عيونه اكثر وهو مايحس بجسمه ..
التفتت بشويش الا ويشوف ملاكه ماسكه يده ومنزله راسها وتبكي لدرجه حس بدموعها على كف يده ...
بذل كل جهده وقال بهمس :-دندونه
رفعت عيونها بسرعه زاد بكاها لانها موقادره تمنع نفسها ابدآآآآآآآآآآ
قالت وهي ضامه يده بيدينها الثنتين :-ياعيونها وحياتها
بنفس الهمس :-انتي بخير
هزت راسها
ورجع غاب عن الوعي
دخلت الغرفه اخوها خالد الي مسكها مع كتفها وقال :-دانه
رفعت راسها ومن شافت اخوها وهي ترمي نفسها في حضنه وتجلس تبكي
مسح خالد على راسها وقال :-احمدي ربك السالفه عدت على خير
دانه :-الحمد لله والشكر له
خالد (بحنيه) :-يالله مشينا
دانه (تقولون متروعه) :-لا بجلس معه
خالد :-دانه هذا قسم رجال وممنوع تتعدين موعد الزيارات
وبعد اقناع ...وافقت تطلع شرط انها تكون من صباح ربي هنا ..
*
طبعا هنادي من درت ان صديقتها الروح بالروح منومه بالمستشفى الا وتقوم الدنيا وتقعدها تبي تروح لها اخيرا وافق ابوها انها تروح تزورها بما ان اليوم الزيارات مفتوحه في المستشفى مالها مواعيد ..قررت تروح هي وامها اما منال فضلت تزورها من بكره لانها رايحه اليوم تسجل في الجامعه ومنهد حيلها من الدوران ورجلينها تعورها مالها حيل تمتر المستشفى ..اما الماس انخرش قلبها على اختها وقررت تروح معهم
قال سلطان :- منال وينها يمه مو رايحه معنا
امه :-لا ياوليدي رجلينها تعورها من الفرفره اليوم
سلطان :-ابوي بالبيت
امه :-لا معزوم فى عشا في رماح
سلطان :-اوووووووف رماح مره وحده
(منطقه صحراويه حلوه للتخييم بس بعيده عن الرياض)
امه :-تعرف واحد من اصدقاء ابوك مخيم هناك وعازمه
سلطان :-اممممممممممم منال
طلت منال من فوق :-yes brather
سلطان :-هههههههههههه عن الفلسفه وخذي عبايتك بتروحين معنا
تازمت منال :-الله يخليك سليطين رجليني مورمه من الفرفره اليوم ف القوايل
سلطان :-عارف امشي بوديك بيت فهد لانه بطريقنا وحنا راجعين بنمرك
منال :-الله لايعنينا وش هوله
سلطان :-ماراح تجلسين ببيت وش كبره بلحالك
منال :-الشغالات موجودات
لكن من نظره لوجه سلـــــــــطان خافت تزعله لانها تحبه وماتقوى على زعله ولان سلطان ماينحب ان زعل فطارت على غرفتها واخذت عبايتها
كانت هنادي على اعصابها وتتافف ...
نزلت منال قالت هنادي بضيقة اخلاق نادره :-اوووووووف كان نمتي
منال كانت مقدره خوفها على دانه عشان كذا ماردت عليها ..
*
*
*******
بعد ربع ساعه وصلوا المستشفى بعد مانزلوا منال في بيت فهد ..
قال سلطان وهو يكلم امه واخته والماس:-بروح اسال عن غرفة راكان ،غرفة دانه رقم 555
قالت هنادي :-هذيك السادسه
سلطان :-ايه هذيك
مشت هنادي وامها والماس قدامها بخطوه ....
ومن زود الرباشه وبدون ماتنتبه صدمت هنادي في رجال ...
رفعت عيونها الا تشوفه اطول منها واسمر وعيونه نظراتها بحدة السيف ...ولع وجهها والمصيبه ان اسوارة ساعتها نشبت في ازارير ثوبه ..
تورطت هنادي وطاحت بموقف محرج بكل معنى الكلمه ...حاولت تجرها وعيت تطلع
(العن ابو الاحراج ،يدها على صدر الرجال الي للان متحجر ومانطق بحرف تقولون متخدر)
جتها الصيحه بدون شي اعصابها بتنهار ...جرررررررت اسوارتها الي مافيه امل تطلع
تو استووووووووووووعب محمد الي صاير ...
ناظر فعيونها المنحنيه تحاول تحرر يدها من صدره .. ماحطت كحل ولا مسكره بس عيون ماشاء الله تبارك الله رمشها سليل ذباح لاحظ ان عيونها شبيهه بعيون دانه الي لمحها معقوله تكون اختها او تقرب لها
ابتسم وشوي ويجلس يضحك ...قال بهدوء :-اسمحيلي
فكت يدها بسرعه
قام هو وبحركه وحده فك الاسواره الي طاحت على الارض ...
هنادي ماصدقت خبر ، طاحت الاسواره من هنا وانحاشت هي من هنا
اخذ محمد الاسواره بيده ... والتفت لقاها منحاشه ...قلبها في يده وشاف الحرف الي معلق فيها (H) حطها بجيبه مايدري ليه...؟
حتى الرجفه بقلبه مايدري وش سببها !!
قالت امها :-وينك
هنادي (بدري يمه بغيت اروح فيها من الفشيله وانتي مادريتي عني ) :-هنا وين رحت
وصلت هنادي وامها غرفة دانه لقت خالد جالس عندها وهي توقع على اوراق ..
ام سعود :-مساكم الله بالخير
وقف خالد :-هلا بام سعود يامساء الانوار
الماس :-هلا خالد
خالد :-اهلين
طاحت عيونه بهنادي الي من لهفتها على دانه ماغطت عيونها ...ناظرها بخدر .
لكن رد ام سعود رده للواقع :-هلا يمه
اما هنادي ماعندها وقت راحت لدانه وضمتها :-ماتشوفين شر كذا تخوفيني عليك
دانه (للان متاثره من الي صار) :-اخ ياهنوده بغيت اموت
هنادي عصبت :-فالك ماقبلناه
(شافت دانه توقع اوراق الخروج) :-طالعه
دانه :-ايه
الماس وهي تضم اختها :-خليك قويه راح الكثير والاصعب
دانه :-الله لايخليني منكم جميع
قالت ام سعود وهي تسلم عليها :-شده وتزول يمه بس خليك قويه
دانه :-الحمد لله ياخاله كان ممكن تصير الامور اسوء من كذا
وبعد التوقيع ..نزلو كلهم سوى ولاقاهم سلطان بالدرب
قال لدانه :-الحمد لله على السلامه
دانه :-الله يسلمك
سلطان :-مريت على راكان ولقيته نايم
دانه :-هذا من المخدر بس بكره باذن الله بيصحى
سلطان :-مايشوف شر
دانه :-مايجيك
طبعا الخاله مريم مافارقت دانه من يوم ما دروا عن الحادث وكانت تحت بالانتظار مع محمد ينتظرونهم ينزلون
انخرش قلب هنادي ، وانصدم محمد
اجل هالبنت تقرب لدانه ...
طبعا خالد بيوصل ام راكان (مريم) ودانه لبيتهم بما ان دانه رفضت تروح بيت ابوها ..
طلع سلطان وامه واخته قبلهم ...كانت امها تكلمها وما انتبهت
قالت امها :-هنادي
التفتت :-نعم يمه
امها :-اكلمك
هنادي :-سمي يمه
امها :-سم الله عدوك اقول دقي على اختك علميها اننا بالدرب
هنادي :-طيب
كان محمد وراهم ..."اجل اسمها هنادي ..."
ابتسم وراح لسيارته .....
**
*
***
*
**
***
><في بيت فهــــد><
قالت رنا لمنال :-عاد كيف حاله زوج دانه
منال :-والله مدري بس الي عرفته انهم مسوين له عمليه
رنا (متاثره وقلبها على دانه) :-ياقلبي يادندون
منال :-الله يقويها
رنا :-تدرين مادريت الا منك
منال :-الحادث اصلا ماصار له ثلاث ساعات
دمعت عيون رنا :-الله يطلعه منها سالم
منال :-يارب
رنا :-ان شاء الله بنزورها قبل لا نسافر
منال :-دندون طلعت من المستشفى بس رجلها هو الي بالمستشفى
رنا :-الله يقومه بالسلامه
منال :-الا فهد وينه
رنا :-راح يجيب اغراض من برى وبيرجع ماراح يطول
تذكرت رنا العشاء الي على النار
قالت لمنال :-اووووووووف شكلنا ماحنا بمتعشين اليوم
منال :-هههههههههههههههههه
الا وجرس الباب يدق
رنا :-روحي افتحي الباب اكيد فهودي وانا بروح اشوف عشانا الي والله العالم احترق
منال :-ليه رجلك ما معه مفتاح
رنا بحب :-الا فديته بس يمكن يدينه مليانه ومو قادر يفتح الباب
منال :-هههههههههههههههههههههههه طيب
راحت منال تفتح باب الشقه ...
ماعندها وقت :-هلاااااااااا فهووووووووووودي
انصدم طلال من صوت الي فتحت له الباب هذا مو صوت رنا متاكد صوت رنا مافيه بحه
طبعا رنا ماطلعت راسها ولاشافت منو الي عند الباب ...
الا وصوت رجال :-السموحه اختي هذا بيت فهد
تبلمت منال :-هاه
طلال (مسكين طاح وجهه) :-اقول هذا بيت فهد بن ناصر
منال (استوعبت ) :-ايه
طلال (يستهبل) :-انتي مين طيب
منال (مطفوقه) :-الحين طاق باب بيتنا وتحقق نعم خير
طلال ابتسامته وشوي وتشق حلقه
نادتها رنا منال من الي عند الباب
"منال"
منال (تستهزء):- مدري واحد يستخف دمه
مسحت رنا يدينها عن المويه وعقدت حواجبها واحد يستخف دمه ...ماقد صارت ذي
جت رنا واشرت لمنال بدون صوت تسالها ردت عليها منال بنفس الحركه ما ادري
قالت رنا :-نعم اخوي
طلال (يستهبل) :-حلفي بس
رنا فطست من الضحك :-طلووووووووووول
طلال :-ههههههههههههههه ايه طلول
منال عيووووووووووونها نقزت عشر متر قدام ياكبررررررررررررررها من فشله
طبعا طلال عنده خبر عن ان الي فتحت له الباب منال اخت فهد لانه سمع رنا تناديها
.. وقال يبي يقهرها :-الا انتم مستقدمين سيلانيه
منال ارتفع الضغط معها سيلانيه بعينك يا..يا..العربجي
رنا :-هههههههههههههههههههه عيب عليك لاتسب حماتي
طلال (بيقهرها زود ) :-هذي لو حماتي ولعت فيها بقاز
رنا :-هههههههههههههههههههههه حرام عليك والله عسل
منال فار دمها ودخلت معصبه ...
رنا :-حياااااااااااااااااااااااااك
طلال :-لا والله مايحتاج بس جيت بسلم عليك قبل لاتسافرين
دمعت عيون رنا :-الله يسلمك طلول والله بشتاق لك ...
طلال (مايحب الوداع ابد) :-اقول عن الخرابيط انحاشي من هنا ابرك لك انتم السابقون ونحن اللاحقون
مسحت رنا دموعها مايخلي طبعه المزووووحي ابد سبحان الله الي عطاه قوه خلته يستحمل خسارته الفادحه لنظره وخلته يتحمل العيشه مع امهم المتسلطه
سال :-الا وين رجلك
رنا :-طالع مشوار وبيرجع
طلال :-على خير يالله سلميني عليه
رنا :-الله يسلمك
التفت طلال بيروح الا ويخمه هذاك الصداع الي زعزع له كيانه ..تمسك في طرف الباب ،
حست رنا بشي غلط قالت بخوف :-طلال
الا ويطيح مغمى عليه على الارض ، صرخت رنا الا وتسمعها منال وتنسى زعلتها وتجي تركض كان طلال طايح على الارض ورنا عنده حالتها واصله للهستيريا
قالت منال بخوف :-رنا علامه
كانت رنا تبكي وهي ماسكه يده :-مدري جا بيروح وطاح فجاه
منال حاطه يدها على قلبها :-رنا شوفيه حي
حطت رنا اذنها على قلبه :-ايه يتنفس واسمع قلبه يدق
منال اختبصت :-وش نسوي بنخليه كذا بالارض
رنا وهي تناظر منال :-تعالي خلينا ندخله
منال مصدومه :-من
رنا :-انا وانتي
منال :-بنقدر عليه
رنا :-ماهو بثقيل يالله تعالي
وبعد تردد جت منال ووجهها مولع وحالته حاله بس ترجف ...بعد جهد جهيد قدرن يشيلنه ويحطنه بالصاله
قالت منال وهي تتنفس بقوه من المجهود الي بذلنه :-والحين وش العمل
رنا وهي تدور ماتدري وش تبي تسوي :-ايه بجيب مويه واحاول اصحيه خليك عنده
منال وهي تناظر طلال الي لون وجهه شاحب بخووووووف ماله مثيل
مسكتها منال قبل لاتروح قالت بخوف:-رنو واذا صحى وشافني مرتزه قدامه
قالت رنا بحزن :-ماتفرق منال لانه اعمى
حزت الكلمه بقلب منال كيف نست ان ولد عمها اعمى وراحت رنا المطبخ
شوي شوي الا ويرجع له وعيه ..فتح عيونه جمدت منال مكانها من الخوف لكنها هزئت نفسها انطمي ولا تتكلمين وموب داري عنك وقفت في مكانها جامده وعيونها عليه ، سالت دمعه من عيونها غصب ومسحتها وهي كل دقيقه تناظر الباب تنتظر رنا تجي ودها تنحاش من الغرفه بكبرها حتى لو هو اعمى مايشوف هو رجال وما تتحمل توقف قدامه كذا بدون غطا
غمض طلال وفتح مرتين هو يحلم ولا يشوف صدق ...
دقق نظره بالبنت الي واقفه قدامه وحالتها حاله ..غمض مره ثانيه وهو للان مو مصدق انه يشوف
كذا ببساطه يطيح مغمى عليه ويصحى يلقى نظره راجع ..له
صحيح ان الشوف ضبابي نوعا ما بس قدر يميز البنت الواقفه قدامه ..ملامح بريئه شعر قصير يجنن
جت رنا الا وتشوفه صاحي :-سلامتك يالغالي
طلال :-الله يسلمك
رنا عيونها مدمعه :-كذا تخوفني عليك
طلال وهو يبتسم ابتسامه خلعت قلب منال من مكانه :-عدت على خير
ناظرت رنا في منال الي كانت تاشر لها "بروح ماقدر اجلس هنا"
ورنا كانت تاشر :-اجلسي ماعندك سالفه مايدري عنك
منال وهي تحرك شفايفها بدون صوت :-بروح لا اتوطى ببطنك
ابتسم طلال غصب
رنا الي حست بحمل كبير يطيح عن اكتافها
ضحكت وقالت "روحي شدعوه بموت اذا ماجلستي عندي"
منال تتوعدها :-هين هين
قال طلال وهو مانسى تهبيلها له عند الباب :-اقول رنو
رنا :-سم
طلال وهو شوي وينفجر بالضحك :-اول مره اشوف سيلانيه بيضاء
انصدمن البنات
طاح الكاس من يد رنا تجمدت منال مكانها
قال رنا :-ط طلال شقلت
طلال وهو يناظر في منال المتحجره كانها تحفه زاويه ههههه :-اقول اول مره اشوف سيلانيه بيضاء
صرخت رنا :-طلال انت تشوف
ضحك طلال :-تخيلي يغمى علي وانا اعمى اصحى والقى نظري راجع لي
هنا استوعبت منال ان نظر طلال رجع له ....وحطت رجلها من الصاله ...
قالت رنا وهي تبكي :-يارب لك الحمد والشكر طلال والله مو مصدقه
تاثر طلال وقال :-ولا انا بس نوبات راسي ذبحتني وكل مالها تزيد اخر مره رحت فيها للطبيب قال لي 70% بالميه يمكن يرجع لك نظرك وعاد السالفه فيها اشاعات وبلاوي عاد انا قلت اجيبها من قاصرها وافك عمري
رنا :-يا الله
الا وفهد يدخل عليهم الصاله وهم في عالمهم ..
قال فهد بهباله المعتاد :-هلا والله ببو نسب
طلال :-ههههههههههههههههههه اهلين فهيدان
قال طلال بيهبل فيه :-وش هالحركات صاير راعي مسؤليات وحركات وتقضي للبيت
انهبل فهد الي كان شايل اكياس اغراض بيده :-هااااااااه
طلال جلس يضحك عليه لما شافه يغمز لرنا يسالها عن السالفه وليش تبكي ...
طلال (ناويله ) :-الله يذكر ايام الكابات بالخير الحين صرنا نلبس غتر
انهبل من قلب فهد وطاحت الاغراض الي معه
قالت رنا (رحمته من الحيره تحبه الشكوى لله) :-طلال رجع له نظره
فهد تخبل :-الله يبشرك بالخير
وضم طلال من قلب ..
قال يسال :-متى
طلال (يمزح) :-ههههههههههههههههه بيتك فيه بركه طحت مغمى علي عند عتبته وصحيت ونظري راد لي اظن لو شاروخ طايح قدام عتبة بيتك في فلم دافيداس مامات
رنا :-هههههههههههههههههههههههههههه لاتشره عليه فهودي اسلاكه ملتمسه
فهد :-ههههههههههههههههههههههه على قولتك الا من دافيداس
طلال (يستهبل) :-واحد من الربع الله يحييك
رنا :-هههههههههههههههههههه
وقف طلال وقال :-نترخص
فهد :-لا لا انت تو صاير لك معجزه نم عندنا
طلال :-لا ما يحتاج السواق ينتظرني تحت
طبعا طلال عنيييييييييييييييييييد مووووووووووووت وماقدروا عليه
شوي الا ويدق سلطان على منال ...
طلعت منال وانهبل فهد يوم شافها :-ههههههههههههههه العايله المصونه مجتمعه اليوم هنا
منال (مفجوعه للان بالي صار ) :-هلا فهود
ناظر في رنا :-اقول قلبووووووو من موزيه للان
قالت له بحب :-ههههههههههههههههه لا خلاص منال اخر شي
فهد :-هههههههههههههههه اكيد
رنا :-ايه
منال :-يالاخوان سلطان تحت بنزل
فهد موفاهم شي بس نزل يوصلها وبالطريق علمته بكل شي ..
(اقصد بكل شي الي صار لدانه وراكان فقط ^_^)
×
×
×
×
><في بيت راكان><
ماقوت دانه تغمض عيونها وتنام ..تقلبت في فراشها
اخر شي قامت جلست ...ناظرت في الجناح الكبير وعيونها مدمعه ...وش كثر قلبها يقبضها والكون بكبره ماهو واسعها ..حتى المكان بغيابه جووووووووووووووه يخنق..
سالت دموعها غصب عنها ...وجلست على هالحال ..
ومادرت الا بيد ام راكان على كتفها
قالت بحنيه :-يمه
لكن دانه كملت بكاها وهي حاطه وجهها على مخدته الي فيها شذا عطره وانفاسه
ومتمسكه فيها بيديها الثنتين ..
ام راكان (جلست جنبها وجلستها ثم ضمتها ) :-بيرجع لنا بالسلامه بكره يابنيتي
دانه ودموعها تسيل :-يارب يمه يارب انا مقدر اعيش بدونه
ام راكان :-وكلي امرك لله ازمه وراح تعدي
دانه (حالتها حاله) :-من يمه من الي يشيل بقلبه الحقد على راكان لدرجة انه يبي يموته
ام راكان لها شكوكها بس حرام الظن لازم تتاكد قبل :-يمكن حادث يمه راكان ماله اعداء
لكن دانه كملت نوبة الصياح الي ماسكتها من يوم مادرت عنه
دخلت ام راكان الغرفه (مريم) لقت دانه بحضن ام راكان الي كانت تمسح هي الثانيه تمسح بالخفاء عن دانه دموعها بجلالها ...
قالت تهمس :-ما نامت كيف حالها
ام راكان (قلبها يتقطع من جهتين من ولدها المريض ومن زوجته المنهاره):-لا مانامت حالتها حاله
مريم :-ما اكلت شي طيب
ام راكان :-عيت عن الاكل تقول كيف اكل وهو ما اكل
مسحت الخاله مريم دموعها بطرف جلالها كل قوتهن عشان هالمسكينه الي متلعوزه بعد الي صار لزوجها ..ومع قوتهن وكل شي الا ان الموضوع جارحها حيل ولا نوم نامت ولا اكل اكلت ..
جلسن امهات راكان مع دانه لين نامت ...
وبعدين طلعن وتركنها لانهن ماذاقن طعم النوم ولا طعم الراحه ..
×
×
صحت دانه الساعه ثمنيه صباحا يعني مانامت الا قرابة الثلاث ساعات بس مو مهم ..
وقفت واخذت شاور سريع ...بدلت ملابسها وخذت عبايتها
قابلتها ام راكان تحت
دانه (تحت عيونها هالات سوداء ووجهها مشحب) :-صباح الخير يمه
ام راكان :-صباح النور
دانه :-بروح لراكان يمه
ام راكان :-مو كأن الوقت مبكر
دانه (مو قادره تجلس دقيقه بالبيت) :-لا مو مبكر انا سالت عن مواعيد زياراتهم والزياره تبدا ثمان ونص
ام راكان بحنيه :-طيب يمه اكلي لك لقمه
دانه :-مالي طوقه للاكل يمه
ام راكان قلبها متقطع عليها :-يمه مايصير
دانه :-ماعليش يمه مالي رغبه اكل مقدر والله
ام راكان :-طيب اشربي شي
دانه من جد مالها نفس بس حرام تكسر بخاطر ام زوجها زود على كسرتها
ابتسمت ابتسامه سطحيه :-تامرين يمه
اخذت دانه عصير وشربت منه شوي ...وحست انها لو بتشرب اكثر بترجع ..
نزلت كاسها لاحظت ام راكان انها من جد مالها نفس للاكل عشان كذا ماحبت تضغط عليها ..
لبست دانه عبايتها وقالت :-يمه تروحين معي
ام راكان :-لا يمه بلحقك انا ومريم
دانه :-زين يالله بالاذن
ام راكان :-هلا يمه
×
×
>>>>بعد ربع ساعه
><في المستشفى ...
غرفة راكان...
وقفت دانه عند باب الغرفه الخاصه وقلبها يرقع ...
رجفت يدها وهي ماسكه مسكة الباب..
لكنها جمعت شجاعتها وقوتها وفتحت الباب...
دخلت الغرفه لقتها فاضيه وسريرها مرتب ..انخرش قلبها
رجعت بسرعه للاستقبال الي مقابلينها
وقالت للموظف:-لو سمحت اخوي حبيت اتأكد من رقم غرفه
الموظف:-اسم المريض لو سمحتي
دانه :-راكان بن عبدالرحمن
الموظف :-الغرفه رقم 600
دانه :-متاكد
الموظف :-نعم اختي
رجعت دانه والافكار تروح بها يمين وشمال ..ويدينها معرقه ودموعها برومش عيونها ..
رجعت للغرفه ولقتها فاضيه ..دخلت ويدها على قلبها ...
لقت مكتوب على السرير في ملف على لوح معدني
"توووووووووووووووفى المريض في الساعه 7 ونص من صباح هذا اليوم بسكته قلبيه وبعد عدة محاولات فاشله لانعاشه "
طاحت شنطتها من يدها وتعلقت روحها بالسمــــــــــــــا
راكان مـــــــــــــــــــــــــــات!!

