مذكرات شاب كوووووول

السلام عليكم ورحمه الله وبركاته


يسعدنى أن أقدم أول مشاركه لى بعد غياب...وهى جديده من نوعها .. وهى عباره عن مذكرات شاب كووول والموضوع منقول بالطبع
ما أطيل عليكم
الأخ محلول آسف محمول بيه موبايل فون اللى هو طول الواحد رايح جاى شايف ناس رايحه جايه زيه برضه شايله محمول

ومن هنا جاتلى فكره القصه دى

استمع يا سيدى أنت وهو وأعيرونى أنتباهكم بقى كده عشان هندخل ع التقيل دلوقتى ...

السبت

رايح كده النادى ولا بيا ولا عليا بس اعمل ايه لازم أروح النادى عشان أبقى واد كول زى اصحابى يعنى

فجأه
تررررررررررررررررن

- ألو .. ايوا يا سوزى أزيك عامله ايه وأيه اخبارك .... ووووو ...

الواد توتو جاب موبايل يا نهار اسوح الوحيد فى الشله اللى جاب موبايل ألحق لا لا لا لا عيب كده خالص

فجأه تانى برضه
تررررررررررررررررن

- ألو أيوا يا تامر ازيك واحشنى عامل ايه .... ووووو ....

يا دى النهار اللى مش فايت حتى كمان البت نانى جابت موبايل هى كمان

لازم يكون فى حل للعمليه دى كده عيب خالص ...

الأحد

رحت النادى برضه عشان اكون واد كول يعنى ...

فجأه تررررررررررررن مودى جاب موبايل

تررررررررررررن صاصا جاب موبايل

تررررررررررررررررن نونا جابت موبايل

تررررررررررررررررررن ميمى جابت موبايل

و ترررررررررررررررررن

الشله كلها جابت موبايلات يا جدعااااااان فى ايه كده ما ينفعش خالص
أنا لازم اشوفلى حل لازم أجيبلى موبايل أنا كمان

طيب يبقى لازم أقول لآبويا بس أبويا الله ينور مش حيرضى خالص دا حيعنى فيا عمايل سودا

بس لاقيتها فكررة

عملت خطه رهيبه وقلت انفذها تانى يوم

الأثنين

المرادى فى بيتنا ... مستعدين بقى ... النقاش جاى أهو ...

برجاء ربط الأحزمه والإستعداد لضرب النار ..

نوصف المشهد

الصاله قاعد انا بفرك فى نفسى مستنى أبويا ...

أمى قاعده على الترابيظه بتقمع الباميه

أبويا طالع من الحمام ...

يانهار مدوحس دا لابس القبقاب فى رجله

دا انا حتقطع النهارده

المهم الحديث دار كده

أبويا بصلى بصه غريبه كده وقالى : أنت ما اتنيلتش نزلت ليه زى كل يوم ...
أنا وانا مرعوب : أصلى كنت عاوزك فى كلمتين كده يعنى
أبويا : كلمتين أيه إن شاء الله ...
أنا وانا قربت أموت : عاوز 1500 جنيه ... تويت
أبويا : مين ليه ايه يا روح خالتك ليه يعنى عاوزهم ليه ؟
أنا وانا مت خلاص : عاوز عاوز عاوز ...
أبويا وعنيه بتطق شرار :evilish: : أنطق يالا عاوزهم ليه ؟
أنا وانا كنت بندفن أصلاً : عاوز اشترى موبايل يا حاج ..
أوعى أجرى خدلك ساتر وشك مين فين ليه

وكان رد فعل الحاج غير متوقع بالمره ( للساده المشاهدين طبعاً ) بس أهو دا اللى حصل
:evilish: :maaat:

وطبعاً تم نقلى إلى أقرب مستشفى إسسعاف وعملولى عمليه إصلاح ركبتين وتركيب عضمتين وكل عمليات التقويم اللى فى الدنيا حققنة

الثلاثاء

كان مغمى عليا

الأربعاء

بعد ما فقت شويه من البنج ؟؟
لاقيت خير اللهم أجعله خير ...

