تشيز كيك :: من مطبخي ::

كيفكم أخباركم
أن شاء الله كويسين

ندخل دغري في الموضوع ما نحب الكلام الكتير

اليوم عاملة لكم شيز كيك ان شاء الله يعجبكم المقدار لـ 8 أشخاص

نبداء بالمقادير



طبقة البسكوت :
5 من علب البسكوت << او الشي الي هو جليكوز
ثلاث أرباع أصباع زبدة
نص فنجال قهوة مويا << عشان يعطيها تماسك

طبقة الشيز :
2 كيس دريم ويب
علبة كبيرة قشطهـ قيمر ولا اولكر << او علبتين صغيرة قيمر
4 حبات كيري
ملعقة جلي ليمون تذاب في ملعقتين مويا
فنجال قهوة حليب سائل

للتزين :
صوص فرولة << مدري عن اسمها ب هيا مربا فراولة فيها قطع فرولة

نبداء في الطريقة :




نطحن البسكوت



نضيف الزبدة و نخلطها كويس
و بعد كذا نضيف نص الفنجال المويا الي راح يعطي البسكوت تماسك



نحطها في الصينية و نساويها و نضغط عليها

نروح دحين لخلطة الشيز

نخلط الدريم مع الحليب الين يتكثف

نحط عليها القشة و نخلطها كويس

بعدين نحط الكيري و نخلطها كمان



نجيب الجلي و نحط مقدار ملعقة طعام جلي ليمون نحلها في ملعقتين مويا



نحط الجلي على خلطة الشيز و نخلطها كويس



الين تمتزج و تسير زي الكريمة



نحطها على طبقة البسكوت و نوزعها بشكل متساوي قد ما نقدر




بعد كذا


نحط الصوص على الشيز بحذر لان طبقة الشيز لسا رخوهـ



بعد ما ننتهي نحطها في الثلاجة مدة 6 ساعات او الين تبرد

و تقطع و تقدم و بالهنا و الشفا

نبغى نشوف ردود ههههههع

ههههههههههع

تسلمي حبيبتي

ايش رايك فيني طالعة ست بيت مو << باللهي

يالا نشوفك