(الجزء الثاني)

><بيت ابو سعود ><
كان نوم الماس البارحه زفت سعود وعدها انه بيجي باليل لكنه اخلف وعده
حست بقهرررررررررر ماينوصف لكنها التمست له الاعذار
شوي الا وباب جناحها ينفتح ...
وبدخلة سعود..
اصلا شاف ملامحها من هنا وعرف انها زعلانه عليه حتى لو تكابر ...
سكر الباب .
ودخل جلس عندها وهي نايمه ومسفهته ..
ابتسم وقال :-صباح الورد
الماس :-صباح النور
سعود :-زعلانه
الماس (تبلع غصتها) :-لا تعرفني لو ازعل من العالم مزعل منك
ابتسم وقال :-ماتصدقين ابوي مكلمني بيزورنا في الفندق امس بعدين كنسل وقال اليوم
طلعت عيون الماس قدام :-هاه
سعود :-ههههههههههه والله
الماس بتنهبل :-تضحك بعد
سعود :-من جد غصب عني اضحك مادامني مقدر ابكي
قالت بقوه :-بسم الله عليك من الدموع ماتوصل للدرجه ذي
قال بكابه :-حطي نفسك مكاني لو مزوجينك غيري وش بيكون شعورك
عمرها مافكرت في هالشي ...
قالت بقوه :-اعووووووذ بالله والله لا انتحر
سعود :-شفتي حالتي زفت ..
مسكت يده :-مابعد شده الا الفرج
سعود :-اخ وين الفرج تسكرت في وجهي كل الابواب
دمعة عيونها :-الصبر يا نظر عيني الصبر
ناظر وجهها وقال :-الماس انتي بخير ...
الا وباب الغرفه يدق
ام سعود :-يمه انتي صاحيه
جت الماس بتقوم وخلاها سعود تتم مكانها وراح يفتح هو الباب
تفاجأت امه يوم شافته :-هلا يمه انت هنا
ابتسم :-ايه توني واصل
وناظر في كاسه مع امه ...
امه :-الماس صاحيه
سعود :-ايه
دخلت امه جلست الماس غصب
قال امه بحنيه :-لا تتحركين خذي اشربي هذا
شمت الماس ريحته من هنا وركض ترجع للحمام من هنا
انهبل سعود وقال بخوف :-يمه الماس علامها
امه وقلبها يتقطع عليها :-والله يمه مدري امس ما ذاقت الاكل
انقهر سعود الماس تعبانه وهو يفرفر بشوارع الرياض لين الساعه 2 بالليل عشان يقلل الوقت الي بيقضيه مع نويف والي ريحه انها كانت نايمه يوم رجع ، في وقت الماس تعاني بلحالها..
مسكته امه وقالت له بهمس :-يمه
سعود قلبه مع زوجته :-نعم
امه :-يمه انا شاكه في شي
ناظرها سعود وهو مو مستوعب نص تفكيره مع امه ونصه مع الماس :- شاكه في شي
امه :-ايه
الا وبدخلة الماس الغرفه وجهها اصفر وحالتها حاله ..
راح لها سعود بسرعه ومسكها ثم خلاها تنام على السرير وغطاها
جلس على الارض ومسكها معه يدها :-هاه ياقلبي عن الدلع
ابتسمت غصب :-امحقه من دلع
سعود :-ههههههههههههه
ناظرته وعيونها تلمع :-دوم هالضحكه
سعود :-وياك بتدوم
ابتسمت والدموع تلمع .....
قال بخوف :-حبيبتي شرايك نروح اليوم المستشفى
خافت الماس وماخفى هالشي على سعود :-انت عارف اني مابي اروح مستشفيات الا عند الشديد القوي
سعود :-بس------------
الماس :مابيهم يذبحوني قبل اواني
عصب سعود لكنه تمالك نفسه شكلها تعبانه قالت امه :-يمه خلها ترتاح لا تتعبها
هز راسه ...
سكر النور وطلع هو وامه الي اشرت له تبيه بغرفتها ...
دخلوا غرفتها وسكرت امه الباب
سعود :-يمه وش في راسك
امه :-مه ماقد فكرت في احتمال ان الماس ممكن تكون حامل
انصدم سعود
امه :-ماقد فكرت
قال بألم :-تفكيري ماراح يكون بصحة تقارير المستشفى يمه (وتهدج صوته) الماس بتضيع مني
تأثرت امه من شكلها ومن دموعه الي طلت ثواني من عيونه ثم اختفت
بدت الفكره تعشش براسه لكنه ذبحها قبل لا تكبر ...
قال سعود :-ذكرتيني يمه انا انتظر فاكس من برى عشان حالة الماس يمكن اركب الخط هنا
امه :-سو الي تبيه يمه
هز راسه وقبل لايطلع ماقدر يمنع نفسه من السؤال :-يمه ليه فكرتي ان الماس ممكن تكون حامل
امه :-يمه الي اشوفه مو وحده فيها الخبيث لا الي اشوفه اعراض حمل امس يوم شمت ريحة السمك طارت رجعت
ابتسم :-يمه الماس تكره السمك خلقه
ابتسمت امه :-عارفه بس ردة فعلها عنيفه امس
قبل لايطلع قالت له امه :-سعود
التفتت بسرعه :-هلا
وجاء يمشي جهتها
"امريني"
امه :يمه وش بتسوي مع نوف
شانت ملامح وجهه ..
قالت امه بتقرير واقع :-ما ظنتي انك قربت صوبها ابد
تغير لون وجهه وعرفت امه ان ظنها في محله
جلس سعود جنبها وقال وهو منزل راسه :-ماني قادر يمه نفسي ماتطاوعني
امه متفهمه شعوره :-عارفه يمه بس البنت مالها ذنب
قال بقوه :-الا الذنب ذنبها هي تزوجتني وهي عارفه اني ما ابيها
امه :-------------------- (معه حق ماقدرت تتكلم)
سعود :-انا محتار يمه شوري علي
امه :-والله يمه ما تنجبر روح على روح حاول تتقبلها وان ماقدرت طلقها خلها تشوف نصيبها
سعود :-عشان يذبحني ابوه
ابتسمت امه :-ابوك ذابحك ذابحك
فهم قصدها وقال :-وش يدريه
امه :-توقع من نوف اي شي
ارتفع ضغط سعود :-ان تكلمت في هالمواضيع الشخصيه مع الشياب دفنتها بالحيا
دق جواله ..
قال لامه يستهزء :-جبنا سيرتها ---------
"نعم
نوف :-وينك
سعود :-شبغيتي
نوف :-الحين تتركني من امس وماتبيني اسال
سعود :-امس كنت فيه بس انتي كنتي نايمه
نوف :-تعال مابي اجلس هنا
سعود :-وين بتروحين
نوف :-جبني بيتنا
انصدم :-بيتنا
نوف (الي حافظه تعليمات امها الي عطتها لها قبل خمس دقايق) :-ايه بيتنا اختصر على عمرك المشاوير لشوفة حبيبة القلب
عصب وقال :-جهزي نفسك انا جاي
وسكر الخط
تتأفف ...وقال لامه :-تبي تجي هنا
انصدمت امه :- من جدها
سعود بقرف :-مدري
وقف وقال :-تريحني لاجت هنا بروح اجيبها
امه :-بحفظ الله
وطلع من الغرفه ...
امه في نفسها "الله يعيننا على المشاكل وعلى المصايب الي بتجي بمقدم نويف بيتنا"
><
في الفندق ...
قالت نوف بتافف :-يوه يمه خربتي علي نومتي والحين بنروح بيت عمي وبشوف المقرد بنات عمي وبشوف الشينه
امها :-نفذي الي قلته لك امس
نوف :-اوووووووف يمه وانا اكلمه تو ماصدق وسكر الخط بوجهه فما بالك لو اقرب منه
امها بعصبيه :-هو رجال ولا لا
نوف :-الا
امها بلهجه تنهي النقاش :-خلاص اجل خطتنا بتنجح حتى لو كان يحب تراب رجلينها فهو في الاخير رجال
نوف :-طيب
امها :-قومي البسي واكشخي
نوف فيها نوم :-يمه ياررررررربي مالي نفس وبعدين تونا
صارخت امها عليها
قالت بخوف :-طيب
سكرت امها وراحت هي تلبس ...
بعد عشر دقايق وصل سعود ونفسه براس خشمه
قال لها :-جاهزه
نوف :-ايه
سعود :-غطي وجهك
غطت وجهها ودخلوا الموظفين واخذوا اغراضها
وطلع سعود وهي وراه حتى ما تكلم معها بكلمه ..
حتى في الطريق ما تكلم معها ...
*
*
نزلت الماس من غرفتها وراحت للمطبخ تاخذ كاس عصير برتقال ..
كانت لابسه جلابيه ناعمه وجلالها معها عشان تغطي وجهها اذا جاء سلطان وكانت مسيحه شعرها وحاطه مكياج خفيف
طلعت من المطبخ
الا وتطيح عينها بعين نوف تغير لون وجهها ...
قالت نوف تبي تقهرها :-حبيبي اطلع ورني مكان غرفتنا
ارتفع ضغط سعود وعرف انها بتقهر الماس
سعود :-سوووووووووووونيا
جت الشغاله بسرعه
قال لها :-روحي مع المدام للجناح نمبر 2
انقهرت نوف من جحدته لها ، اما سعود راح لالماس بدون شعور وكأن الي يجذبه لها مغناطيس وشي اقوى منه ومنها
قال بنبرة حب وخوف :-كيفك الحين
الماس كانت سهوم الغيره تدمي جروحها بقلبها
ابتسمت غصب وقالت :-كني احسن
قال باهتمام :-طيعيني
الماس تقاطعه :-نظر عيوني
سعود :-امريني
الماس :-خلني براحتي
سعود :-مثل ماتبين بس ان تعبتي زود ما بيننا نقاش
ابتسمت ابتسامه هزته هز :-اتفقنا
سعود بوله :-فديت هالابتسامه وهالوجه
طبعا كانوا في عالمهم ضايعين وغافلين عن نويف الحاقده الي واقفه تناظرهم وتناظره كيف يكلم الماس وتشوف بعيونها الفرق بين تعامله معها وتعامله مع الماس
حتى ملامح وجهه تتغير لاناظر الماس..وسامته تزيد جاذبيته مدمره ووجهه بشوش اما معها فهو متوتر متضايق مكشر
طلعت مع الشغاله بالغصب وهي تتحلف في نفسها وتتوعد ..
دخلت غرفتها ورمت عبايتها وهي ميته قهر وحالتها زفت .."طيب يا الماسوه طيب وانا نوف "
طبعا حطت راسها ونامت اما سعود جلس يسولف ويضحك مع الماس تحت ..
الا وتختفي الا بتسامه عن وجهه ..
التفتت الماس الا وتشوف عمها واقف يناظرهم والوضع مو معجبه ..
قال لالماس :-كيفك اليوم يبه
الماس :-بخير عمي
ناظر في سعود وقال وهو يمشي :-ابيك بالمكتب تعال
ناظر سعود في الماس وقال يستهبل :-وصاتي في خزنة الذهب مو خزنة الفلوس لا تنسين
الماس :-هههههههههههههههههههههههههه الحمد لله والشكر رح لعمي لا يرجع يحوسنا
سعود :-هههههههههههههههههههههههه على قولتك لا تروحين مكان برجع (وقال يغمز لها) اما اذا تبين تطلعين غرفتنا يكون احسن بعد
ولعت الماس :-ههههههههههههههههه سعود
قال بخبال :-ياعيوووووووووووووووووونه
سوت الماس نفسها جديه وناظرت وراه :-هلا عمي مالي دخل هو الي ما لحقك
ارتبك سعود والتفت لقى الماس مسويه فيه مقلب
الماس :-ههههههههههههههههههههه خوووووووووووووواف
سعود مسوي معصب :-حلفي
ابتسمت ووقفت تزين له ازارير ثوبه (((((راح سعود فيها ))))
نزلن هنادي ومنال سوى من فوق قالت هنادي تستهبل :-شوفي اخوك ومرته مسوين روميو وجولييت
ولعت خدود منال :-هناديوووووووووه عيب تناظريهم
هنادي :-ياشيخه الله يرزقنا
منال :-هههههههههههههههههه انت ما انتي بصاحيه
هنادي :-منذو مبطي يا اخت منال
منال :-ههههههههههههههههههههههههههههه
هنادي تبي تحرجهم :-احمممممممممممممممم
التفت سعود والماس
قال سعود :-هههههههههههههههه تكفين يالمؤدبه
هنادي :-هههههههههههههههههههههه اعجبك مثاليه بسم الله علي
الكل:-ههههههههههههههههههههه
سعود :-الله يخليك لامك وابوك
هنادي (تستهبل) :-ويخليك لالماستك
سعود من قلب :-امين
الماس تذكرت :-سعود عمي
سعود :-اوووووووووف رحت فيها
وراح بسرعه لمكتب ابوه ...دق الباب
ابو سعود :-ادخل
سعود :-طلبتني يبه
ابوه وهو يناظر في اوراق معه :-ايه ادخل وسكر الباب
دخل سعود وسكر الباب وجلس
قال ابوه وهو ينزل نظارته :-زوجتك وين
سعود بعفويه :-الماس برى
ابوه عصب :-لاتنسى انك متزوج ثنتين
(ياحظي والله)
سعود :-مانسيت
ابوه واصل حده :-اجل وش تسوي هنا ومخلي عروستك
سعود وهو طفشان من قلب :-نوف هنا يبه وين بخليها الله يطول لي بعمرك
ابوه مستغرب :-نوف هنا
سعود :-ايه تونا واصلين مالنا الا نص ساعه
ابوه :-توكم مالكم ثلاث ايام ليش رجعتوا
سعود :- هي تبي تجي تستقر وانا بعد وراي اشغال
ابوه منهبل :-ياولد مالك ثلاث ايام متزوج وتبي تشتغل
سعود :-انا توني ماثبتت رجليني بالسوق واصلا الدراسه مابقي عليها شي انت ناسي ان نوف تدرس
ابوه ارتبك :-على الاقل رح للشاليه حقنا الي بالشرقيه
سعود :-يصير خير يبه لاتشيل هم
ابو سعود :-يابوك انا مستعجل ابي اشوف ظناك
سعود في نفسه ودي انتحر :-الله كريم يبه
كمل :-تامر بشي
ابوه :-انا اعرف وش كثر تحب الماس والشاهد الله انها تستاهل منك هالحب بس لا تنسى تعدل
قال سعود وهو يوقف :-بعدل في كل شي الا القلب يبه ماتحكمه ثنتين ومالي عليه تصرف
وقبل لا يعترض ابوه قال :-بالاذن
وطلع
×××××
×××
××
في المستشفى
>بالغرفه الي جنبها<
"يووووووووووه يامحمد بطلع خلاص كيفي"
محمد (شوي ويقطع شعره) :-مهبول انت
"لا"
محمد :-ارتح لك كم يوم طيب
"راحتي ببيتي"
محمد يئس خلاص :-بكيفك انت حر بعدين ليه غيرت غرفتك
"ذبحتني الشمس"
محمد وهو معرق من الصدمه :-بغت تجيني سكته يوم دخلت غرفتك ولقيتها فاضيه
"لا وازيدك من الشعر بيت سمعت ان المريض الي دخلها بعدي مات:
محمد :-لاحول ولا قوة الا بالله
" ماشفت بوك فلوسي"
محمد :-لا يمكن بغرفتك ذيك
"ايه صح نسيت اني حاطه بالدرج"
محمد :-بروح اجيبه لك
"لا انت رح جب الاوراق ابي اوقعها ضاق خلقي بطلع من هنا"
محمد :-اوف منك عنيد
"هههههههههههههه شكرا حياتي"
وقف شعر راس محمد :-حوم الله كبدك متى بتخلي حركاتك
"هههههههههههههههههههههه مدري"
محمد وهو يطلع :- منت بصاحي
طلع بعده بيجيب بوكه من الدرج الي بالغرفه الي جنب غرفته ..
وقف شوي يتعرف على البنت الي واقفه بوسط الغرفه وبيدها ملف
طاحت شنطتها على الارض وقالت بهمس باكي :-آه ياربي لااااااااااا
عرفها راكان
دخل بسرعه الغرفه ...ومسكها :-دانه
تسمرت دانه مكانها وتحجرت ، استوعبت والتفتت :-راكان
التفتت :-عيونه
ماتدري كيف الي وهي حاضنته من قلب ...
وبعدين استوعبت انه تعبان وبعدت عنه
قالت وهي مو قادره تجمع كلمتين على بعض :-من--من ---
واشرت على الملف
اخذه راكان وقراه ابتسم وقال :-حبيبتي ماقريتي الاسم هذا مو اسمي يمكن نسنه الممرضات هنا لاني تركت الغرفه من الفجر
هزت راسها
رمى الملف وقال لها بخوف:-انتي في صدمه
قالت وهي تبكي :-حسبتـ------
ورجعت تبكي
ضمها وقال :-ليش البكا هذاني قدامك لاتخافين علي قطوه بسبع ارواح
انقهرت دانه منه :-خفيف دم
راكان :-ههههههههههههههههه شكرا حياتي
زاد بكاها
حاسه نفسها في حلم مو علم ....
ناظرته وقالت له :-ليش لابس ملابسك
قال باشمئزاز :-من جدك البس هذيك الملابس كني خبل
ضحكت وهي للان تبكي ...
الا وبدخلة محمد الي رجع بسرعه ..
طلع له راكان ومعه دانه :-جبت الاوراق
محمد :-ايه وقعتها وخلصت (قال يكلم دانه) صبحك الله بالخير اختي
دانه :-هلا اخوي
راكان (يستهبل) :-لا والله احلف
محمد :-ههههههههههههههههههههههه ياخوفي لايكون مخك الي شالوه مو طحالك
راكان :-تاكد من الاوراق لا تكون صدقه وشايلين مخي ههههههههههههههههه
محمد :-الحمد لله والشكر ههههههههههههههه
دانه كانت تراقب علاقة محمد وزوجها ببعض الحين بس عرفت ليه راكان يغلي محمد عن الكل ...الي سواه ماسووه عمانه له
جاء الممرض معه كرسي متحرك المفروض راكان يجلس عليه
الا انه حقره وقال :-شالو طحالي مو رجليني
الممرض :-pleas mr-------
قاطعه راكان :-i dont need it
الممرض :but-----------
ناظره راكان نظره خلته يتراجع
محمد :-ياخي انت تعبان والمسافه طويله
راكان :-انا موب عاجز
همست له دانه :-لاتعصب طيب
ابتسم وقال :-تامرين
ابتسم محمد وهو يشوف راكان مرتاح ومستقر في حياته مع انسانه ونعم التربيه بنت اصول بحق وحقيق ..
لكن محمد رجع اكتئب يوم تذكر كيف بيقدر يعلم راكان ان الي تعمد يصدمه هو عمه شقيق ابوه !
مهما كان والله قووويه
عند المواقف قال محمد :-اوصلكم
قال راكان :-يسلمو ابو حميد السواق هنا ماله داعي تتعب عمرك
محمد :-تعبك راحه
راكان :-تسلم
محمد :-الله يسلمك بالاذن
وراح محمد وراكان ودانه ركبوا سيارتهم ورجعوا البيت
×