أبويا وجنبه أمى وجنبهم الدكتوره حقيقة الدكتوره حلوه أوى بس مش مشكله سيبنا منها دلوقتى وجنبهم ايه بقى ظابط

أمى : حمدلله ع السلامه يبنى أمووووووووووا
أنا : الله يسلمك ياما..
أبويا ما نطقش بكلمه
الدكتوره قاستلى النبض والضغط وكل حاجه وقالت : تمام
الظابط بقى : قولى يابنى عشان نخلص التحقيق إحنا مستنيينك تفوق مين اللى كعورك كده
أنا : محدش يا بيه دا انا أتكعبلت من ع السلم وأتخرشمت كده
الظابط : يعنى خلاص ما فيش حاجه صافى يالبن
انا : حليب يا قشطه يابيه
بعد ما الظابط خلع وتمام التمام أبويا قالى : ايه يا واد حركه الجدعنه دى
أنا : عشان تعرف بس انى أجدع منك
أبويا : والا ها .. المهم بص يا عم عشان حركه الجدعنه دى حجيبلك الموبايل ..
أنا : بجد يابا هيييييييييييييه يعيش أبويا
أبويا : المهم عاوز الخط من " أم نبيل " ولا " فوده فون "
أنا : لا ياعم من عند " ام نبيل " عشان حلوة الدنيا مع " هاللو " وكمان يا ريت جهاز " سوكيا " 6610 الجديد دا تبقى راجل تمام
أبويا : ماشى يا سيدى بكره يكونوا عندك
الخميس
نزلت النادى وكله تمام ومعايا السوكيا 6610 مش مع حد فى العيال دى

وفجأه ...

ترررررررررررررررررررن
موبايلى بيرن أصلى كنت موصى الواد حكشه المكوجى يرن عليا ومالهوش دعوه بالباقى
- ألو أيوا أزيك يا نانى عامله أيه
= نانى مين يا بيه دا انا حكشه
- منا عارف واحشانى موت
= ماشى يا بيه بص انا حقفل السكه دلوقتى عشان التلاته جنيه بتوعك خلصوا خلاص
- اوك يا حياتى أشوفك بالليل ...
المهم كل الناس معايا فى النادى أنبسطوا اوى

= مادى ممكن طلب
- أأمرى
= أعمل مكالمه بس
- طبعاً أتفضلى
قعدت فى المكالمه لما خلصت الكارت
نزلت اشتريت كارت تانى
أخده دودو خلصه كمان

الجمعه

اشتريت الكارت رقم 15 النهارده وخلص برضه على ايد الشله

فلست وخلاص دماغى باظت وما فيش فى جيبى ولا مليم احمر ..

ومدايق أوى من نفسى وخلاص بقى متنرفز :evilish: :maaat:

وبعزم ما فيا طلعت الموبايل وعلى طول دراعى

فوووووووووووووووووووووووووووووو

حدفته ولعنت الموبايل اللى اخترع الموبايل واللى خلاه دخل فيه بلدنا

الناس كلها شايلاه اللى لازمه واللى مش لازمه

لو بصينا للى اخترعوه بقى حنلاقيهم مش شايلينه خالص

بس اللى بيشيلوه رجال الأعمال والكبار بس

إنما هنا كل شاب شايله يا أما عشان يتمنظر بيه قدام الشله أو عشان مايبقاش أقل من الشله

وروحت مكسوور الخاطر متضايق مستنى بكره السبت الجديد لما نشوف اخر تقليعه حتطلعلنا من الشله دى

إمضاء ..
شاب جامعى

شمعة غلا كتب:

مشكور على القصه الحلوه ... تقبل مروري

مشكور لمرورك...ودائما تنورينا بردودك

ههههههههههههههههههههههههههههههههه

ماحلاها شمرا على القصه

ههههههههههههههه قصة مضحكه من جد
المسكين يموت حتى يملك موبايل أخر شيء اتبهذل به
ولو كانت المذكره باللغه العربيه الفصحى أحسن حتى يفهموها كل الاعضاء
مع خالص التحيه

أسف الموضوع مش موضوعى...لكن هحاول أدبلجها لعيون العضاء

كاااااااااااااااااااااااااااااااااااااااااااااااااااي وربي انه كاااااااي هذا كلو علشان الجوااااااااال خخخخخخخ

يسلمووووووو على الموزوع الجونااااان

ثـــــلملم

ههههههههههههههه لوووووووووووول
انا أبيع جوالي بكره
والله قصة مضحكة يامي
تسلم صديقي

ينورنى حضورك بنوته.. ويشرفنى ردك فانكى ويسعدنى إنه عجبك