×
><في بيت احمد><
طبعا احمد وعد سعاد ووفى وعزمها على العشاء البارح بالليل كانت السهره من اروع مايكون يمكن سعاد خففت من صدها له وراح الوقت كله وهم يسولوفون ويضحكون سوى
في قلبها تمنت لو ان الاوضاع غير وتمنت ان الظروف احسن ....كل يوم تكتشف فيه شي جديد شي يخليها تتحسف اكثر واكثر على الخطا الكبير الي ارتكبته بحقه...
انتهت السهره ورجعوا لبيتهم يمكن لاحظت ان احمد حاول يقنعها تجلس تسولف معه لكن جرحها الندي رجع ينزف ماراح تغفر لنفسها الي سوته فيه عشان كذا اعتذرت ودخلت غرفتها ..
رجع احمد من المسجد بعد ماصلى صلاة الظهر ولقى سعاد قدامه تبخر البيت وشعرها الاسود الطويل مو مربوط ...فز قلبه فزة مالها مثيل وجلس بصدره يرعد ويرعد
لمتى!!
لمتى بيظل محروم منها !!
اخخخخخخخخخخ ياقلبي اخخخخخخخخخخ
شعوره وحبه لها اكبر من كل الكلام واكبر من كل ماقيل وانقال
*
أنساك كلمه مهما لها أيّة وجود بمرجعي
والقلب لا منّه نوى غيرك حبيبي با منعه
تنتابني ذكراك ما بين الوعي والا وعي
ما كنّك الا بحر حلمي والمشاعر الأشرعة
من وين تطلع كنّك الا تقول يا شمس اطلعي
يتنفّس الفجر بنفس حسنك ويشرق مطلعه
مع إن فرعك لو رميت الشمس به عيت تعي
إن ا لدجا يسري لها من دون ما تتوقّعه
إن ا لدجا يكنز عبيره للنسيم ا لمطلعي
كلّه على شان النسيم ا لمطلعي يلعب معه
يمتد ليلي وأشعلك شمعة غلا بين اضلعي
ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي
بعض المشاعر تتعب المشتاق لكن ممتعه
موقعك من قلبي تدلّه بس حدّد موقعي
وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي
القلب لك والشوق في عروقي بكيفك وزّعه
القلب ملكك والفصول الأربعة من مطمعي
دام التقت في مبسمك كل الفصول الأربعة
*
حست سعاد باحد يراقبها ...التفتت لقت احمد واقف يتأملها استحت قالت وهي تبتسم :-اهلين
تخبل احمد :-هلا قلبي
ولععععععععععععععع وجهها "قلبي" هزئت نفسها من كثر ما تتمنى هالكلمه تخيلته يقولها لها
دمعت عيونها غصب ,,
نزلت المبخره على الطاوله ومشت بسررررررررررعه ومرته لكنه مسكها مع يدها التفتت يمه وطار شعرها الي كما الليل على وجهه وعلى كتفه
ملمسه ريحته نعومته ...اشياء زادت في عذاب احمد
قال يهمس :-وين
سعاد (منزله راسها ودموعها برموش عينها) :-------------------
قال بألم :-كل هذا لاني قلت لك قلبي
رفعت نظرها (اجل قالها حقيقه مو تتخيل )
مسك شعرها وبعده عنه
..قال :-لا حطيتوا الغدا نادوني انا بغرفتي
قالت بهمس :-احمد
التفت وقال :-لا تقولين شي سعاد اظن الوقت الي اقتنع فيه ان احساسنا مو متبادل جا فكري بالي يرضيك وانا حاضر
انعصر قلبها عصــــــــــــــــــر ...وسالت دموعها
ماقدر احمد يتحمل وراح لغرفته بسرعة البرق ...دخل الغرفه ورمى شماغه على السرير وضرب الطاوله برجله
"لمـــــــــــــــتى وانت متمسك بسراب خلاص خلاص البنت ماتبيك"
جلس ونفسيته التعبانه مأثره عليه ..ياليته ماتزوجها والله كان الالم على قلبه ونفسه اخف ..الحين مو قادر يعيش بدونها
يحبـــــــــــــــــــها وش يسوي الحب مايعرف حدود مايعرف ظروف ومايعرف شي اسمه كرامه!!
×
جلست سعاد بغرفتها تمسح دموعها ...
وكلامه يتردد في راسها "لا تقولين شي سعاد اظن الوقت الي اقتنع فيه ان احساسنا مو متبادل جا فكري بالي يرضيك وانا حاضر "
مالقت نفسها الا وتدق على الماس ..
الماس :-هلااااااااااااا وغلاااااااااااااااا
سعاد بكت على طول :-الماس
انهبلت الماس :-سعااااااااااااااد علامك
مسحت دموعها وقالت :-احمد يبينا نتطلق
الماس انصدمت صدمة حياتها :-هاااااااااااااااااااااه
سعاد :-وش اسوي يا الماس الحقيني
هدت الماس نفسه هي تعرف سعاد لا زعلت تخبص الدنيا
الماس :-سعاد قلبي وش صار علميني عشان اقدر اساعدك
علمتها سعاد بكل شي ...
الماس :-احمد فهمك غلط
من بين دموعها :-كيف
الماس :-هو يحسبك مايبيك تقولين له كذا
سعاد انصدمت :-لا مو صحيح
الماس :-هو وش دراه كل الي لقاه منك صدود بالله بيجي الحين ويقول ايه صح تبكي لاني قلت لها قلبي
سعاد :-مو معقول
الماس بدت تعصب :-سعادوه ..والله حاله ينرحم
سعاد رجعت تبكي :-وانا والله اني اتعذب يمكن اكثر منه
الماس ارتفع ضغطها :-انتم ثنيناتكم تبون سنع
سعاد :-ليه
الماس :-تحبون بعض وتكابرون سعاد انتي تحبينه
قالت بقوه :-الماس احبه اكثر من نفسي وانتي عارفه هالشي
الماس :-اثبتي له وللكل انك تحبينه
قالت بهمس ودموعها تتلاحق :-كيف
الماس :-السالفه ببساطه يا تعيشين معه العمر كله او تتركيه
انفجر قلبها
تتركــــــــــــــــــــــــــــــــــــه
الموت ارحم لها !!
سعاد :-مجنونه انتي اتركه مقدر اتركه
الماس وهي تبتسم :-اجل لا تخلين الصبح اليوم يطلع الا وانتي حاله كل خلافاتكم
ارتجفت سعاد من الخوف ومن انه يمكن يصدها وينتقم لنفسه منها
نفضت هالافكار عن راسها ..احمد يستاهل انها تجافز بكل شي على شانه ...
قالت بتردد :-الماس اخاف انه مايبيني
الماس :-سعاد حرام عليك حسي فيه ياشيخه هو قالك جا الوقت الي عرفت فيه ان احاسيسنا مو متبادله فكري بالي يرضيك وانا حاضر مو قلتيلي مره انه يقول طلاق ماراح اطلق لكنه اليوم تنازل عن غروره وعناده عشان يريحك وترتاحين
رجعت سعاد تبكي :-آآآآآآآآآآآآآآآآآآآه والله اني قليل عليه
الماس :-لا تقللين من قدرك وحلي مشاكلك عوضوا الوقت الي فاتكم
سكرت سعاد الجوال وهي تفكر في كلام الماس وتفكر في طريقه تحل بها مشاكل وماتخسر بها حب حياتها!!
طلعت من غرفتها ودقت على باب غرفة احمد ومارد عليها ، فتحت الباب ولقت غرفته فاضيه
تحطمت آمالها ...
نزلت تحت وقالت لها الشغاله ان احمد طلع عنده شغل مهم والعمل طالبينه
طلعت غرفتها ودموعها سكايب ...
حتى مو قادر يجلس في بيت واحد معها

%%%%%%%%%%%




(الجزء الثالث)
><في بيت راكان><
كان راكان نايم من يوم ما رجعوا الصبح..
نزلت دانه بعد ما مرت عليه وغطته زين وشيكت على حرارته (تحبه هههههه) لقت امهاتها تحت....
قالت الخاله مريم :-الوجــــــــــــــــه اليوم منور
ام راكان :-ههههههههههههههههههههه غربل الله ابليسك يامريم
دانه والابتسامه ماخفت عن وجهها من يوم مارجع :-برجعت الغالي ليش ما ينور
الخاله مريم :-ياعيننننننننننننننني ع الحب
دانه وهي تضمها :-يووووووووووووه يا خاله احبه قليله الا امووووووووووووووت فيه واخاف عليه من نسمة الهواء
ناظرت الخاله مريم ورى وشافت راكان نازل ويأشر لها تكمل وتسأل دانه ------------>>>>>يحبون هالحركات ههههههه
قالت لدانه :-بس
دانه بحب :-وش الي بس يمه هو حياتي كلها هو دنيتي
الخاله مريم والابتسامه من الى :-هههههههههههههههههههه لو يجيك تقولين له هالكلام
دانه (مسويه قويه واثقه) :-طبعا
الخاله مريم :-ههههههههههههههههههههههه قدها
دانه بغرور :-قدها وانا بنت فهد
الا وجوالها يدق...
دانه :-هلا
خالد :-هلا منول انا سواق العايله والظاهر اني مازالت للان
دانه :-ههههههههههههههههههههه فديتك انت احلى اخو بالعالم
خالد :-خفـــــــــــــي علي
دانه :-هههههههههههههههههه هذا الي اسويه
خالد :-ههههههههههههههههههههههه خبله المهم بروح العصر سوق الغنم اجيب لك الي طلبتيه
دانه :-الله لا يخليني منك على فكره حولت لك الفلوس
خالد عصب :-خبله انتي ماتسوى عيب
دانه :-عارفه خلودي بس انا ابيها من حلالي بليز
خالد اقتنع :-معك حق طيب اوامر شي
دانه :-لا الله لايخليني منك وش رايك تجي تتقهوى عندي العصر
خالد :-هههههههههههههههه اموت على المصالح تم
دانه :-انا مصلحجيه ههههههههههههههههههه بس مو مشكله كل شي منك مقبول
خالد :-ههههههههههههههههههه يالله سلام
دانه :-هلا
ام راكان :-يمه ناقصك فلوس
ابتسمت دانه :-لايمه الله لايخليني منك السالفه ومافيها اني حبيت اذبح ذبايح واوزعها على الفقارى بسلامة راكان وحمدآ لله وشكر له واتهاوش انا وخالد يبي يدفع وانا رافضه ابيها تكون من حلالي بعدين يمه ياحبيبة قلبي راكان مو مقصر عني بشي فديته
تأثر راكان وراح الالم الي يحس به ...فعلا دانه اسم على اسم ...
التفتت دانه ولقت راكان واقف يناظرها وقفت بسرعه وقالت بخوف :-ليش واقف اجلس تبي الغرز تنفك وتتعب
ابتسم وقال :-سمعت ناس يقولون فيني ملاحم شعريه ونسيت نفسي
ولعت دانه :-هههههههههههههههههههههههه يمه والله انك شريره
الخاله مريم :-ههههههههههههههههههههههههه والله مالي دخل رجلك الي قال لي اسحبك في الكلام
حطت يدها على ظهره وخدها على صدرها :-فديته يمه الله لايخليني منه
تذكرت دانه شي وبعد ماجلس راكان راحت وجابت له جوال ...ناظره
قالت له بضيق :-جوالك تكسر وارسلت السواق وجاب لك واحد جديد
راكان :-ههههههههههههههههههههههه n70
دانه :- هههههههههههههههههههه اعرفك تحبه
راكان :-ماعندي وقت اغير في الجوالات هو يتصل ويرسل خلاص ينفع وبعدين تعودت عليه
دانه :-هههههههههههههههههههههههه عشان كذا انا محترمه نفسي وشريته لك
قال بحب :-تسلمين قلبووووووووووووو
وغمز لها وهمس لها بكلام ... حمرررررررررت خدودها عليه
الخاله مريم تستهبل :-اقول ياولد اقضب ارضك امس بس كنت بين الحيا والموت والحين مدري شعندك تغمز
راكان :-هههههههههههههههههههههههههههههه يمه احترق وجه دانه
الخاله مريم :-ههههههههههههههههههههههه علم نفسك
راكان :-هههههههههههههههههههههههههههههه
ام راكان رحمت دانه الي احرجوها مره :-صدق انكم فاصخين الحيا استحووووووووووووو احرجتو البنت
دانه :-هههههههههههههههههههههه
راكان :-لا والله تو عجبتك السالفه
غمزت له وتخبل :-احط لك غداء
راكان (يستهبل) :-ايه وخليهم يرسلونه جناحنا
دانه :-هههههههههههههههههههههههه
الخاله مريم (بتقهره) :-ايه يمه ارسليله غداه للجناح وانتي اجلسي معي ابيك بسالفه
دانه (فهمت حركتها ) :-ههههههههههههههههههههههههه وانا بعد ابيك يمه بشي
راكان انقهر منهن :-احســـــــــــــــــــــــــــن بس خلي الشغاله الفلبينيه الحلوه تجيبه لي
طلعت عيون دانه قدام وعصبت عليه :-لا والله
الخاله مريم :-بتقوم حرب داحس والغبراء الهدنه ياقوم
الكل :-ههههههههههههههههههههههههههههههههههه
قالت دانه وهي تحقره ويده على ظهرها :-لا تلمسني
راكان :-شدعوه
دانه (مسويه زعلانه) :-لا والله بريء
عرف راكان انها زعلانه عليه ومابيده الا شي واحد يخليها ترضى عليه ..
مسك بطنه :-اييييييييييييييي
التفتت دانه وهي بتموت خوف :-بسم الله علي وش حاسس
راكان (مسوي تعبان) :-قلبي يعورني
(غبي ما انتبهت للتناقض ماسك بطنه ويقول قلبي يعورني هههههههه)
دانه حالتها حاله :-ياويل قلبي اكلم طبيب
راكان :-لا
دانه:-طيب شسوي
راكان :-طيب اسأليني ليش يعورني
دانه شوي وتنهار :-لييييييييييييه
راكان :-لان حبيبة قلبي زعلانه علي
دانه (ما استوعبت) :-هااااااااااه
الخاله مريم :-ههههههههههههههههههههههههههههه ياولد لايكون شايلين مخك بدل طحالك
راكان :-هههههههههههههههههه نفس كلام محمد تصدقين
الخاله :-هههههههههههههههههه عليك السلام اجل
عصبت دانه :-خفيف دم
عطاها راكان بوسه على الخد وقال :-ولاتزعلين
راحت فيها دانه وقالت :-هههههههههههههههههه خلاص رضيت
قال راكان يستهبل :-طيب تعالي بعطيك وحده تاكيدا على اول وحده
ام راكان :-هذولي والله المضيعين
الكل :-هههههههههههههههههههههههههههههههه
شوي الا وجوال راكان يدق...
راكان :-هلا
محمد :-اهلين ركون ازيك
راكان :-ههههههههههه هلا ببو حميد تمام
محمد :-الاهل بيزورونكم اليوم يسلمون على مدامتك ويتحمدون لك بالسلامه
تذكر راكان :-الله يحييهم تعال انت ليش رجعت من برى بدري
ضاق صدر محمد وقال بألم :-فات الفوت ياخوي
راكان :-وش قصدك
محمد وهو يحاول يتمالك نفسه :-للاسف المرض استفحل وقضى على الكبد
راكان حزن مره :-افاااااااااااااااااااا
محمد :-الله يلطف بها ياخوي انهد حيلها من الكيماوي
راكان :-الله كريم شف ياخوي الي يلزمك وانا حاضر
محمد :-عارف ياخوي ما يبيلها كلام
راكان :-مابعد شده الا فرج ان شاء الله كيفها الحين
محمد :-ساعات احسن وساعات منتكسه
راكان :-اذا الجيه تتعبها لا تجي حنا نجيكم
محمد :-انت عارف الوالده فالواجب محدن يناقشها
راكان :-هههههههههه الله يخليها لك
محمد :-امين
قال بتردد :-راكان
راكان :-هلا
محمد :-ياخوي مدري كيف اعلمك
راكان ارتبش :-خير
محمد :-الرجال الي صدمك عرفوه الشرطه وانا افضل ماتعرفه
راكان :-عارفه يامحمد
انصدم محمد :-من قالك
راكان :-شفته قبل لايصير الي صار
محمد :-وش ناوي عليه
قال بقسوه :-ناوي اخليه يتعفن بالسجن
محمد ياخذ كثير من طبايع راكان :-كفوووو هذا الراي الصح اصلا المفروض تسجنه من بعد ماحرق مخازن الشركه قبل كم شهر
راكان :-يحمد ربه انها كانت احتياط يعني فاضيه ولا كان رقبته ما تكفيني في خسايرها
محمد :-انت ريح الحين وخل الباقي علي
راكان :-تسلم ابو حميد ماتقصر
محمد :-يالله اشوفك العصر
راكان :-هلا
سكر الجوووووووووووووووووال وسرح في تفكيره
قالت امه :-عرفت من الي صدمك
راكان :-عمي بدر
هدوووووووووء عم المكان
قالت دانه بصدمه :-عمك
هز راكان راسه ....
انقهرت امه :-المفروووووووووض من زمان موريه شغل الله بس انت الله يهديك
قال راكان بواقعيه :-يمه شتبين الناس يقولون سجن عمه
امه :-وش ناوي عليه الحين
قال بقسوه :-لا الحين غير الحين بعذري الرجال متعمد يذبحني ومصيره السجن وراح يعفن فيه وانا راكان ..
التفت يمه دانه المقهوره وقال :-دندونتي ام محمد واخته بيزورونا اليوم بعد صلاة العصر
دانه وهي تحاول تبتسم :-حياهم الله
×
×
×
×
صحت نوف من النوم وغيرت ملابسها ونزلت للغداء لان عمها مرسل لها الشغاله تناديها
نزلت ولقت الكل جالس على الغداء والي قهرها ان الماس جالسه جنب سعود وهنادي بالطرف الثاني
وقف عمها وسلم عليها :-هلا وغلا بنوف شيخة البنات
قالت وهي تبتسم غصب وعيونها على سعود والماس :-هلا بك عمي
ابو سعود :-شخبارك يبه
نوف :-بخير
وجلست جنب ام سعود
شافت الماس تحط الغداء لسعود وانقهرت "ماله يدين ياخذ الي يبي"
قال عمها باسلوب غبي :-يبه الماس
الماس :-سم عمي
ابو سعود :-يبه نوف
نوف :-هلا
ابو سعود :-انتم الحين خوات وابيكم تتفاهمون مع بعض وتتاقلمون مع حياتكم الجديده بدون مشاكل
قالت الماس :-والله عمي انا عايشه لنفسي ولرضا رجلي علي ولا الغير ما يهموني
انقهرت نوف قال عمها :-افا يبه حنا ا نهمك
الماس :-محشوووووووم عمي انت عارف قصدي زين مال الدخيلين حقوق عندنا
بغت تشقق هنادي من الووووووووووناسه "كفو يا بنت عمي"
استانس سعود والله ولقيت ند يبه ...
وقفت نوف عن السفره
قال عمها :-وين يبه
نوف بغباء وانفعال :-ماللدخيلين حقوق ياعمي وش عاد ورى
سفهتها الماس وكملت غداها ..
قال عمها يسترضيها (يقال انها ام الحفيد المنتظر) :-يبه الماس ماتقصد
الماس :-لا اقصد عمي ولا تزعل مني
نوف :-شفت شفت وتبيني اجلس
الكل انهبلوا من تصرفاتها الطفوليه ...
ابو سعود (شوي ويترجاها) :-يبه لا تاخذين الامور بعصبيه
الا وسعود يقول بصوت ارهب الكل وخلى السكوت يعم المكان :-اجلسي يامره
انهبلت نوف والماس نفسها تقوم ترقص "من هالحال واردى"
نوف :--بس-----------------
عصب سعود ورمى ملعقته على الصحن بقوه :-اقولك اجلسي
جلست نوف بخضوع وخنوع ....
وناظره ابوه نظرات عتب بس ماقدر يهاوشه قدام العيله لانه يؤمن بان الرجال لازم يسنع زوجته ويخليها تحترمه ...
مر وقت الغداء بسلام وهدوء هنادي والماس ومنال متشققات من الفرحه ومن تهزئ سعود لنويف ..
اما نويف تاكل الاكل وتحس بطعمه طعم تراب ..في فمها
بعد الغداء راح ابو سعود وام سعود يقيلون قبل الصلاه والباقين جلسوا تحت يناظرون التلفزيون ..
راحت الماس المطبخ وسوت لسعود شاهي بالنعناع لانه يشربه بعد الاكل
قال لها :-يسلم لي هاليدين
الماس بدلع :-ويسلم لي القايل
وقفت نوف من التعصيبه وطلعت غرفتها ...
اما سعود ولا على باله ...
طلعت نوف غرفتها ودقت على امها قالت بتعصيبه :-يمه ماشفتيه شسوى فيني
امها وموب فاهمه شي :-حبه حبه فهميني
وشرحت لها كل شي ...
انقهررررررررررررررت امها موت وقالت تهاوشها :-خليك انتي بالنوم وهي تستفرد فيه
نوف :-صراحه عافته نفسي مايبيني يمه
انقهرت امها :-بعد هالسنين تقولين عافته نفسي
نوف :-مايبيني طيب
امها :-جيبي الولد يموت فترابك
نوف :-لاحووووووووووول اقول ما يبيني تقول جيبي الولد
امها بتموت من غباء بنتها :-اليله سوي الي علمتك عليه
نوف تستهزء :-هه لاشفت وجهه سويت الي قلتيلي اسويه
باعتها امها :-ان ماجاء علمي عمك
انهبلت نوف :-هاه
امها :-قوليله بخوف عمي انا اخاف انام بلحالي يفهمها ويجيبه لك غصب عليه
عجبتها السالفه :-ههههههههههههه فكره
امها :-يالله سكري لا يجيك ويلقاك تكلمين
نوف :-ايه ان جاء
امها :-نوف
نوف :-طيب طيب
وسكرت امها الخط الا وبدخله سعود والشر بعيونه اختبص قلبها ...
قال وهو يصفق الباب وراه :-الي الحركات البايخه الي سويتيها اليوم لا اشوفك عايدتها
وقفت في وجهه :-اي حركات
صرخ :- تستهبلين انتي
انخرررررش قلبها
قال وهو يمسكها بقوه مع يدها :-احترميني بعدين ولا يعلا صوتك بوجودي وعن حركات البزران الي تسوينها تراني ماحب الهبل
نوف :-وش تحب الماسوه هو اصلا انت تحب غيرها ياشيخ مانزلت عينك عنها طول الوقت تقول توك متزوجها
سعود :-قلتيها ماحب غيرها ولا راح احب حطيها حلقه باذنك وياليتك تكونين نصها في الادب والاخلاق والتعامل
وطلع من الغرفه قبل لا يقتلها لانها باطه كبده
قالت وهي ترتجف :-والله لتندمين يا الماسوه والله

×
بعد صلاة العصر ....
صلى راكان بالبيت لانه تعبان ومايقدر ينثني وهو يركع ...
جته دانه :-تقبل الله
راكان :-منا ومنكم
ابتسمت :-حبيبي اظن ان صديقك واهله وصلوا الشغاله بلغتني
راكان :-الله يحييهم
وجابت له ملابسه وساعدته في لبسها
قال وهو يمسكها مع يدينها :-مشكوره يالغاليه
ابتسمت :-على ايش
قال بحب بين في صوته :-على كل شي
(يقصد وقفتها معه ..دموعها على كف يده..ليلها الي ما نامته من خوفها عليه وكل شي سوته له بدون علمه)
قالت بدلع :-كم ركوني عندي
راكان :-هههههههههههههههههههه واحد كل الحلا فيه
دانه :-هههههههههههههههههههههههه
راكان :-دوم يارب
دانه :-تسلم قلبي
وبعدها نزلوا تحت ...راكان راح لقسم الرجال ودانه نزلت تسلم على ام محمد واخته ..
انصدمت دانه وهي تشوف امه الي كانت جلد على عظم وعلى كرسي متحرك حز بخاطرها ...
ام محمد :-هلا وغلا
دانه وهي تبتسم :-هلا خالتي
ام محمد :-والله يمه بغيت اجي ابارك لك بالزواج وماكتب الله وصارت مباركتنا مباركه وتهنئه بالسلامه
دانه :-اهم شي نورتوا بيتنا بجيتكم
التفتت دانه لاخت محمد وبهرها شكلها شعر اسود لحد الكتوف وملامح تدخل القلب بسرعه
ابتسمت دانه :-اهلين اكيد انتي ايمان
بين عليها انها كانت مرتبكه وخايفه نوعا ما ..لكن كل هذا تلاشى يوم رحبت فيها دانه
ايمان :-ايه وانت اكيد دانه
دانه :-ههههههههههه ايه
ايمان :-شخبارك
دانه :-والله الحمد لله بخير انتي شخبارك
ايمان :-بخير
ومرت نص ساعه بسرعه حبت دانه فيها اخت محمد مره وامه الي بين ان صحتها مره متدهوره ...
قالت ايمان وهي توقف :-دانه بعد اذنك وين المطبخ
دانه :-هناك بغيتي شي
ايمان :-دوى امي حاطته بترمس خاص بالثلاجه اول ماوصلنا
دانه :-اخلي الشغالات يجيبنه لك
ايمان وهي تبتسم برقه :-لا زم اسويه قبل
دانه :-اوكي قلبي
وعلمتها مكانه ....
><
قال خالد الي واصل له ربع ساعه :-اقول يالنسيب ماعندكم مويه
راكان :-هههههههههههههههههههه الا عندنا
خالد :-طيب بموت عطش لازم الواحد يطر ماتفهم التلميحات
راكان ومحمد :-هههههههههههههههههههههه
رفع راكان سماعه البيت الداخليه ولقاها متعطله
قال يتافف :-اووووووووووف لازم اقوم اناديهم
خالد :-المطبخ له باب خارجي
راكان :-ايه
خالد :-محلوله بروح وانفع نفسي بنفسي
راكان :-هههههههههههههههه مسوي خير بس انتبه ترى فيه ناس داخل لا تروح تتهبد
خالد :-خبل انا
راكان :-محشوم ياخو الغاليه
خالد :-تعبت ننفسك هههههههههههه
راكان :-ههههههههههههههههههه وانا صادق
محمد :-هيه نحنا هونا
راكان :-دارين انك هونا
تركهم خالد يتناقرون وراح لباب المطبخ الي يطل على الحديقه ...
فتح الباب الا ويتسمر مكانه ...
الي يشوفها جن والا انس والا جمال تجلى في احلى وصوفه
تبارك الخلاق ...تقطر نعووووووووووووووووووووووومه ...
انتبه على نفسه ورجع بسرعه لاتشوفه ...
طلع للحديقه وقلبه طبول في صدره ..
اكيد هذي اخت محمد ماغيرها ....

(الفصــــــ الخامس عشرـــــــــــــل)
(الجزء الاول)

><في بيت راكان><
قال محمد لراكان وهو يشوفه تعبان بس يحاول يكون قوي :-راكان
التفت له راكان :-سم
محمد :-سم الله عدوك راكان ليش تكابر
ناظره راكان بقوه :-مافهمت قصدك
محمد :-انا مو غشيم عنك حنا عشرة عمر ليش طلعت من المستشفى وانت تعبان ياخي ما كملت 24 ساعه على بعض
مسك راكان مكان الجرح الي على صغره الا انه ينغزه بالم
قال بجديه :-فيه امور اهم من جلستي في المستشفى
عصب محمد :-مافيه شي بالدنيا اهم من صحتك
راكان (بانت نفسيته صح) :- صحتي وحياتي مثل ماشفت معرضه للخطر ويمكن تضيع في اي لحظه
جاء بيقاطعه محمد وش هالافوال ..لكنه رفع يده يسكته
راكان :-اسمعني للاخير
محمد بغصيبه :-تفضل
راكان قال وهو يعدل جلسته :-شف يا محمد توقعت من عماني اللا متوقع لكني ماتوقعت توصل بهم المواصيل انهم يفكرون يذبحوني (قال وهو مو مصدق) يذبحوني محمد انت متخيل هالشي
محمد :-----------------
راكان :-كيف تبيني اجلس مرتاح وفي نقاهه وهم يهددون بيتي مستقبلي حياتي والاهم اهلي الي مالهم غيري
محمد :-معك حق بس صحتك
قاطعه :-انا رجال قوي واقدر اتحمل والطب تطور والعمليات الي زي كذا بسيطه جدا كانها انفلونزا ولا حمى مو شي يعني وبعدين كلها ثلاث غرز
محمد حس بانه في راسه موال :-راكان وش في راسك
راكان :-شي مفروض اسويه من زمان ولا سويته
محمد (عاقد حواجبه) :-وشهو
راكان (يفكر وعقله بمكان بعيد) :-بعدين اعلمك خلنا الحين في عماني
محمد :-ماله داعي تقابلهم خل الموضوع علي
راكان معند :-لا لا خلاص وقت التقدير وصون القرابه راح الحرب بيننا صارت علنيه يامحمد وهم البادين والله لاخليهم يندمون على اليوم الي انولدوا فيه انا مانسيت سواياهم هالعشر سنوات انا مانسيت دموع امي المفجوعه ببوي مانسيت يوم ما احترموا الشرع وفترة حداد امي واستحلوا البيت بغيابي وابوي ماله كم ساعه متوفي ..لا لا مانسيت ووقت دفع الديون وصل
عرف محمد ان صبر راكان وصل حده ...
الله يعينهم على الفتره الجايه ....
محمد :-طيب وش الخطوه الاولى
راكان :-انا موصي ناس يهتمون بعمي بدر في السجن ويورونه قدره ..باخذ فترة راحه لين اخف من العمليه عشان اواجههم بكل قوتي
محمد :-هذا الكلام المضبوط اهم شي ترتاح
ناظره راكان بحزن :-ويني ووين الراحه وعمي حمد موجود ...
(ليش ذكر عمه حمد
لانــــــــــــــــــــه راس البلا عمه بدر متهور ومدمن مرفوع عنه القلم وعمه محمد ممكن يكون اطيبهم او بالتحديد في حاله لايهش ولاينش ، الان افتك من عمه بدر وبقي الراس الكبير ان عرف دواه بيرتاح طول عمره)
محمد :-يهونها الله ياخوي تعودنا
هز راكان راسه كان وجهه مصفر وشكله من جد تعبان قال محمد :-راكان قم ريح لاتجلس كذا انت مسوي عمليه
راكان :-على قولتك
وقف ووقف معه محمد ...
قال راكان :-محمد بكلم المحامي اليوم مره وجب الاوراق من عنده
محمد مستغرب :-محامي
راكان :-ايه
محمد :-ليه
راكان :-كل شي بوقته
احترم محمد سكوته هو يعرف راكان مايحب يتكلم في شي الا لما يكون واقع وممكن تنفيذه...
محمد :-متى تبيني امره
راكان :-بكره
محمد :-تــــــــــــم
دق محمد على امه وعلى اخته علشان يطلعن ...
الا وبدخلة خالد :-يالله اترخص
راكان :-وين بدري
خالد :-بدري من عمرك وراي كم شغله
وطلع خالد ...
ركب سيارته وجلس يفكر بضيق
"علامي شصار فيني ليه اختبصت يوم شفتها وليه قلبي يدق بقوه "
ضرب الدرقسون بيده وكمل طريقه والافكار تاخذه يمين ويسار!!
×
طلع راكان غرفته وهو يجر رجلينه جر حاس ان ماعاد فيه طاقه وتعبان..
يستاهل الي جاه ..
بعناده يغامر بصحته ، بس لازم لازم يرتب اموره ويظمن مستقبل زوجته وامهاته
نام على السرير واخذ جواله ودق على المحامي
راكان :-السلام عليكم
المحامي :-هلا بالشيخ راكان خطاك السو
راكان :-مايجيك اسمع حمدان لو سمحت ابي منك تجهز لي اوراق بقولك عنها الحين
حمدان المحامي :-متى تبيها
راكان (بسلطته) :-بكره
حمدان المحامي :-اعتبرها عندك
راكان :-ماتقصر ابيك تجهز لي عقود بيع بكل املاكي
انصدم حمدان :-هاه
راكان :-الي سمعته
حمدان اختبص :-تامر وغيره
راكان :-ابي تفتح حسابين في البنك واحد باسم امي والثاني باسم مريم بنت علي اوراقهن الثبوتيه برسلها لك
حمدان :-حسابين ياطويل العمر هذي امور مالي دخل فيها
ارتفع ضغط راكان :-عارف بس بيكون لك دخل اذا كانوا حسابين لمدى الحياه بوجودي وبغيابي هالحسابين بيتمون موجودين
استوعب المحامي :-السموحه غيره
راكان :-الحسابين هذولا بحط فيهم مبالغ بنفسي المطلوب منك تجهز اوراق تضمن نزول مبالغ معينه شهريا ولاتنقص قرش وهالمبالغ من شغلي طبعا
حمدان وهو مندمج يكتب على ورق ملاحظات لان راكان من اهم زباينه وبينهم ثقه من زمان رغم ان علاقتهم ماتتعدى اطار العمل الا ان حمدان يكن له كل الاحترام والتقدير
حمدان :-غيره
راكان :-فيه املاك محدده ابي ابيعها مو متذكرها لكني برسلها لك ايميل المهم المعلومات كلها بتوصلك
حمدان :-ببدء شغلي فيها الحين بقي شي
تنفس راكان ...وقال :-لا مشكور
وسكر الخط..
رمى الجوال جنبه وعيونه بالسقف ..يفكر ويفكر ويفكر الحادث الي صار له هزه من الاعماق هزة مالها مثيل..!!
شاف بعيونه حقد عمانه ... وجبروتهم
شاف بعيونه وش بيسوون لو اخذه الموت ...
ماله الا ينفذ الشي الي يخطط له والي مقتنع فيه ...
دخلت دانه الغرفه ولاول مره تشوف راكان مهموم سرحان والاهم متالم!!
صحيح انه ممكن يكون الم جسدي بسبب الرضوض والعمليه ...لكن دانه حست بانه يتعدى الم الجسد
مشت بشويش حتى ماتزعجه..
جلست جنبه وقالت بحنيه :-قلبي شفيك مهموم
حاول يبتسم :-لا ابد
دانه تحس بقلبها يتقطع لانه بس متضايق من يلومه وعمانه يبون موته :-مضايقك الي سواه عمك
جمد وجهه :-الي سواه مايسويه كافر
قالت من قلب :-حسبي الله عليه
وناظرت حالت راكان قالت بخوف :-راكان اخذت الدوا
هز راسه
راحت وجابته له :-انا مو مستغنيه عنك خذ دواك
ابتسم :-يسلم لي قلبك
ابتسمت وعطته دواه ..
قال راكان بنبره غريبه :-دانه
قالت برقه :-عيونها
ابتسم :-تسلم العيون وراعيتها
دانه :-امرني
راكان :-لو انا في ضيقه ماليه وش بتسوين
وقفت دانه وراحت لدرجها وراكان يناظرها طلعت صندوق ذهبها واخذت بطاقات اعتمادها كلها
جابتها وحطتها عنده ...
راكان يناظرها مو فاهم
قالت له :-انا وانت واحد هذا كل الي املكه خذه
انهبل راكان معقوله فيه بنت تتخلى عن حلالها
وكانها عرفت تفكيره :-حبيبي الذهب بداله ذهب الفلوس بدالها فلوس كل شي يتعوض لكن ركوني ماله بديل
خلاص بيكمل طريقــــــــــــــــــــه وبيسوي الشي الي نواه ماعاد فيها تفكير
ابتسم وقال :-تدرين ان الكون بكفه وانتي بكفه
دمعت عيونها وجلست تبكي
انهبل راكان وقال وهو مازال يحس بنغزات العمليه :-ليش الدموع
قالت وهي تمسحها بيد ترتجف :-راكان بغيت اموت راكان مالي من عقبك حياه
حاول يهديها بس مافيه امل نفسيتها التعبانه تفجرت...والي فجرها نظرة الالم الي لاول مره تشوفها في وجهه من يوم تزوجوا
احتار راكان معها والي حيره اكثر صدمته بحالتها بسبب الحادث الي لولا ستر الله ولاكانوا مصلين عليه الفجر
وصل راكان حده مو قادر يتحمل دموعها :-دانه طلبتك خلاص والله ان دموعك تألمني اكثر من الحادث الي مريت فيه
ناظرته من بين ضباب دموعها :-راكان انت حياتي
ابتسم وقال :-وانتي بعد الحمد لله ربي ستر وهذاني عندك مابي الا العافيه
دانه حست ان نفسها تبكي ليه ماتدري :-ممكن يعيدون الكره مره واثنين وثلاث (تتكلم وهي تحرك يدينها ودموعها على وجهها)
عدل جلسته ومسك يدينها وقال بهمس :-هدي عمرك عشاني وعماني دبرتهم عندي
ماقدرت دانه توقف دموعها ، لكن مايصعب شي على راكان ^_^
*
*

*
&&&&&&&&
><في بيت احمد><
دقت الماس على سعاد :-الو بشريني
قالت سعاد باكتئاب :-وش ابشرك به طلع وللان مارجع
الماس تحطمت :-متى طلع
سعاد :-شفتي يوم سكرت منك ورحت لغرفته لقيته طالع يقول مستدعينه بالعمل
الماس :-يمكن جد مستدعينه
سعاد :-ماظنيته الا يبي الفكه من خشتي
الماس :-ههههههههههههههههههههه
سعاد معصبه :-رايقه انتي ووجهك
الماس :-انا ادري عنك اقول مرده بيرجع اهم شي لاتتراجعين عن الي بتسوينه
قالت بتردد :-والله مدري بس -----------
قاطعتها :-سعاددددددد
سعاد :-طيب طيب بس والله خايفه واذا صدني
الماس:-انتي وش بتخسرين
سعاد :-ولاشي
الماس :-اوكي جاوبتي بنفسك
حست سعاد انها ثقلت على الماس وحتى ماسالتها عن حالها :-اقول شخبار اخوي ونويفوه
مجرد ربط اسم نويف بسعود يقهرها
قالت تتشمت :-هههههههههههههههههههههه مسفه بابوها الي جابها
سعاد :-ههههههههههههههههههههه احلفي
الماس :-ههههههههههههه والله اليوم الصبح يوم جوا البيت
انهبلت سعاد :-نويف بالبيت عندكم
الماس :-هههههههههههههههه ايه اصرف لها من القعده بلحالها
سعاد موب فاهمه ولا شي :-وسعود وينه
الماس :-سعود هنا عندي ...
سعاد (تصارخ وتضحك):-اخسسسسسسسسسسسس يا حركات بالله عطيني الخلطه السريه الي مخليته يموت فيك
الماس :-هههههههههههههههههههه الله لايخليني منه فيه ناس يحبون بعض بس والله ودك تمسكينهم بالزبيريه وتعطينهم جولتين
سعاد :-هههههههههههههههههههههههه تستهبلين زبيريه مره وحده
الماس :-بصراحه انتم ثنيناتكم تجيبون الضغط
سعاد :-شكرا قلبوووووووووووو
الماس :-امدحك انا هههههههههههههههههه
سعاد :-هههههههههههههههههه لا
الماس حست بصوت سعاد يرتجف :-سعاد بليز خليك قويه يقولون من تغلا تخلا
سعاد (ميته خوف) :-الله يعين يابنت عمي
الماس :-روحي خذيلك شاور حار ونعنشي حتى تروقين اعصابك
ولعت سعاد :-تلمحين لشي
الماس (تبي تحرجها) :-ههههههههههههههههههه انتي وفهمك عاد
سعاد من الاحراج :0يالله ضفي وجهك الظاهر انك شاربه شي
الماس :-ههههههههههههههههههه طيب اكلتيني سلا11111م
سعاد :-سلا11111111م
سكرت الجوال فخاطرها ان بنت عمها انهبلت ..الظاهر زواج رجلها لاعب في مخها
طبعا سعاد ماذاقت الغداء ولا جالها نفس تاكل لانه طالع زعلان ومكسور الخاطر..جلست في الصاله ماله كل دقيقه تناظر الساعه وهو مافيه خبر عنه حتى ماكلف نفسه يعلمها انه بيطلع يوم تكرم علم الشغاله انه بيطلع ..
*
><6 المغرب -في الطريق للبيت><
كان احمد توه مخلص اشغاله او نقدر نقول انه ماسك الاستلام عن واحد من زملائه كل هذا بس عشان يطلع من البيت ومن المكان الي هي فيه لايفقد تحكمه في نفسه ويروح يترجاها تحبه وتعطيه فرصه انه يسعدها (ماذكرنا وظيفة احمد من قبل والي هي انه يشتغل في فرقة الدفاع المدني وهي فرقه من جنود الوطن تكافح الحرايق الله يعطيهم العافيه والي في حالة تأهب دايم لاي طارئ ممكن يكون احمد اشتغل فتره مع الشياب لكنه ماقدر يستغني عن فرقة الدفاع المدني لان حب الوطن بدمه من يوم ماكان عمره 22 سنه يعني من 9 سنوات عشان كذا ماتخلى عن عمله لكنه يساعد الشياب بين حين وحين واحسن شي ان الخميس والجمعه عطله عنده لان رتبته كبيره ومايشارك بعمليات الانقاذ الا عند اللزوم والزنقات)
دق جوال احمد :-هلا
ناصر مختبص :-احمد البشاره
احمد تخبل :-شوي شوي علامك منرج
ناصر :-لا منرج ولاشي طلال رجع له نظره
احمد بغى يسوي حادث من صدمته ...:-احلف
ناصر من قلب :-والله العظيم ما اكذب عليك
احمد جلس يضحك مو مصدق الي يسمعه قال بهبال :-ناصر من جدك
ناصر :-قسم بالله انا اكلمك من مقر العمل بنسافر المناطق الشماليه الحين بس رنا كلمتني وعلمتني قبل لا اسافر
احمد :-يارب لك الحمد والشكر والله صدمه من يصدق
ناصر :-رحمة ربك واسعه
احمد :-ونعم بالله بس كيف (مو مستوعب للان)
ناصر مو مستوعب اكثر منه :- علمي علمك الي فهمته انه اغمى عليه ويوم صحى رجع نظره له
احمد :-الصداع الي كان يخمه بين فتره وفتره كان مخوفني
ناصر :-حتى انا
احمد :-طيب هو وينه
ناصر :-هو منوم بالمستشفى الحين
انصدم احمد :-منوم
ناصر :-اغمى عليه مره ثانيه قدام بيت ابوي واخذه السواق وابوي للمستشفى
احمد :-وبعدين
ناصر :-كلمت ابوي يقول ان الطبيب يقول هذا شي طبيعي وبيطلعونه بعد الاشاعات والتحاليل
احمد :-الاغماء شي طبيعي
ناصر :-تخيل يا احمد في ثواني يرجع له نظره اتوقع هذا اقل شي ممكن يصير
احمد كنه اقتنع :-ممكن طيب تدري باي مستشفى هو
ناصر :-ايه
وعلمه بالمستشفى وبرقم غرفته
احمد :-اوكي انت متى بتسافر
ناصر :-بعد ساعه من الحين لازم على الفجر نكون بالمعسكر بتبوك
احمد :-توصل بالسلامه
ناصر :-يسلمك الله توصي بشي
احمد :-اوصيك بالصلاه ونفسك
ناصر :-مايحتاج توصي مع السلامه
احمد :-الله يحفظك
سكر احمد من ناصر وحول طريقه للمستشفى عشان يشوف اخوه ...وصل احمد على الساعه سبع ومن حظه انه موعد زيارات دخل وتوجه لغرفة اخوه
دخل لقى اصدقاه مجتمعين حوله وابوه موجود وولد عمه سلطان ...
احمد :-السلام عليكم
الكل :-وعليكم السلام
حب على راس ابوه ثم راح لطلال
احمد وهو مستانس :-والله انك راعي مفاجأت ياطلول
طلال ملامح التعب باينه على وجهه ونور الغرفه مخفض مره ...
طلال :-هذي حلاتي
احمد سلم عليه :-الحمد لله على سلامتك
طلال :-الله يسلمك
ناظر احمد في النور :-علام النور كذا
ابوه :-اخوك عنده صداع وبما ان نظره تو راجع له فالنور القوي ياذيه لان عيونه ماتعودت على النور لها اكثر من شهر
احمد :-الحمد لله الف مره
طلال :-اي والله معك حق الحمد لله
احمد بحنية الاخ :-علمني وش حاس به
طلال :-والله ياخوي احساس غريب اول مارجع لي نظري حسيت وكاني ما انعميت في يوم لكن بعد مارجعت للبيت قام راسي يدور وعيوني تعورني وبعدين ماعاد دريت عن الدنيا ويوم فتحت لقيتني هنا بالمستشفى
احمد وهو يحط يده على يده :-كفاره ان شاء الله
طلال :-ان شاء الله
انتهى وقت الزياره ...وطلعوا كلهم عشان طلال يرتاح ..
احمد :-يبه معك سياره ولا اوصلك
ابوه :-لا سيارتي معي تعشا عندنا
احمد :-تتعشى عندكم العافيه مره ثانيه
ابوه :-شخبار زوجتك
حس احمد بغصه في حلقه :-بخير عساك بخير
ابوه :- مافيه شي بالطريق
مافهم احمد قصده لثواني ، تغير لون وجهه وارتبك
عصب احمد من لقافة ابوه لكنه مسك نفسه :-تونا بدري
ابوه :-كيف توكم
احمد ضاق صدره :-يبه ماكملنا شهر مع بعض
------->>كانوا بمواقف السيارات ولقى احمد فرصه ينحاش من اسئلة ابوه المحرجه
احمد :-يالله تمسى على خير
والتفت حتى ماسمع رد ابوه ....
ركـــــــــــــــب سيارته وبالطريق كلام ابوه يتردد في راسه
"مافيه شي بالطريق "
جلس يكلم نفسه بألم "اي عيال يبه وهي كلمة قلبي كارهتها مني ..."
ضرب بيده الحره على مسند يده الي بالسياره وهو بيفرقع من القهر ...والاحباط
توه يدري انه يحبها هالكثر وتوه يدري ان فراقها بيالمه الم ماقد حس به !
يمكن تصير معجزه وتقرر تبقى على ذمته لكنه نهر نفسه وهزئها "لاتبني اوهام ياولد نايف لاتبني احلامك من رمال سعاد ماتطيقك بعذرها الصراحه جالس ليلة ملكتها تكلم تهاني بحب وعاطفه ماحسبت حساب ان ممكن احد يسمعك ويفهم غلط ما حسبت حساب مشاعرها لكن لا لانك تحب اختك الصغيره وتنسى الكون لاسمعت صوتها خسرت اهم شي بحياتك خسرت
سعاد!
خنقته الغصه وهو الي ما قد هزه شي بحياته ولاذرف له دمعه باستثناء اليوم الي ماتت فيه جدته الي ربته وربت اخوانه طلال وناصر واخته رنا كانت لهم ام اكثر منها جده ربتهم على علوم الرجال وغرست المرجله والنخوه بقلوبهم علمتهم الصح من الخطأ ومابخلت عليهم بشي واليوم غدوا بين الرياجيل رجال لهم سمعتهم ولهم هيبتهم ويحسب لهم الف حساب
"اااااااااااخ ياليتني اموت "
تدارك نفسه واستغفر ربه .. (ولاتقنطوا من رحمة الله )
يحلها الله بمعرفته وحكمته !
****
**
*
><في بيت ابو سعود><
كانت هنادي جالســـــــه بالحديقه سرحانه والجو رايق ورومنسي ...
جلست تفكر في الرجال الي صدمته ذاك اليوم في المستشفى والله ان قلبها من ذاك اليوم للحين يرقع
"بووووووووووووووووووووووووووو"
فزت هنادي من الخرعه ...
منال :-ههههههههههههههههههههههههههههههههه
عصبت هنادي :-ضحكتي من سرك بلا
منال :-الي ماخز عئلك يتهنا به
هنادي تقلد صوتها باستهزاء :-الي ماخز عئلـ------- قومي طسي
منال :-ههههههههههههههههههه
هنادي :-بغت تجيني سكته قلبيه حسبي الله على ابليسك من اخت
منال :-شدعوه كليتني
هنادي برومنسيه :-قطعتي علي تخيلاتي
منال (متحمسه) :-تخيلات في مين
هنادي تربعت بتعلمها لانها بتموت ان ماعلمت احد ولان دانه مشغوله هاليومين بزوجها ومرتبشه بعد الحادث الي جاه
هنادي :-بعلمك بس لاتعلمين احد
قربت منال منها الكرسي وجلست وهي بتفطس حماس :-تعرفيني هنود
وفعلا السر عند منال يموت وهذي صفه من صفاتها الحلوه مثل الهدوء الجرأه والحيا يعني مجموعه اضداد
هنادي وهي تقلب عيونها :-آآآآآآآآآآآه يامنال شفتلك واحد بالمستشفى يجننننننننننننننننننن
حقرتها منال :-على بالي عندك سالفه
هنادي متحمسه :-لا لا مو دكتور ولا ممرض (مو متعوده تقزقز (تناظر) في الموظفين ههههههههههههههه )
منال :-ههههههههههههههههههههه والله انك خبله اجل وش يشتغل لا تقولين من الامن اذبحك
هنادي :-لا لا الامن مايلبسون ثياب وشمغ عاديه
منال :-ههههههههههههههههههههه من جدك ناظرتيه حسبتك تمزحين
هنادي :-ممكن تنطمين شوي
حطت يدها على فمها :-يالله تكلمي
هنادي :-هههههههههههههههههههه الحمد لله مهبوله انتي
منال :-انا ادري عنك تحكين ، ولا اروح ادور نويف واحرق دمها
هنادي :-هههههههههههههههههههه لا لا خلي نويف نروح لها نحرق دمها سوى
منال :-ههههههههههههههههههههههههه
هنادي :-شوفي يا اوختي الفاضله يوم رحت ازور دندونه راح سلطان للاستقبال يسال عن غرفة نسيبنا وغرفه دانه كانت قدامنا ما بيينا وبينها الا كم غرفه المهم وانا ماشيه صدمت لي برجال بدون ما انتبه
انهبلت منال :-يافشييييييييييييييييييييييلتي
هنادي :-لا اصبري لا تولولين الحين
منال وفمها مفتوح من الصدمه :- باقي شي
هنادي (وجهها احمر) :-هههههههههههه شيات مو شي
منال (من الحماس شوي وتطيح بحضن هنادي) :-وش هببتي اطربيني
هنادي (تستهبل):-اطربك وش شايفتني عبد الحليم حافظ
منال :-عبدالحليم ولا سامي الجابر اخلصي كملي
هنادي :-ههههههههه الله يخلف علامك تقطين خيط وخيط
منال عصبت :-هنود
هنادي :- طيب بكمل المهم تعرفين اختك مقروده لابعد حد
منال :-طبعا شي مايبيله كلام
هنادي :-ههههههههههه لا والله وتسب بعد
منال عصبت
هنادي (بدفاشه):-اسوارة ساعتي نشبت بازارير ثوبه
من الصدمه طاحت منال من فوق الكرسي :-هااااااااااااااااااااااه
هنادي شب وجهها ضو :-هههههههههههههههههههههههه والله
منال عدلت جلستها :-لا يالفضيحه
هنادي :-وانا شذنبي
منال (قب وجهها ) :-وش سويتي
هنادي :-هههههههههههههههههه تخيلي الموقف تمنيت والله من كل قلبي لو اكون نمله ولا شي ما ينشاف يدي على صدر الرجال واجرها ومافيه امل تنفك لا وامك وبنت عمك مدرعمات يمشن وما درن عني
منال جتها هستيريا ضحك :-هههههههههههههههههههههههههههههه
هنادي :-المهم واسحب يدي ومافيه امل شكل يدي معجبها الوضع على صدره
منال :-ههههههههههههههههههههههههههههههه
كملت :-اخرتها وبعد المعاناه قال لي اسمحيلي ومدري كيف الا وهو فاكها
منال :-هههههههههههههههههههههههههههههههه
كملت :-طاحت الاسواره من هنا وحطيت رجلي من هنا
منال :-ههههههههههههههههههههههههههه قسم بالله فلم هندي
هنادي :-ياويل قلبي لو انك شايفته يامنول
تحمست منال :-مزيون
هنادي :-مزيون قليله عليه يجنننننننننننننننن عيونه خبال وبعدين الزين مو كل شي
منال :-الله يخليه لاهله كم تعطينه
هنادي :-امممممممممممممم مدري اظنه بالثلاثينات
منال :-كبير
هنادي :-الحين ثلاثيني كبير
منال :-مايعجبوني
هنادي :-قومي فارقي ماعندك سالفه اجل احب لي بزر توه ببداية العشرين
منال :-خالد ولد عمي مو بزر
ناظرتها هنادي مستغربه :-شجاب سيرة خالد
منال هزت كتوفها :-والله ما تظمنين الشياب اخاف انهم راسمين عليك يبونك له
عصبت هنادي :-مو بكيفهم
منال :-نووّ على سعود وتاليتها سووّ الي بروسهم
هنادي (بخوف):-منال لاتحطميني
منال بعقلانيه :-من جدك هنادي الحين هذا غريب وماتعرفين عنه شي يمكن يكون متزوج، الف يمكن تدرين
قالت بكآبه :-عارفه بس والله من جد قلبي ارتبش يوم طاحت عيني بعينه شعور غريب
منال (بلهجه فيها تنهيده ) :-عارفه وتحسين وكأن في بطنك قالب ثلج وراسك يدوخ
ناظرتها هنادي :-منوووووووووووووووووووووووووول
منال حمر وجهها :-هههههههههههههههههههههههههه كشفتيني
هنادي :-منال وش وراك
منال :-بعلمك بس يكون الكلام بيننا
هنادي :-طبعا
منال :-ياوووووووويلي ياهنوده طحت ولا احد سمى علي
هنادي :-ياكافي
منال :-شفتي يوم نزلتوني ببيت اخوي فهد
هنادي :-ايه
كملت:- المهم راحت رنو تشوف العشاء ودق الباب انا حسبته فهد معه اغراض ومايقدر يفتح الباب ورحت بفتحه
هنادي :-هبلا انتي
منال :-يابنتي الساعه كانت قرابة 12 من بيجيهم هالحزه
هنادي :-اشوا
منال :-المهم فتحت الباب لينه طلال ولد عمي نايف وشكله ماعرف صوتي قال هذا بيت فهد وشكله ارتبك عاد انا قلت ايه قال من انتي --------------
قاطعتها :-ههههههههههههه طولتي لسانك افكورس
منال :-هههههههههههههههههه ايه قلت الحين طاق باب بيتنا وتحقق نعم خير
هنادي :-هههههههههههههههههههههههههههه بالله
منال :-ههههههههههههههههههههههههههههه والله
تحمست :-وبعدين
منال :-ابد راح يحارشني يبيني اتهاوش معه احرق دمي
عصبت هنادي :-سولفتي معه
منال عصبت بدورها :-هنود ترانا بنات حمايل من متى نسولف مع اجناب حتى لو هم عيال عمنا
هنادي :-مدري عنك هذا الي فهمته من كلامك
منال :-هو انتي خليتني اكمل المهم هو سال رنا (وقالت تقلد صوته الخشن) انتم مستقدمين سيلانيه
هنادي :-ههههههههههههههههههههههههههههههههههههه سيلانيه
منال معصبه :-لا والله ولاتقولين يمكن مايقصدني لانه يقصدني
هنادي :-كيف يقصدك وهو تقريبا مايعرف الا ان له بنت عم اسمها منال
منال :-لان رنا نادتني باسمي وسمعه هو ثم سالتني من الي عند الباب وانا قلت واحد يستخف دمه
هنادي :-ههههههههههههههههههههههههههه بعذره يوم هزئك
منال :-من زينه وحلاته
تحمست هنادي :-كملي قصتك احلى من قصتي
منال :-هههههههههههههههههههه المهم قالت له رنو لاتسب حماتي تدرين شقال
هنادي :-هههههههههههههههههههههههههه لا
منال :-قال (تقلده بنبره تضحك) لو حماتي ولعت فيها بقاز
هنادي :-ههههههههههههههههههههههههههههههههههههههههههههه هههه
منال :-هههههههههههههههههههههههههه قاز يحرق عدوينه لو مو ولد عمي كان دعيت عليه
هنادي :-ههههههههههههههههههههههه شي الصراحه
قالت هنادي تغمز (تبي تقهرها) :-امممممممم يعني ما حبيتيه ولاشي
عصبت منال :-مابقي الا هي يالله بس
قالت هنادي :-طيب مسكين لويتعب ماراح ترحمينه
منال (بغرور) :-من زينه
هنادي (فيها ضحكه) :-حتى لودريتي انه بالمستشفى متنوم
اختبصت منال وبان على وجهها
هنادي :-ههههههههههههههههههههههه كنت عارفه
منال بخوف :-تستهبلين هنود
هنادي وهي توقف :-لا ما استهبل اغمي عليه البارح وودوه المستشفى وتنوم
دمعت عيونها :-احلفي
هنادي وهي تعقد حواجبها :- منول لايكون حبيتيه
عصبت منال وقالت :-يالله ولد عمي حرام لو اخاف عليه
هنادي :-لا مو حرام
منال (بتغير السالفه) :-يالله خلينا ندخل لا تستفرد العقربه بالماس
وقفت هنادي ومشت مع منال للبيت
هنادي :-الا وينها ما بينت من عقب الغداء اليوم
منال (وهي تهز كتوفها) :-منطقه بغرفتها مالت عليها
هنادي بشماته :-هههههههههههههههههههه شفتي كيف غسل سعود شراعها اليوم على الغداء
منال:-هههههههههههههههههههههههههه لولا خوفي من ابوي يلفعني بصحنه والا كان قمت ورقصت من الوناسه
هنادي :-ههههههههههههههههههههههههه شعور متبادل
منال :-من جد وش هالطبع والله حتى الهبلا ماتسوي الي سوته اليوم على الغداء
هنادي :-رسمت سنين على سعود تبيه وبراسها انها بتغيره لكنها تجهله مسكينه احيانا ارحمها ضيعت نفسها بنفسها
منال :-لاتشيلين هم هالاشكال يعيشون احسن منا
هنادي :-معك حق بس لاتنسين ان هم من داخل مو مرتاحين ويمكن حتى النوم مايذوقونه مثل خلق الله
منال بجديه :-معك حق الله لايبلانا ولايعنينا ...
><

><
طلعت الماس من جناحها بعد ماصلت العشاء الا ونوف في وجهها ، حقرتها الماس ولاكنها موجوده
لكن نوف ماكان عندها نيه تعدي الموضوع ..
نوف تستهزء :-سبحان الله الغيره بتقطعك تقطيعك
تعوذت الماس من ابليس لان لو الود ودها كان مسكتها مع شعرها وضربت بها الجدران
الماس تستحقرها :-غيره هه ومن من منك انتي
نوف عصبت :-ليه انا على الاقل كامله واقدر اجيب عيال
حست الماس بجروحها القديمه ترجع تتفتح وقلبها يتقطع والعبره تخنقها ..
كملت نوف وهي تناظر الماس من فوق لتحت :-صحيح اني احب سعودي من سنين لكني عذرتك يوم عشت معه صراحه اكون خبله ان ماتخبلت عليه وحبيته ذوق واخلاق واسلوب حلو
ارتفع ضغط الماس وكملت نوف بتقهرها وتكسر قلبها :-والاهم------------ عاد اظنط فهمتيني
طلت الدموع الخاينه بعيون الماس "كيف قدرت ياسعود كيف ! "
لكنها مسكت نفسها وقالت تستهزء :-على الاقل انا ماخذني وهو يحبني ومعي لانه يحبني الحسره على ناس فايدتهم يفرخون ويجيبون عيال كنهم ارانب
انقلب لون وجه نــــــــــــوف ودخلت الغرفه وصفقتها ...بقوه
الا وبطلعة هنادي ومنال بسرعه ...
هنادي برعبه :-الماس وش فيه من الي يصفق البيبان كذا
الماس مالها نفس تتكلم لان الدموع بعيونها
هنادي وهي تناظر في منال :-الماس شقالت لك هالعقربه اكيد هي ماغيرها
قالت الماس وهي لان متماسكه :-متخلفه بس عطيتها الي تستاهل (قالت تكذب) يالله بروح اصلي كنت طالعه لغرفتي ولقيتها مرتزه تنتظري بالسيب هنا
منال :-عساها الماحي ان شاء الله
دخلت الماس غرفتها..واعصابها ثايره وهايجه ..مو متخيله ان سعود !!
رمت اغراضها الي على الكوميدينه على الارض وجلست على الصوفا تبكي وراسها على ركبها ..
فتح الباب..وسكر
الماس ماعبرته يمكن وحده من البنات ماشافتها لان الصوفا صاده عن الباب وطلعت...
ماحست الا بيدين تمسك يدينها الي حول رجلينها ..
سعود :-حبيبتي شفيك
رفعت نظرها وشافته سعــــــــــود
نفضت يدينه ووقفت .كرامتها ماتسمح لها تعلمه بانها مجروحه حيل منه
استغرب سعود حركتها وقف وقال وهو يشوفها تكابر وتمسح دموعها :-الماس شفيك
بعناد قالت :-مافيني شي
مرت عليه لمحة ابتسامه يعرفها زين لاعندت ...
قال وهو يهز كتوفه :-على بالي فيك شي
ناظرته مو مصدقه اجل فيه احد يبكي وهو مافيه شي والي قهرها وكانها لمحت في وجهه ضحكه ..
من القهر فكت شعرها المرفوع ورمت شباصتها على السرير ...كذا بدون سبب
انقهرت منه وهي تشوفه واقف يناظرها عادي ..بدون شعور اخذت المخده وضربته بها لكنه مسكها وكانه داري عنها
قال لها :-والحين ممكن اعرف شفيك
اخذت مساده ثانيه ورمتها عليه ...ومسكها
سعود :-هديتي الحين
وصلت حدها وقالت وهي يالله تمسك نفسها :-كـ..كيف --------
ورجعت تبكي
سعود محتار منها مو قادره تركب كلمتين على بعض :-ممكن تفهميني حبه حبه
رجعت لها سالفة الكرامه وصدت عنه ...وهي تبكي وتمسح دموعها بعناد
جاء من وراها ومسك كتفها ولفها يمه قال وهو يناظرها :-لو تغليني علميني شفيك
ناظرته ورجعت تحط نظرها على صدره حتى ما تناظر عيونه وهي تساله لانها تعرفه لاكذب وهي ماتبي تعرف الحقيقه يكفي لو يكذب عليها
قالت وهي تمسح دموعها :-عارفه ماعندي سالفه وعارفه اني غبيه اعذرني استيعابي كالعاده بطيء ------------
سكتت تكتم شهقه وتمسح دموعها وماقاطعها كملت :-عارفه انك متزوج نويف مو عشان تتمقل فيها--------------- (رجعت تبكي
كملت :-------------- وانـ.. انك تبي ولد منها بـ...بس الموضوع يجرحني بشكل ماتتصوره
فهم سعود قصدها قال بقوه :-الماس ناظري عيوني
الماس وهي تهز راسها :-لا
عصب وعندّ :-ناظريها نسيتي انك تكشفيني لاكذبت من عيوني
الماس :-لا
سعود وهو يهزها :-الماس ناظريني
رفعت عيونها وناظرت عيونه قال لها :-وربي الي خلقني والي جمعنا ببعض مافيه ولا راح يكون بيني وبينها شي
انصدمت الماس :-واللــــــــه
سعود وهو يناظرها بثقه:-وش شايفه بعيوني
بدون تردد قالت:-شايفه الصدق
سعود وهو يضمها :-اجل خلاص ارتاحي
رجع يسالها ووجهه على شعرها :-بس غريب سؤالك المسأله مو مسألة استيعاب بطئ المسأله شي ثاني من الي قال لك هالكلام
قالت له وهي تناظره :-حزر
ضاق خلقه :-نوف
هزت راسها وراح بسرعه :-يبيلها كسر رقبه
مسكته الماس :-عمي هنا بلا فضايح
وكملت بدلع بتروق اعصابه بعد مارفعت له ضغطه :-وبعدين كيف تتركني بلحالي وتروح
وقف شوي يناظرها وجلس يضحك :-والله ماخليتي عندي مخ
الماس :-ههههههههههههههههههههه تعجبني بمخ وبدونه
سعود :-هههههههههههههههههههههههههههههه فديتك قولي امين
الماس :-وفديتك انت قل امين
وزي ماطلع زعله فجأه------ اختفى فجأه ^_^

**************
^^^^^^^
&&&&


(الجزء الثاني)

وقف احمد سيارته قدام البيت ونزل كانت ساعته تقريبا 7 وزود...
حط مفتاحه بجيبه ودخل البيت ولقاه هاجد مافيه حركه ولاشي تلفت يمين ويسار مافيه احد
انعصر قلبه لايكون تركته ...
طلع الدرج بسرعه ...وهو يطلع درجتين درجتين
وقف قدام باب غرفتها وبعد تردد فتحه لقاه فاضي حس بخيبة امل والم ما ينوصف بكلمات ..مسك الباب بقوه وسند ظهره للجدار وهو مغمض عيونه ويتنفس بقوه عشان ماينهار
صدودها له مو بقووووووووووووة تركها له
تركها له دمره...
قضى عليه ...
كسر روحه وقلبــــــــــــــــــــــــــــــــه
ضرب بيده حافة الباب وانجرحت جرح سطحي بس جلس ينزف حط عليه منديل بدون اهتمام يمكن يلقى في الم الجسد راحه ومتنفس للالم الي بروحه والي مو لاقي له مخرج ولاطريق ..
رفع نظره وجلس يناظر في غرفتها الي فضت من كل شي ..من اغراضها ..من وجودها ...ومابقى فيها الا ريحة عطرها
مشى وجلس على طرف سريرها ..الي كان محظوظ وحضنها ...
مسك طرفه بقووووووووووه وقسووووووووووه والقهر يطحنه طحن
وبراســـــــــــه تتردد كلمات (الامـــــــــــــــــاكن)
الاماكن كلها مشتاقه لك ..
والعيون الي انرسم فيها خيالك
والحنين الي سرى بروحي وجالك
ماهو بس انا حبيبي
الاماكن كلها مشتاقه لك
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي آه من تطري علي
الاماكن الي مريت انت فيها
عايشه بروحي وابيها
بس لكن مالقيتك
جيت قبل العطر يبرد
قبل حتى يذوب في صمت الكلام
واحتريتك
كنت اظن الريح جابت
عطرك يسلم علي
كنت اظن الشوق جابك
تجلس بجنبي شوي
كنت اظن وكنت اظن
وخاااااااااااااااااب ظني
ومابقى بالعمر شي احتريتك
المشاعر في غيابك
ذاب فيها كل صوت
والليالي من عذابك عذبت فيني السكوت
وصرت خايف لاتجيني
لحظه يذبل فيها قلبي
وكل اوراقي تموت
آآآآآآآه...آآآآآآآآآآه
لو تدري حبيبي
كيف ايامي بدونك
تسرق العمر وتفوت
آه يالامان ..وين الامان
وانا قلبي من رحلت ..ماعرف طعم الامان
ليه كل ماجيت اسال هالمكان
اسمع الماضي يقول
ماهو بس انا حبيبي
الاماكن كلها
مشتاقه لك
وقـــــــــف وهو يهزء نفسه لا تنحني يا ولد نايف انت رجال وماترضى على نفسك تعيش مع وحده ماتبيك وان كنت تحبها صح بتسوي الي يريحها يمكن تلقى مع غيرك الي مالقته معك...
(غيره)
شبت نيران الغيره بقلبه واحرقته ومابقى فيه غير جسد روحه رماد !
طلع من غرفتها بسرعه قبل لايفقد اعصابه وتنزل دموعه ..
مشى وبمشيته كن جبال الكون على ظهره ...فقد روحه وبهجته ..وحياته ماعاد لها معنى
فتح باب غرفته .....
><
كل دقيقه تناظر سعاد في الساعه وقلبها بين ظلوعها يرقع الي تسويه بيدمرها .. وبينزل كرامتها القاع في حاله وحده لو رفضها وصدها
حست بقلبها يرعد ويرعد ويرعد
الليله تنجلي الحقيقه .. وتقدر تعرف نوايا احمد واذا كان فعلا يحبها او انها خطه من ضمن مخططاته للانتقام منها ...
كانت جريئه حيل يوم نقلت اغراضها لغرفته ..
وجريئــــــــــــــــــه اكثر وهي تنتظره الحين ...
فتح الباب الا وهو يوقف قدامها مصدووووووووووووووووووووووووووووووووووووم
>>>>>>>>>>نظراتهم متشابكه والزمن بينهم معدوم <<<<<<<<<<
صدمة حياته مو مصدق الواقفه قدامه ...
قال بلهجة المصدوم :-سعاد
وقفت ..
سعاد :---------------
قرب منها وقال بتوتر :-مريت غرفتك وشفت اغراضك مو موجوده انتي قررتي تتركيني
ملامح وجهه قطعت قلبها ...
دمعة عيونها وقالت :-مقدر اتركك
احمد:------------------
باعتها سعاد خلاص بتخلي الكرامه تولي ..
والليله
يــــــــــــا تملكه
ياتخســـــــــــــــــــــره!
قالت ودموعها تضايقها :-احمد انا احبك
انصدم
لاحظت ملامحه :-عارفه ماراح تصدقني بس هذي الحقيقه .. ماحبيت ولا راح احب احد مثلك
تضايقت سعاد من سكوته ..
الصــــــــــــــــــــــــــــــــــــــــــــــر احه الاسابيع الي عاشتها معه مافادتها بشي في معرفة طبعه ...
كل شي فيه غامض
لكنها شافت فيه لمحات من
الحنيه
القسوه
المرح
القوه
المرجله
..
ناظرته وقالت في نفسها وراه ساكت وماينطق بكلمه ...ليش عيونه تلمع
ليش يقــــــــــــــــــــــــــــــــــــــــــــــــ ــزها وكأنها اول مره يشوفها فيها
لكنها كملت كلامها وهي ماسكه يدينها ببعض وكل ماطلت دمعه مسحتها :-اول مره خطبتني رفضتك لاني مابغيتك تتعلق فيني وانا قدامي كم سنه بالجامعه وحتى اعفيك من الاحراج من الشياب لو صار واجبروك تتزوجني او اجبروك تصبر لين اخلص كنت باواخر العشرينات بعمر المفروض تكون متزوج فيه لا وعندك كم ولد .. ثاني مره (مسحت دمعه) وافقت وانا مو مصدقه انك انتظرتني طول هالسنين ومو متخيله حظي حتى احيانا كنت اقول ان
الي يصير روعته مالها مثيل واني بحلم مو علم ..لكني انصدمت يوم سمعتك تكلم بالجوال وظنيت بك السوء (رفعت عيونها له) لاتحسب اني من عدم ثقتي فيك راقبتك ذاك اليوم لا القصه كلها (مسحت دمعه) ان عيوني كانت مشتاقه تشوفك وماصدقت خبر القى فرصه لكني تحطمت عقبها (مسحت دمعه) وتصرفت بتهور وبالنهايه خسرت سنه من عمري عشتها وانا ما احس اني عشتها احس اني مت فيها بكل دقيقه وثانيه ولحظه ..
عارفه اني ظلمتك .. انا لك ان بغيتني وان مابغيتني بعذرك...اصلا انا ما استاهلك
احمد :-----------------------
سالت دموعها يوم طال سكوته ومـــرت من جنبه تركض وهي تجمع بدربها بقايا كرامتها
لكنه مسك يدها ..
التفتت فيه وقالت ودموعها تسيل :-معذور ياولد عمي ماتنجبر روح على روح
جرت نفسها منه بس ماتركها ..
احتارت مو فاهمه شــــــــــــــــــــــــي
صرخت فيه من القهر والخوف :-احمد رد علي كلمني
احمد :-------------------------
ضربته على صدره بيدها الثانيه وقالت له :-خلاص اتركني بروح برجع بيت ابوي بريحك مني للابد
اخيرا تكلم ...وعيونه قبله تكلمت
جيتك بقايا حي كل اكثرة مات
وصلت لك با اخر رمق من حياتي
جيتك خوي الخوف في رحلة الذات
بين الرجا وظروفي القاسياتي
جيتك من الفرقا كثير التلفات
جيت انتحر في نجلك الناعساتي
جيتك مزيج جروح ودموع وأهات
- نديم لعيون الاسف والشماتي
جيتك شظايا تشتعل شوق بسكات
ما ادري حزن مدري سعادة اسكاتي
جيتك لوانتي سابع المستحيلات
اللي يحبك يصنع المعجزاتي
جيت استجيرك من شمس المتاهات
عيت تظللني تحتها عباتي
وابي... أتعافى عقب عذاب المعاناة
على رصيف اشواقك الدافياتي
تلقفيني من ايدين التشتات
صيري بحلاة الروح قارب نجاتي
هلى غلا يمحى كدر كل مافات
يامزنت افراحي ومنبع هناتي

احمد :-الم السنين الي عشتها بين صدودك ورفضك مايجي شي قدام الم صدك لي الحين
استكانت وهجدت وظلت تناظر فيه ..
كمل :-انتي لي يابنت عمي وماراح تكونين لغيري سميها انانيه سميها بداوه مايهم الاسم الاهم ان القلب ما مال لغيرك
انصدمت سعاد
كمل :-كيف تثقين في صدق كلامي يوم قلت لك اني احبك من يوم ماكان عمري 15 وانتي متخيله اني بتخلا عنك باختياري لا ..انا عطيتك الحريه عشان الي يريحك لو يتعبني يريحني ..
قالت وهي تبكي :-صدق
ابتسم من قلبه لاول مره من يوم ماتزوجوا ....
احمد برقه:-مسموحه يالغاليه بدون ماتقولين انتي هنا
وحط يدها على قلبه ....
حمر وجهها ومازالت دموعها تسيل
مسح دموعها وقال بحنيه :-ليش الدموع قلتي انك تحبيني .. وانا من بعدها كأني ملكت الكون بقبضة يدي خلينا ننسى كل الي فات احس ان عمري بدى من اليوم ...
ومن هالليــــــــــــــــــــــــــله ...
حمر وجه سعاد ..... من كلامه
من كان يصدق انه سامحها ..شاف الحيره متجليه على وجهها وقال :-لاتصدقيني لاقلت بنتقم وبذلّك مذله لا انا كنت معصب وزعلان لاني حسبتك تلعبين بمشاعري وتتدلعين لو انتي مكاني وكنتي تكلمين وسمعتك فكرت بنفس تفكيرك السالفه لو نفكر فيها بعقولنا ما تجرح لاننا ماكنا نعرف بعض ولاننا مابيننا مبدأ ثقه لا انخان خيانته تذبح ..اعاهدك في هالليله ومايشهد على عهدنا غير الي خلقنا انك اول واخر حبيبه لي واني راح احميك واصونك وان القلب مشرع لك جميع ابوابه
ابتسمت من بين دموعها :-وانا بعد اعاهدك ياغلاي
تبلم احمد :-شقلتي
حمر وجهها :-قلت انا اعاهد-------
قاطعها :-اخر كلمه هي الي تهمني
سعاد ووجهها مولع
احمد متخبل :-فديت الحيا كله
الا وبيجر العمل يعطي تنبيه ...
احمد وهو يعقد حواجبه :-خير اللهم اجعله خير
خافت سعاد :-احمد شفيه
طلع جواله وقال وهو يناظرها :-خير مافيه شي بس هذا منبه الطوارئ
اختبص قلبها :-طوارئ
احمد :-هلا عبد الكريم خير
الخط الثاني :-الحق يا احمد فيه عماره سكنيه سبعة طوابق تحترق وعندنا نقص كبير محتاجينك
احمد :-مأهوله العماره
الخط الثاني :-عوايل
احمد بسررررعه :- جايكم بالطريق اطلبوا دعم من مراكز الدفاع القريبه
الخط الثاني :-تم
سكر احمد جواله وسعاد بتموت خوف
سعاد :-احمد وش السالفه
احمد وهو يحط جواله بجيبه :-العمل طالبيني لازم اروح
سعاد ودموعها ترجع :-احمد طمني وش فيه
احمد :-مافيه الا الخير
سعاد دموعها تنزل :-احمد علمني طلبتك
استغفر ربه لانه بيكذب عليها وهو بعد شوي ماراح يكون بينه وبين الموت الا شعره :-لاتخافين قلبي السالفه هينه فيه عماره تو تنبنا محترقه
سعاد شكت وقالت له :-طيب ليش الدعم
كيف نسى ذكاءها قال بهدوء وقلبه من داخل يرجف :-العماره كبيره ولازم الدعم عشان الحريق ما ينتشر لان المنطقه كلها بيوت
وقبل لايشمي حبها على راسها ...
احمد :-ادعيلي
سعاد وتحس ببروده تسري في جسمها :-الله معك يحميك
وطلع بســـــــــــــــرعه

بعد عشر دقايق وصل احمد للمركز
احمد وهو يشوف الكل مرتبش ومعلنين الطوارئ والجرس يرن
احمد وهو يكلم نائبه :-طلبتوا الدعم
النائب:-ايه وهم بالطريق
بدل احمد ملابسه ولبس ملابس رجال الاطفاء والملابس الواقيه من النــــــار
النائب :-بتشارك بالعمليه
احمد وهو يسكر السحاب :-عندنا نقص بالفريق
النائب:-نعم
احمد بلهجه حاسمه خلت النائب يستحي من سؤاله البايخ:-اجل بشارك مادرست طول عمري وتدربت على مكافحة الحرايق عشان اجلس ورى مكتب والتكييف يبرد علي وفريقي بين الحيا و الموت
وطلع بسرعه وهو يركض وطاقية الاطفاء بيده ...
تحركت الوايتات المحمله بالمويه عشان تلحق الي قبلها وركب احمد في وحده منها
<
وصلوا موقع الحريق ..
نزل احمد ... كانت الليله قمرا لكن الي يشوفها مو قمرا الي يشوفها مصيبه وكارثه .
المكان كله وهج احمر وحراره تحرق ...
الدمار استمد بكل مكان وصراخ الناس والاطفال بكل مكان ..رشاش الماء يرش على النيران وعلى الارض
صراخ رجال الامن يصم الاذاني ...
ركض احمد وهو يصارخ بتعليماته يمين ويسار ولبسه الاصفر يلمع وسط النار ...
وصل الدعم لكن متاخر لان النار بدت تطلع الطوابق العلويه
قزاز الدرايش تكسر تحت قوة النار...والصراخ كل ماله يزيد طبعا بسبب الحريق العظيم اضطروا يقطعون الكهرباء عن المنطقه واظلمت لكن نورها اللون الاحمر للوهج..
وقف احمد عند مدخل العماره ونسق وصول الجرحى والناس لبرى ...
وصلت الاسعافات الي تعدت العشر سيارات ..
هذا شخص به حروق من الدرجه الثانيه وهذا شخص مختنق ...وهذا طفل يسوون له تنفس صناعي وانعاش
عرّق احــــــــمد وصارخ لفريقه :-بسرعه بسرع طلعوا الناس الي فوق الحريقه تمشي لهم بسرعه انقذوهم وارجعوا سالمين
الصراخ وصله مابين :-ابشر ..الله معنا ..يارب ------الخ
مسح عرقه عن جبهته ...صارت لهم ساعتين وهم يحاولون في الحريقه
وركض وهو يكلم الشرطه تفضي الشوارع من الزحمه وركض للجهه الثانيه يساعد الاسعافيين .....
ظلل يده على عيونه لانه عجز يشوف من قوة النور ...
"النار كل مالها تزيد "
ناظر وهو مكشر في الناس الي يطلعون بالعشرات من العماره مابين حريم ورجال وشيوخ واطفال ..
كلمه واحد من الفريق :-فضينا الطوابق الارضيه بقي الطابق الي فوق عجزنا نوصل له ..
احمد عصب وصارخ عشان ينسمع صوته بين هالازعاج الي يدمر الاعصاب :-ليه
الرجال:-المدخل مسدود ومدمر مانقدر نتعداه
انصدم احمد وقال وهو يمسح عرقه بقفا يده :-شلون ماتقدرون يموتون الناس يعني بقى عيلتين فوق
الرجال :-ياطويل العمر عجزنا لازم نحتري فرقه خاصه تفتحه لنا
عصب احمد :-ونلحق العار بفريقنا انا بطلع
انصدم الرجال :-انت
احمد :-عجل خلهم يجيبون سلم بطلع لهم من برى وادخل لهم مع الدريشه
الرجال مذهول الجدران حاره من النار والنار طالعه مع الدرايش وكل مخرج وبعدين انه ينصب سلم على الجدار انتحار
احمد عصب :-بسرعه وش تنتظر
خاف الرجال وركض ينفذ الامر ...
عبدالكريم :-احمد
احمد التفت وهو مكشر
عبدالكريم ياشر على مكان محاوطته الشرطه والامن
انهبل احمد :-تلفزيون
عبدالكريم :-تخيل ماعندهم احساس
وصل احمـــــــد حده وقال وهو يصارخ :-مصايب الناس مو فرجه لهم لا تسمح لاي صحفي او كاميرا تتعدى الحدود
عبدالكريم بسرعه :-ابشر
وراح ينفذ الطلب ....
كل مالهم الصحفيين يزيدون ارتفع ضغط احمد لكن حاجة المحجوزين فوق احتلت كل تفكيره ...
صحفي يكلم عبدالكريم :-يا اخ لو سمحت
عبدالكريم :-نعم
الصحفي:-السلم الي منصوب هناك لايش
التفت عبدالكريم وشاف الفريق يحطون سلم طوارئ على طرف الجدار ويرفعونه للطابق-------السابع
شهق ............
احمد مجنون ...........................
ركض عبدالكريم بكل قوته ...ومسك احمد وهو يزين ملابسه ورجله على السلم :-انهبلت انت
ناظره احمد وقال بعصبيه :-لاتنسى اني مسؤلك ياحضرة الضابط
عصب عبدالكريم :-مايهمني لو كنت المسؤال عن العالم الي تسويه جنون
ناظره باستهزاء :-لو انقاذ الارواح جنون انا راضي
عبدالكريم (يترجاه) :-احمد هذا انتحار بعدين كيف بتنزلهم من فوق
احمد :-يحلها ربك لا وصلت لهم بنحاول نفتح المخرج
عبدالكريم :-احمد انت تمشي للموت برجلينك
احمد بجديه :-موتة بعز ولا عيشة ذل
حط طاقيته على راسه وطلع السلم بين ذهول الناس من متفرجين وصحفيين وتلفزيون ومصابين وناجين .......
>
دق جوال سعاد وفزت من الرعبه ...:-الو
ابو احمد :-هلا بنيتي
انخرش قلبها الساعه الحين قرابة عشر بالليل
سعاد ويدها على قلبها :-هلا عمي
ابو احمد :-يبه مافيه اخبار عن احمد
سعاد وقلبها بيوقف :-علامه احمد عمي
ارتبك عمها وقال :-ماتدرين ان عنده مهمه
سعاد :-الا ادري
عمها :-طيب شصار
سعاد :-مدري جهازه مقفل
عمها وهو خايف :-والله وانا ابوك التلفزيون مايعطونك علم بين
انصدمت :-تلفزيون
عمها :-ايه ناقلين العمليه على تلفزيون
استغربت سعاد :-عمي السالفه ماتسوى كلها عماره فاضيه
انهبل عمها :-وش فاضيه الا عماره سكنيه عوايل كلها
صرخت :-هاه
عمها :-لاتخافين يبه خير خير
سعاد :-اكلمك بعدين عمي
سكرت الجوال وركضت للتلفزيون ......
جلست على اعصابها وهي تشوف الدمار الي بكل مكان وامة محمد الي بالشوارع ...
المذيع :-للان لم يوافيني شي جديد ومازالت محاولات قائد الفريق احمد بن نايف وزملاءه جاريه لتحرير سكان الطابق الاخير
سعاد وهي تبكي :-ياويل قلبي
المذيع :-مثل مانرى (والكاميرا على السلم الحديد الفضي) تم القيام بوضع سلم للطوارئ للصعود للطابق السابع وصعد له قائد الفريق احمد ثم لحقوا به اربعه من الضباط وهم عبدالكريم بن خالد ، حسن بن زيدان ، مهند بن عبدالله ، فهد بن فيصل
ماقدرت رجلينها تشيلها ... وطاحت على اقرب كرسي وهي تبكي وترتجف ...
"يارب رده لي سالم يارب"
ظلت على هالحاله قرابة الساعه وبالتلفزيون يرددون لاجديد لا جديد ...حتى الشغاله من كثر ماهي راحمتها تمر بين فتره وفتره تشيك عليها ..
دق الجرس ..
ثواني الا وبدخله هنادي وسلطان ...
صرخت سعاد وهي تطير بحضن اختها :-هنادي
هنادي الي متروعه قالت بهدوء بعيد عنها :-خلاص سعاد وكلي امرك لله
سعاد وهي صايبتها هستيريا :-ياويلي يا هنادي لو صابه شي
سلطان وهو يمسح على شعرها :-عيني من الله خير يا وخيتي
ومر الوقت وهي بحضن هنادي وسلطان جالس على اعصابه ويدينه متشنجه من التوتر
صرخت هنادي :-سعاد طلعوا طلعوا اشوف ناس
جلست سعاد بسرعه ... وهي ما تتجرا تتنفس من الترقب...
طلع حوالي الـ 15 شخص
حاولت تشوفه بس ماقدرت كلهم لابسين لبس موحد ...وعليهم زحمه بشكل كبير
بعد ربع ساعه ...
>>>>>>>>>>>>>>>>> عاجــــــل
المذيع :-وردنا حالا اتمام عملية الانقاذ بنجاح مع اصابات في المنقذين الخمسه بينهم اصابه خطيره سنذكر الاسم اذا وردنا لاحقا
اغمي على سعاد طوالي ....
وماعاد تذكرت شي
******
****
(الجزء الثالث)

><بيت ابو سعود ><
رجع سعود من برؤى وكانت الساعه حوالي الوحده باليل
كل هالتأخير عشان الليله بينام عند نوف وماوده يرجع وهي صاحيه ...لكنه انذهل وهو يشوف منال والماس صاحيات وحالتهن حاله
دخل بسرعه :-خير
منال كانت بتتكلم بدفاشه لكن الماس سكتتها ..
الماس بهدوء :-احمد طلع بعملية اطفاء و------------------
زاد نبضه :-وايش
الماس :-ماندري يقولون فيه اصابه خطيره وماندري هو ولا غيره
انصدم سعود :-طيب وسعاد ليه تاركينها
الماس :-عندها هنادي وسلطان
طلع بسرعه من البيت لحقته الماس :-لاتسرع وانت تسوق
...كان على اعصابه من خوفه على صديق طفولته ومن توتره ورعبته ...
وصل المستشفى التابع للدفاع المدني ,,ودخل الطوارئ
وشاف الدنيا مقلوبه والصحافيين مسوين زحمه ...
وبعد محاولات وشغله واقناع قدر يدخل لانه من اهل رجال الامن ...
وصل الغرف المخصصه لهم قدامه ثلاث غرف ...وولد عمه بوحده منها
اما يكون بين الحيا والموت
او
طيب
وجــــــــــــمد مكانه ....
طلعو الاطباء من الغرفه وملامح الحزن على وجيههم
"لاحول ولاقوة الا بالله الله يصبر اهله"
طبيب ثاني :-وش اسمه
الطبيب :-اظن احمد بن نايف
"الله يتغمده برحمته "
مالقى نفسه الا وهو راكب سيارته ويمسح دموعه بطرف شماغه دق جواله وازعجه ومسكه وقفله
احمد مات !!!!!!
مو قادر يصدق صديق عمره اخوه ولد عمه رفيق دربه
>
قالت الماس بخوف :-منال سعود مقفل جواله
خافت منال :-هاه مقفله الماس تظنين احمد صاير له شي
قوت الماس نفسها :-لاتفاولين حرام عليك
منال :-ما افاول بس ------- الله يستر
الا وبنزلة الاخت نوف ، شافتها منال من هنا وتعدتها بتطلع غرفتها
قالت باستهزاء وهي تحقر منال:-حضرت الملائكه وهربت الشياطين
عصبت منال ولاول مره من بعد ماسكنت معهم تحتك فيها
منال :-انتي عندك دم او احساس اخوك مايندرا عن مصيره وانتي تبخين سمومك علينا
ناظرتها بنص عين :-اخوي
منال تستهزء وتقلدها :-ايه اخوك
تدخلت الماس وقالت باستحقار :-اخوك احمد يامدام راح في مهمه له اكثر من خمس ساعات ومايندرى عن مصيره
قالت بدون اهتمام :-على بالي عندكم سالفه
الماس ومنال مصدووووووووووووووووووومات
نوف وهي تشوف ملامحهن :-ههههههههههههههههه الحمد لله والشكر شايفات شي غريب
قالت الماس باشمئزاز :-انتي انسانه متبلده ماتحس
عصبت نوف :-حدك
الماس فقدت اعصابها :-حدي ولا مو حدي هذا كلام وحده يمكن اخوها يكون ميت
نوف وهي تعلي صوتها :-مايهمني تدرين بالطقاق اشبعوا فيه
وراحت للمطبخ كانت الماس بتلحقها وتمسح بها البلاط لكن منال مسكتها
منال وهي تهدي الماس :-خليها تولي عساها الماحي مو شي جديد الي صاير خلينا نروح نصلي ركعتين لله ندعي لاحمد فيها اصرف
الماس وهي مدمعه :-يازين ماشرتي يالله
وطلعن غرفهن !
><
&
><
>في بيت احمد <
كانت سعاد منهاره وهنادي تهدي فيها وسلطان مابطلت اتصالاته ووجهه مشحب دروا ان فيه حالة وفاه بس مايعرفون من
الا وبدخلة سعود ووجهه مسود وعيونه حمر ...
عم المكان السكوت ...
مسكه سلطان على جنب :-سعود عرفت هوية المتوفي
هز راسه
همس سلطان :-من
سعود بهمس :-اظنه احمد
سرت الرعده بجسم سلطان :-متاكد شفته
سعود وهو يبلع غصته :-لا ماشفته سمعت دكاتره يتكلمون عنه وانه مات
هدا سلطان نفسه وقال :-لا نستعجل يمكن يكون فيه خطا
سعود :--------------------
سلطان :-لاتقول لسعاد شي
سعود :-طيب
الا وبجوال سلطان يدق رد وبعد شوي صرخ "الله يبشرك بالخيررررررررررررررررررررر"
ركضن لجهته البنات
قال وهو يضحك من الوناسه :-ابشركم احمد حي وطيب ومافيه الاحروق بسيطه وبيطلع من المستشفى عقب بكره حتى يتاكدون انه بخير وانه ماتنفس من غاز الحريقه
بكت سعاد وبكت هنادي معها ...وهن مو مصدقات اما سعود كان مثل الي ضيع شي غالي وفجاه لقاه...جلس يحمد ربه في السر
قال لاخوانه :-الحمد لله على سلامته انا بروح سلطان باتو الليله هنا انت وهنادي
سلطان :-ان شاء الله
وطلع من عندهم ........
شغل جواله الا والماس تدق :-سعود علامك قافل الجوال
سعود وهو فرحان ومختبص :-ابشرك احمد بخير
صرخت :-الله يبشرك بالخير منووووووووووووووووووووووول
سعود :-ههههههههههههههههههههه يالله سلام
وسكر ....
بعد ربع ساعه وصل البيت لقاه مظلم ازين شي سووه انهم ماعلموا ابوه وامه ..
طلع بشويش ويوم حط يده على مسكة غرفة الماس الا ابوه طالع ويناظره
سما سعود بالله
سعود :-مسا الخير يبه
ابوه (معصب) :-انت ماتستحي فشلتنا لو يدري عنك عمك فضحك ليه تارك عروسك وطالع
عصب :-اقابلها يعني
ابوه :-انت عشر دقايق ماجلست معها تبيني اامل انك تقابلها
سعود :-يبه انا تعبان بكره نتفاهم ..
ابوه :-اعـــــــــــــــدل ولا عاقبك ربي
وراح لغرفته ..وقف سعود بين الغرفتين مقهور ...ان كان نومه عندها بيرضي ربه ثم ابوه بينام مو مشكله وحتى هو مايبي يجرحها
دخل الغرفه ولقاها مظلمه بس نور خفيف جنب السرير ..
سحب نفس ودخل الغرفه وهو يدعي تكون نايمه مو ناقص احراجات ...
بدل ملابسه ويوم جاء بينام همست نوف :-سعود
كان معطيها ظهره :-نعم
كملت بنفس اللهجه :-طيب ناظرني وانا اتكلم
تأفف ومسك نفسه لايعصب قال بدون نفس :-نوف انا تعبان وفيني نوم
نوف (عساك لمصيبه جبله ماتحس) قالت بدلع :-بس دقيقه
التفت يمها :-نعم
قالت وهي تجلس وتأشر على رقبتها :-لبست هالسلسال وماقدرت افكه ممكن تساعدني
قال بهدوء وهو يناظره :-خليه مايحتاج تنزلينه
اصرت :-ماني عارفه انام وانا لابسته
في باله(صبر جميل والله المستعان)
جلس وقرب منها وحاول يفكه وش معقده ذا ..
قربت منه وبعمد خلت شعرها الي طولان لكتوفها يطيح على وجهه
ارتبك سعود ...
طاح غطاء قميصها وارتبك زود وتضايق اكثر منها
فك السلسال وعطاه لها
قال وهو مرتفع ضغطه لانه كاشف حركتها :-تصبحين على خير
جاها احباط كل هذا وما تزحزح
قالت وهي على وشك تولع وتعصب :-بتتركني وتنام
مازالت تحاول تغريني ،
قام عن مكانه بعصبيه ولبس ملابسه وقال وهو يكتم صوته لا يطلع :-لا مو نايم وايه بترك لك المكان ارتحتي
وطلع بسرعة الصارووووووووووووخ من البيت
مالقى نفسه الا وهو قدام بيت احمد ..
نزل ودخل ومالقى الا سلطان وهو طالع فوق بينام :-سعود
ناظره سعود :-تعبان وبنام
ما ساله سلطان عن السبب لانه عارف ان حياة اخوه معقده تعقيد الله يعينه عليها
سلطان :-تعال معي الغرفه الي نايم بها فيها سريرين
سعود :-لادق ابوي يسال عني---------
قاطعه :-ماشفناك
سعود وهو يبتسم :-تمام
لكن النوم جافاه وهو يتذكر الموقف الي صار ..كيف يقتنعون ان نفسه ماتطاوعه كيف يقتنعون انه لالماس بس
الله يعينه وبس الفتره الجايه بتكون صعبه حيل !
>
<
>
<
><بيت راكان><
دق جوال راكان :-هلا محمد
محمد :-انت بالبيت
راكان :-طبعا
محمد وهو معصب :-انا بالطريق
راكان :-بانتظارك
بعد ربع ساعه وصل محمد
قابله راكان تحت
قال محمد وهو يمد الاوراق :-انهبلت انت
راكان مستغرب زعل محمد :-شفيك معصب
محمد وهو من جد واصل حده :-انهبلت انت تبيع املاكك
راكان استوعب وابتسم :-ايه قل كذا من اليوم خفت ان الوالده بها باس
محمد :-لاتغير الموضوع
جلس راكان وقال بجديه :-ماراح اغيره والي براسي بسويه
محمد مو مستوعب تصرف صديقه :-راكان انهبلت انت
قال بجديه وهو يتصفح الاوراق :-لا ما انهبلت انا بكون المتصرف الوحيد في كل الاملاك بس في حالة موتي تروح للي بكتبها باسمه
محمد :----------------------
ناظره راكان وقال :-محمد عماني كل هدفهم الورث الفلوس الاملاك ويبون موتي عشان ياخذونها لكن هذا الشي في احلامهم بتروح الاملاك في حالة موتي لاهلي لزوجتي
محمد :-وتحطها في وجه المدفع انت كذا تأذي اهلك
راكان :-بالعكس احفظ لهم حقهم بالقانون وانت موجود لهم
محمد خنقته انفاسه :-عن هالسيره الشينه انت فكرت بكل عقلك في الخطوه ذي
راكان بعناد :-ايه
محمد وهو يهز كتوفه :-انا اثق في تفكيرك الله يدم الي فيه الخير
راكان :-اللهم امين
محمد :-لازم نروح المحكمه -----تعرف الاجراءات
راكان :-عارف مو مشكله اليوم نوقع الاوراق بحضرة شهود ومحامين والباقي على المحامي مو لازم اتعب اهلي بالشاوير
محمد :-ههههههههههههههههههههههههه حلوه المراكز احيانا
راكان :-ههههههه على قولتك
محمد :-انا بطلع الحين
وقفه راكان :-لا اجلس بكلم المحامين يجوون والشهود
ناظر محمد في ساعته :-الحين الساعه 11 صباحا
راكان :-مايهم الواحد مايظمن عمره
عصب محمد عليه
راكان وهو يوقف :-بروح للاهل اخذ تواقيعهم استرح لين ارجع
محمد وهو يجلس :-اوكي اكلم المحامين
راكان :-ياليت هو معه التعليمات بس قله يجي ويسوي الي وصيت عليه
محمد :-ان شاء الله
دخل راكان داخل ... ومالقى احد في الصاله "شكلهم نايمين او بغرفهم"
دق باب غرفة امه ولقاها تصلي لها ركعتين انتظرها لين خلصت حب على راسها :-صبحك بالخير
امه :-هلا يمه كيف اصبحت
ابتسم :-بخير الحمد لله
امه :-كيف جرحك
راكان (يستهبل) :- ههههههههههههههههههه مايجيله اثنين سنتيمتر يمه لاتخافين
امه :-لا تستهين به يمه
راكان وهو يبتسم :-لاتشيلين هم يمه بغيت توقيعك على بعض الاوراق
امه (متعوده على هالشي) :-اوراق ايش مو انا قلت لك فكني من التوقيع
راكان :-عادي يمه هذي تخص شركة اسهم جديده بشتريلك فيها باسمك
امه :-يمه مابيننا فرق
راكان :-عارف بس وقعي الرجال برى بياخذ الاوراق
وقعت امه على الاوراق بدون ماتقراها ....
وراح لامه (مريم)
امه (مريم) :-يمه خيرك مغرقني
لزم راكان :-زيادة الخير خير
امه (مريم) :-انت مو مقصر فديتك حط فلوسك هذي الي بتشتري فيها بالبنك تحتاجها بعدين
عقد حواجبه :-يمه ترى كلها 3 الاف ريال
امه (مريم) :-طايحه بالشارع الثلاث الاف
راكان :-ههههههههههههههههههه لا بس ماتستاهل كل هالازعاج
امه (مريم) :- الله يهديك عنيد
وقعت على الاوراق وماقرتها وهذا من حظ راكان
بقيت المهمه الصعبه
دانـــــــــــــــــــــــــــــــــــــــــــــــ ــــه
طلع راكان الغرفه وهو يحس باجهاد ماقد حس به ..
دخل الغرفه بهدوء لقاها نايمه ، جلس يتاملها بحب يفوق الوصف وكانها حست به ...
فتحت عيونها وابتسمت
راكان برقه :-صباح الورد
ابتسمت :-صباح الفل كم الساعه
راكان :-11 وثلث صباحا
دانه :-ليش صاحي كان نمت
ابتسم :-وراي اشغال لازم اقوم
جلست بسرعه :-روحه للدوام قبل 10 ايام مافيه
راكان :-هههههههههههههههههههههههههه اموت على القويين
دانه :-هههههههههههههههههههه لاتصرف روحه مافيه
راكان :-ماراح اروح
ناظرت في الملف الي بيده ، بلع ريقه يارب ما تنتبه للي مكتوب فيه
قال بهدوء :-معي اوراق ابيك توقعينها
مستغربه :-اوراق
راكان :-ايه بساهم لك بشركه جديده اسهم استثمار تنفعك بعدين
دانه :-مايحتاج انت مو مقصر
قال وهو يبتسم :-ماعليه زيادة خير وقعي بسرعه المحامي تحت
بدون تردد خذت القلم ووقعت ...
تنفس راكان وكانه مو مصدق ووقف
دانه :-وين
راكان :-ههههههههههه راجع بروح اخلص هالاوراق تحت وبرجع
غمزت له :-اوكي
راكان تخبل :-ههههههههههههههه ترى بغير رأيي
دانه :-هههههههههههههههههههههههههه مو شينه
راكان :-هههههههههههههههههههه دندون
دانه :-هههههههههههههههههههه طيب انا برجع انام
راكان :-اطلع اصرف هههههههههههههه
دانه :-ههههههههههههههههههههههههه
نزل بسرعه..ورجعت دانه كملت النومه ، ومشت خطته على خير
&&&&&&&&&